09/10/2020
الجمباز
أكيد الاغلبية عمره مسأل نفسه يعنى ايه جمباز و ايه معنى الكلمه أصلا
الجمباز معناها الحرفي مشتق من الكلمه اليونانية ػُمْنَازُو و تلفظ بالعربي رياضة الزوافة و الكملة دى جايا من كلمة زوف
الزوف : كلمة الزوف لوحدها يعني حَلَّقَ
لو فكرنا نحطها فى جملة مفيدة .... هتبقي مثلا .... زاف الطائر فى السماء
يعنى بالمعنى البلدى كده الجمباز هيخليك زى الطيور بيعطيك جوانح :D
و بردو فى معنى تانى لكلمه زوافة
يعني لو حطناها فى جملة تانيه مثلا .... زاف الماء
يعني بالبلدى بردو فص ملح و داب أو اتبخر أو بقي نقط مية
يعني قديما كانوا بيعتبروا الجمباز من أعمال الخفة
(مقصدش الخفة اللى هى خفة اليد بل خفة الجسد كله )
عشان كده فى سبارتا و أثينا أو يونان القديمة عموما كانوا الجنود بيتمرنوا عليها كوسيلة لإعدادهم للحرب
أيووووون .... الجمباز قديم جدا للدرجه دى .
تحب أفجئك أكتر بقي
كان فى بعض المؤرخين بيقولوا أنه مستوحى من البهلوانات فى مصر القديمة و كمان فى رسوم و نقوش موجوده على جدران المقابر و كمان الاهرامات
و فضلوا بقي اليونانيين رجال و سيدات بيمارسوا الجمباز لحد مابقت من ألعابهم الأولمبية .
و اللى حابيين نوصل ليكم بمعنى أدق
أن الجمباز قبل مايكون رياضة كان فن
و لحد النهارده فى كتير جدا بيعتبروه فن عشان انشق منه أكتر من رياضة تانيه و فنون تانيه و على رأسهم الباليه و اللى بيعتبر فن راقي و كلاسيكى
و على الرغم من كل ده فى ناس كتير مبتعرفش تبدأ منين أو تتعلمه فين و ازاى و لا تعرف فوايده الكتير ايه
معانا و فى أكاديمية ديجا .... هنكون سعيدين جدا بأننا نوضحلكم كل علامات الاستفهام اللى بتيجي فى بالكم من ناحية الرياضة و الفن ده
و كمان نحب نوضح أن طنطا فيها أبطال كتير جدا و معاهم ميداليات كتيره جدا و طنطا منافس قوى جدا فى المنافسات و البطولات
عنوان أكاديميتنا سهل جدا : شارع المأمون متفرع من شارع الفاتح أمام مالك ماركت
( يعنى تخلى مالك ماركت فى دهرك و تدخل الشارع فى قدامه على طول )
بس كده و تبقي و صلتلنا بكل سهولة جدا
أكاديميتنا اسمها ديجا Deja Academy
و هناك هنقدر نجاوبك على كل أسئلتكم اللى حابيين تسألوا عنها
ومرحب بيكم فى أى وقت
مواعدنا كل يوم ما عدا يوم الجمعه من الساعه 2 ونص لحد الساعه 11
05/10/2020
17/03/2020
18/02/2020
17/02/2020
14/01/2020
02/01/2020