11/07/2026
ناس كتير بتفضل قاعدة مكانها مستنية اللحظة المناسبة..
بيستنوا الفرصة تيجى تخبط على بابهم من غير ما يتحركوا ليها خطوة واحدة !!
و هنا بقى بتيجي حقيقة أساسية فى الحياة لو مش عارفها فالأيام هتعرفهالك ..
و هى ان الفرص مش بتنزل من السماء و مش هتدور عليك لكن بتظهر فى طريق اللى بيمشي و يسعى..
و هنا لازم تفهم ان السعى مش مجرد مجهود جسدى !! ده حالة ذهنية بتخليك تبحث، تتعلم و تبنى حتى لو مش شايف نتيجة فورية لسعيك..
و انت بتسعى بتكتسب مهارة هنا مهارة هناك تقابل ناس تخزوقك تزود خبرتك و وعيك.. تقابل ناس ولاد حلال تساعدك فى رحلتك و فجأة التفاصيل دى تتجمع مع بعض و تلاقى أبواب رزق انفتحت ولا كانت على بالك و هى دى الفرصة 👌
و هنا اللى قاعد عالكنبة بعيد هيقول على أى حد مجتهد و شقيان استغل فرصته صح ( محظوظ ) 😄
--
و بعدين يا راجل يا طيب .. الله سبحانه و تعالى بيقول فى سورة النجم :
﴿وَأَنْ لَيْسَ لِلْإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى ثُمَّ يُجْزَاهُ الْجَزَاءَ الْأَوْفَى﴾
ربنا يكرمنا جميعا 🙏
