Futbol Sala y Baloncesto del barrio de Os Rosales de A Coruña
Club Deportivo de Fútbol-Sala y Baloncesto, basamos nuestra actividad en el deporte como medio de socialización, vida sana y educación en valores.
25/06/2026
O pasado 20 de xuño os nosos xogadores de Premini, Aiden Galan e Alicia Linos, foron convocados pola selección coruñesa masculina e feminina respectivamente.
Unha alegría para o noso club e o equipo técnico que estuvo estes anos con eles.
19/06/2026
Este é o esultado do directo que acabamos de emitir.
Se tes algun dos números contacta con nós.
Se non atopamos ganador realizaremos un novo sorteo.
SÉNIOR MASCULINO | Semifinais da Copa CD Los Rosales vs BBCA
E chegou o último partido da temporada. Se houbese unha crónica máis, significaría que estariamos falando dunha final. Non foi o caso, pero iso non debe impedirnos mirar atrás e valorar todo o camiño percorrido.
Esta foi unha campaña complexa, desas que esixen paciencia, traballo e confianza. Unha temporada na que houbo que axustar moitas pezas, organizar un grupo practicamente novo e buscar a estabilidade necesaria para que cada xogador atopase o seu sitio dentro do equipo. Porque este proxecto naceu case desde cero, con moitos xogadores que apenas compartiran pista anteriormente e que tiveron que aprender a coñecerse, entenderse e crecer xuntos.
Houbo derrotas que fixeron dano no aspecto psicolóxico e que puxeron a proba a nosa capacidade de reacción. Tamén houbo vitorias que serviron para dar pasos adiante e reforzar a confianza do grupo. Incluso nalgúns triunfos quedou a sensación de que aínda había moito por mellorar, demostrando a esixencia e a ambición que sempre acompañaron a este equipo.
A realidade é que a nosa pretemporada foi toda a temporada. Cada adestramento, cada partido e cada experiencia compartida serviron para construír algo que vai moito máis alá dos resultados. O obxectivo principal era crear unha identidade, formar un equipo e sentar unhas bases sólidas para o futuro.
Agora toca descansar, reflexionar e preparar o seguinte capítulo. Agardamos que a próxima temporada nos atope a todos máis cómodos sobre a pista, cunhas dinámicas de xogo máis fluídas, unhas sinerxías máis fortes e unha maior conexión entre todos os membros do grupo.
Porque, por enriba de todo, hai motivos para ser optimistas. Este é un grupo co que se pode desfrutar, aprender e competir. Un grupo que ten marxe de crecemento e que demostrou compromiso nos momentos bos e nos difíciles. E iso, ao final, é o que permite construír algo duradeiro.
Grazas a todos os xogadores, corpo técnico e persoas que acompañaron ao equipo durante esta aventura. O mellor desta temporada pode que non estea no que conseguimos, senón no que empezamos a construír para o futuro.
1, 2, 3, Ro S
08/06/2026
Rematamos os partidos federados da tempada.
Moitas grazas por acompañarnos, aplaudirnos e apoiarnos. E esperemos que a familia siga medrando na 26-27.
En breve abriremos inscripcións nas categorías de Infantil, Cadete, Junior e Senior, tanto masculinas como femininas.
Toca seguir traballando para que a labor formacional e deportiva sexa a mellor posible.
1,2,3 Ro Sa Les!!!
04/06/2026
Vinde a Ferrol a apoiar ao noso Senior masculino.
1, 2, 3, Ro Sa Les!!!!
04/06/2026
Premini
CD Los Rosales benxamín 16
Resumo da Copa
Oitavos de final: CD Los Rosales 16 EPB 59 - 26 Cambre
Cuartos de final: CD Los Rosales 16 EPB 60 - 39 Compañía de María B
Semifinal: CD Los Rosales 16 EPB 33 - 84 Compañía de María A
Pechamos a tempada cunha gran participación na Copa, acadando as semifinais e rematando entre os mellores equipos da competición. Un premio merecido para un grupo que traballou con ilusión, compromiso e constancia ao longo de todo o ano.
Máis aló dos resultados, este equipo destacou pola súa capacidade para manterse unido en todo momento, apoiándose nos momentos bos e tamén nos máis difíciles. Sempre mirando cara adiante, demostrando respecto polos compañeiros, polos rivais e polo xogo, e entendendo que o verdadeiro crecemento chega a través do esforzo diario e do traballo en equipo.
Queremos felicitar a todos estes pequenos xogadores polas súas ganas constantes de aprender, mellorar e superar novos retos. A súa actitude nos adestramentos e nos partidos foi un exemplo do que significa formar parte dun equipo.
Marchamos orgullosos de todo o conseguido, pero sobre todo da evolución persoal e deportiva que cada un deles mostrou ao longo do ano. Este é só un paso máis nunha aprendizaxe que continúa, e estamos convencidos de que o mellor aínda está por vir.
Parabéns, equipo, por outra gran tempada!
1, 2, 3... ROSALES!
04/06/2026
Babybasket
CD Los Rosales iniciación
Gran peche de tempada para os máis pequenos do club cunha fantástica xornada de pequebasket e convivencia, unha oportunidade perfecta para g***r xuntos e poñer en práctica moitas das cousas que fomos traballando ao longo das semanas.
Queremos felicitar a todos os participantes pola súa ilusión, a súa enerxía inesgotable e as ganas de aprender que demostraron en cada adestramento e en cada actividade. Ver a súa evolución, tanto dentro como fóra da pista, foi sen dúbida o máis gratificante desta tempada.
Rematamos unha etapa chea de aprendizaxes, xogos e bos momentos compartidos, e xa agardamos con ilusión a próxima tempada para seguir medrando, desfrutando e aprendendo xuntos.
1, 2, 3... ROSALES!
04/06/2026
Minibasket Fem
CD Los Rosales 16 - 55 Compañía de María B
Último partido da tempada para as nosas minis, que pechan un gran ano de traballo e aprendizaxe.
Máis aló da diferenza no marcador, o equipo soubo reaccionar na segunda metade, axustando mellor os sextos e recuperando a concentración. Iso permitiunos mostrar un xogo máis ordenado e claro en ataque, así como unha defensa máis activa e intensa.
Queremos felicitar a todas as xogadoras polo esforzo realizado durante toda a tempada, polas ganas constantes de seguir mellorando e pola actitude sempre positiva ante cada reto e proposta. Tamén queremos agradecerlles a confianza depositada e a unión que demostraron nos distintos momentos deste proceso.
Rematamos a tempada orgullosos do traxectoria e con moita ilusión por seguir medrando xuntos.
Imos a por máis na próxima tempada!
1, 2, 3... ROSALES!
01/06/2026
Abrimos portas en tódalas categorías femininas.
Información en:
[email protected]
604076368 vía WhatsApp.
Sénior Masculino | C.D. Los Rosales 84 - Cambre 54
Gran partido do noso Sénior Masculino para conseguir unha importante vitoria por 84-54 fronte a Cambre e certificar o pase ás semifinais da copa.
Os nosos xogadores realizaron un encontro moi completo en moitos aspectos do xogo. Vimos transicións rápidas, contraataques moi potentes e unha intensidade defensiva moi alta durante practicamente todo o partido. O equipo soubo controlar aos xogadores máis determinantes do rival e marcar o ritmo do encontro desde os primeiros minutos.
A única nota negativa foi a cantidade de veces que caemos nas fintas de tiro do rival, algo que acabou concedendo demasiadas canastras fáciles. Un detalle a corrixir, especialmente pensando no nivel de esixencia que teremos na seguinte eliminatoria.
A pesar diso, o balance é positivo. O equipo mostra unha gran evolución dende a primeira xornada ata hoxe, e chega ás semifinais con moita ilusión, pero tamén sabendo que fará falta moitísima concentración e intensidade se queremos optar a disputar o último partido da competición: esa final de copa que sería un premio enorme para o traballo realizado durante a tempada.
Unha tempada que non foi sinxela, nin no deportivo nin no emocional, pero na que o grupo foi capaz de ir superando dificultades e converténdose pouco a pouco un equipo, que o próximo ano xa ten parte da pretemporada feita.
Agora toca seguir traballando e preparar a semifinal coa máxima ambición.
❤️🖤 1, 2, 3, Ro Sa Les!!
| Lunes | 19:00 - 20:00 |
| Viernes | 19:00 - 20:00 |