23/12/2022
لامين يامال (جمال) 15 سنة من أب مغربي و أم غينية لاعب فريق الشباب juvenile A برشلونة من أفضل المواهب لي دازت فلاماسيا من بعد غافي و يعتبر من بعض المدربين أفضل ما داز فالٱكاديمية حيث حاليا كيلعب مع لاعبين أكبر منو ب 3/4 سنوات بسبب المستوى الكبير ديالو لي كيخليه متفوق بشكل كبير على الفئة لي كان كيلعب فيها cadet B هو كيلعب فجميع مراكز الهجوم ب 4 و بواحد الجودة لي كبيرة بزاف و كيتميز بلمسة مهارية و فنية لي كذكرني شخصيا بطريقة لعب البرازيلي ريفالدو. لامين حاليا هو من الملفات المهمة عند إدارة برشلونة باش يجددو ليه لأنه رهان د المستقبل و جوهرة مخصش الإدارة تخلى عليها لأنه كاين تطلعات باش يتم إخراج ميسي جديد. بالنسبة للمنتخب الوطني وعلاقة لامين يامال بيه ف اللاعب معمر الجامعة نادات عليه لأنه حاليا كيمثل منتخب كتالونيا و منتخب إسبانيا للفتيان و التألق ديالو مغاديش يخليهم يطلقوه باش يمثل المغرب مستقبلا حيث مشروع المنتخبات السنية فإسبانيا أفضل و بأميال بعيدة مقارنة بهاد شي لي عندنا فالمغرب ثاني عامل لي كيخليني مكنشوفش يامال يقدر يمثل المغرب هو الأب ديالو لي كيحاول شحال من مرة ينقل الإبن ديالو لمدريد وخا ولدو باغي يلعب لبرشلونة وهنا يقدر الإتحاد الإسباني يغريه و يخليه يضغط على ولدو باش يمثل إسبانيا العامل التالت هو وكيل الأعمال ديالو Ivan De lapeña الغني عن التعريف عند البارساويين و العراقيل لي كيدير الفرقة فكل تجديد للاعبين لي كيمثلهم و ٱخرهم Gavi يقدر تا هو يكون عندو دور فالتأثير على لامين يامال باش يختار اسبانيا.
الصراحة الملف ديال لامين يامال غادي يكون ساخن و مليء بالإثارة من هنا القدام بين المغرب و إسبانيا ولكن بالنسبة ليا الأمر محسوم لإسبانيا للعوامل اللي الفوق و بصراحة هادي أول مرة غادي نتحسر على موهبة كبيرة نقدرو نضيعوها ولكن راه بالعقل إسبانيا كونت اللعاب فخصها تاخدو غير هو كيبقى عندنا أمل إلياس أخوماش و شادي رياض غادي يمثلون المغرب إن شاء الله.
21/08/2022
26/01/2021