Moghreb Tetuáni in the world

في 1993 خسر أشبيلية كونطرا البارسا فدقيقة واحدة دخلو فيهم هدفين تعصب طرينادور عليهم كان كيدربوم بيلاردوا دك الساعة و باش يربيهم ناض في صباح مشا جاب 11 لاعب من فريق الأشبال تحت 10 سنوات و قالوم أتلعبوا ضدوم و طلب منوم يلعبوا بجدية كاملة فحال لاعبين ضد فريق من الكبار .. و بعد أقل من دقيقة سجل فريق الكبار هدف و من بعد ما تسالت الدقيقة لولة صفر بيلاردوا و وقف المباراة، قدم الشكر لأطفال ثم أجتمع مع الملاعبية ديالو في نص كامبو و قالوم و هو ساخط : يا ولاد ...... !! البراهش و ما دخلشي فيهم 2 د غولييس في دقيقة واحدة ..... هههههههه
ملي قريت هاذ المقال على هاذ التصرف تفكرت هاذ الحماق لي عدنا الباص مكيعرفوشي يطلقوه الكرة مكيعرفو يخرجو بها أو يزيدو بها كيضحكو على بنادم بهاذ اللعب د الق...

كان حلما و أصبح بخارا ..
لهذا أنقولكم واحد الحاجة ما تحلموشي بزاف حيث عمرو يكون شي كامبو فتطوان غير رتحو اخوتي ..

السلام عليكم ..
عدنا و العود أحمد ..
الصراحة تقال كرة القدم فالمغرب إشاعة التلوث البصري ماشي الكرة ...
ما تقدرشي تكمل الفراجة فيهم حيث ما يمكنشي يكونو هاذ اللعابة كيدربو و هما مشلين هايدا لا يعقل ...

أرضية الملعب كارثية ما صالحاشي للعب حيث مصيبة الكاحلة ..

بعض العناصر الجديدة كيبان فيها الضاو خصا غير الخدمة و مسانسة شوية ...

براهش ديالنا خصوم يعوطو راسوم ما يطرطقوشي بزاف ...

و سي بلال ميغري الله يسمحلو ....
و أخيرا الفيلالي يزولولو دك كابتن حيث لا يمثلها

السلام عليكم معشر الأوفياء ..

غبرنا و لكن هادشي لي واقع ما قدرتشي نبقا ساكت حيث بزاف على هاذ العشوائية لي غارقين فيها ، حيث تطوان كمدينة رحمة الله عليها و كفريق يعيش مراحله الأخيرة كنهدر هاذ الكلام و ربي عالم بيا كيف مغيير على الفريق ديالنا و المدينة كذلك ..
كرة القدم إشاعة فهاذ البلاد بلا ما يغركم لا مونديال لي جاو فيه الرابعين الله يخلف على أوروبا كبرت و سهرت باش خرجتلك دك النخبة من اللاعابة أما حنا بلادنا و كنعرفوها مزيان .
الكرة فبلادنا القوي فيها كياكول الضعيف 4 د الفرق فهاذ البلاد فقط تا باقي غير طحنا و زيد ، حيث ملي ماجي بارطيدو نهار الأحد تدخلت السياسة باش تخلي جمهور الخصم يجي فحال تقول حنايا زايدين ناقصين ما عدنا تا نفس أو كلمة ، علاش ديالوم كيعملو عليهم المستحيل باش يخليوهم يجيو و تا السلطة كترضخ للضغط منعراف ماين كيجي ؟؟ أولى حيث حنا حيط قصير ؟؟
طنجة الفريق الوحيد لي تمنعت الجماهير ديالو تجي علاش ؟؟ واش طنجة ماشي مدينة مغربية ؟؟
واش جمهور د طنجة ما عليهشي الله يتفرج فالكيمبو ديالو و يتعدل الديربي بلا جمهور ؟؟
واش حلال على كازا و فاس و رباط و بركان و زيد و زيد اما ملي حنا نوضو نلعبو ضد طنجة يجي المنع ذهابا و إيابا ، أقسم بالله العلي العظيم واخا هاذ العداوة بين الجماهير لي كنشوفا غير فوسائل التواصل الإجتماعي و لكن و الله ما نوصلو للهمجية د بعض الجماهير داخل التراب الوطني ،
حيث عمرك تشوف شي شمالي بصفة عامة عامل شي دراما فشي مدينة ماشي ديالو عمرك تشوف شي شمالي سارق او طالع يسعالك مع العكس د بعض الجماهير للحمد لله عارفة راسا شيني ساوية من الناحية د الهمجية و السرقة مع ذلك السلطة كتسهلوم الطريق و تخيلهم يتنقلو بكل أريحية ..
أما نهار يجي الديربي د الشمال لاء العكاز فالرويدة عمل المنع و ما تخليهومشي يجيو لا حنا نمشيو لطنجة و لا طنجة تجي لتطوان .....
صافي لغيو هاذ البطولة و زيد عليها ما عدنا علاش أصلا نلعبو فواحد البطولة لي فيها ازدواجية المعايير القوي فيها كياكول الضعيف ، حيث ملي دخلت السياسة للكرة فغير جمع ق...
ما بقات بو كرة و الله يلعن ط..... هاذ الكرة فينما كانت ...

السلام عليكم معشر المحبين ..
البوسط ديالي على المهزلة د اليوم لي ما خصاشي تدوز مرور الكرام ، ما غاديشي نهدر على الأداء و النتيجة كثار ما أنهدر على التنظيم و طريقة ولوج الملعب و أيضا الإحتلال فوسط بلادنا و هادشي كامل بسبب أشباه الرجال لي كيقولو على راسوم تطوانين ..
ما عمري فحياتي شوفت هاذ الفضيحة و هاذ الإنفلات تا شوفتو اليوم ، ما يمكنشي الجمهور التطواني يكون رخيص تا نهاذ الدرجة باش يجي أخور ضارب 400 كيلومتر يجلس معك فالمدرج ديالك ماين جيبتو هاذ الفهامة ، فالعالم و ناس لي كتعرف الكرة و كذا مكتعملشي هادشي لي عملوه هاذ اللجنة المؤقتة د الفريق لكنحملوم المسؤولية على هاذ الفضيحة .
كيف يعقل تخصص الملعب تقريبا النص فيه لجمهور الخصم ؟ في ظلم صارخ لمبدأ تكافؤ الفرص ، كيفاش يجي الخصم يجلسلك فوسط الملعب و معك جالس و يجلس معك فالمنصة ديالك فاين شوفتو هاذ الكارثة هادي .
مكنهدرشي على الجمهور د الرجاء شغلوم هذاك يجيو تا مليون بهم و لكن 5٪ خصا تطبق فالملعب 600 ورقة تعطيهالوم الله يخلف الله يجعل شي بركة و عطيهم القنت د الملعب و حميهم و خلي الجمهور ديالنا يدخل حيث حنا لي أولى بالدخول ماشي هما ، ما يمكنشي أخور كيغني الأغاني ديالوم فوسط منك راه لا يمكن ، ما يمكنشي يجي اخور يجلس معك فالمنصة فاين شوفتو هادي ...
هاذ اللجنة كل مرة كتبيين على الضعف ديالا فالتسيير و كتبين بلي ماشي أهل للثقة باش يشبرو زمام الأمور فالفريق حيث هذا غير التنظيم ما توفقوشي فيه .
نقطة أخرى كيفاش بنادم مخلص رزقو و شاري الكراطي د المنصة كيعاني فالدخول ديالو للملعب ؟؟ كيفاش اخور بالكارطة ديالو كيبقا بالساعات كيستنى برا و ما كاين لا احترام لا تا شيحاجة ، ياك كتطلبو 150 درهم للمنصة و عملولا الدخلة ديالا بوحدا باش ناس تدخل منا ماشي الملعب كامل عندو داخلة واحدة كيدخل منا و هذا محشي فهذا فالٱخر الجمهور هو لي كيتسمى ماشي منظم ، هادشي ماشي معقول ....
يتبع ف بوسط اخور

السلام عليكم و رحمة الله ...
غبرنا عليكم هاذ المدة و لكن إن شاء الله نبقاو مرة مرة نبانو ..
أنهدر على واحد النقطة لي رجعت عاملالي الحريق فالراس ديالي و عييت نقول ما نهدرشي و لكن الصبر تسالا مع هاذ الناس ...
لامبيكا رجعت عامرة بالسفهاء و المنافقين علاش حيث أي واحد داخل رقعة الملعب كيتعرض ل السب و الشتم ، قبل ما تشجع الكرة و الفريق ديالك عمل واحد القاعدة راسخة فعقلك أنك مسلم موحد كتأمن بالله يعني حرام أنك تسب خاك المسلم و أنك حرام تقول الكلام الفاحش ، أيجيو شي بعضين أيقولك اذا ما خصكشي تسمع ما تجيشي أنزيد نأكدلك و نعاودالك بلي راك مسلم حرام مطلق تسب أخاك المسلم فحالك و تسب الدين ، حيث بهاذ التصرف كتخرج من الملة و خصك تعاود بالتشهد و تستغفر ربك و تنوض تغتسل باش لعل و عسى ربي يسمحلك ..
دابا علاش الإنسان أيخسر الدنيا ديالو على مجرد 2 د ساعات كيهبط يكسر الروتين اليومي ديالو ، كاملين كنتعصبو اييه و لكن ماشي لدرجة الملعب كامل و الحكم و الحكم و ولد .... و لا شي لاعب من ديالنا ضيع شي كرة كيتجبدولو الأجداد و العروق و الدين و الملة ديالو بكل وحشية فحال تقول حنا فالزريبة ، استحضروا الله و الملائكة لي مع أي واحد فينا كتزمم عليك كل صغيرة و كبيرة عملتيه تقدر غدا يوم القيامة توقف نتا و دك اللاعب أو دك الحكم لي سبيتيه و دك الساعة شوف واش أيسمحلك هو هادشي اقسم بالله خص الواحد يعمل فيه إعادة النظر ماشي يديه ضحك أو استهزاء حيث حنا مسلمين موحدين ماشي كفار ، و لي بغا الكفار يمشي يعيش معاهم ما يجيشي يصدعلنا راسنا ...
حاجة أخرى القراعي رجعو كيتشيرو على المخيار و الفوطو لي منزل اذا دققتو اتشوفو شحال من قرعة مسيبة بلا أي سبب لاعب د الخصم داز بنادم كيشيير عليه علاش منعراف واش بنادم حيوان تا نهاذ الدرجة مع العلم الحيوان مكيعملشي هاد التصرفات أبدا ، كنتو كتلصقو فالألتراس هما سبب المشاكل زداق المشكل فبنادم كان مخبع فالألتراس و كيعمل الزبايل و هو مخبع ، بنادم يفيق شيحاجة راه الكلاخ خرج علينا و الجهل و هو سببنا فهاذ الإنحطاط لي وصلنا ليلو فجميع النواحي لا كرويا و لا أخلاقيا ، حيث المجتمع تفسد من جميع الإتجاهات ...
اللهم إني قد بلغت اللهم فاشهد ..

جاب بينالتي ✅
ضيع بينالتي ❌
زهرك مقود ا سعود

و خرج دك ق...... د غولوس واش اتجهلنا

شوط أول أقل ما يقال عنه كارثي بكل ما تحمله الكلمة من معنى
تمريرات خاطئة بالعرام ، لاعبين مقتولين تقول كانوا لاعبين البارح ..
الفيلالي كارثة بكل المقاييس الخرجات ديالو غير مفهومة بتاتا ...
الأزماني خصو يخرج هو و الودراسي و غولوس
و السلام ...
المودن عوط راسك معانا كثار من كرة طلقتيها غالطة

المغرب التطواني له عشرات المدربين كلهم تخرجوا من معهد claire fontaine وحاصلين على شهادة A P وشهادة FIFA PRO ديال المقهى 😂

صباح الخير معشر الأوفياء الذين يفقهون في كرة القدم .

طلعلي فراسي هادشي اخوتي و الله ، حنا عدنا بنادم ضد الفريق عدو دهاذ المدينة ، كيفهمو فكلشي خارجين على كلشي مكيعرفو يهدرو و لا يفكرو و لا حتى حاجة خلقو باش يسبو عباد الله و يقذفو فالناس و ينتقدو أي حاجة ..
المدينة ديالنا رجعو فيها غير الفلاسفة د ربع كيلو ، الله يا ودي المنكر تطوان تقريبا كاملة ضد المدرب ، شيني عملكم هاذ السيد واش تيقتو راسكم و لا كيفاش ؟؟؟
انا أنفكركم بشيحاجة لعل و عسى تفيقو
حنا عايشين فالمغرب ننتمي للقارة الإفريقية ، و كنلعبو فالبطولة الوطنية لي اللاعب فيها ما كيقدر يعمل لا كونطرول لا والو ، يقدر يلعبلك اليوم و فالعشية تجبرو كيشيش ف مرتيل هذا راه المغرب البطولة ديالنا اذا جيتي تعمل مقارنة مع شي دوري ايجيك الضحك ، تقدر تغلب الوداد موراها بسيمانة تخسر مع رجاء بنسودة واخا هما فالهواة مع احترامي لهاذ الفرق بجوج ...
النهج و الوتيرة د البطولة معروفة بلا ما تعملو فيها فلاسفة و كتعرفو و خصكم غير تهدرو السيد لحد الساعة عندو 2 خسرات و عندو 15 نقطة السيد حقق نصف النقاط د العام لي فات باش بقينا بدراع لهما 30 نقطة السيد حقق 15 غير ف 9 د الجولات ...
2 د الخسرات معروفين كيف جاو الاولى فالدقيقة تسعين ضد فاس و الثانية خطأ فادح من دك الحمق د الفردوسي سبب فالحمرة و هدف موراها نيشان ، التعادل د الزمامرة غلط من نفس اللاعب جا الهدف منو مباشرة ، نهار الجمعة ضد وجدة الفيلالي دبر عليهم 3 د نقاط حرز الله كاين بادجي جيبنا التعادل ، يالاه قولولي شيني ايعمل المدرب ملي اللاعبين كيخدلوك فحال هايدا ؟؟؟
دائما كنقولا و كنكرر الجمهور ديالنا هو السبب فلي كيوقع للفريق انتقدت الاولتراس و لكن هاذ الناس حاليا مقاطعين اذا لي كيتفرجو دابا شكون ؟؟؟
المصيبة أي واحد دخل ن الملعب كيتعرض للسب و القذف ما بقيتو كتوقرو تا شيواحد اللاعبين د الخصم كتعرضو للسب بلا سبب المدربين و الطاقم ديالو ، القراعي ما كيتوقفوشي من التشيير و ملي يطبقو فينا القانون كيقولك كيظلمونا شكون ظلمكم ؟؟ و نتوما كتظلمونا معاكم
و المدرب ديالنا و ما فلتش منوم دك النهار من المنصة حشومة عيب و الله اذا عيب ، بنادم كيسمي راسو مسلم و كيوحد الله و هو كيسب خاه المسلم هايدا بكل برودة و الملعب كامل بدون استثناء ما كاين غير هذا كيقذف فهذا ..
فاينيا هاذ الحضارة لي كنتغناو بها فاينيا ؟؟
انا كنشوف ما بقات بو حضارة رجعنا فحالنا فحال شي مناطق من هاذ البلاد السعيدة ، كنا مميزين واحد الوقت بالأسلوب ديالنا و الثقافة و الرقي اما دابا دبصاح كنمثلو مجتمع واحد لا فرق بين الشرق و الغرب و الشمال و الجنوب ، و هاذ الهدرة بغاها الواحد او كره فهذا واقع .....