08/10/2026
O CONCELLO DE BAIONA FELICITA A IRIA LUDEÑA POLOS SEUS TRES ÉXITOS NO CAMPIONATO DO MUNDO DE DRAGÓN BOAT
O Concello de Baiona quere trasladar a súa máis sincera felicitación á deportista baionesa Iria Ludeña pola extraordinaria actuación protagonizada no Campionato do Mundo de Dragón Boat, celebrado recentemente na cidade chinesa de Hangzhou.
A palista baionesa, integrante do Kayak Tudense e da Selección Española, regresou desta cita mundial cun espectacular balance de dúas medallas de prata, que lle outorgan dous subcampionatos do mundo, e unha medalla de bronce.
Iria Ludeña acadou o primeiro subcampionato do mundo na proba DB 2000 sénior masculina, mentres que a segunda medalla de prata chegou na modalidade DB 2000 sénior feminina. A estas dúas medallas sumou un bronce mundial na proba DB 200 feminina, completando así unha participación excepcional no Mundial de Hangzhou.
Desde o Concello de Baiona queremos poñer en valor non só estes magníficos resultados, senón tamén o esforzo, a dedicación, o traballo e o compromiso que hai detrás de cada un deles. Representar a España nun Campionato do Mundo e subir en tres ocasións ao podio é un logro do que toda Baiona pode sentirse especialmente orgullosa.
Iria Ludeña volve demostrar, unha vez máis, o gran nivel do deporte baionés e convértese nun referente para as novas xeracións de deportistas do noso municipio.
O Concello de Baiona quere facer extensiva esta felicitación ao Kayak Tudense, á Selección Española e a todas as persoas que acompañan e apoian a Iria na súa traxectoria deportiva, así como ás súas compañeiras e compañeiros de equipo.
Noraboa, Iria, por levar o nome de Baiona ao máis alto do deporte mundial. Estamos moi orgullosos de ti! Jesús Vázquez Almuiña