26/06/2026
بشكل منطقي وواقعي، وبلا عاطفة زايدة.. إبراهيم دياز يعتبر قطعة تكتيكية أساسية داخل المنظومة الهجومية للمنتخب الوطني المغربي، ومن أفضل المواهب لي كاينين عندنا حالياً عند المدرب محمد وهبي.
غريب كيفاش بعض الجماهير كتنسى المجهود الجبار والقتالية الكبيرة لي كيقدمها اللاعب في كل مباراة، وكتحكم عليه فقط من خلال لقطات معزولة وفي مباراة واحدة! الاعتراف بالخطأ فضيلة، ودياز فعلاً يمر بفترة كيبان فيها واحد العيب تكتيكي واضح: التركيز على المجهود الفردي أكتر من اللعب الجماعي، والاحتفاظ الزائد بالكرة.
ولكن واش هادشي حيت أناني؟ أكيد لا!
إيلا شفنا اللعب ديالو مزيان وبشكل تكتيكي، دياز لحدود الساعة كيلعب وتحت ضغط رهيب حيث تيتعتبر النجم الأول للمنتخب؛ وكيحاول يقدم أفضل ما عنده بأي طريقة، هاد الرغبة الزايدة في إسعاد الملايين وضغط إثبات الذات هي لي كتخليه يتسرع ويطيح في فخ الفردية بعض المرات ويفقد التركيز ديالو وخير دليل في المباراة الاخيرة ضد هايتي.
عقلو على هاد الكلام مزيان.. الماتش الجاي ضد هولندا غاتشوفو نسخة خرافية من دياز وغادي يماركي أول أهدافه الحاسمة في هاد البطولة هاد النوع من الماتشات الكبار هو فين كيبان المعدن الحقيقي ديال أسود الأطلس، والمنتخب ديالنا عودنا ديما أنه كيكبر وكيتحفز ضد العمالقة.. والرد غيكون في مونتيري بالمكسيك!
شاركونا ارائكم في التعليقات! 👇
