15/09/2026
A Xunta Directiva do Club Acuático Umia decidíu por unanimidade outorgar a distinción de 𝘀𝗼𝗰𝗶𝗮 𝗱𝗲 𝗵𝗼𝗻𝗿𝗮 á nosa querida 𝗟𝗶𝗱𝗶𝗮 𝗔𝗯𝗼𝘆 𝗔𝗴𝗿𝗮𝘀𝗮𝗿 🧡
O recoñecemento foi entregado durante a recepción oficial no Concello de Caldas de Reis . Un pequeno detalle que nace do orgullo, cariño e gratitude que sentimos por Lidia e por todo o que representa para todas e cada unha das persoas que formamos parte desta familia.
Foi un momento cheo de emoción. Puidemos revivir en vídeo a final do Europeo de Roma —ese ouro que xa forma parte da nosa historia— e percorrer a través das fotos a súa traxectoria dende 2017. Anos de esforzo, de constancia, de bos e tamèn momentos non tan bos...pero sempre con esa gran actitude e eterno sorriso que sempre nos amosa a nosa capitana 🥰
Lidia convértese así na segunda deportista en recibir esta distinción por parte do club, logo da nosa lenda, Antía García Silva. Dúas mulleres, dúas referentes e dous exemplos de que nada è imposible.
Grazas, Lidia, por levar sempre con nós ese sentimento. Por moitos anos 🫂
Federación de Salvamento y Socorrismo de Galicia
Real Federación Española de Salvamento y Socorrismo
Deporte Galego
Deputación Pontevedra
