Club do Mar de Mugardos

07/09/2026

Abrimos as portas da nosa Escola de Remo durante todo o mes de setembro! Unha oportunidade perfecta para que nenos e nenas coñezan o remo, desfruten do deporte e formen parte do Club do Mar Mugardos.

Para nenos e nenas nacidos no 2018 e anteriores.

📅 HORARIOS

Durante o mes de setembro, os adestramentos terán diferentes días e horarios segundo a categoría.

👉 Todos os horarios detallados de setembro están na táboa desta publicación.

A partir de outubro retomaremos o horario habitual da Escola de Remo, con adestramentos os luns, mércores e venres de 16:00 a 18:30 h.

Este horario é orientativo e poderá sufrir modificacións para adaptalo ás diferentes categorías e resto de actividades, ao número de deportistas inscritos/as e á organización dos grupos

📣 REUNIÓN DE PRESENTACIÓN

Durante o mes de outubro realizaremos unha reunión de presentación coa familias, na que trataremos todos estes aspectos e concretaremos a organización definitiva da Escola de Remo para a nova tempada: categorías, grupos, horarios e funcionamento dos adestramentos.

📅 5 de outubro
🕗 20:00 h

Será tamén un momento para resolver todas as dúbidas e poñer en común a organización da tempada 2026/2027. ❤️

💶 COTAS

❤️ Socios/as: 15 €/mes
🤍 Non socios/as: 20 €/mes

📝 INSCRICIÓNS

As inscricións poden realizarse online a través do formulario publicado en:

🌐 www.clubdomarmugardos.com

📩 Máis información:
[email protected]

📞 626 35 41 03 / 625 63 21 11

11/08/2026

GRAZAS! ❤️
Aínda que non hai palabras para agradecer o que supuxo a Festa do Marisco desta fin de semana, imos intentalo!

Queremos dar as grazas a todas as persoas pola vosa asistencia á nosa cita, polo bo ambiente que se respirou durante toda a finde e por axudar ao bo desenvolvemento da festa. Grazas por elixir desfrutar con nós e polo voso apoio e o voso exemplo de civismo. Sodes moi grandes!

Queremos dar as grazas tamén a todas esas persoas colaboradoras que vedes traballando para que a festa saia adiante, que nos prestan o seu tempo e as súas mans e sin as cales sería imposible algo como isto. Equipo de traballo, sodes ENORMES!

Agradecemento especial para os establecementos locais que colaboran con nós (e moito!): GRAZAS!! Carnicería Maceiras, Pescadería El Rociero (Cris!), Estanco Lupe e Honolulú.

Así como á Sociedade de Amigos da Paisaxe Galega (O Seixo), AVV Limodre e Concello de Mugardos sabemos que sabedes o importante que son estas colaboracións ☺️
Pregamos desculpedes o tempo que nalgún momento tivestes que agardar pola comida e tomamos nota das vosas aportacións e suxestións para poder seguir aprendendo e mellorando.

E por suposto, agardamos poder seguir contando con vós para a seguinte edición!!

Antes de pechar! Grazas Miguel ;), DJ Mike, As Pías e La Promesa Pop Rock (tremendos!!).

Vémonos no Club do Mar de Mugardos!! 🌊❤️

06/08/2026

🦀🦐 A SALA FITNESS PERMANECERÁ PECHADA O PRÓXIMO SÁBADO 8 E DOMINGO 9 POR MOTIVO DA FESTA DO MARISCO 🦐🦀

05/08/2026

🦐🦀 XA ESTÁ AQUÍ A FESTA DO MARISCO! 🦀🦐

📣 Lembrámosvos que esta fin de semana, 8 e 9 de agosto, temos unha cita no Club do Mar Mugardos para desfrutar dunha boa mariscada, bo ambiente e moitas ganas de pasalo ben! 🌊❤️

📅 Sábado 8 e domingo 9 de agosto
📍 Club do Mar Mugardos

Agardámosvos! ❤️⚓

29/07/2026

🦐🌊 Xa está aquí a XII Festa do Marisco do Club do Mar Mugardos! 🌊🦐

📅 8 e 9 de agosto

Dous días para desfrutar do mellor ambiente, boa comida e música en directo.

🎟 Venda anticipada de tickets xa dispoñible no Estanco de Lupe, Honolulu e na cantina do Club. Tamén o mesmo día dende as 12:00 h.

🪑 Haberá carpa con mesas e cadeiras.

Xunta á familia e aos amigos e ven vivir unha das citas imprescindibles do verán en Mugardos. ¡Agardámosvos! ⚓💙

27/07/2026

🚣🏻‍♀️Logo dunha fin de semana repleta de emocións ❤️, dende o Club do Mar gustaríanos compartir o noso sentimento e a satisfacción de facer unha boa regata na casa, con todas as persoas que vos achegastes a animar á nosa traíña dende o peirao, con toda a veciñanza que fixo que a xornada do sábado fose máxica ✨ GRAZAS!!🙏🏼 🖤❤️

Tamén queremos aproveitar (porque sabemos o que costa chegar aí e todo o que conleva 💪🏼), para facer chegar os nosos PARABÉNS ás/aos deportistas locais que están a facer un enorme traballo con grandísimos resultados, e dos cales no Club do Mar sentímonos orgullosísimos/as!

❤️❤️❤️👏🏼👏🏼👏🏼

Galicia de Mugardos, Agrupacion de Montaña e Escalada Bestarruza, Bestarruza Agrupacion Montaña, Belén Toimil, Irma Veiguela (Federación Galega Atletismo)!

NORABOA!! 🖤❤️

25/07/2026

Cabo da Cruz se impuso en la sexta jornada de la Liga Galega de Traiñeiras A

24/07/2026

❤️

El Club do Mar, sexto en la Liga A, se prepara para acoger su décima Bandeira con una trainera cargada de canteranos

23/07/2026

O Alcalde de Mugardos, Juan Domingo de Deus, xunto co Presidente do Club do Mar de Mugardos, Pablo Robatto Rañales, e a rapazada integrante das categorías base, asistiron hoxe á presentación da X Bandeira de Traiñeiras Concello de Mugardos, que tivo lugar nas inmediacións da sede do dito Club. Ambos destacaron a importancia de seguir traballando e colaborando xuntos para manter vivo este deporte tan importante para Mugardos.

A regata, proba puntuable dentro co calendario da Liga Galega de Traiñeiras, disputarase este sábado 25 de xullo no peirao de Mugardos ás 12:35h, e contará coa presenza dos equipos integrantes da liga A: Cabo de Cruz, Samertolameu, Bueu, A Cabana, Mecos, Narón, Tirán, Cesantes, Castropol e Mugardos.

Tanto o Concello como o Club do Mar animan a todas as persoas a que se acheguen a desfrutar da regata dende o Peirao de Mugardos. Ao rematar a regata, o Club do Mar como club anfitrión, ofrece a posibilidade de poder xantar co resto de deportistas e afecionados nas instalacións do Club a todas aquelas persoas que desexen seguir apoiando na que, agardan, sexa unha satisfactoria xornada de remo

🗣️ O Alcalde de Mugardos, Juan Domingo de Deus, xunto co Presidente do Club do Mar de Mugardos, Pablo Robatto Rañales, e a rapazada integrante das categorías base, asistiron hoxe á presentación da X Bandeira de Traiñeiras Concello de Mugardos, que tivo lugar nas inmediacións da sede do dito Club. Ambos destacaron a importancia de seguir traballando e colaborando xuntos para manter vivo este deporte tan importante para Mugardos.

🚣 A regata, proba puntuable dentro co calendario da Liga Galega de Traiñeiras, disputarase este sábado 25 de xullo no peirao de Mugardos ás 12:35h, e contará coa presenza dos equipos integrantes da liga A: Cabo de Cruz, Samertolameu, Bueu, A Cabana, Mecos, Narón, Tirán, Cesantes, Castropol e Mugardos.

👉 Tanto o Concello como o Club do Mar animan a todas as persoas a que se acheguen a desfrutar da regata dende o Peirao de Mugardos. Ao rematar a regata, o Club do Mar como club anfitrión, ofrece a posibilidade de poder xantar co resto de deportistas e afecionados nas instalacións do Club a todas aquelas persoas que desexen seguir apoiando na que, agardan, sexa unha satisfactoria xornada de remo.

21/07/2026

Este sábado temos unha cita co mellor remo! ❤️

🎉 Agardámosvos a todos para animar ao noso equipo! Cada voz e cada aplauso contan. 💪

🍽️ Ao rematar a regata, celebraremos a xornada cunha paella popular nas instalacións do Club do Mar.
💶 10 € por ración (ata esgotar existencias).

🍻 Ademais, haberá servizo de barra durante toda a xornada e, despois da regata, seguiremos coa festa da man de DJ Mike 🎶🎧.

Non faltedes! ❤️🚣