Federación de Caza de Ourense

🎯 GRAN TIRADA COMBINADA COMPAK & RRCC — 100 PLATOS
🎗️ En memoria de Raquel García
📍 Polígono de Tiro A Goberna (10º Aniversario 2016–2026)

📅 Domingo, 27 de Septiembre de 2026
💥 Modalidad: 100 platos combinada (Compak Sporting + RRCC)

💰 Inscripciones:
• General: 60 €
• Damas y Junior: 30 €

Agradecemos el respaldo del Concello de Beariz, FGC Ourense, Corsivia, Armería Prieto, Armería O Taller Do Antonio, Armería Carril García, Manso Pintura y Decoración, Bracos Valle de Fuentes y el Campeonato de Caza Contra el Cáncer Infantil.

👉 ¡Guardad la fecha en el calendario! Iremos ampliando información sobre horarios y reservas.
INSCRIPCIÓN: https://sites.google.com/view/agobernatiro/contacto-y-encuestas/tirada-septiembre?authuser=0

🖤 EN MEMORIA DE RAQUEL GARCÍA

Desde a Federación Galega de Caza en Ourense queremos expresar o noso máis profundo pesar polo falecemento de Raquel García, cazadora e tiradora á que tivemos a oportunidade de coñecer e recibir como participante nos nosos campionatos.

Hoxe a familia da caza e do tiro deportivo está de loito.

Queremos trasladar todo o noso cariño e as nosas máis sinceras condolencias á súa familia, amigos e, de maneira especial, á súa parella e compañeiro Jesús, que tamén compartiu con nós xornadas de competición.

Desexámoslles moita forza para afrontar estes momentos tan difíciles. Descansa en Paz, Raquel.🕊️🖤

🌾🐦 COMEZA A MEDIA VEDA!

Este sábado dá comezo a media veda, unha nova cita no calendario cinexético que nos leva de volta ao campo.

Desde a Federación Galega de Caza en Ourense queremos desexarvos a todos unha moi boa apertura e moita sorte nas vosas xornadas de caza. 🍀

Lembrade levar toda a documentación en vigor e, sobre todo, actuar sempre con responsabilidade, respecto e máxima seguridade.

💚 Desfrutade do campo, dos cans e dos compañeiros.

Boa media veda e boa caza a todos! 🌾🐦

🚨🐾 AXUDÁDENOS A ATOPAR A TORO

Hoxe achegáronse ata a Federación para pedirnos colaboración na difusión da desaparición de Toro, visto por última vez no Concello de Cartelle, pola zona da Seara.

Pedímosvos especialmente aos cazadores, TECORES e persoas que estes días esteades polo monte ou pola zona que esteades atentos. Calquera avistamento ou información, por pequena que pareza, pode ser de gran axuda.

⚠️ Se o vedes, non o chamedes nin intentedes collelo, xa que podería fuxir. Avisade inmediatamente ao teléfono que figura no cartel:

📞 602 028 768 – Simeón

💰 Ofrécense 1.000 € de recompensa.

🙏 Agradecemos moito que compartades esta publicación para que chegue ao maior número de persoas posible.

Entre todos podemos axudar a que Toro volva á casa. ❤️🐾

🐗Bos días!

Hoxe damos comezo a unha nova tempada de caza maior e, desde a Federación Galega de Caza en Ourense, queremos desexarvos a todos os TECORES e aos seus cazadores moita sorte e unha moi boa tempada. 🍀

Lembrade revisar antes de saír que toda a documentación, seguros, permisos e precintos correspondentes estean en regra, e trasladar tamén esta mensaxe aos vosos socios.

E, sobre todo, máxima precaución e seguridade no monte. Ningunha peza vale máis ca volver todos para casa.

💚 Boa caza, desfrutade dos compañeiros e do monte, e aquí nos tedes para o que precisedes durante a tempada.

🦺🎁 CONTRATA O TEU SEGURO E LEVA O TEU CHALECO DE AGASALLO!

Desde a Federación Galega de Caza en Ourense queremos que, ademais de estar ben asegurado, vaias ao monte ben equipado. 💚

Coa contratación do teu seguro, agasallámosche cun chaleco de alta visibilidade da Federación Galega de Caza.

⚠️ Pero ollo! As unidades son limitadas e estarán dispoñibles ata fin de existencias. Non quedes sen o teu!

E temos máis! 👇
🧢 Gorras da Federación
📗 Carteiriñas para levar toda a documentación de caza organizada e protexida

📍 Pasa pola Federación Galega de Caza en Ourense ou por calquera das armerias colaboradoras e infórmate sobre os nosos seguros e recolle o teu material.

Porque estar ben asegurado é o primeiro. E se ademais levas un agasallo… mellor aínda! 😉🦌

💚 Federación Galega de Caza en Ourense

🐦 Xornada sobre o aproveitamento cinexético do paspallás en Xinzo de Limia

Compartimos algunhas imaxes da xornada celebrada no Salón de Actos do Concello de Xinzo de Limia, na que se abordou a situación actual do paspallás, o seu aproveitamento cinexético e a importancia de contar con datos reais para coñecer a evolución da especie.

Durante o encontro falouse tamén do Proxecto Coturnix e do papel fundamental que teñen os cazadores e os TECORES, colaborando coa recollida das ás dos exemplares capturados durante a media veda para o seu posterior estudo.

👏 Queremos agradecer especialmente a participación de Carlos, da Fundación Artemisan; Luis Eusebio, presidente da Federación Galega de Caza; e David, presidente do TECOR de Xinzo de Limia, así como a todos os cazadores e representantes dos TECORES que nos acompañaron.

💚 Desde a Federación Galega de Caza en Ourense seguiremos apostando pola colaboración, a información e o coñecemento como ferramentas fundamentais para defender unha xestión cinexética responsable.

🐦 Agora, coa chegada da media veda, contamos coa colaboración de todos no Proxecto Coturnix!

Antes de saír ao monte, dedica uns minutos a comprobar que toda a túa documentación está en vigor.

✔️ Licenza de caza.
✔️ Permiso de armas.
✔️ Licenza da emisora (cando sexa obrigatoria).
✔️ Seguro de caza.
✔️ Seguro dos cans.

Levar toda a documentación ao día non é só unha obriga legal, tamén é unha garantía para practicar a caza con responsabilidade, seguridade e tranquilidade.

📲 Se necesitas renovar algún trámite ou resolver calquera dúbida, a Federación Galega de Caza en Ourense está á túa disposición para axudarche.

💚 Boa tempada a todos e moita sorte no monte. Sempre con prudencia, respecto e responsabilidade.

Queremos convidarvos a asistir á xornada sobre o aproveitamento cinexético do paspallás, que terá lugar o vindeiro:

📅 8 de agosto de 2026
🕣 20:30 horas
📍 Salón de Actos do Concello de Xinzo de Limia

Durante a xornada abordarase a situación actual da especie, as consideracións legais a nivel europeo e presentarase o seguimento do Proxecto Coturnix, coa participación de expertos da Fundación Artemisan e da Federación Galega de Caza.

É unha excelente oportunidade para coñecer de primeira man a situación do paspallás, resolver dúbidas e intercambiar impresións con profesionais e representantes do sector.

👉 Animámosvos a asistir

Hoxe celebrouse con éxito o Campionato Provincial de San Huberto no Tecor de Xinzo de Limia, unha xornada marcada polo gran ambiente, o compañeirismo e o excelente nivel demostrado por todos os participantes.

👏 Desde a Federación Galega de Caza en Ourense queremos felicitar a todos os competidores polo seu esforzo e deportividade, así como agradecer ao Tecor de Xinzo de Limia a súa colaboración e implicación na organización da proba e os sembradores das perdices que tamén fixeron unha labor moi importante no campionato.