Erik Chan- Triathlon Coach 三項鐵人教練-陳傑斌 エリック トライアスロン コーチ

Erik Chan- Triathlon Coach 三項鐵人教練-陳傑斌 エリック トライアスロン コーチ Sharing my triathlon coaching, training and racing experience and hope to inspire more people to tak

天氣正到呢❤️
12/08/2026

天氣正到呢❤️

06/08/2026

「沉浸式環法單車賽體驗」Part 2

呢個除咗係一個比賽之外，仲係一個單車時裝展，一路踩一路見到唔同牌子唔同年代唔同種類嘅單車，碳纖維，鋁，鋼，甚至用木造嘅單車都有，而所有單車選手嘅穿搭風格簡直就係入咗唔同嘅單車服飾店一樣，個個都型到爆。講返呢個比賽可以算係我比賽生涯其中一個最難完成嘅比賽，難嘅地方唔係佢嘅距離，而係佢嘅斜度、高度同速度，到咗比賽最後嘅一座山，你只會見到自己嘅速度跌到得返「個位數」感覺好似落車推都快過踩，而前面嘅山路一直兜來兜去好似冇盡頭一樣。賽前隊友問我諗住做咩嘅完成時間我嘅答案係「慢慢踩，enjoy」，因為知道咁長距離嘅比賽仲要連續爬四座從未爬過咁高嘅大山然後又要劈返落嚟，又上又落，根本上好難計 ，策略係-「唔好快，跟住watt數,順住踩」因為我嘅長距離耐力比賽經驗話俾我知每次到最後階段體力同Watt會跌得好犀利，通常都會後悔自己一開始太開心去得太快，今次亦唔例外，個比賽除咗係上斜就係落斜冇乜平路可言，上斜辛苦就預咗，但當你以為衝落斜會好爽嘅時候，完全冇想像到一落就可能要落十幾公里，要保持同一個姿勢唔郁十幾20分鐘其實係好辛苦嘅事，就好似做Plank一樣，頭30秒好似冇乜嘢，但叫你hold住3分鐘就辛苦到想死，嗰陣時你就會好希望有少少平路，或者甚至乎係上斜等你可以郁一郁，鬆一鬆。比賽細節唔多講，到上最後一座山就如我之前預計一樣跌Ward跌得好犀利當時唯一嘅目標已經唔係做乜嘢嘅完成時間，只係麻醉自己同自己講：「聽我講，一齊企硬，唔好停腳，唔好落車，唔好推車，全程踩到返終點」，因為當你見到每一座大山，你係唔會見到條山路嘅盡頭淨係見到好多一點、一點密麻麻，好細嘅單車選手沿住山路不停Zig Zag Zig Zag 慢慢向上爬好似蟻一樣，見到沿途有好多選手放棄咗，喺度拉筋，休息，食嘢，玩電話甚至係瞓覺，又見到有人踩到喊，好多人為佢打氣，而每次見到最後3公里到山頂嘅指示牌，踩落去嘅感覺就好似踩30公里一樣咁漫長。雖然話就話呢個比賽係比一般大眾市民參加，但係所有選手表現之高，簡直令我有點錯愕，小弟比賽前兩個月平均每個月嘅訓練量大概是700公里左右，最長一課試過連續踩330公里，都算係有準備過，結果完成時間係10小時42分，其實都唔知道係快定係慢，但過咗幾日大會就send咗個email俾我，恭喜我完成咗今次嘅賽事，仲好鼓勵咁樣話今次比賽男子組別嘅平均完成時間係9小時52分，而女子組嘅平均完成時間更加快男子組1分鐘係9小時51分，結果我係低於女子組平均值…….而第一名嘅26歲意大利選手Luca Cavallo，只係用咗5個鐘頭20分鐘，佢嘅平均速度係31.84km/h，大佬呀要上四座大山㗎 ……而贏得環法單車賽呢一站嘅職業選手Richard Carapaz 完成時間都要4個小時59幾分鐘，究竟我參加咗一個乜嘢嘅比賽呢？不過總括而言，呢個一定係運動人，人生中Bucket list嘅其中一個。(完）

04/08/2026

「沉浸式環法單車賽體驗」Part 1

環法單車賽響電視或網上睇得多（以前細個仲未有得上網係要買環法VHS錄影帶睇)，成日都好希望有一日可以現場睇，今年終於有機會啦，除咗可以做現場觀眾，舉辦環法單車賽嘅主辦機構原來
仲會開放環法嘅其中一站比一般「大眾市民」親身感受一下做環法單車選手嘅經歷。而開放嘅呢一站並唔係普普通通嘅一站而係全個環法共21站中最具挑戰性被稱為”爬山女王站”第20站，起點設喺Le Bourg D’Oisans ， 然後連續爬三座HC級及一座一級波Cat 1 (環法將每座山嘅難度由一至四及HC, 分成五個等級最容易係第四級而最難係H C級，被界別為”斜到無法分類” ），總共四座經典「大顛」山： Croix de Fer (24km ,斜度 5.2% , 2067m) , Telegraphe (11.9km , 斜度 7.1%, 1566m) , Galibier (17.7km , 斜度 6.9% , 2642m) , Sarenne (12.8 , 斜度 7.3% , 1999m), 全長170公里總，爬升5400米,參加者要喺11個鐘頭45分內完成，比賽吸引咗17439位參加者報名，而大會公布完成比賽人數為12690, 完成率為73%。而比賽時所有道路係完全封閉，相對上比較安全，特別是劈落大山的時候，最好玩嘅係舉辦嘅組織同環法係同一間公司所以所有嘅setting係同環法單車賽一模一樣，而真正環法選手亦會喺我哋比賽完相隔六日後用番同一條路線進行環法第20站嘅山路賽。所以有機會同佢哋打氣欣賞佢哋表演同重溫自己嘅比賽經歷。(待續….)

29/07/2026

當你報咗名想挑戰一下環法第20站嘅山路賽「市民」組別(距離170公里，總爬升5400米) 要爬四座大山，你會選擇用一部乜嘢嘅單車嚟出賽呢？Aero 車架定 輕盈嘅climbing bike ? 碟剎定係C夾？電子定係機械變速?車呔會選擇用25C定係32C？正當每個人都絞盡腦汁想將自己部戰車變成Pogacar 部Y1R咁勁，呢位參賽者就選擇用自己唯一一部用嚟代步，1984年出產鋼鐵車架，重量不詳，後飛輪只得七個變速的一部古董單車去挑戰環法嘅Climbing Queen Stage。最令我崩潰嘅係佢上山超越咗我，望住自己踩緊嗰部，雖然唔係最新款最頂級嘅單車，但都覺得慚愧，真係要自我反省。 #屎波架撐多 #菜就多練

27/07/2026

我在環法單車賽第19站Alpe d’Huez，HC級的山路,被8歲 UAE 車手Pogacar拉爆的過程……（總距離13.8公里, 平均斜度8.1%, 總爬升1096米)

Getting dropped by a 8 years old Pogacar from the UAE team during one of the most brutal climbing stage 19 of the Tour de France at Alpe d’Huez (13.8km distance , average gradient 8.1%, elevation gain 1096m)

13/06/2026

同高手踩車嘅好處就係唔使我帶車🤣，朋友下星期去丹麥70.3，今日約輕鬆踩60公里佢想最後測試吓部車同TT姿勢，早兩星期佢先將細鏈餅拆咗，淨係用大餅，大餅又轉用56齒，但今日踩踩下竟然突然間甩鏈，好彩呢個問題係今日出現，如果比賽時候先甩就麻煩。所以比賽前一定要預留足夠時間試清楚部車。

又話係輕鬆踩，全程我都冇能力帶車，費事阻慢佢。 #70.3

02/04/2026

Strong ladies💪🏽！ Out of my league…. Track Interval Session , Main set : 600 / 800 / 1000 / 1200 / 1000/ 800 / 600

Dirección

Plaça Del Rosari 1
Palma De Mallorca
07001

Página web

Notificaciones

Sé el primero en enterarse y déjanos enviarle un correo electrónico cuando Erik Chan- Triathlon Coach 三項鐵人教練-陳傑斌 エリック トライアスロン コーチ publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir

Categoría