Foot Ball Live 107.8 እግር ኳስን በቀጥታ

At The age of 40 with this new Club The Midfield Maestro keep shining and keep tasting better like fine wine 🍷

አስደናቂው ጎል ጨራሽ የሲዝን ሪከርድ በጨበጠበት ምሽት ይከብዳቸዋል የተባሉትን መዶሻዎቹን ቀለል አድርገው የረቱት ሲትዝኖቹ በ6 አመት ለ5ኛ ጊዜ በተከታታይ ደግሞ ለሶስትዮሽ ምናልባትም የከተማ ተቀናቃኛቸውን የ99 ገድል ለመድገም የመጨረሻው ምዕራፍ ላይ ደርሰዋል በሳምንቱ አጋማሽ ከማድሪድ ጋር ከሚኖራቸው ሲዝናቸውን ወሳኝ መርሀ ግብር በፊት ላለመውረድ የሚውተረተረውና በሊጉ ስመጥር እሳት የማጥፋት ልምድ ያላቸውን ቢግ ሳምን የቀጠሩትን ሊድስን ዛሬ ካሸነፉ ከሊግ ተፎካካሪያቸው አርሰናል የ4 ነጥብ ብልጫ ይኖራቸዋል በተለይም ነገ እጅግ አስገራሚ ፎርም ላይ የሚገኙት ማግፓይስ ለአርሰናል ቀላል ተጋጣሚ ይሆናል ተብሎ አይገመትምና ሲቲዝኖቹ እድላቸውን ማበላሸት አይገባቸውም በአንጻሩ አሜሪካዊውን ጄሲ ማርችን ባለፈው የውድድር ዘመን በመቅጠር ከመውረድ የተረፈው ሊድስ ዘንድሮም ተመሳሳይ እጣ ገጥሞታል ይወጡት ይሆን
ፈታ ዘና በሽልማት የተንበሸበሸ ቆይታ ይኖረናል
ስፖንሰራችን አዲስ አበባን ለማወቅ ሮጣለሁ በቲሸርቶች ያንበሸብሻችኋል ተሳተፉ ቲፎዞ ግብግብም ሳይረሳ 10፡00 ላይ ቀጠሮ ይኑረን

ቀለል ያሉ የመሰሉ ተጋጣሚዎቹን በባከነ ሰአት ረትቶ ይፈተናል በተባለበት ክሬቨን ኮቴጅ ጎጆዎቹን አፈራርሶ ያቀለለው መድፉ በአውሮፓ ድጋሚ በቅርብ ቀርቷል ዋንጫውን ለመሳም ከፌቨራይቶች ተርታ የነበረው አርሰናል ባልተለመደ ሁኔታ በመለያ ምት ከመንገድ ቀርቷል ይህ በዋናነት በሁለት መልኩ ሲታይ ድካም በበዛበት በዚህ የውድድር ዘመን በሳምንት አንድ ጨዋታ ብቻ እየጠበቁ ማድረግ ጠባብ ስኳድ ላለው አርሰናል ለተጫዋቾቹ መጠነኛ እረፍትና ከጉዳት የራቀ ሲዝን እንዲያሳልፉ ከመርዳቱም በላይ ሙሉ ትኩረታቸውን ለ19 አመት የራቃቸውን ዋንጫ እንዲያደርጉ ያስችላል ሲባል በሌላኛው አንጻር በአውሮፓ ውጤታማ ከሆኑ እጅግ ለቁጥር የሚታክቱ አመታት ላለፉት አርሰናል ዘንድሮ ጥሩ አጋጣሚም ነበር ብለው የሚከራከሩም በርካታ ናቸው
ለመጨረሻ ጊዜ አርሰናል ወርቃማውን ዋንጫ ሲያሳካ ከፍ አድርጎ ያነሳው ፓትሪክ ቬራ ባለፈው የውድድር ዘመን በደርሶ መልስ ከአርሰናል ላይ የተሻለ ውጤት ይዞ ተመልሷል ዘንድሮ በመጀመሪያው አጋጣሚ በመድፈኞቹ ቢረታም አሁን ከሱ ዘመን በኋላ ላልሳሙት ዋንጫ እንቅፋት ይሆናል ተብሎ ሲጠበቅ በሴልሀርስት ፓርክ በተጫዋችነት እጅግ ጥቂት በአሰልጣኝነትም የተወሰነ ልምድ ከወሰደበት ሲቲ በሆላንድ ብቸኛ የፍቅም ጎል በጠባብ ውጤት ተሸንፎ ከክለቡ ጋር እህል ውሀው ማብቃቱ የተነገረው ከመድፈኞቹ ጋር ላለበት ጨዋታ በመዘጋጀት ላይ ሳለ ነው የስንብት ደብዳቤ የደረሰው ሽማግሌውን የቀድሞ የክለቡ አሰልጣኝ ሮይ ሆጅሰንን እሳት በጊዜያዊነት እንዲያጠፉ የመለሱት ንስሮቹ አርሰናልን ያነቅፉት ይሆን ወይስ መድፉ መተኮስ የሚችልበት ብቸኛ የውድድር ቀዳዳ ይህ ነውና እድሉን ይጠቀማል?? ከ10፡00 ጀምሮ አብረን ስንቆይ እየተዝናናን እንመለከተዋለን በቲክቶክ በዩቱብ እንዲሁም በብዙ የሶሻል ሚዲያ ፕላትፎርሞች የምታውቁትን የአርሰናል ደጋፊ እንግዳም እንጋብዛለን ሌላ ቀጠሮ እንዳትይዙ 10፡00 ሲል ኢትዮ ኤፍ ኤም ላይ

እንኳን ማሸነፍ ጎል ማስቆጠር ተስኖት የከረመው ቼልሲ በሳምንቱ መጨረሻ ከረጅም የተከታታይ ውጤት አልባ ጉዞ በኋላ ማሸነፍ ተችሎታል ከ3 ሳምንታት በፊት ወደ ሲግናል ኢዱና ፓርክ አቅንቶ በቢጫ ግድግዳው ፊት አቀርቅረው የተመለሱት ሰማያዊዎቹ በጃንዋሪው የዝውውር ገበያ ከባድ ሸማች ሆነው ከየክለቡ አፍ የቀሟቸው የወደፊት ተስፈኛ ወጣቶች እስካሁን አልተቀናጁላቸውም ምናልባት ከአፎቻቸው የተቀሙት ክለቦች እምባ ይሆን?? 🤔🤔 በተከታታይ አዋራጅ ሽንፈት የገጠማቸው የብሪጅ ሰማያዊዎች በጥቅምት የቀጠሯቸውን አሰልጣኝ መንፈቅ እንኳን ሳይሞላቸው ስለማሰናበት እያሰቡ እንደሚገኙ ሹክሹክታዎች ያሳብቃሉ
በአንጻሩ ባልተለመደ ሁኔታ ትልቁን የጀርመን ቡጢኛ ሙኒኽና የዘንድሮውን ክስተት ዩኒዮን በርሊንን አጅበው በቡንደስሊጋው አናት ላይ ፊጥ ያሉት ቢጫዎቹ ከ2012 ወዲህ በአውሮፓ የምር ትኩረት የሚስብና ተፎካካሪ ቡድን በተከታታይ በማርኮ ሮዘ ስር የተጀመረው ተስፋ ሰጪ እንቅስቃሴ ጎልብቶና ጎምርቶ በኤዲን ቴርዚች ስር ፍሬውን እያሳዩን ይገኛሉ ከ2012 ወዲህም ሩብ ፍጻሜውን ለመቀላቀል ሁነኛው ቡድን ለመሆን ቆርጠዋል ምንም እንኳን ችግር ላይ የሚገኘውን ቼልሲን በጠባብ ውጤት ተፈትነው ቢያሸንፉም ከአመት አመት ከሚደርሷቸው ተጋጣሚዎች አንጻር የአሁኑ ቼልሲ ለመጣል ቀላሉ ይመስላል ምን ያሳዩናል ቼልሲ የማሸነፍ ሂደቱን የምር ጀምሯል ወይስ ቢጫዎቹ ጥሩ ሲዝናቸውን የበለጠ ከፍ ያደርጉታል ከ3፡30 ጀምሮ በኢትዮ ኤፍ ኤም እንከሰታለን እንፍታታለን ጠብቁን

በአንፊልድ ከመሪነት ተነስቶ በማድሪድ የተደቆሰው ሊቨርፑል በታላቁ የእንግሊዝ ሃያላን ደርቢ አጀማመሩ መጥፎ የነበረው ዩናይትድ በቀዮቹ ላይ በመረማመድ ነበር ሲዝናቸውን ያቃኑት የመርሲሳይዱ ቀይ አምና ለአራት ዋንጫ እስከ ፍጻሜው እንዳልተባጠሰ ዘንድሮ ግን እንኳን ዋንጫ ዋንጫ አካባቢም ላንመለከተው እጅጉን ርቆ ተስፈንጥሯል በኦልድትራፎድ ሁለቱ ቡድኖች በሴፕተምበር ሲገናኙ በተቀራራቢ መጥፎ አቋም ላይ የነበሩ ሲሆን ከዚያ ወዲህ ነገሮች ተገለባብጠው ቀዮቹ ሰይጣኖች እጅግ ጎምርተዋል
የክሎፕ ሰራዊት ሰሞነኛ መነቃቃት ቢያሳዩም ማድሪድ አስጎንብሷቸው ፓላስ ወጥሯቸው የነበረ ቢሆንም ተኩላዎቹን ሞተ ሞተው በማሸነፍ እንጥፍጣፊ የማሸነፍ ደመ ነፍሳቸው አብሯቸው እንዳለ ያሳብቃል በመጪው ማክሰኞ ወደ ማድሪድ የሚያቀኑት ቀያዮች ብዙም ተስፋ ለሌለው የአውሮፓ መድረክ ቀጣይ ጉዞ ብለው የዛሬውን ጨዋታ ይሰዋሉ ተብሎ አይገመትም ምንም እንኳን ከዚህ ቀደም ባርሴሎናን እንዲሁም በኢስታንቡል ሚላንን ከ3 ጎል የበታችነት ተነስተው ቢያስከነዱም አሁን ባላቸው ወቅታዊ አቋምና በማድሪድ በተደጋጋሚ በመሸነፍ በተወሰደባቸው ስነልቦናዊ የበላይነት ወደ ማድሪድ ሄደው የተሻለ ነገር ይዞ ለመመለስ ከተዓምር በላይ ያስፈልጋቸዋል።
በአንጻሩ ከሴፕቴምበሩ ግጥሚያ ወዲህ እጅግ የጎለበተው ማን ዩናይትድ ከ6 አመት በኋላ ዋንጫ ከመሳሙም በላይ እጅግ የሚታይ ፍሬያማ ለውጥ አሳይቷል የተዋቀረ ቡድን መሆኑንም ያለማቋረጥ ረቡዕ እሁድ ረቡዕ እሁድ እያደረገም በብዛት በአሸናፊነት ተወጥቷል በሳምንቱ አጋማሽ ጭምር የመጀመሪያ አጋማሽ ላይ የተዳከመ የመሰለው ሰይጣኑ የኋላ ኋላ እጅግ ልዩ በመሆን መዶሻዎቹን አቅልጧል አሁንም 4 ዋንጫዎችን በርቀት እያየ የሚጓዘው ቡድን ነው
ያም ሆነ ይህ የቀዮቹ ባላንጣነት ከደርቢ ተቀናቃኞቻቸውም በላይ በሁለቱ መሀል ያይላልና በውጤታማነትም ከፍ ያሉት ሁለቱ በእንግሊዝ ከፍ ያለ ፓለቲካዊና ታሪካዊ ተቃርኖ ታጅቦበት የሚደረግ ትንቅንቅ ነውና ስሜቱ ይለያል
ባለፉት ሁለት አመታት የመርሲሳይዱ ቀዮች በሰይጣኖቹ ላይ ሙሉ የበላይነት ተቀናጅተው በቲያትር ኦፍ ድሪምስ ጭምር የቀድሞውን ሂሮ ኦሌን በጣም ባስወገዘ መርሀ ግብር 5 ለምንም ረምርመዋቸውል ያንን የደርሶ መልስ ተከታታይ አመታት ሽንፈት ለመበቀል ጥሩ ቁመና ላይ ቢገኙም የክሎፕ ሰራዊት ቢሞቱ ቢደክሙም ለማንችስተሮች እንደማይደክሙ ከሲቲ ጋራም ጭምር አስይተውናል ይህ ሁሉ ተጠባቂ ክስተት ያለበት ትንቅንቅ ወደናንተ ይዘን ለመከሰት ዝግጅታችን ተጠናቋል ከናንተ የሚጠበቀው ሬዲዮኖቻችሁን ከፍታችሁ ጆሮዎቻችሁን እንድታውሱን ተሳትፎአችሁም እንዳይለየን ብቻ ነው በቲፎዞ ግብግብ ታጅበን ከ12፡30 ጀምሮ እንከሰታለን በቲክቶክም ጠብቁን ትዝናናላችሁ

የሊጉ መሪ አርሰናል ተስተካካዩን ማሸነፉን ተከትሎ ከአሁን በኋላ መደናቀፍ የማይፈቀድለት ማንሲቲ ባለፈው ሳምንት ወደትልቅነት እየተንደረደረ መሆኑን ከ24 አመት በኋላ የፍጻሜ ተፋላሚ በመሆን ያሳየውን ኒውካስልን ይገጥማል በግልባጩ ጨዋታ እጅግ አስገራሚ በነበረው በመሃከለኛው ምስራቅ ከበርቴዎች ባለቤትነት የተያዙት ሁለት ቱጃሮች አንደኛው በፕሪምየር ሊጉ ዋንጫዎች አሸብርቆ ሲገኝ በFFP ግን ያላግባብ ነው በሊጉ ከፍ ያልከው የሚል ውንጀላ እየናጠው ይገኛል በአንጻሩ በሀብታሞቹ ሞናርኪዎች የተጠቀለሉት ማግፓይሶች ቀድመው ላለማጋበስ በተጠና መንገድ ወደከፍታ እየከነፉ ይመስላል
በሊጉ የተደላደለው ሲቲና አዲሱ Emerging Power ኒውካስል በኤል ካሺኮ ወይም በፔትሮል ስቴሽን ደርቢ ከ9፡00 ጀምሮ ይፋጠጣሉ ኒውካስትል ካለፉት ሳምንታት ሸርተት ማለቱ በመንቃት በስፐርስ የተወሰደበትን የቶፕ 4 ለማስመለስ በአንጻሩ ባለሜዳው ካሁን በኋላ ከተደናቀፈ የመድፈኞቹ ተኩስ አይደረስበትምና ከኋላ ከኋላ በመከታተል ለማስጨነቅ የሚያደርጉት ግብግብ ይዘን እንከሰታለን በቲክቶክም አለን ጠብቁን::

እንኳን ለ127ኛው የአገራችን የመላው ጥቁር ህዝቦች እንዲሁም በባርነት ቀንበር ስር ለነበሩ ሁሉ የተስፋ ውጋጋን ለፈነጠቀው የድል በዓላችን በሰላም አደረሳችሁ

ሾን ዳይችስ ለቶፊዎቹ እሳት አጥፊ ሆነው መምጣታቸውን ተከትሎ መድፈኞቹ አስገራሚ የነበረ ጉዟቸው ተንገራግጮ ነበር በኤሚ ማርቲኔዝ እድለቢስ አጋጣሚ የፌብሩዋሪ የመጀመሪያ ድላቸውን አሳክተው ሌስተርንም አጣጥመዋል ከሲቲ ጋር ያለ ልዩነታቸውን ለማስፋት ይዘዋት የቆዩት ተስተካካይ ጨዋታቸውንም የጉዲሰኑንም ሽንፈት ለመበቀል በኤምሬትስ ምሽት ላይ ኤቨርተንን መድፋቸውን ስሌ ይጠብቃሉ
በአንጻሩ ከላምፓርድ ከተለዩ በኋላ ግትሩን እንግሊዛዊ የቀጠሩት ቶፊዎቹ ሁለት አሸንፈው በደርቢውና በአስቶን ቬላ ተረትተው ከወራጅ ቀጠና ብዙም አልራቁም ዛሬስ ምን ያሳኩ ይሁን መድፈኞቹን በማደናቀፍ ለሲቲ ውለታ ያደርጉ ይሆን ምሽት 3፤00 እንገናኝ

Undeniably Unarguably The Bests Again

በትላንቱ የአርሰናል ድል ጮቤ የረገጠውና በቲፎዞ ግብግብም የሚታይ ብልጫ የወሰደው አርቲስት Mulugeta በቡድንህም ድል በነበረንም ግሩም ቆይታ አስገራሚ ምሽት አሳልፈናል ክብረት ይስጥልን ⚽️⚽️⚽️🤝🤝

“The Battle of Old Foe’s”

ምናልባትም በእኛ አገር የእግር ኳስ ትንቅንቅ ታሪክ በአብዛኛው የስፖርት ተከታታይ ማህበረሰብ ዘንድ ከየትኛውም ደርቢ በላይ በደጋፊ ግብግብ ለረዥም ዘመን ላቅ ያለ ፉክክር እና ግብግብ እያየን አድገናል በአርሰን-ፈርግሰን የአሰልጣኝነት ዘመን ጣራ የነካው የትንቅንቅ ስሜት ከእንግሊዝ ተሻግሮ መላው አለምን ሲያዳርስ በኢትዮጵያም የሱፐር ስፖርት ስርጭት መጀመሩን ተከትሎ ብዙዎችን በፕሪምየር ሊጉ ፍቅር ወድቀዋል በዋነኝነት በወቅቱም ሀያል የነበሩትና ማን ዩናይትድ በስፋት ደግሞ አርሰናል በኢንቪንሲብል ሲዝኑ ብዙዎችን መማረክ ችለዋል በተለይ የሬይ ፓርለርና የነ ቫንኒስተልሮይ ፍጥጫ እንዴት ይረሳል ኪን ከ ቬራ፤ ኔቭል ከነ አሽሊ፤ ኮል ኦነሪ ከቫን ኒስተልሮይ፤ ከምንም በላይ ከጨዋታው በፊትና በኋላ በሰሩና በፕሮፌሰሩ መሀከል ያሉ ሽንቆጣዎች ልዩ ትኩረት በሚስብ መልኩ እንድናስታውስ በጥሩ ትውስታ አሳድገውናል እስቲ የናንተንም ትውስታ አጋሩን
ለረጅም ጊዜ የሁለቱ ቡድኖች ፍጥጫ በደጋፊው ልብ ከፍ ያለ ቦታ ይያዝ እንጂ የቡድኖቹ የፉክክር ጨዋታ እዚህ ግባ የሚባል አልነበረም ወይ አንደኛው የተሻለ የበላይነት ኖሮት አለዚያም ሁለቱም በጥሩ አቋም ላይ እያሉ የተደረገ ጨዋታ ለማስታወስ ከአስር አመት በላይ ወደ ኋላ መመለስ የግድ ይለናል እጅግ በአስገራሚ የውጤት ግስጋሴ ላይ የሚገኙት የአርቴታ መድፈኞች ሂደቱን አምነው ለአመታት የተናፈቀው አርሰናል በግሩምና አሳማኝ ጨዋታ መደፋቸውን ስለው ከእቅድ በላይ በመተኮት ለናፈቁት የሊግ ክብር አልመዋል እስካሁን የተደናቀፉት ኦልድትራፎርድ ብቻ ነው በአንጻሩ አጀማመሩ ከባድ የነበረው ቀያይ ሰይጣኖቹ አለቃ ቴን ሀግ ነገሮችን ለማስተካከል ጊዜ ቢፈልግም ወደ ትክከለኛው ትራክ የገቡ መስለዋል ወሳኙ ካዝሜሮ እጅግ በቀሽም ውሳኔ በፓላሱ ጨዋታ በተመለከተው ቢጫ ካርድ የዛሬዉ ጨዋታ የሚዘለው መሆኑ ለብዙ ዩናይትዳዊያን ስጋት ቢጤ ገብቷቸዋል በኦልድትራፎርዱ ጨዋታ ፓርቴን ያጡት አርሰናሎች ምናልባትም ለመጀመሪያ ጊዜ በጥሩ ልበ ሙሉነት ዩናይትድን ለመበቀል ጭምር ያስተናግዳሉ ማሸነፍ ከቻሉ ከተከታዮቻቸው ያላቸውን ልዩነት ቢያንስ ማስጠበቅ ሲችሉ ሲቲ በተኩላዎቹ ነጥብ ከጣለ ዋንጫው ላይ አንድ እጃቸውን ያሳርፋሉ።
እናንተም ይህን ተጠባቂ ጨዋታ በቲፎዞ ግብግብ እየተተራረብን እየተሸነቋቆጥን ከተጋበዙት ደጋፊዎች ጋር ግሩም ጊዜ ይኖረናል በቲክቶክም በቀጥታ ቀጠሮ ይኑረን 1:00 በኢትዮ ኤፍ ኤም 107.8 እንገናኝ [email protected]