Zemen sport, Addis Ababa (2026)

05/10/2026

ካንጋሮና ኮአላን የጣለው የ2032 ኦሊምፒክ አርማ!

🦘 የአውስትራሊያዋ ብሪስቤን ከተማ ለምታስተናግደው የ2032 ኦሊምፒክ እና ፓራሊምፒክ ውድድር የሀገሪቱን ታዋቂ ወፍ ኮካቱ ይፋዊ አርማ (Emblem) አድርጋ መምረጧን ይፋ አድርጋለች።

በዓለም ስፖርት መድረክ ትልቁን ኩራት የሚጎናጸፉበት የ2032 የብሪስቤን ኦሊምፒክ እና ፓራሊምፒክ ውድድር፣ የሁነቱን መንፈስ የሚያንፀባርቅበትን ይፋዊ አርማ ይፋ ሲደረግ፣ የአውስትራሊያ ምልክት የሆኑት ካንጋሮ፣ ኮአላ እና ታዋቂው "ቢን ቺከን" ይወከላሉ ተብሎ ሲጠበቅ፣ አዘጋጆቹ ግን ሁሉንም አስገርመው በአውስትራሊያ ጨዋ እና በአጫዋችነቷ በምትታወቀው "ኮካቱ" ወፍ ላይ ውሳኔያቸውን አሳርፈዋል።

ይህ አርማ የኩዊንስላንድ ግዛት ተፈጥሮና የባህል ማንነት መግለጫ እንደሆነ አዘጋጅ ኮሚቴው ገልጻል። የኦሊምፒክ አርማው በሮዝ ቀለም ወፍ የተሰራ ሲሆን፣ የወፏ ዘውድ የመሰለው ላባ የኦሊምፒክን ነበልባል እና የኩዊንስላንድን የባህር ዳርቻና የተፈጥሮ ውበት ይወክላል ተብሏል። የፓራሊምፒክ አርማው ደግሞ ቢጫ ዘውድ ባላት ኮካቱ ወፍ የተሰራ ሲሆን፣ የጽናት፣ የጥንካሬ እና የተስፋ ምልክት ሆኖ አገልግሏል።

በሀገሪቱ የበኩር ነዋሪዎች (First Nations) ባህል ውስጥ ኮካቱ ሰዎችን ከታሪክና ከስነ-ስርዓት ጋር የሚያገናኝ "መልእክተኛ ወፍ" ተደርጋ ትወሰዳለች።

አርማው ዛሬ በይፋ ከመቅረቡ ከጥቂት ቀናት በፊት በብሪስቤን 2032 ይፋዊ የዩቲዩብ ቻናል ላይ ለአጭር ደቂቃዎች በአጋጣሚ በቪዲዮ መለቀቁ ትልቅ የመነጋገርያ ርዕስ ሆኖ ነበር። ቪዲዮው በፍጥነት ቢሰረዝም የስፖርት አድናቂዎች ፎቶውን በማሰራጨታቸው አዘጋጆቹ በይፋዊው መርሃ-ግብሩ ላይ ትልቅ ትኩረት ለማግኘት ችለዋል።

የብሪስቤን 2032 ኦሊምፒክ አዘጋጅ ኮሚቴ ፕሬዝዳንት አንድሪው ሊቬሪስ፣ "ይህ አርማ የኩዊንስላንድን ተፈጥሮ፣ ህዝቦቿን እና የኦሊምፒክን የጨዋነትና የደስታ መንፈስ በአንድ ላይ አጣምሮ የያዘ ድቅድቅ አሻራችን ነው!" ሲሉ ገልጸዋል።

ይህ ይፋ የሆነው የውድድሩ ምልክት/አርማ ሲሆን፣ ይፋዊው የማስኮት (Mascot) ገፀ-ባህርይ ወደፊት ውድድሩ ሲቀርብ ይፋ ይደረጋል። የ2032 የብሪስቤን ኦሊምፒክ ከሐምሌ 17 እስከ ነሐሴ 2 ቀን 2024 ዓ.ም እንዲሁም የፓራሊምፒክ ውድድሩ ከነሐሴ 18 እስከ ነሐሴ 30 ቀን 2024 ዓ.ም ይካሄዳል።🇦🇺🌏

05/10/2026

🚨🔥 የባሎንዶር ውጥረት በሳንቲያጎ በርናቤው!

ፈረንሳዊው ኮከብ ኪሊያን ምባፔ እና ክለቡ ሪል ማድሪድ ባልተጠበቀ ምክንያት ውጥረት ውስጥ መግባታቸው ተሰምቷል!

ምባፔ የዘንድሮውን የባሎን ድ ኦር ሽልማት አሸንፎ የነበረውን ትልቅ ህልም ለማሳካት የበርናቤውን ክለብ አንድ ትልቅ ነገር ጠይቆ ነበር፣ "የባሎንዶር ዘመቻ አስተባብሩልኝ፤ ማሊያዬን የሚያደምቅ የማስተዋወቅ ስራ ስሩልኝ!" የሚል። 👑✨

ነገር ግን የስፓኒሹ ግዙፍ ክለብ ምላሽ አጭርና ግልጽ ነበር፦ "አናደርገውም!" ❌⚪

ሪል ማድሪድ ጥያቄውን ውድቅ ማድረጉን ተከትሎ ፈረንሳዩው ኮከብ በክለቡ ውሳኔ ከፍተኛ ቁጣና ቅሬታ አድሮበታል ተብሏል። የግል ሽልማት ፍላጎት ወይስ የቡድን የበላይነት? ምባፔ በበርናቤው ያጋጠመው የመጀመሪያው ትልቅ ፈተና ይመስላል!💭

03/10/2026

🇪🇹26 ለ 0 !!🇪🇹

🇪🇹😱 ለ2028 የሎሳንጀለስ ኦሊምፒክ የማጣሪያ ጨዋታውን ከሩዋንዳ ጋር ለማድረግ እየተዘጋጀ የሚገኘው የኢትዮጵያ ሴቶች የኦሊምፒክ ቡድን፣ ከቀናት በፊት በወዳጅነት ጨዋታ የሲሼልስ አቻውን በአበበ ቢቂላ ስታድየም አስተናግዶ 16 ለ 0 በሆነ አስገራሚ ውጤት ማሸነፉ ይታወቃል። የኦሊምፒክ ቡድኑ ዛሬም በሁለተኛው የወዳጅነት ጨዋታ ሲሼልስን 10 ለ 0 በሆነ ሌላ አስገራሚ ውጤት ማሸነፍ ችሏል። በ180 ደቂቃ ጨዋታ 26 ጎል!

በዛሬው ጨዋታ ግቦቹን ያስቆጠሩት:-

3' አሻንታ ማሪ (ራሷ ላይ)
6' እሙሽ ዳንኤል
7' ቤተልሄም በቀለ
15' እሙሽ ዳንኤል
22' ዳግማዊት ሰሎምን
32' ዳግማዊት ሰሎሞን
57' ዳግማዊት ሰለሞን (ፍ)
58' ቤተልሔም መንተሎ
68' ቱሪስት ለማ
90' ረድኤት አስረሳኸኝ

03/10/2026

ኢትዮጵያውያን ኮከቦች በካርዲፍ ለድል ይፋለማሉ!

🇪🇹 : በዓለም አትሌቲክስ ዘንድ እውቅና ከተሰጣቸውና ግንባር ቀደም ከሆኑ ስድስት ታላላቅ የግማሽ ማራቶን ውድድሮች መካከል አንዱ የሆነው የካርዲፍ ግማሽ ማራቶን ነገ ለ23ኛ ጊዜ ይካሄዳል። ታሪካዊውን የካርዲፍ ግምብ፣ የዘመናዊውን ሚሊኒየም ስታዲየምና ውቡን የካርዲፍ ባህረ ሰላጤ በሚያካልለው በዚህ ፈጣን ውድድር ላይ ከተለያዩ የዓለም ክፍሎች የተሰባሰቡ ከ30 ሺህ በላይ ሯጮችና በርካታ የርቀቱ ስመጥር ኮከቦች ይፎካከራሉ። በዚህ ተጠባቂ ውድድር ላይ በሁለቱም ጾታዎች የርቀቱ ኮከብ የኢትዮጵያና የኬንያ አትሌቶች ተካፋይ ሲሆኑ፣ የአሸናፊነት ግምቱም ለሁለቱ ሀገራት ኮከቦች ተሰጥቷል።

በወንዶች መካከል በሚካሄደው ፉክክር የውድድሩን ሪከርድ የጨበጠው አትሌት ይስማው ድሉ የአሸናፊነት ግምቱን ወስዷል። የ21 ዓመቱ ወጣት ከዚህ ቀደም የቦታውን ሪከርድ በሰባት ሰከንዶች ማሻሻል የቻለ ሲሆን፣ በ2026 የውድድር ዓመት በተለያዩ ውድድሮች ላይ በመሳተፍ ያሳየው ብቃት ነገ ካርዲፍ ላይ ለሁለተኛ ጊዜ ያሸንፋል ተብሎ እንዲጠበቅ አድርጎታል።

በኢትዮጵያ አትሌቲክስ ቻምፒዮና የ10ሺ ሜትር ተፎካካሪ የነበረው አትሌት ይስማው፣ በአዲስ አበባ ለመጀመሪያ ጊዜ በተካሄደውና በዓለም አትሌቲክስ እውቅና በተሰጠው የግራንድ ፕሪ ውድድር ላይ በድንቅ ብቃት የ10ሺ ሜትር አሸናፊ በመሆን ማጠናቀቁ ይታወቃል። ከሀገር ውጪ ባደረገው ተሳትፎም በደብሊን የ5 ሺ ሜትር ውድድር ጥሩ ፉክክር ያደረገ ሲሆን፣ በጋቦን የ10 ኪሎ ሜትር ሩጫ ላይ አራተኛ ደረጃን ይዞ ማጠናቀቁና በራስ አል ካሂማህ ግማሽ ማራቶን ያሳየው ጠንካራ ተፎካካሪነት ነገ ካርዲፍ ላይ ለድል ከሚበበቁ ኮከቦች ቀዳሚ አድርጎታል።

ይሁን እንጂ ከኬንያውያን አትሌቶች ከባድ ፉክክር ሊገጥመው እንደሚችል ተዘግቧል። በተለይም ከካርዲፍ የግማሽ ማራቶን ክብረወሰን በአንድ ደቂቃ ያህል የፈጠነ ሰዓት ያለው ኬንያዊው አትሌት ጌዲዮን ኮፕሮቲች የይስማው ዋና ተፎካካሪው ይሆናል ተብሎ ይጠበቃል። ከወራት በፊት በስፔን የማላጋ ግማሽ ማራቶን አሸናፊ የነበረውና የግል ፈጣን ሰዓቱ ከይስማው በጥቂት ሰከንዶች ብቻ ዘግይቶ የሚቀመጠው ሌላኛው ኬንያዊ አትሌት ቪንሰንት ኪፕኮሪርም ጠንካራ ተፎካካሪ እንደሚሆን ይጠበቃል።

በሴቶቹ ውድድር በተመሳሳይ የኢትዮጵያውያንና የኬንያውያን አትሌቶች ፍልሚያ በጉጉት የሚጠበቅ ሲሆን፣ በዓለም ስመጥር የማራቶን ውድድሮች ላይ በመሳተፍ የምትታወቀውና ውጤታማ የሆነችው ኬንያዊቷ አትሌት ጆይሲሊን ጄፕኮስጊ በ1:04:13 ፈጣን ሰዓቷ ከፍተኛ የአሸናፊነት ቅድመ ግምት አግኝታለች። የ32 ዓመቷ አትሌት ከዚህ ቀደም የግማሽ ማራቶን የዓለም ሪከርድ ባለቤት የነበረችና የካበተ የርቀቱ ተሳትፎ ልምድ ያላት በመሆኗ ነገ ካርዲፍ ላይ አሸናፊ የመሆን እድሏ ከፍተኛ እንደሚሆን ተገምቷል። እንደ ኬንያዊቷ ኮከብ ነገር ግን ሁሉ ለአሸናፊነት የሚፎካከሩት ኢትዮጵያውያን አትሌቶች ጠንካራ ፈተና ይጠብቃታል።

በቅርቡ በአንትሪም ኮስት ግማሽ ማራቶን ሶስተኛ ደረጃን ይዛ ያጠናቀቀችው አትሌት ውዴ ከፈለ ለአሸናፊነት ከሚጠበቁ ኢትዮጵያውያን አትሌቶች መካከል አንዷ ናት። አትሌቷ ባለፈው ዓመትም በኮፐንሃገን ግማሽ ማራቶን በተመሳሳይ ሶስተኛ ሆና ያጠናቀቀች ሲሆን፣ ርቀቱን የሸፈነችበት 1:05:20 የሆነ ሰዓትም የግሏ ፈጣን ሰዐት ሆኖ ተመዝግቧል። ይህም ቀዳሚ የአሸናፊነት ግምት ከተሰጣት ኬንያዊት አትሌት በአንድ ደቂቃ ብቻ የዘገየ በመሆኑ ነገ ካርዲፍ ላይ ተሳታፊ ከሆኑ አትሌቶች ያላት ሰዐት በሁለተኛ ደረጃ ላይ እንድትቀመጥ አስችሏታል። በተጨማሪም 1:09:01 የሆነ የግል ፈጣን ሰዓት ያላት ሌላኛዋ ኢትዮጵያዊት አትሌት እመቤት ከበደ እና አትሌት ትዕግስት ተሰማ በውድድሩ ብርቱ ፉክክር እንደሚያደርጉ ይጠበቃል።

ባለፉት ዓመታት በካርዲፍ ግማሽ ማራቶን የተለያዩ ኢትዮጵያውያን አትሌቶች ማሸነፍ የቻሉ ሲሆን፣ በወንዶች ነገ ለሁለተኛ ጊዜ ለድል የሚጠበቀው ይስማው ድሉ በ1:00:15 የውድድሩን ክብረወሰን በማሻሻል ማሸነፉ ይታወሳል። አትሌት ሽፈራው ጋፋቱ እኤአ በ2018 ውድድሩን በ1:02:59 በማጠናቀቅ ማሸነፉ የሚታወስ ሲሆን፣ አትሌት ዮሐንስ አሰፋ እኤአ በ2009 በ1:02:54 ሰዐት በማሸነፍ የመጀመሪያው ኢትዮጵያዊ አትሌት ነው። በሴቶች ደግሞ አትሌት በላይነሽ ኦልጅራ እኤአ በ2007 ውድድሩን በ1:13:44 በማጠናቀቅ በሴቶች የመጀመሪያዋ ኢትዮጵያዊት አሸናፊ ሆና ትታወሳለች።🇪🇹 💥🏃🏃‍♀

02/10/2026

ፍሬው ሀይለገብርኤል የዩጋንዳ ሴቶች ብሔራዊ ቡድን አሰልጣኝ ሆኖ ተሾመ!

🇺🇬⚽ የኢትዮጵያ ሴቶች እግር ኳስን በስኬት ጎዳና ላይ በመምራት ስማቸውን በጉልህ ካስጠሩ አሰልጣኞች አንዱ የሆነው ፍሬው ሀይለገብርኤል፣ የቀጣይ አሰልጣኝነት ጉዞውን ወደ ምስራቅ አፍሪካዋ ሀገር ዩጋንዳ በማዞር አዲስ ታሪካዊ ምዕራፍ ጀምሯል።
የቀድሞው የደደቢት፣ የሲዳማ ቡና እንዲሁም የኢትዮጵያ ከ20 ዓመት በታች እና የዋናው "ሉሲዎች" ብሔራዊ ቡድን አሰልጣኝ የነበረው አሰልጣኝ ፍሬው፣ ለቀጣዮቹ ሁለት ዓመታት የዩጋንዳ ሴቶች ብሔራዊ ቡድን ዋና አሰልጣኝ ሆኖ በይፋ መሾሙ ተረጋግጧል።

ከዚህ ቀደም የኢትዮጵያ ከ20 ዓመት በታች የሴቶች ብሔራዊ ቡድንን ለሴካፋ ዋንጫን ያበቃው አሰልጣኝ ፍሬው፣ በወንዶች እግር ኳስም ቢሾፍቱ አውቶሞቲቭን በከፍተኛ ሊጉ ማሰልጠኑ ይታወሳል። ወደ ዩጋንዳ አምርቶ የካምፓላ ኪዊንስ የሴቶች ክለብን በተረከበበት ወቅትም፣ የሀገሪቱን የሴቶች ፕሪምየር ሊግ እና የጥሎ ማለፍ ዋንጫን በአንድ ላይ በማንሳት ድርብ ድል ማስመዝገብ ችሏል።

ከካምፓላ ኪዊንስ ጋር የነበረውን ስኬታማ ቆይታ ከወራት በፊት ያጠናቀቀው አሰልጣኝ ፍሬው፣ አሁን ደግሞ የዩጋንዳን ሴቶች ብሔራዊ ቡድን በዞኑ እና በአህጉር አቀፍ መድረኮች የበለጠ ውጤታማ ለማድረግ ሀገሪቱ የሰጠችውን አደራ ተረክቧል።🔥🇺🇬

29/09/2026

"እኛ እና እነሱ!"

😱 አንድ የብሔራዊ ቡድን ወይም የክለብ ዋና አሰልጣኝ በጨዋታ ወቅት ሙሉ 90 ደቂቃ ከተቀመጠበት ሳይነሳ ጨዋታውን መከታተሉ በቡድኑ አዕምሮአዊ፣ ታክቲካዊ እና ውጤታማነት ላይ ቀጥተኛ አሉታዊ ተጽዕኖ ያሳድራል።

የተጫዋቾች የሞራል እና የትኩረት መቀነስ ዋነኛው ነው። ተጫዋቾች በሜዳ ውስጥ በሚያጋጥማቸው ከፍተኛ ጫና እና ድካም ወቅት ከአሰልጣኛቸው የሰውነት እንቅስቃሴ ፣ አካላዊ ግፊት እና ስሜትን ማየት ይፈልጋሉ። አሰልጣኙ ዝም ብሎ ሲቀመጥ ተጫዋቾች "አሰልጣኛችን ተስፋ ቆርጧል" ወይም "ጨዋታው ከአቅሙ በላይ ሆኖበታል" የሚል የተሳሳተ መልእክት ሊወስዱ ይችላሉ።

በጨዋታ ወቅት የተጋጣሚ ቡድን ስልት ሲቀየር ወይም በሜዳ ላይ ክፍተቶች ሲፈጠሩ ወዲያውኑ ጮክ ብሎ በመጣራት፣ በምልክት በማሳየት ወይም ተጫዋቾችን ጠርቶ መመሪያ አለመስጠት ቡድኑ ዋጋ እንዲከፍል ያደርጋል። ከወንበር ላይ ሆኖ ጨዋታን መመልከት እና ቆሞ ከሜዳው ጠርዝ (Touchline) መምራት የሚሰጡት የእይታ እና የመግባባት አቅምም ፍፁም የተለያየ ነው።

ቆሞ ጨዋታን የሚመራ አሰልጣኝ በዳኞች ውሳኔ ላይ (ሕግ ሳይጥስ) በስነ-ልቦና ደረጃ ጫና ያሳድራል፤ እንዲሁም ደጋፊው ቡድኑን እንዲደግፍ እና ድባቡ እንዲሞቅ የማቀጣጠል ሚና ይጫወታል። ሙሉ በሙሉ ተቀምጦ መዋል ግን ይህንን እድል ያሳጣል።

አሰልጣኙ ከሜዳው ጠርዝ በቅርበት ሲከታተልና ሲጮህ ተጫዋቾች በሥነ-ልቦና ደረጃ የበለጠ ንቁና ስህተት ለመቀነስ ጥንቁቆች ይሆናሉ። ዓለም አቀፍ ተሞክሮዎች እና የዘመናዊ እግር ኳስ አዝማሚያዎች የዋና አሰልጣኞች የአመራር ዘይቤ (Touchline Management) ይለያያል። ይሁን እንጂ ሙሉ በሙሉ ተቀምጦ መዋል በዘመናዊ እግር ኳስ ውስጥ አይበረታታም።

እንደ ዲዬጎ ሲሜኦኔ አይነት ቆመውና በስሜት ጨዋታ የሚመሩ አሰልጣኞች፣ በሜዳው ጠርዝ የሚያሳዩት ከፍተኛ ሞራልና ስሜት የቡድኑ (አትሌቲኮ ማድሪድ) መታወቂያ ነው። ተጫዋቾቹ እስከ መጨረሻው ሰከንድ እንዲታገሉ የሚያደርገው ዋናው ምክንያትም የአሰልጣኙ የማይቋረጥ እንቅስቃሴ ነው። ፔፕ ጉዋርዲዮላ እና የርገን ክሎፕም ተመሳሳይ ባህሪ አላቸው። ሁለቱም አሰልጣኞች እያንዳንዱን የሜዳ ላይ እንቅስቃሴ በቅርበት እየተከታተሉ ታክቲክን በየደቂቃው ያስተካክላሉ።

ሙሉ ጨዋታን እንደ ዋልያዎቹ አለቃ ዮሐንስ ሳህሌ ተቀምጠው በመመልከት የሚታወቁ አሰልጣኞች እንደ ማርሴሎ ቢልሳም ቢሆኑ ጨዋታውን በጥበብ ከመተንተናቸው ባለፈ፣ ወሳኝ ጊዜያት ላይ በመቆም ጠንካራ መመሪያዎችን ያስተላልፋሉ።

የቀድሞው የኔዘርላንድስና የማንቸስተር ዩናይትድ አሰልጣኝ ሉዊስ ቫን ሀል አብዛኛውን ጊዜ ደብተራቸውን ይዘው ተቀምጠው ጨዋታ መመልከትን ይመርጣሉ። ነገር ግን ከጎናቸው ያሉ ረዳት አሰልጣኞ ወደ ሜዳው ጠርዝ እየወጡ መመሪያ እንዲሰጡ የማድረግ ግልጽ የስራ ክፍፍል ይጠቀማሉ።

የአሁኑ የብራዚልና የቀድሞው የሪያል ማድሪድና ሌሎችም በርካታ የአውሮፓ ክለቦች ስኬታማ አሰልጣኝ ካርሎ አንቸሎቲ(ካርሊቶ) ቡድኖቻቸውን ሲመሩ ረጋ ብለው የተቀመጡ ቢመስሉም፣ ከጨዋታው ሂደት ጋር አብረው የሚንቀሳቀሱ እና ረዳቶቻቸውን (ለምሳሌ እንደ ልጃቸውና ረዳት አሰልጣኛቸው ዳቪዴ አንቸሎቲን) ወደ ሜዳው ጠርዝ በመላክ የቅርብ መመሪያ እንዲሰጥ ያደርጋሉ።

አንድ አሰልጣኝ በባህሪው ረጋ ያለ ወይም ተቀምጦ ጨዋታን መተንተን የሚወድ ከሆነ፣ ቢያንስ ረዳት አሰልጣኙ በሜዳው ጠርዝ ላይ ቆሞ ቡድኑን እንዲመራ ማድረግ አለበት። ዋናው አሰልጣኝም ሆነ ረዳቶቹ ሙሉ 90 ደቂቃ ተቀምጠው ጨዋታን የሚከታተሉ ከሆነ፣ ቡድኑ በሜዳ ላይ አቅጣጫ እና የሞራል ድጋፍ በማጣት ለውጤት መበላሸት የመጋለጥ እድሉ ከፍተኛ ነው! የእኛ አሰልጣኞች ችግርም አንዱ ማሳያ ይሄ ነው።😱

29/09/2026

⛤⛤የጨዋታው ኮከብ፣ ውቡ ደጋፊ!!🇪🇹🇪🇹

29/09/2026

"ከዳካር እስከ ባህር ዳር!"

🇪🇹⚽️🇸🇳 ታንዛኒያ፣ ኬንያ እና ዩጋንዳ በጋራ በሚያዘጋጁት የ2027 ትልቅ የእግር ኳስ ድግስ ላይ ለመሳተፍ በሚደረገው ብርቱ ፉክክር፣ በምድብ 10 የተደለደለው የኢትዮጵያ ብሔራዊ ቡድን የመጀመሪያ የምድብ ጨዋታውን ጁባ ላይ በሱዳን 1ለ0 ከተሸነፈ ከቀናት በኋላ ዛሬ ሌላ ወሳኝ ፍልሚያ ይጠብቀዋል።

የአሰልጣኝ ዮሐንስ ሳህሌ የዋልያዎች ስብስብ ከሽንፈቱ አንጎበር በፍጥነት ወጥቶ ወደ ድል መንገድ ለመመለስና የአፍሪካ ዋንጫ ተስፋውን ለማለምለም ዛሬ ከቀኑ 10:00 ሰዓት ጀምሮ በባህር ዳር ዓለም አቀፍ ስታዲየም የምድቡን ሀያል ሀገር ሴኔጋልን ያስናግዳል።

አሰልጣኝ ዮሐንስ ሳህሌ ተጫዋቾቻቸው የዛሬውን ጨዋታ ለማሸነፍና ሁሉንም ነገር ለመስጠት ዝግጁ መሆናቸውን የገለፁ ሲሆን፣ “ውጤቱ የሚወሰነው በ90 ደቂቃ ነው” ሲሉ በትናንት ምሽቱ መግለጫ ተናግረዋል። በሌላ በኩል የሴኔጋሉ አሰልጣኝ ፓትሪክ ቪየራ፣ ዋልያዎቹ ለረጅም ዓመታት በገዛ ሜዳቸውና በደጋፊዎቻቸው ፊት የመጫወት ዕድል ሳያገኙ መቆየታቸውን በማስታወስ፣ ዛሬ በሜዳቸው መጫወታቸው ጨዋታውን ከባድ እንደሚያደርገው ገልፀዋል። ሆኖም የባህር ዳር ስታዲየም የመጫወቻ ሜዳ እና ለቴራንጋ አንበሶቹ የጨዋታ አቀራረብ ምቹ በመሆኑ፣ ይህንን እንደ መልካም አጋጣሚ በመጠቀም ሙሉ 3 ነጥብ ይዘው ለመውጣት እንደሚጫወቱ ተናግረዋል።

ተጋጣሚያቸውን ኢትዮጵያን በፍፁም አክብረው ወደ ሜዳ እንደሚገቡ የገለፁት አሰልጣኙ፣ ቡድናቸው በዓለም አቀፍ ደረጃ ስም ባላቸው ኮከቦች የተሞላ ቢሆንም፣ የእያንዳንዱን ተጫዋች ተሰጥኦ ወደ አንድ ጠንካራና የተቀናጀ የቡድን መንፈስ የመለወጥ ኃላፊነት እንዳለባቸው ተናግረዋል። በዘመናዊ እግር ኳስ አሸናፊነትን የሚያረጋግጠው በተጫዋቾች የግል ተሰጥኦ ሳይሆን የጠቅላላው የቡድን ስብስብ ጥራትና አንድነት መሆኑንም ጠቅሰዋል።
ኢትዮጵያና ሴኔጋል በመጀመሪያው ጨዋታቸው በርካታ የግብ ዕድሎችን በማባከን የአጨራረስ ድክመት የታየባቸው በመሆኑ፣ የዛሬው ፍልሚያ ያንን ክፍተት አርሞ ወደ ድል መንገድ ለመመለስ የሚደረግ የሞት ሽረት ፍልሚያ እንደሚሆን ይጠበቃል።

በሁለቱ ሀገራት መካከል ያለው የእርስ በእርስ ግንኙነት ረጅም ዘመናትን ያስቆጠረ ቢሆንም፣ በዋናው ብሔራዊ ቡድን ደረጃ የተገናኙት ለአራት ጊዜያት ብቻ ነው። በእነዚህ ፍልሚያዎች ሴኔጋል 3 ጊዜ በማሸነፍ የበላይነቱን ስትወስድ፣ ዋልያዎቹ ድል ቀንቷቸው የሚያውቀው ለአንድ ጊዜ ብቻ ነው። በታሪክ ለመጀመሪያ ጊዜ እ.ኤ.አ በ1963 በወዳጅነት ጨዋታ ኢትዮጵያ ዳካር ላይ ሴኔጋልን 2 ለ 1 በማሸነፍ ታሪካዊ ድል ብታስመዘግብም፣ በቀጣዮቹ ሶስት ጨዋታዎች ግን ሴኔጋል አሸንፋለች (በ1965ቱ የአፍሪካ ዋንጫ 5 ለ 1፣ እንዲሁም በ1996ቱ ማጣሪያ በአዲስ አበባ 2 ለ 1 እና በዳካር በነበረው ጨዋታ)።

የቴራንጋ አንበሶቹ ወደ ኢትዮጵያ መጥተው የተጫወቱት ከ30 ዓመታት በፊት እ.ኤ.አ ጥቅምት 6 ቀን 1996 በአዲስ አበባ ስታዲየም የነበረ ሲሆን፣ የዛሬው የባህር ዳር ፍልሚያ ሴኔጋል በታሪኳ ወደ ኢትዮጵያ መጥታ የምትጫወተው ለሁለተኛ ጊዜ ያደርገዋል። ዋልያዎቹ የሜዳቸውን ብልጫና የደጋፊያቸውን ወሳኝ ድጋፍ ተጠቅመው የቴራንጋ አንበሶችን ከ63 ዓመት በፊት ዳካር ላይ ያሸነፉበትን ታሪክ ዛሬ ባህር ዳር ላይ ይደግሙ ይሆን? 🇪🇹⚽️🇸🇳

28/09/2026

ኦዴጋርድ:-
🗣"ለእኔ ክርስቲያኖ ሮናልዶ በየትኛውም መንገድ አርአያ ነው፣ በጣም ደግ ነው! በሪያል ማድሪድ ብዙ አግዞኛል። ያንን መቼም አልረሳውም፣ ከእሱ ጋር መጫወት የሁሉም ህፃናት ህልም ነው፣ ከእሱ ጋር አብሮ መጫወት ያለው ስሜትም ልዩና አስደናቂ ነው"❤

28/09/2026

ዋልያዎቹ ከቴራንጋ አንበሶች!

🇪🇹⚽️🇸🇳 ነገ 10:00 ሰዐት የሚጀምረውን የኢትዮጵያና የሴኔጋል ጨዋታ ለማስተናገድ የባህርዳር ስታዲየም በዚህ መልኩ ዝግጁ ሆኗል!🇪🇹⚽️🇸🇳

Zemen sport

05/10/2026

05/10/2026

03/10/2026

03/10/2026

02/10/2026

29/09/2026

29/09/2026

29/09/2026

28/09/2026

28/09/2026

Address

Telephone

Website

Alerts

Contact The Business

Shortcuts

Share

Listing takedown request