Manchester United Ethio Fans

Call Directions

Manchester United Ethio Fans ይህ ፔጅ ስለ ማንችስተር ዩናይትድ የሚወጡ መረጃዎችን ባማረ መልኩ የሚቀርብበት ቻናል ነው።
(7)

🔴 PART 6 | ዋንጫዎች፣ ዕዳ እና 20 ዓመታት!2005 ላይ ግሌዘሮች ዩናይትድን ተቆጣጠሩ፤ ደጋፊዎቹም ተቃውሟቸውን ጀመሩ።ነገር ግን አንድ የሚገርም ነገር ነበር…ዩናይትድ ማሸነፉን ቀጠለ።...
03/10/2026

🔴 PART 6 | ዋንጫዎች፣ ዕዳ እና 20 ዓመታት!

2005 ላይ ግሌዘሮች ዩናይትድን ተቆጣጠሩ፤ ደጋፊዎቹም ተቃውሟቸውን ጀመሩ።

ነገር ግን አንድ የሚገርም ነገር ነበር…

ዩናይትድ ማሸነፉን ቀጠለ።

በሰር አሌክስ ፈርጉሰን ስር ከግሌዘሮች መምጣት በኋላ 5 ፕሪሚየር ሊግ፣ 1 ቻምፒየንስ ሊግ፣ 3 ሊግ ካፕ እና 1 የክለቦች ዓለም ዋንጫ ተገኘ።

በሜዳ ላይ ዩናይትድ እያሸነፈ ነበር፤ ከሜዳ ውጪ ግን የግሌዘሮች ግዢ ያመጣው ዕዳ እና የወለድ ክፍያ አልጠፋም።

በ2010 ተቃውሞው ከፍ አለ። ደጋፊዎች የክለቡን የቀድሞ ቀለማት አረንጓዴና ወርቃማ በመልበስ ግሌዘሮች እንዲለቁ ጠየቁ።

ከዚያ 2013 መጣ…

ሰር አሌክስ ጡረታ ወጣ።

ከዚያ በኋላ ዩናይትድ በተጫዋቾች ላይ ብዙ ገንዘብ ቢያወጣም ከ2013 በኋላ የፕሪሚየር ሊግ ዋንጫ ማንሳት አልቻለም።

በ2021 የአውሮፓ ሱፐር ሊግ ጉዳይ የደጋፊዎቹን ቁጣ ዳግም አቀጣጠለ። በኦልድትራፎርድ የተደረገው ትልቅ ተቃውሞ ከሊቨርፑል ጋር የነበረው ጨዋታ እንዲራዘም እስከማድረግ ደረሰ።

በ2024 ሰር ጂም ራትክሊፍ እና INEOS የዩናይትድን አናሳ ድርሻ ገዙ፤ የክለቡን የእግር ኳስ ስራዎችም መምራት ጀመሩ።

ግሌዘሮች ግን አልወጡም።

በ2003 በ2.9% የጀመረው የማልኮም ግሌዘር ግዢ ከ20 ዓመታት በኋላም የዩናይትድ ታሪክ አካል ሆኖ ቀጥሏል።

ዋንጫዎች ተነስተዋል፣ አሰልጣኞች ተቀያይረዋል፣ ተጫዋቾች መጥተው ሄደዋል፣ ተቃውሞዎችም ተደርገዋል…

ግን ከ2005 ጀምሮ አንድ ነገር አልተቀየረም።

ግሌዘሮች አሁንም እዚህ ናቸው።

END.

ይህንን ፕሮግራም ያቀረብኩላችሁ ነኝ.. መልካም ምሽት ተመኘውላችሁ


🔴 PART 5 | “UNITED IS NOT FOR SALE!”ግሌዘር ዩናይትድን ገና ሙሉ በሙሉ ሳይቆጣጠር… ደጋፊዎቹ ምን ሊመጣ እንደሚችል ፈርተው ነበር።በPART 4 እንዳየነው ማልኮም ግሌዘር ...
03/10/2026

🔴 PART 5 | “UNITED IS NOT FOR SALE!”

ግሌዘር ዩናይትድን ገና ሙሉ በሙሉ ሳይቆጣጠር… ደጋፊዎቹ ምን ሊመጣ እንደሚችል ፈርተው ነበር።

በPART 4 እንዳየነው ማልኮም ግሌዘር ክለቡን ለመግዛት ያቀረበው እቅድ በከፍተኛ ብድር ላይ የተመሰረተ ነበር።

ይህም የዩናይትድ ደጋፊዎችን አስቆጣ።

“ክለባችንን ለመግዛት ተበድረህ የዚያን ብድር ሸክም እንዴት በክለባችን ላይ ትጥላለህ?”

ዋናው ጥያቄ ይህ ነበር እና ደጋፊዎቹ ዝም አላሉም።

በ2004 እና 2005 ተቃውሞው እየጠነከረ መጣ። በኦልድትራፎርድ ዙሪያ ሰልፎች ተደረጉ ባነሮች ተሰቀሉ፣ ግሌዘር ክለቡን እንዳይገዛ ግፊት ተደረገ።

መልዕክታቸውም፦ " UNITED IS NOT FOR SALE!” የሚል ነው

የሚገርመው ግን ስጋቱ የደጋፊዎች ብቻ አልነበረም።

የዩናይትድ ዋና ስራ አስፈፃሚ ዴቪድ ጊል እንኳን በ2004 የግሌዘርን የግዢ እቅድ በዕዳው መጠን ምክንያት “እጅግ አደገኛ” የሆነ የንግድ እቅድ ብሎ ገልጾት ነበር።

የክለቡ ቦርድም የመጀመሪያዎቹን የግሌዘር ሙከራዎች አልተቀበለም።

ነገር ግን በግንቦት 2005 ሁሉም ነገር ተቀየረ።

ግሌዘር ከ50% በላይ ድርሻ አግኝቶ የክለቡን ቁጥጥር ሲይዝ ተቃውሞው የበለጠ ተባባሰ።

ግሌዘር ቤተሰብ ለመጀመሪያ ጊዜ ኦልድትራፎርድን ሲጎበኝም ሁኔታው እጅግ ውጥረት የበዛበት ነበር።

በመቶዎች የሚቆጠሩ ደጋፊዎች ከስታዲየሙ ውጪ ተሰበሰቡ። ፖሊስ ግሌዘሮችን ከተቃዋሚዎቹ ለመጠበቅ ተሰማራ።

አንዳንድ ደጋፊዎች ግን ከተቃውሞ የበለጠ ነገር ወሰኑ።

“ይህ ከእንግዲህ የምናውቀው ዩናይትድ አይደለም” ብለው ክለቡን መከታተል ያቆሙ ነበሩ።

ከእነዚያ ደጋፊዎች መካከል የተወሰኑት ደግሞ በ2005 አዲስ ክለብ መሰረቱ።

ስሙም…

FC. ዩናይትድ ኦፍ ማንችስተር።

ለእነሱ ይህ ሌላ ቡድን መደገፍ ብቻ አልነበረም፤ የእግር ኳስ ክለብ የደጋፊዎቹም እንደሆነ ለማሳየት የተወሰደ እርምጃ ነበር።

ግን ተቃውሞው ግሌዘሮችን ማስቆም አልቻለም። እነሱ ክለቡን ተቆጣጠሩ።

እና የሚገርመው…

በቀጣዮቹ ዓመታት ዩናይትድ በሜዳ ላይ ከታሪኩ እጅግ ስኬታማ ዘመናት አንዱን ማሳለፍ ጀመረ።

ፕሪሚየር ሊግ ዋንጫዎች…
የ2008 ቻምፒየንስ ሊግ…
ክርስቲያኖ ሮናልዶ፣ ዌይን ሩኒ፣ ካርሎስ ቴቬዝ…

ሰር አሌክስ ዩናይትድን ወደ ሌላ የስኬት ዘመን ወሰደው። ታዲያ ቡድኑ ይህን ያህል እያሸነፈ…

ደጋፊዎቹ ግሌዘሮችን መቃወማቸውን ለምን ቀጠሉ?

ምክንያቱ በሜዳ ላይ ከሚታየው ድል ጀርባ ሌላ ቁጥር እያደገ ነበር…

የዩናይትድ ዕዳ።

PART 6 - ዋንጫዎች፣ ዕዳ፣ ተቃውሞ… እና የግሌዘሮች 20 ዓመታት!


🔴 PART 4 | £790 ሚሊዮኑ ከየት መጣ?በPART 3 ማልኮም ግሌዘር በ2005 ዩናይትድን ወደ £790 ሚሊዮን በሚጠጋ ዋጋ እንዴት እንደተቆጣጠረ ተመልክተናል።ግን ከሁሉ የሚያስገርመው ነገ...
03/10/2026

🔴 PART 4 | £790 ሚሊዮኑ ከየት መጣ?

በPART 3 ማልኮም ግሌዘር በ2005 ዩናይትድን ወደ £790 ሚሊዮን በሚጠጋ ዋጋ እንዴት እንደተቆጣጠረ ተመልክተናል።

ግን ከሁሉ የሚያስገርመው ነገር የግዢው ዋጋ አልነበረም።

ግሌዘር £790 ሚሊዮኑን በሙሉ ከኪሱ አላወጣም።

የግዢው ፋይናንስ በሶስት ዋና ክፍሎች ተዘጋጅቶ ነበር።

ወደ £272 ሚሊዮን - የግሌዘር ቤተሰብ ገንዘብ እና ቀድሞ የገዟቸው የዩናይትድ አክሲዮኖች።

£265 ሚሊዮን - ከባንኮች የተገኘ ብድር።

£275 ሚሊዮን - ከከፍተኛ ወለድ ጋር የተያያዘ ውድ ፋይናንስ።

በአጭሩ ከግዢው ከግማሽ በላይ የተደገፈው በተበደረ ገንዘብ ነበር።

ይህንን የግዢ አይነት በፋይናንስ ዓለም “በብድር የተደገፈ ግዢ” ብለው ይጠሩታል።

እንዲህ አስቡት…

አንድን ትልቅ ንብረት መግዛት ትፈልጋላችሁ። ዋጋውን በሙሉ ከራሳችሁ ገንዘብ ከመክፈል ይልቅ ከፍተኛውን ክፍል ትበደራላችሁ። ንብረቱን ከገዛችሁ በኋላ ደግሞ የገዛችሁት ንብረት ራሱ የብድሩን ወጪ ለመሸከም ይውላል።

በዩናይትድ የተፈጠረው ዋናው ውዝግብ ይህ ነበር።

ከባንክ የተገኘው £265 ሚሊዮን ብድር በዩናይትድ ንብረቶች ላይ ዋስትና እንዲኖረው ተደረገ፤ ኦልድትራፎርድም ከእነዚህ ንብረቶች መካከል ነበር።

ከዚህ በፊት ዩናይትድ የዚህ ዓይነት የግዢ ዕዳ ያልነበረበት ክለብ ነበር።

አሁን ግን አዲሱ ባለቤት ክለቡን ለመግዛት የተጠቀመበት ፋይናንስ የዩናይትድን ገንዘብና ንብረት የሚመለከት ጉዳይ ሆነ።

እና ወጪው ቀላል አልነበረም።

£265 ሚሊዮኑ የባንክ ብድር ብቻ በዓመት ወደ £18.5 ሚሊዮን የወለድ ወጪ ነበረው።

የ£275 ሚሊዮኑ ሌላኛው ፋይናንስ ደግሞ የበለጠ ውድ ነበር፤ ወለዱም በጊዜ ሂደት እየጨመረ ሊሄድ የሚችል ነበር።

ዩናይትድ ግን ገንዘብ የሚያመነጭ ትልቅ ክለብ ነበር።

ስለዚህ የግሌዘሮች እቅድ ግልፅ ነበር፤ የክለቡን ገቢ ማሳደግ፣ የጨዋታ ቀን ገቢን፣ የስፖንሰርሺፕና ሌሎች የንግድ ገቢዎችን ማሳደግ እና በዚያ ገቢ የፋይናንስ ግዴታዎቹን መሸፈን።

ነገር ግን ይህ እቅድ አንድ ትልቅ ነገር ይፈልግ ነበር…

ማንችስተር ዩናይትድ ገንዘብ ማመንጨቱን እና በሜዳ ላይ ስኬታማ መሆኑን መቀጠል ነበረበት።

እና ደጋፊዎቹ ይህንን አደጋ ግሌዘር ክለቡን ከመግዛቱ በፊት አይተውት ነበር።

ለዚህም ነው በኦልድትራፎርድ…

“NOT FOR SALE” የሚለው ድምፅ መጮህ የጀመረው።

PART 5 - ደጋፊዎቹ ግሌዘርን ለማስቆም ያደረጉት ትግል…


🔴 PART 3 | ዩናይትድ በግሌዘር እጅ የገባበት ቀን!ግንቦት 12፣ 2005…ይህ ቀን በማንችስተር ዩናይትድ የባለቤትነት ታሪክ ውስጥ ሁሉንም ነገር የቀየረ ቀን ነበር።በPART 2 እንዳየነው...
03/10/2026

🔴 PART 3 | ዩናይትድ በግሌዘር እጅ የገባበት ቀን!

ግንቦት 12፣ 2005…

ይህ ቀን በማንችስተር ዩናይትድ የባለቤትነት ታሪክ ውስጥ ሁሉንም ነገር የቀየረ ቀን ነበር።

በPART 2 እንዳየነው ማልኮም ግሌዘር የዩናይትድን ድርሻ ቀስ በቀስ በመግዛት 28% አካባቢ ደርሶ ነበር።

ነገር ግን ይህ ብቻውን ክለቡን ለመቆጣጠር አይበቃውም።

ቁልፉ በጆን ማግኒየር እና በጄ.ፒ. ማክማነስ እጅ ነበር።

ሁለቱ ባለሀብቶች የያዙትን 28.7% የዩናይትድ ድርሻ ለግሌዘር ለመሸጥ ተስማሙ።

እና በአንድ ግብይት…

የግሌዘር ድርሻ ከ28.1% ወደ 56.9% ከፍ አለ።

ይህ 50%ን ማለፍ ብቻ አልነበረም፤ ማልኮም ግሌዘር በዚያች ቀን የማንችስተር ዩናይትድ አብላጫ ድርሻ ባለቤት ሆነ።

የክለቡን ቁጥጥር የሚቀይረው ወሳኝ ደረጃ ተሻግሮ ነበር።

ግን ግሌዘር እዚያ ላይ አላቆመም።

በቀጣዩ ቀን ከሌሎች ባለአክሲዮኖች ተጨማሪ ድርሻ በመግዛት ይዞታውን ወደ 74.8% አደረሰ።

ጥቂት ቀናት በኋላ ደግሞ ይህንንም ገደብ አለፈ።

75% መድረሱ እጅግ ወሳኝ ነበር። ከዚህ በኋላ ዩናይትድን ከለንደን የአክሲዮን ገበያ ለማስወጣት የሚያስችለው ስልጣን አገኘ።

ከዚያም የቀሩትን ድርሻዎች መሰብሰቡን ቀጠለ።

ሰኔ 2005 መጨረሻ ላይ ድርሻው 98% በላይ ደረሰ ይህም የቀሩትን አነስተኛ ባለአክሲዮኖች ድርሻ በግዴታ ገዝቶ ሙሉ ባለቤትነቱን እንዲያጠናቅቅ መንገድ ከፈተለት።

በ1991 ወደ አክሲዮን ገበያ የገባው ማንችስተር ዩናይትድ ከ14 ዓመታት በኋላ ከገበያው ወጥቶ በግሌዘር ቤተሰብ የግል ቁጥጥር ስር ገባ።

የግዢው ዋጋ?

ወደ £790 ሚሊዮን።

ግን የዚህ ታሪክ ትልቁ ጥያቄ £790 ሚሊዮኑ አልነበረም።

ጥያቄው…

ግሌዘር £790 ሚሊዮን ከየት አመጣ?

ምክንያቱም ዩናይትድን የገዛው በራሱ ገንዘብ ብቻ አልነበረም።

ከግዢው ጀርባ ብድር ነበር።

እና ያ ብድር…

በመጨረሻ የማልኮም ግሌዘር ብቻ ሸክም ሆኖ አልቀረም።

የማንችስተር ዩናይትድ ሸክም ሆነ።

PART 4 -£790 ሚሊዮን፣ ብድሩ እና ዩናይትድ ላይ የተጫነው ዕዳ…


🔴 PART 2 | አንድ ፈረስ፣ ፈርጉሰን እና የዩናይትድ የስልጣን ጦርነት!በPART 1 ማልኮም ግሌዘር የማንችስተር ዩናይትድን አክሲዮን ቀስ በቀስ መሰብሰብ እንደጀመረ ተመልክተናል።ነገር ግን...
03/10/2026

🔴 PART 2 | አንድ ፈረስ፣ ፈርጉሰን እና የዩናይትድ የስልጣን ጦርነት!

በPART 1 ማልኮም ግሌዘር የማንችስተር ዩናይትድን አክሲዮን ቀስ በቀስ መሰብሰብ እንደጀመረ ተመልክተናል።

ነገር ግን ዩናይትድን ለመቆጣጠር በመንገዱ ላይ ሁለት ኃያላን ባለአክሲዮኖች ነበሩ፦ ጆን ማግኒየር እና ጄ.ፒ. ማክማነስ።

እነዚህ ሁለት አየርላንዳውያን ባለሀብቶች ከፈረስ ውድድር ኢንዱስትሪ ጋር ትልቅ ግንኙነት የነበራቸው ሲሆን ማግኒየር ከሰር አሌክስ ፈርጉሰን ጋርም የቅርብ ወዳጅነት ነበረው።

ግን ያንን ወዳጅነት አንድ ፈረስ ወደ ከባድ ግጭት ቀየረው።

ስሙም ሮክ ኦፍ ጂብራልታር ነበር።

በፈረስ ውድድር እጅግ ስኬታማ የነበረው ይህ ፈረስ ፈርጉሰን የጋራ ባለቤት ተደርጎ በስሙ የተመዘገበበት ጊዜ ነበር።

ፈረሱ በ2002 ከውድድር ከተገለለ በኋላ ግን ትልቁ ጥያቄ ተነሳ።

ፈረሱ በቀጣይ ከሚያስገኘው የዝርያ ማራቢያ ገቢ የፈርጉሰን ድርሻ ምን ያህል ነው?

ፈርጉሰን የዝርያ ማራቢያ መብቶቹ ላይ የግማሽ ድርሻ እንዳለው ይከራከር ነበር። የማግኒየር ወገን ግን የነበረው ስምምነት ፈረሱ በውድድር ላይ እስካለ ድረስ ብቻ እንደነበር ይከራከር ነበር።

ጉዳዩ በመጨረሻ እስከ ህጋዊ ክርክር ደረሰ።

ነገሩ ግን በፈርጉሰን እና በማግኒየር መካከል ያለ የግል ጉዳይ ብቻ ሆኖ አልቀረም።

ማግኒየር እና ማክማነስ በዩናይትድ ውስጥ ያላቸውን ድርሻ እየጨመሩ ነበር። በ2001 2.99% የነበረው ድርሻቸው፣ በ2004 ወደ 28.89% ደረሰ።

ይህ ትንሽ ድርሻ አልነበረም።

በክለቡ ውስጥ ከፍተኛ ተፅዕኖ ሊፈጥሩበት የሚችሉበት ኃይል ነበር።

ግጭቱ ሲባባስም በዩናይትድ የተፈጸሙ የተጫዋቾች ዝውውሮችና ለወኪሎች የተከፈሉ ክፍያዎች እንዲመረመሩ ጫና ማድረግ ጀመሩ። የክለቡ ቦርድም በመጨረሻ የቅርብ ጊዜ ዝውውሮቹን ለመመርመር ተስማማ።

ኦልድትራፎርድ ውስጥ ያለው ሁኔታ ከእግር ኳስ ጉዳይ አልፎ የስልጣን ግጭት ሆኖ ነበር።

በዚህ ሁሉ መሃል ደግሞ አንድ ሰው የሚሆነውን በጥንቃቄ እየተከታተለ ነበር…

ማልኮም ግሌዘር።

በጥቅምት 2004 የግሌዘር ድርሻ 28.1% ደረሰ።

ማግኒየር እና ማክማነስ - 28.9%።
ማልኮም ግሌዘር - 28.1%።

የማንችስተር ዩናይትድ የወደፊት ባለቤትነት አሁን በሁለት ወገኖች እጅ ውስጥ ነበር።

ግሌዘር ዩናይትድን ለመቆጣጠር ከፈለገ የአየርላንዳውያኑ 28.9% ድርሻ ወሳኝ ነበር።

እና በ2005…

ማግኒየር እና ማክማነስ አንድ ውሳኔ ወሰኑ።

ያ ውሳኔ የማንችስተር ዩናይትድን ባለቤትነት ለዘላለም ቀየረው።

PART 3 — ግሌዘር በአንድ ቀን የዩናይትድ ተቆጣጣሪ እንዴት ሆነ?


🔴 PART 1 | ሁሉም ነገር እንዴት ተጀመረ?2003 ዓ.ም አይደለም፤ እ.ኤ.አ 2003…ማንችስተር ዩናይትድ በሜዳ ላይ ብቻ ሳይሆን ከሜዳ ውጪም ከዓለማችን ትልልቅ ክለቦች አንዱ ነበር።በሰር...
03/10/2026

🔴 PART 1 | ሁሉም ነገር እንዴት ተጀመረ?

2003 ዓ.ም አይደለም፤ እ.ኤ.አ 2003…

ማንችስተር ዩናይትድ በሜዳ ላይ ብቻ ሳይሆን ከሜዳ ውጪም ከዓለማችን ትልልቅ ክለቦች አንዱ ነበር።

በሰር አሌክስ ፈርጉሰን እየተመራ ዋንጫዎችን የሚያነሳ፣ በዓለም ዙሪያ እጅግ ብዙ ደጋፊዎች ያሉት እና በንግድ በኩልም ከፍተኛ ገቢ የሚያስገኝ ክለብ ነበር።

በዚያን ጊዜ ግን ዩናይትድ ዛሬ እንደምናውቀው በአንድ ቤተሰብ ወይም ባለሀብት ቁጥጥር ስር አልነበረም።

ክለቡ በለንደን የአክሲዮን ገበያ ላይ የተመዘገበ ኩባንያ ነበር። የክለቡ ድርሻዎች በተለያዩ ባለአክሲዮኖች እጅ የነበሩ ሲሆን አንድ ሰው ብቻውን ዩናይትድን የሚቆጣጠርበት ስልጣን አልነበረውም።

ከዚያ አንድ አሜሪካዊ ነጋዴ ብቅ አለ…

ማልኮም ግሌዘር።

ግሌዘር በአሜሪካ በተለያዩ ንግዶች ሀብቱን ያፈራ ባለሀብት ሲሆን የአሜሪካ ፉትቦል ቡድኑ ታምፓ ቤይ ባካኒርስም ባለቤት ነበር።

በ2003 የዩናይትድን 2.9 በመቶ ድርሻ ገዛ።

በወቅቱ 2.9 በመቶ ብዙም የሚያስፈራ ቁጥር አልነበረም። ዩናይትድን ለመቆጣጠር እንኳን የሚቀርብ ድርሻ አልነበረም።

ችግሩ ግን ግሌዘር እዚያ ላይ አለማቆሙ ነበር።

ወራት እያለፉ ሲሄዱ ተጨማሪ የዩናይትድ አክሲዮኖችን መግዛት ቀጠለ። በዓመቱ መጨረሻ ድርሻው ወደ 15 በመቶ ገደማ ከፍ ብሎ ነበር።

እዚህ ላይ ነገሩ ተቀየረ።

የዩናይትድ ኃላፊዎችም የዚህ አሜሪካዊ ባለሀብት እውነተኛ እቅድ ምን እንደሆነ ማወቅ ፈለጉ። የክለቡ ዋና ስራ አስፈፃሚ ዴቪድ ጊል ከግሌዘር እና ከልጆቹ ጋር ለመነጋገር እስከ ፍሎሪዳ ድረስ ተጓዘ።

ጥያቄው ቀላል ነበር፦

ግሌዘር የዩናይትድን ድርሻ በዚህ ፍጥነት የሚገዛው ለምንድነው?

የግሌዘር ወገን የሰጠው ምላሽ ዩናይትድን “ጥሩ ኢንቨስትመንት” አድርጎ እንደሚያየው ብቻ ነበር።

ዩናይትድን ሙሉ በሙሉ የመግዛት እቅድ እንዳለው ግን ግልፅ አላደረገም።

በዚያን ጊዜ ግሌዘር ብቻውን ዩናይትድን መቆጣጠር አይችልም ነበር።

በመንገዱ ላይ ሁለት እጅግ ኃይለኛ ባለአክሲዮኖች ቆመው ነበር።

ጆን ማግኒየር እና ጄ.ፒ. ማክማነስ።

እነሱም በወቅቱ ከዩናይትድ ትልቁን ድርሻ ከያዙ ባለአክሲዮኖች መካከል ነበሩ።

ከሁሉ የሚገርመው?

ከእነዚህ ሰዎች አንዱ ከሰር አሌክስ ፈርጉሰን ጋር በአንድ ታዋቂ የውድድር ፈረስ ምክንያት ወደ ከባድ ግጭት ሊገባ ነበር።

ያ ግጭት ደግሞ ከእግር ኳስ ሜዳ ውጪ ቢጀምርም የማንችስተር ዩናይትድ ባለቤትነት ታሪክ ውስጥ ከሚነሱ ትልልቅ ክስተቶች አንዱ ሆነ…

PART 2 — ሰር አሌክስ፣ የውድድር ፈረሱ እና የዩናይትድ 28.9% ድርሻ…


THE GLAZER TAKEOVER ⁉️£790 ሚሊዮን… አንድ ቤተሰብ… እና የማንችስተር ዩናይትድን ታሪክ የቀየረ ውሳኔ!2005 - ማንችስተር ዩናይትድ የዓለማችን ትልቅና በገንዘብ አቅሙ ጠንካራ...
03/10/2026

THE GLAZER TAKEOVER ⁉️

£790 ሚሊዮን… አንድ ቤተሰብ… እና የማንችስተር ዩናይትድን ታሪክ የቀየረ ውሳኔ!

2005 - ማንችስተር ዩናይትድ የዓለማችን ትልቅና በገንዘብ አቅሙ ጠንካራ ከሆኑ ክለቦች አንዱ ነበር።

ከዚያ ማልኮም ግሌዘር መጣ…

ግን ዩናይትድን እንዴት ገዛው? ለግዢው የዋለው ገንዘብስ ከየት መጣ? ደጋፊዎች ግዢው ገና ሳይጠናቀቅ ለምን ወደ ተቃውሞ ወጡ?

ዛሬ ማታ ወደ 2003 እንመለሳለን…

• በስር አሌክስ ፈርጉሰን እና በአንድ የውድድር ፈረስ የተጀመረው ግጭት ከዩናይትድ ባለአክሲዮኖች ጋር ምን አስከተለ?

የGLAZER TAKEOVER ሙሉ ታሪክ።


ከትናንት ማታ ጨዋታ በኋላ ላመንስ እና ባይንደር ተገናኝተዋል !!የማንቼ ጀግኖቻችን !!
03/10/2026

ከትናንት ማታ ጨዋታ በኋላ ላመንስ እና ባይንደር ተገናኝተዋል !!

የማንቼ ጀግኖቻችን !!


ቤንጃሚን ሼሽኮ ከሎዛን-ስፖርት ጋር በተደረገው የወዳጅነት ጨዋታ ላይ አልተሳተፈም ።[ ታይሮን ማርሻል ]
03/10/2026

ቤንጃሚን ሼሽኮ ከሎዛን-ስፖርት ጋር በተደረገው የወዳጅነት ጨዋታ ላይ አልተሳተፈም ።

[ ታይሮን ማርሻል ]


ባሌባ የዛሬ ሳምንት ቅዳሜ ከ ስፐርስ ጋር ለምናደርገው ጨዋታ በቋሚነት ሊጀምር ይችላል ። [ Ty Marshal MEN ]
03/10/2026

ባሌባ የዛሬ ሳምንት ቅዳሜ ከ ስፐርስ ጋር ለምናደርገው ጨዋታ በቋሚነት ሊጀምር ይችላል ።

[ Ty Marshal MEN ]


Address

Addis Ababa

Telephone

+251935182181

Website

Alerts

Be the first to know and let us send you an email when Manchester United Ethio Fans posts news and promotions. Your email address will not be used for any other purpose, and you can unsubscribe at any time.

Shortcuts

Share

Category