Contact information, map and directions, contact form, opening hours, services, ratings, photos, videos and announcements from Rewa Rugby Union, Professional Sports Team, Lomanikoro, Suva.
10/09/2026
Tomani na yaga ni Rakavi kivei ira na luveda …
Vinaka vakalevu ena koronivuli ni veivakarautaki e Nadave ena kena dolavi na katuba ni Vuli kei na veivakatorocaketaki, me tomani na vuli kei na kila-ka.
05/09/2026
Tailevu 32-15 Rewa
Congratulations Tailevu. Qito vinaka, kaukauwa, savasava. Totoka na veiqaravi edai e Nakelo, Tailevu Rugby Union.
Vinaka saka vakalevu na Dauniveitokoni e loma ni Yasana; eda qai vata cake ki na Skipper Cup 2026, eda sotava na veigauna dredre, bolebole. Edua na ka levu duadua ka veivakadeitaki ena gauna qo, ni vakadeitaki tikoga na veitokoni kivei ira na noda Cauravou yaloqaqa.
Taveuni ena macawa mai oqo - i Taveuni. Vakasakiti tiko na nodratou qito. Ena dua tale na bolebole vinaka.
Vinaka saka vakalevu. Vinaka Ra Cauravou. Na qaqa e tiko ga e lomada. Me sa tekivu yani qo, na vakavakarau ni qito tarava.
VAKAVINAVINAKATAKI nai solisoli levu e $2000 sa mai ciqomi ena kaviri mai na Soqosoqo ni Turaga ni Rewa mai Amerika (Rewa Men’s USA). Oqo, me tokoni saka kina na noda Matatimi.
E bolebole tiko nai tosotoso qo. Vakavinavinaka kivei ira na noda Cauravou ena kena cabeti rawa mai na Delana qo. Sa qima e 5 na qito, ka se vo e 6 tale na wavoki. Era segai ni guce ena sasaga me dei nai dratadrata ena delani qo.
Nai solisoli levu qo, e veivakauqeti ka veilaveti ena gauna bolebole e qai-curumi tiko.
Kivei kemudou na veiliutaki, Ro Jone Veidovi Logavatu, na vakailesilesi kei kemuni na lewe ni Soqosoqo, vinaka saka vakalevu na cau levu, na nomuni veitokoni kei nai tukutuku ni veivakauqeti sa ciqomi tiko. Ni kalougata ka qaqa ena nomuni sasaga, na vuvale kei na kena veiqaravi.
REWA V TAILEVU ENA MACAWA QO
Ena macawa oqo, eda na sota tiko kei na matatimi qaqa ni Tailevu ka eratou se qai vakadruka na timi ni Naitasiri ena macawa sa qima. Oqo e dua tale na bolebole vinaka kivei ira na noda Cauravou. Na qito ena vakayacori i Tailevu.
Vinaka saka na nomuni veitokoni na noda lewe ni Yasana vakaturaga o Rewa.
25/08/2026
SASAGA TIKOGA NA NODA TIMI NI REWA
Era sasaga tiko vakaukauwa na noda Cauravou me rawa na qaqa ka ra segai ni guce e nai naki sa koto. Na macala ni qito e 4 sa qima:
1. Rewa 16-31 Naitasiri;
2. Rewa 8-10 Malolo
3. Kadavu 18-17 Rewa
4. Lautoka 28-23 Rewa
REWA KEI SUVA ENA MACAWA QO
Nai tuvatuva ni Rd 5 ena macawa qo, na sota kei na matatimi qaqa ni Suva, i Suva. Me yaco mai ena kaviri, e sogo qima tu na rara taucoko ni Fiji Sports Council ka vaka kina na veikoronivuli e Suva baleta na draki kei nai tuvaki ni rara. Sa nanumi me mai vakayacori e Burebasaga, ia e ologi tiko na Vanua o Nacokoni ena o loaloa. Ena gauna qo, e se segai tikoga ni vakadeitaki na vanua ni qito.
VAKAVAKARAU NA TIMI MAI LOKIA
Era vakavakarau tale tiko na noda Cauravou ena macawa qo mai Lokia, ka se segai ni yavalati nai naki.
VAKAVINAVINAKA
Sa vakavinavinakataki tiko vakalevu sara na veitokoni ka sa rawa ni tomani tiko kina na tereni. E tiko na dredre, na bolebole. Na veivakauqeti levu duadua, ni basika tikoga na veitokoni - segai walega ena veigauna vinaka; vakabibi sara, ena veigauna bolebole vaka qo.
Na veitokoni levu ena macawa sa qima ka yacova mai na macawa qo:
1. Vuvale na VALENITABUA mai Nukui,, enai sau ni nodra Straps na cauravou ($500)
2. Sakiusa Kete,Australia $150
3. Sairusi Stan Bruce, Australia $200
4. Eroni Raivaroro,Australia $100
5. Leo Tukana, Amani Daumeke $160
6. Maria Nabou $50
7. Tu Peni, Delai ,Navatuyaba, Taga tavioka
Vinaka saka vakalevu na nomuni veiciqomi na Lewenivanua kei na dei ni veitokoni
DUA GA NA SIGA NI COLA QELE
21/08/2026
Sa vakavinavinakataki na veisiko kei na cau levu e $1,000-00 mai vei ira na noda gone ni Yasana vakaturaga o Rewa ena loma ni Mataivalu - ki na keba ni timi mai Lokia ena Vakaraubuka ena kaviri 21/8/26.
Na sede oqo, ena qai vakatabakidua ki na Player Welfare; me ra vakaivotavota na noda Cauravou, timi levu, ni qima na sota kei Lautoka, edai.
Sa tiko qo e Lautoka na noda matatimi e 3, senior, Marama kei na U20.
Sa vakavinavinakataki saka talega na nomuni veitokoni kei na masu na Dauniveitokoni qima sara kei kemuni na neimami lewe ni vuvale na dauqito. Sa nuitaki ni na dua na qito vinaka era na solia na noda matatimi edai.