Kom á #seiðaberg í Nólsoy! Frámerkið okkum á myndum o.t. við at nýta hashtaggið #seiðaberg Tað at fara á seiðaberg, er sera umhvørvisvinarlig matvørðuframleiðsla.
Verkætlanin #seiðaberg fekk 04.05.22 umhvørvisstuðul frá Tórshavnar Kommunu. Endamálið við verkætlanini er at stuðla borgarum í, at útvega sær umhvørvisvinarligan-, atkomuligan og burðargyggan mat. Hetta skal gerast við at veiða seið og annan fisk í nærumhvørvinum til egna nýtslu og uttan at nýta orku ella dálkandi tól. Einasta amboð til veiðuna er tráða við húki/pilki. Eingin orkunýtsla er tengd
at veiðuni og tá tað kemur til sjálva matgerðina er heldur eingin flutningskostnaður ella dálking av innpakking, og orkunýtslan er lítil ella eingin.
Ítøkuliga snýr tað seg um, at seta upp seiðatráður í stativ ella haldara á nøkrum útvaldum seiðabergsplássum í Nólsoy, sum øll hava atgongd til.
Á útvaldu støðunum er bjargingarútgerð tøk og altíð er gott at hava onkran við sær ella boða øðrum frá, tá tú fer á seiðaberg - børn eiga altíð at fara í fylgi við vaksnum. Trygd út yvir tøku bjargingarútgerðina er egin ábyrgd. Við kunning á alnótini (Facebook / Instagram) kunnu fólk fáa frálæru um fiskasløg, haggreiðing, uppskriftir og aðrar viðkomandi upplýsingar. Heima á kaiuni verður borð og útgerð tøk, har møguleiki verður at haggreiða fongin
Burturkastið frá haggreiðingini (garnar og innvølar) kann koma ríka fuglalívinum í oynni til góðar - eisini berð til at nýta ein part av burturkastinum sum tøð í t.d. rabarbunum. Burturkastið frá haggreiðingini (garnar og innvølar) kemur ríka fuglalívinum í oynni til góðar. Vit vóna og vanta, at úrslitið kann vera nýtt at menna vitanina hjá borgarunum um umhvørvi, tilfengi, umframt at virka heilsufremjandi. Vælkomin á #seiðaberg
Vil du plassere din virksomhed på toppen av Gym-listen i Nólsoy?
