Svimjifelagið FLOT

Góðu tit

Nú verður dómaraskeið. Vit í Flot ynskja, at so nógv sum gjørligt melda seg til skeiðið. Hetta er sera hent at fáa kunning um, tá man skal verða hjálparfólk til svimjikappingar og tað er sera viðkomandi, tá hugsað verður um Oyggjarleikirnar 2027. Tá verður tørvur á nógvum hjálparfólkum!
Soljóðandi boð eru komin frá Svimjisamband Føroya:

"30.-31.mai 2026 verður dómaraskeið.
Vit fáa 2 danir heim til Føroyar at undirvísa okkum. Hetta skeiði/útbúgvingin er grundskeiði til tíðtakara og vendidómara.
Skeiðið er skipað soleiðis, at man fyrst hevur eina e-læru í uml 1,5tímar innan 30.-31. mai, og síðani er skeiðið sjálvt uml 4-5 tímar til longdar.
Ynskiligt er, at so nógv sum gjørligt taka skeiðið, serliga við tí í huga, at vit hava oyggjaleikir í 2027.
OBS! Har er avmarkað pláss, so tað ræður um at gera skjótt av og tilmelda seg.
Tilmeldingarfreistin er 13.mai kl. 12:00
Tilmeldingin fer fram við at skriva til [email protected]
Við svimjikvøðu
Starvsnevndin"

Eitt sera gott vikuskiftið við ABMS í Klaksvík farið um bak. Vit høvdu 26 svimjarar tilmeldaðar og nøkur hjálparfólk til eitt drúgt, men gevandi vikuskifti. Børnini vóru sera røsk at svimja, og heiðursmerkir vunnu vit eisini!
Takk til børn, foreldur og hjálparfólk fyri luttøku, og takk til Ægir fyri góða fyriskipan.

Svimjisamband Føroya Svimjifelagið Reysti Ægir Klaksvík Havnar Svimjifelag Suðuroyar Svimjifelag - SuSvim svimjifelag

Mikudagin 29. apríl var aðalfundur og handan av svimjimerkjum í skúlakantinuni við Løkin. Knapt 180 luttóku á fundinum og vit eru sera fegin um og takksom fyri ovurstóru undirtøkuna.

Pálin var vald til fundarstjóra og Ann til skrivara.

Fyrst á skrá var formansfrágreiðingin, ið lýsti eitt sterkt og væl rikið felag har tað ongantíð stendur á at fáa eina hjálpandi hond. Tað skulu sera nógvir herðar til at bera ein felagsskap, og hetta eru vit sera takksom fyri, at tit vilja verða við til.

Karmarnir eru framvegis ein avbjóðing, men har er vón fyri framman.

Av hæddarpunktum frá farna svimjiári kann nevnast, at vit skipaðu fyri kapping við 285 luttakarum í skúlahylinum á Toftum - sjálvi áttu vit 80! Hóast mongu luttakarnar megnaðu vit at enda dagin til tíðina, og afturmeldingarnar frá feløgunum var, at kappingin var sera væl skipað.

Av tølum kunnu nevnast, at vit í ár hava havt heili 192 virknar svimjarar í mun til 176 í fjør. Vit hava 21 venjarar, sum gera eitt megnar arbeiði, sum vit eru stolt og errin av. Til kappingar kring alt landið er Svimjifelagið Flot umboðað við svimjarum, venjarum, dómarum og ikki minst hjálparfólkum, sum tað altíð er ein stórur eftirspurningur eftir; takk til tykkum øll, ið taka eina hond í við hesum.

Vit hava í løtuni 1 FM svimjara, og onnur eru sera nær við talentnálina.

Í heyst vóru fýra venjarar hjá okkum á skeið í Íslandi, og í næstum verður hjálparfólkaskeið í samband við Oyggjaleikirnar í 2027 - hetta lýsa vit eisini við seinni.

Í novembur vóru svimjarar hjá okkum við til kapping í Køge í Danmark. Svimjarnir skipaðu sjálvir fyri innsavning til túrin, og saman við foreldrum og hjálparfólkum fingu teir ein góðan og minniligan túr. Hetta eydnaðist so mikið væl, at ætlanin er aftur at fara til kapping í Danmark seinni í ár.

Síðan var framløga av roknskapinum, ið vísti eitt sunt og væl rikið felag, og úrslitið gjørdist eitt lítið avlop.

Til nevndarvalið stóðu Ann og Katrin fyri valið. Báðar vóru afturvaldar uttan mótvalevni. Nevndin skipar seg á nevndarfundi í næstum. Nevndin er tí framvegis mannað við hesum limum: Heidi, Ann, Árni, Súsanna og Katrin. Tiltakslimir gjørdust Beinir og Bárður.

Undir ymiskt kom uppskot um at skipa eitt limagjald fyri stuðulslimir, og hesum tók fundurin undir við. Nærri kunning um hetta kemur seinni.

Dagurin endaði við handan av svimjimerkjum. Hetta er ein skipan, ið Svimjisamband Føroya umsitur. Lesast kann um skipanina her: https://ssf.fo/svimjiskulin/faldari-um-merkjaskipanina/, men í stuttum kann sigast, at børnini fáa merkir fyri at klára uppgávur við ymiskum torleikastigi, sum í síðsta enda er við til at menna ung menniskju til garvaðar svimjarar fyri lívi.

Takk fyri ein sera góðan fund - myndir eru viðfestar niðanfyri.

At reka eitt svimjifelag er sera krevjandi. Tí eru vit sera fegin um allan stuðul, ið verður veittur!

Takk Bakkafrost P/F!

We’re proud to support swimming in our community 🏊‍♂️

In 2026, Bakkafrost is supporting Svimjifelagið FLOT, helping to create opportunities for young athletes and strengthen the sport locally.

Here’s to a great year in and out of the pool 🤝

Ægir bólkakapping hevur verið í Klaksvík, og enn eina vóru vit væl umboðað. Vit luttóku við 19 svimjarum og nógvum hjálparfólkum. 🏊🏼‍♀️🏊🏼‍♀️🏊🏼‍♀️

Tað er altíð spennandi við slíkari kapping, tí tá eru fleiri, sum eru til kapping fyri fyrstu ferð. Eisini vóru tað fleiri svimjarar hjá okkum, sum sluppu framat einum í 25 m hyli fyri fyrstu ferð.

Nøkur heiðursmerkir fingu vit eisini 🥇🥈🥉

Ægir Klaksvík, Svimjifelagið Reysti, Havnar Svimjifelag, Svimjisamband Føroya

Hey 😊

Mikudagin 29. apríl 2026 kl 18.00, verður aðalfundur/hugnaløta hjá svimjifelagnum Flot, í kantinuni í Skúlanum við Løkin, fyri svimjarum og foreldrum 🏊🏊‍♀️

- kaffi/te/saft og køka
- aðalfundur, 2 standa fyri vali, vælkomin at siga okkum frá um tit ynskja í nevnd
- lutaseðlasøla 5,- kr seðilin
- merkjahandan til svimjararnir

Vælkomin 😊

Við heili 51 svimjarum hava vit luttikið í svimjikapping Leirvík; kapping fyri teir yngru svimjararnar. 🏊🏼‍♀️🏊🏼‍♀️
Og tað gekk orduliga væl hjá øllum! Børnini vóru so røsk og hugagóð at svimja, eins og foreldrini vóru at hjálpa til.
Nøkur heiðursmerkir fingu vit eisini 🥇🥈🥉

Havnar Svimjifelag Svimjisamband Føroya Svimjifelagið Reysti Ægir Klaksvík

Eykaaðalfundur:

Lýst verður til eykaaðalfund hjá svimjifelagnum Flot 13/03-2026. Fundurin verður í Skúlanum við Løkin kl. 16.00. Á skrá eru viðtøkubroytingar.

Svimjifelagið Flot.

Send a message to learn more