Skúlaleikir

🤩Ársins Skúlaleikaflokkar 2026🤩

Nú er greitt, hvørjir flokkar kunnu kalla seg ársins Skúlaleikaflokkar 2026:

- 4. flokkar: Skúlin á Fløtum
- 5. flokkar: Vestmanna skúli
- 6. flokkar: Skúlatrøð
- 7. flokkar: Skúlin á Fløtum

Endabresturin var týsdagin, tá stóri skúlaítróttadagurin fyri 7. flokkar var á skrá. Hetta var enn ein serlig uppliving. Sólin skein, og Gundadalur var fullur av næmingum, sum sloppu at royna seg í heili 18 ymiskum ítróttagreinum. Stemningurin var framúr.

😍Ein lærari tók soleiðis til eftir dagin:

“Hesin dagurin var so góður – heilt perfektur. Tað var so frítt, og so nógvar ymiskar ítróttagreinar. Hetta MÁ vera komið fyri at vera!”

Vit kunnu ikki annað enn vera samd!

Við einari luttøku á gott 2500 næmingar - yvir 90% av øllum boðnum skúlaflokkum - prógva Skúlaleikir, at hetta er eitt eftirspurt skúlatilboð. Og eftirmetingarnar siga tað sama, tí allir lærarar – 100% – svara, at tey eru “sera væl” ella “væl” nøgd við Skúlaleikastevnurnar.

Tí er tað við stórari gleði, at vit kunnu siga, at Skúlaleikir halda fram á sætta ári komandi skúlaár 2026/27!

🙌Felagsskapur og rørslugleði fyri øll:
Tá Skúlaleikir vórðu settir á stovn fyri fimm árum, var málið greitt: At skapa eitt ítróttatiltak, sum kveikir rørslugleði og styrkir felagsskap og byggir brýr millum skúla og ítróttafeløg.

Orðini, sum vit settu út í kortið, eru framvegis kjarnin: “Felagsskapur og rørslugleði fyri øll.”

Myndirnar tala fyri seg – tær lýsa gleði, orku og samanhald. Sólin skínur á vælupplagdar ítróttagreinar og spentar næmingar og lærarar. Tá kann mann ikki biðja um meira.

🙏Stóra takk til øll, sum gera hetta møguligt:
Vit vilja takka Betri samtakinum, sum øll árini hevur verið høvuðsstuðlum, Nordea grunninum, sum eisini stuðlar, og okkara samstarvspørtunum: Mentamálaráðnum, Kommunufelagnum, Heilsustýrinum og Fróðskaparsetrinum.

Somuleiðis ein hjartans tøkk til allar 21 ítróttagreinarnar og til stóra hópin av ítróttalærarum, sum ár um ár velja at vera partur av Skúlaleikum, og fáa alt at gang upp í eina hægri eind.

Vit gleða okkum longu til komandi skúlaár💙🩵💚💛❤️🖤🤍

📸Tað eru Ólavur Frederiksen, Sissal Kj. Kristiansen og Hans Erik Danielsen, sum hava tikið myndirnar.



Betri, Ítróttasamband Føroya
Mentamálaráðið, , ABC fyri sálarliga heilsu, Fróðskaparsetur Føroya.

Í morgin týsdagin 21. apríl eru Skúlaleikir fyri 7. flokkar á skrá. Dagurin er skipaður sum ein stórur Skúlaítróttadagur við 18 ítróttakendum avbjóðingum. Áleið 500 næmingar úr øllum Føroyum verða býtt í 102 lið, og kunnu velja ímillum tríggjar breytir: “Tann hóvliga breytin”, “tann Garvilla breytin” ella “Bóltabreytin”. Og so fáa tey eitt kort yvir Gundadal og teirra avbjóðingar.

- Henda seinasta stevnan í ár er endabresturin á enn einum frálíkum Skúlaleikaárið, og vit eru ovurfegin um luttøkuna aftur í ár. Tað er ein sólskinssøga, at heili 20 ítróttagreinar nú eru partur av Skúlaleikum. Tøl tala og bera boð um, at Skúlaleikir eiga at vera komnir fyri at vera. Vit vilja takka okkara framúr samstarvspørtum og stuðlum. Betri Samtakið hevur øll árini verið høvuðsstuðul, og hetta er altavgerðandi fyri, at vit í Ítróttasamband Føroya kunnu skipa Skúlaleikir saman við okkara samstarvspørtum, sum eru: Mentamálaráðið, Kommunufelagið, Heilsustýrið og Fróðskaparsetur Føroya, sigur Elin H. Joensen, forseti í ÍSF.

16 ymiskar ítróttagreinar bjóða seg fram til stevnuna fyri 7. flokkar í morgin, og hartil koma umboð frá løgregluni og sløkkiliðnum, sum eisini fara at skipa tvær avbjóðingar. Vit gleða okkum til felagsskap og rørslugleði fyri næmingar í 7. flokki. Og vit gleða okkum til at hittast tvørtur um oyggjar og royna nýggjar avbjóðingar sum dart, boksing og pool, sum eru heilt nýggjar greinar í Skúlaleikahøpi.

Skúlaleikir byrja kl. 9.30 í Høllini á Hálsi og fram til kl. 13.30 fara næmingar at renna runt í øllum Gundadali.

Hesar eru greinarnar eru við:
1. Dart
2. Pool
3. Boksing
4. Fimleikur
5. Judo
6. Parasport
7. Klintring
8. Styrki
9. Rógving
10. Frælsur
11. Taekwondo
12. Fótbóltur
13. Kurvabóltur
14. Badminton
15. Tennis
16. Flogbóltur
17. Sløkkilið
18. Politi



Betri, Ítróttasamband Føroya,, Fróðskaparsetur Føroya, ABC fyri sálarliga heilsu.

Les meira um stevnuna her: https://skulaleikir.fo/hadeild/

Barnaútvarpið var forbí hjá 4. flokkum undir ársins skúlaleikastevnum, har vit seinastu daganar hava samlað fleiri enn 2000 næmingar úr 4., 5., og 6. flokkum úr øllum føroyum.
Hoyr børnini her:



Saman við Betri, Nordea-fonden, Kommunufelagið, ABC fyri sálarliga heilsu, Fróðskaparsetur Føroya, Barna- og útbúgvingarmálaráðið

Skúlaleikir 2026 4.flokkur luttekur

FLEIRI ENN 2000 NÆMINGAR TIL SKÚLALEIKIR 2026

Glaðir og litfagrir dagar í Gundadali hesa vikuna:
Í morgin byrja fyrstu Skúlaleikastevnurnar í ár.
Lærarar og næmingar kunnu gleða seg til glaðar og litfagrar dagar fullar av lívi og felagsskapi. Týsdag, mikudag og hósdag eru stevnur á skrá fyri 4. - 6 flokkar.
Dagarnir byrja kl. 9.30 í Høllini á Hálsi og enda kl. 14.00.

Fleiri enn 2000 næmingar fara í døgunum frá 17. til 19. mars at hittast tvørtur um bygd og bý til felagsskap og rørlsugleði í øllum Gundadali.

Í ár hava vit valt at savna heilar árgangir, soleiðis at næmingar frá Fossanesi hitta næmingar frá Sørvági og Sandi. Tað verða tí fleiri enn 650 næmingar savnað í Høllini á Hálsi í senn hesar tríggjar dagarnar. Tey fáa høvi at hittast og heilsast, og síðani fara tey út at royna ymiskar ítróttagreinar. Heili 12 ítróttagreinar eru klárar at taka væl ímóti næmingum úr 4. flokki, 5. flokki og 6. flokki hesar dagarnar.

93 SKÚLAFLOKKAR OG 12 ÍTRÓTTAGREINAR
93 skúlaflokkar, býtt út á fleiri enn 300 lið, sum eru sett saman av fleiri enn 2000 næmingar fara at renna runt í Gundadali. Dagarnir byrja við felags upphiting og undirhaldi, sum samansjóvar tey tvørtur um skúlaflokkar. Síðani sleppa tey at savna stig og vinir til teirra floksplakatir, og til endaløtuna kl. 13.30 finna vit ársins Skúlaleikaflokkar.

Næmingar úr 4. flokkum hittast týsdagin 17. mars, tá flogbóltur, borðtennis, frælsur ítróttur og hondbóltur eru á skrá.

Næmingar 5. flokkum hittast mikudag 18. mars, tá badminton, inniróður, tennis og fimleikur eru á skrá.

Næmingar úr 6. flokkum hittast hósdag 19. mars, tá rørslumegi, kurvabóltur, fótbóltur og bogaskjóting eru á skrá.

Tað er Betri Banki, sum er høvuðsstuðl saman við Nordea-fonden, og samstarvspartarnir eru Barna- og útbúgvingarmálaráðið, , ABC fyri sálarliga heilsu og Fróðskaparsetur Føroya.

Les meira um stevnur og Skúlaleikir her: https://skulaleikir.fo/

Vit eru spent🙌

Sær hetta ikki stuttligt út?
Ja, nú nærkast til Skúlaleikastevnur, og vit gleða okkum🥰🤩🥳

🙌

Vit byrja beinleiðis stroyming kl 10.00🙌

Hvat er tað, sum smakkar av bommi, men oyðileggur barnaheilan? - Ítróttasamband Føroya Kunnandi tiltak fyri næmingar í hádeild í skúlum kring landið. Tíðspunkt: 22. oktober frá kl. 10.00 – 11.00 Tiltakið verður […]

Ein læruríkur og gevandi dagur er nú av 👏

Skúlaleikir og NÁM hava skipað fyri skeiði fyri 30 ítróttalærarum úr øllum Føroyum. Vit hugleiddu um leiklutin hjá ítróttalærarum og Skúlaleikum í fólkaheilsuhøpi, og luttóku í verkstovum við m.a. borðtennis, tennis, kurvabólti, flogbólti, badminton og rørslumegi – har undirvísingartilfar er ment í samstarvi við ítróttagreinanar.

NámX luttøk eisini á degnum, á jøvnum føti við ítróttalærarnar. Hetta var sera gevandi fyri sjálvt skeiði.

Dagurin endaði við samanumtøku, og ítróttalærarar tóku fyrstu stigini til at endurstovna Ítróttalærarafelagið 💪⚽🏐

Aftur í ár eru metnógvar ítróttagreinar til reiðar at bjóða skúlanæmingum at uppliva sína ítróttagrein. Ítróttagreinarnar tillaga sína ítrótt til skúlaítrótt, og Ítróttasamband Føroya skapa karmar fyri felagsskapi og rørlsugleði fyri øll.

Í ár bjóða vit Skúlaleikir til 4. flokk, 5. flokk, 6. flokk og 7. flokk, og talið av ítróttagreinum er methøgt. Til miðdeild eru flogbóltur, frælsur ítróttur, borðtennis, hondbóltur, tennis, badminton, rógving, kurvabóltur, bogaskjóting og rørlsumegi klár aftur í ár. Og til 7. flokkarnar eru fleiri av somu greinunum, umframt: klintring, fimleikur, fótbóltur, dart, judo og taekwondo. Sum eyka avbjóðingar, hava vit eisini bjóða Føroya politi og Tórshavnar sløkkiðlið við til stóra skúlaítróttadagin fyri 7. flokkar.

Les meira og melda til á www.skulaleikir.fo.

Betri, Nordea-fonden, Barna- og útbúgvingarmálaráðið, Kommunufelagið, Ítróttasamband Føroya, ABC fyri sálarliga heilsu, Fróðskaparsetur.