Havnar KFUK skótar

26/08/2026

26/08/2026

☘️Vit eru byrjaðar aftur☘️
Tað var sera gott at síggja bæði nýggj og kend andlit, og at góð uppmøting var til øll liðini.
Tað er enn pláss til fleiri á øllum liðunum, so náddi tú ikki at møta hesa vikuna, so ert tú vælkomin í næstu viku.

Spírur: 6. Ár og 1. Fl: mikudag 17-18.
Leiðarar: Astrid, Randi, Durita, Josefina, Eva Maria og Hilda.

Títlingar: 2. Og 3. Fl: Týsdag 16.30-18.
Leiparar: Fía, Lóa, Sonja, Dagny, Klára, Ragnhild og Hera.

Skótar: 4.-6. Fl: Týsdag 18.30-20
Leiðarar: Ata Maria, Gyða, Gitte, Betty Lucille og Maria

Ungdómsskótar: 7. Fl og eldri. Mánadag 19-21.
Leiðari: Svanna.

23/08/2026

☘️Okkara fundir eru byrjaðir aftur eftir summarsteðgin.
☘️ Enn er pláss fyri nýggjum tilmeldingum á øllum liðum/flokkum.
💚 Hjartaliga vælkomin.
☘️ Grønu gentuskótarnir í Havn, Varðagøta 9

16/08/2026

Nú byrjar skótaárið aftur
Mikudagin, 19. august kl 16.30-18.30 møtast øll liðini til felagsfund, ein limadagur fyri allar skótar og foreldur hjá Havnar KFUK skótum..
Vit fara á eina stuttliga postarenning har genturnar og foreldrini fara at royna aktivitetir saman. Elstu skótarnir og leiðararnir fara at standa á postum og vegleiða tykkum.
Eisini verðu bál, sangur og spæl.
Tit fáa høvið at hitta leiðararnar á teimum ymisku liðunum og inni í KFUK ber til at fáa hjálp við innliman, keyp av skótabúna og líknandi.
Nýggir skótar og nýggir leiðarar og foreldraleiðarar eru vælkomin.
Vit gleða okkum at síggja tykkum øll.

11/08/2026

Ert tú kvinna og minst 16 át?
So ert tú vælkomin við á kveiking.
Tú nýtist ikki at vera skótaleiðaru, ella sjálv at hava verið virkin skóti.
Bara tú ert áhugað í skótalívinum og skótahugsjónini, so ert tú vælkomin við.
Fylg læeinkjuni herundir, so sært tú yvussu tú kanst tekna teg.

26/07/2026

Nú eru ryggsekkarnir pakkaðir við góðum leguminnum. Spejdernes lejr 2026 er nú av og vit sita í bussinum á veg til flogvøllin. Hettar hevur verið ein fantastisk góð lega, og vit hava havt tað sera gott og stuttligt saman.

20/07/2026

Gott lag á spejdernes lejr
Í kvøld svevur helvtin av bólkinum í Roskilde Domkirke, ímeðan hinar eru á “GoNatløb”.

18/07/2026

Taastrup gruppe - De grønne pigespejdere

16/07/2026

Nú eru Havnar KFUK-skótar farnar til Danmarkar til stóru skótaleguna Spejdernes lejr. Tað er ein lega, har umleið 30.000 skótar samlast.

07/07/2026

Skótahjálpin í Føroyum hevur latið 100.000 krónur til neyðhjálpararbeiðið í Venesuela í sambandi við ógvisligu jarðskjálvtarnar, ið raktu landið herfyri.

Peningurin er latin úr grunninum hjá Skótahjálpini til brádliga íkomnar neyðstøður, og peningurin er latin venesuelsku skótarørsluni, sum tekur aktivan lut í tilbúgvingini í sambandi við jarðskjálvtarnar.

Skótahjálpin gjørdi av at lata peningin umvegis felagsskapin World Scout Foundation, ið hevur samskipað innsavning til tilbúgvingarpartin hjá venesuelsku skótarørsluni.

Skótarnir í Venesuela hjálpa myndugleikunum at finna og gera til reiðar høli til neyðhjálpararbeiði, heilsuviðgerðir og aðra bráfeingis hjálp, umframt at teir eru partur av arbeiðinum at lata bráfeingis- og neyðsynjarvørur til teirra, ið er komin í neyð.