Havnar Róðrarfelag

06/08/2026

VÍKINGUR KVINNUR FØROYAMEISTARAR
2026

Fyri fyrstuferð síðani 2011 eiga vit føroyameistaran í 6mf kvinnum. Krútsterku kvinnurnar umborð á Víkingi, sum so sannførandi róðu ólavsøku og FM-gullið í hús á ólavsøku, hava verið spennandi at fylgja í summar🤩🏆
Manningin er samansett av fleiri royndum HR rógvarum, umframt einari nýggjari og einari yngri.
Hóast tær longu á norðoyastevnu vístu, at dugur var í teimum, so hevur menningin verið støðug og stór gjøgnum alt kappingarárið🥇
Umframt at kvinnurnar eru fyrimyndir hjá øllum rógvarunum í HR, so eru tvær teirra eisini mammur at rógvarum hjá okkum🥰 Tilsamans hava tær umborð á Víkingi 18 børn og serliga merkisvert er tað, at toftidaman í stýriborð hevur verið við barn alt kappingarárið. Vit gleða okkum tí til enn ein HR-fjeppara🤍

Hetta var fyrsta FM hjá Víkingi í kvinnuróðrinum og eru vit ómetaliga stolt av hesum sterku, ágrýtnu og stuttligu kvinnunum🏆🤩

Umborð á Víkingi eru: Jóhanna av Steinum, Tanja Kruse Dam, Katrin Hofgaard Sørensen, Rúna Mikkelsen, Jenny Persson og Kirstin Leivsdóttir Lutzen. Linda Guttesen stýrir.

Hjartaliga til lukku Víkingur🤍

Myndir: Álvur Haraldsen, Jan Herman og Jens Kr. Vang

03/08/2026

Ólavsøkan 2026🏆🏆🏆🏆

Spenningurin var stórur til ólavsøkuna. 4 manningar hjá Havnar Róðrarfelag høvdu møguleika at vinna meistaraheiti, uttan at fáa hjálp uttanífrá🤩 Sjálvt um veðrið ikki var av tí besta, høvdu viðhaldsfólk hjá Havnar Róðrarfelag, aftur í ár, samlað seg aftanfyri mittastu má...

03/08/2026

DREKIN GENTUR 14-16 ÁR FØROYAMEISTARAR 2026

Róðrarnir hjá gentum 14-16 ár vóru óvanliga tættir og spennandi í alt summar. Drekagenturnar vórðu nr 2. á norðoyastevnu, men á eystanstevnu vístu tær fyri fyrstuferð fantastiska endaspurtin, sum gav teimum fyrsta plássið🥇 Hetta við endaspurtinum endurtóku tær á fleiri stevnum og rakk tað eisini til gull á fjarðastevnu🥇
Kappingarneytarnir góvust ikki soleiðis, so lagt var upp til eina øgiliga FM-finalu á ólavsøku. Og tað blev eisini ein sannur gysari. Firvaldur var sloppin væl framum miðskeiðis á molanum, men Drekagenturnar fóru í bekk og gjørdu tað, sum tær duga best. Á málinum var Drekin ein skut fremstur og ólavsøkugullið og FM varð veruleiki🥇🏆
Vit vóna at síggja meira til hesar krútsterku og røsku genturnar í árunum, sum koma🤍

Umborð á Drekanum eru: Mary Fjallstein, Súsanna Joensen, Naomi Weihe, Lea Mohr Ziska, Naima Dorthea Durhuus og Lea Ákadóttir. Ajana Eystberg stýrir.

Hjartaliga til lukku Drekin🤍🤍

Myndir: Álvur Haraldsen, Jens Kr. Vang, Jan Herman og privatar myndir

01/08/2026

BESTA ÁTTAMANNAFAR AFTUR Í ÁR

Vit vóru spent á ólavsøku, tá FM-finala var millum Ørv og Gullbrand🤩 Ørvur vann norðoyastevnu, men Gullbrandur tók sigurin á bæði eystanstevnu og jóansøku. Síðani fann Ørvur stevið aftur og hava staðið seg serliga væl seinastu stevnurnar. Tað gjørdu teir aftur á ólavsøku og kunnu kalla seg føroyameistarar 2026🏆 Hetta er triðju ferð á rað, at Havnar Róðrarfelag eigur føroyameistaran í áttamannaførum🥇

Við einum miðalaldri á 20 ár, er talan um eina unga manning. Summir av monnunum komu beint úr dreingjaróðri, meðan aðrir royndu seg við Gongurólvi og Víkingi í fjør. Vegna skaða fingu teir Eli Nielsen umborð, sum bleiv avloystur av Niels Áka Reinert Mørk miðskeiðis í kappingarárinum. Vit gleða okkum at síggja meira til hesar garparnar🤩

Menninir á Ørvi er áhaldnir og viljasterkir. Teir eru allir samlir vaksnir upp í Havnar Róðrarfelag og eru vit ómetaliga errin av teimum🤍
Gullið á ólavsøku var eisini stevnugull nr. 80 hjá Ørvi🥇

Manningin á Ørvi er: Markus Bjarnason, Marius Wennerstrøm Johannesen, Rani Elisson Thorkildshøj, Magnus Patursson Midjord, Baldur Hannisson Egholm, Niels Áki Reinert Mørk, Jónas Holm Johannesen, Pætur Elisson Thorkildshøj og Eli Nielsen. Katrina Malunardóttir stýrir.

Hjartaliga til lukku Ørvur🤍🤍

Myndir: Álvur Haraldsen, Jens Kr. Vang og Jan Heraman

30/07/2026

SÍLIÐ GENTUR 17-18 ÁR FØROYAMEISTARAR FYRI 5. FERÐ Á RAÐ🏆🏆🏆🏆🏆

Okkara ungu Sílagentur hava lagt støðið í genturóðrunum tey seinastu árini. Hóast fjarstøðan aftur til næsta bátin minkaði niður í 1 sekund á ólavsøku, so hevur ongantíð verið nakar ivi í at tær vóru so nógv bestar í ár. Og tað hava tær verið í nógv ár. Hendan manningin hevur vunnið 24 róðrar á rað og á ólavsøku varð teirra fimta FM á rað eisini staðfest. 5 av gentunum hava aldur til eitt ár afturat í genturóðrinum🏆🥇
Vit eru ótrúliga errin av hesum røsku gentunum, sum dagliga eru fyrimyndir í neystinum í Álakeri við teirra fantastiska samanhaldi, miðvísu venjing og vinnarahugburði🤩
Samstundis var hetta eisini FM nr. 30 hjá Sílinum🏆

Umborð á Sílinum gentum 17-18 ár eru: Maria Hentze Niclasen, Armgarð Sigurðsdóttir, Lükka Maria Patursson, Helena Nolsøe Patursson, Tinna Pauladóttir og Katrin Rouch Ísfeld. Birita Hammershaimb Debes stýrir.

Hjartaliga til lukku Sílið🤍🤍

Myndir: Álvur Haraldsen, Jens Kr Vang, Jan Herman og privatar myndir

27/07/2026

Góða ólavsøku og bestu eydnu til allar okkara røsku manningar🇫🇴🇫🇴

23/07/2026

Les um hvussu manningarnar kláraðu seg á sundalagsstevnuni 🤩💪🏆

Næstsíðsta stevnan í ár var sundalagsstevnan í Hósvík, har 12 bátar umboðaðu Havnar Róðrarfelag. Talan var um nógvar spennandi og góðar róðrar, har tað samanlagt bleiv til 4 🥇, 2 🥈 og 2 🥉 á sundalagsstevnu.Barnaróður (Gentur) • Gulin kom á mál sum nummar 4. Eftir s...

15/07/2026

Les um tey flottu úrslitini á Vestanstevnuni 🏆

Triðsíðsta stevnan í ár, var Vestanstevnan í Miðvági. Aftur hesaferð vóru tað fleiri spennandi róðrar og nógv heiðursmerkir til Havnar Róðrarfelag. Samanlagt bleiv tað til 4 🥇, 1 🥈 og 3 🥉 á Vestanstevnu. Barnaróður (Gentur) • Gulin róð í seg víðari í øðrum ri....

11/07/2026

🥰🤍

[ Tín lýsing her ] Tað er stórur dagur hjá Jóhannu Reinert Ørvarodd og Niels Áka Mørk. Tey skulu giftast í dag, og vígslan verður í Vesturkirkjuni klokkan 12. Tey hava boðið í brúdleyp í B36 húsinum klokkan 18, men seinnapartin skal brúðgommurin vestur til Miðvágs at rógva ka...

10/07/2026

Í morgin er aftur stevna, Vestanstevnan mikla.

Hugsi hesi orð nú spenningur hjartastreingir nemur.

Í Havnar Róðrarfelag standa vit saman.
Vit eru ikki bara eitt felag – vit eru ein familja.

Tá vit setast árar við, gera vit tað fyri hvønn annan, fyri felagið og fyri staðið, sum vit bera í okkara hjørtum – okkara miðstað.

Í HR stríðast øll. Ung og gomul. Dreingir og gentur. Kvinnur og menn.

Vit geva alt. Ikki tí vit skulu – men tí vit vilja.

Vit rógva við dirvi, seiggi og hjarta. Vit geva ongantíð upp, og vit stríðast til síðsta áratak.

Hvørt tak er fyri felagið.
Hvørt tak er fyri bátsfelagarnar
Hvørt tak er fyri tey, sum vóru áðrenn okkum.
Og hvørt tak er fyri tey, sum koma aftaná.

Vit rógva fyri okkara litir og merki.
Vit rógva fyri okkara søgu.
Vit rógva fyri okkara framtíð.

Yvir øllum stendur eitt merkið, sum brennur í hjørtum okkara: DREKASTEVNIÐ!

Góða eydnu í morgin, tit øll.
Gevið alt. Stríðist saman. Rógvið fyri HR!

Vóni at Suni Merkistein og co aftur í morgin muga spæla drekastevnið á tamb 🤗

KOYRI Á 👊

Heilsan
Ein spentur peningarøkil 🫣

PS. havi bílagt okkum 36 NÝGGJAR RÓGVIMASKINUR fyri løtu síðan, so vit eru klár til 2027. Vit herja á 💪