Havnar Tennisfelag

Góða ólavsøku🇫🇴

⭐️FM finalurnar hjá teimum vaksnu vóru í dag⭐️🙌🏼🎾 og spenningurin var í hásæti millum leikarar og áskoðarar á tennisvøllunum í Gundadali🎾🎾

Frida Holm Jacobsen🥇 og Barbara á Rógvi🥈 spældu eina spennandi og drúgva A-finalu hjá kvinnunum, sum Frida vann 6-7(6-8); 6-1; 6-3. Vit hesum sigri endurvann Frida FM-heitið frá í fjør💪🏻🎾Samlaða úrslitið hjá kvinnunum í A-kappingini gjørdist:
🥇Frida Holm Jacobsen
🥈Barbara á Rógvi
🥉Durita Johansen

Ingi Heinesen Højsted🥇 og Hjalti Mohr Jacobsen🥈 leiktu somuleiðis eina spennandi og drúgva A-finalu hjá monnunum. Ingi var greitt við yvirluta í byrjanini, men Hjalti kom væl afturí aftur í 2.setti, og í 3.setti leikaði rættiliga javnt á inntil Ingi avgjørdi dystin við tveimum teimum síðstu game’unum. Settúrslitið var 6-0; 5-7; 6-4💪🏻🎾

Romeni Samson og Heidi Kollsker spældu B-finaluna hjá kvinnunum, sum Romeni vann 6-4; 6-3. Samlaða úrslitið hjá kvinnunum í B-kappingini gjørdist:
🥇Romeni Samson
🥈Heidi Kollsker
🥉Arnbjørg Danielsen

Magnus í Króki og Rói av Fløtum leiktu B-finaluna hjá monnunum, sum Magnus í Króki vann við settúrslitinum 6-4; 6-1🎾

Væl kempað øll somul, og hjartaliga til lukku við FM-heitunum😃💪🏻🎾🎾

📣 Enn ein spennandi FM 2026 dagur á tennisvøllunum í Gundadali í dag. Hesaferð vóru tað U8, U10 og U12, sum sluppu at royna seg😃🎾💪🏻

Vinnararnir í teimum trimum kappingunum vórðu Gilli, Benjamin & Sybilla💪🎾🏆 Nógvir spennandi og tættir dystir vórðu leiktir í góðveðrinum seinnapartin.

Væl kempað øll somul! 🎾framtíðin hjá okkara tennisspírum sær bjørt út🌱😊

U8:
🥇Gilli Høgnason á Rógvi
🥈Vilja Viderø
🥉Rúnar Debes Christiansen

U10:
🥇 Benjamin Gaard
🥈Flemming Berglind
🥉Nataniel Weihe

U12:
🥇 Sybilla Viderø
🥈Lui Ellindsson Olsen
🥉Bragi Zakariasarson

Hjarliga til lukku😃💪🎾🎾

FM 2026 dagur hjá U14 og U16 var í dag😊🎾

Rókur og Nóel sigraðu💪🎾🎾 Sera nógvir spennandi dystir, sum lovar gott fyri framtíðina hjá tennis í Føroyum😊

U14:
🥇Rókur Slættanes
🥈Nóel Berglind
🥉Sybilla Viderø

U16:
🥇 Nóel Berglind
🥈Sybilla Viderø
🥉Lui Olsen

Hjarliga til lukku tit øll😀💪🎾🎾

Fm 2026 lutakast😊👇👇🎾

FM fyri børn 🎾🏆 tilmelding👇👇

Kappingin fyri børn verður nú leygardagin(18/7) og sunnudagin (19/7).

Kappast verður í fylgjandi greinum - gentir og dreingir kappast móti hvør øðrum.

- U8 (fødd 2018 ella seinni): Reyðan bólt og lítlan vøll
- U10 (fødd 2016 og 2017): Appelsingulir bóltar og vøllur
- U12 (fødd 2014 og 2015): Gulir bóltar og fullan vøll
- U14 (fødd 2012 og 2013): Gulir bóltar og fullan vøll
- U16 (fødd 2010 og 2011): Gulir bóltar og fullan vøll

Nær👇
Leygardagin (18/7):
- U14: kl. 13:00
- U16; kl. 15:00

Sunnudagin (19/7):
- U8: kl. 13:00
- U10: kl. 14:30
- U12: kl. 16:00

Tíðirnar eru vegleiðandi, undantikið fyrstu tíðirnar leygardagin og sunnudagin. Hetta kemst av, at tað velst um hvussu nógva tekna seg til kapping o.a.

Vaksin halda skil á dømingini, og hjálpa børnunum sum heild.

Tilmelding her (er ókeypis) 👇👇

https://htennis.atgongumerki.fo/webshop/event/3684898/order/info

Vit síggjast 🤗🎾🎾🥇🥈🥉 Gott spæl🎾

FM 2026 🎾 tilmelding 👇👇

Nú er klárt at tekna seg til FM í tennis. Kappingin byrjar hósdagin 16. juli - allir dystir til og við semifinalir verða spældir áðrenn 27. juli, tá ið finalurnar verða spældar.
Dystarskrá verður fastløgd eftir tilmeldigarfreistina mikudagin 15. juli.

Kappast verður í:
Kvinnur A
Menn A
Kvinnur B
Menn B

Kappingarleisturin er best av trimum settum í A og B kappingunum bæði hjá kvinnum og monnum.

Tilmelding fer fram hér👇

https://htennis.atgongumerki.fo/webshop/event/3683567/order/info

Leikskráirnar koma út hósdagin 16. juli.

Góða kapping🤗🎾🎾🏆

Nøkur pláss eru eftir😀🎾🎾👇👇

Nýggj styttri skeið byrja mánadagin 6. juli😊🎾 Tilmelding👇👇

Hesuferð eru 4 á hvørjum liði hjá teimum vaksnu og 8 á barnaliðunum. Avmarkað pláss.

Gentur og dreingir / Menn og kvinnur venja saman.

Nær: Sí skema (somu tíðir sum seinast)👇 Fyrstu ferð mánadagin 6. juli, tilsamans 4 ferðir.

Vaksin:
Lið 1 - Nýbyrjarar / Nýliga byrjað
Lið 2 - Nýbyrjarar / Nýliga byrjað
Lið 3 - Nýliga byrjað
Lið 4 - Nýliga byrjað
Lið 5 - Nýliga byrjað / lættari vand
Lið 6 - Nýliga byrjað / lættari vand
Lið 7 - Vand
Lið 8 - Vand

Børn:
U8/10 - 1
U8/10 - 2
U12/14 - 1
U12/14 -2

Kostnaður:
Vaksin: 425 kr (umframt avgreiðslugjald)
Børn: 225 kr (umframt avgreiðslugjald)

Møguligt er at lána kettjarar frá felagnum. Felagið hevur bóltar.

Tilmelding:

Vaksin:
https://htennis.atgongumerki.fo/webshop/event/3675035/order/info

Børn:
https://htennis.atgongumerki.fo/webshop/event/3675044/order/info

Privat venjing:

Venjingin verður skipað eftir ynskinum hjá leikara/leikarunum. Og avtalað verður tíðspunkt eftir egnum ynski.

- Ein leikari (umframt venjari) kr 400/tíma (umframt avgreiðslugjald)
- 2-4 leikarar (umframt venjara) kr 500/tíma (umframt avgreiðslugjald)

Tilmelding Privat Venjing her👇
https://htennis.atgongumerki.fo/webshop/event/3628331/order/info

Spurningar eru vælkomnir😊 Vit síggjast🎾🎾