17/10/2026
الحمد لله، طلعنا نفهموا كورة! 🔴⚪️
التشكيلة اللي هبطناها من ثلاثة أيّام، اليوم الإطار الفنّي بدا يخدم بنفس الأفكار، مع حسام بن علي في بلاصة عمر عبد الحق.
إحنا في CA News 24 ما نحكيوش من فراغ، نتابعوا، نحلّلوا ونعطيوا قراءتنا للميدان. والكورة موش كان أسماء، الكورة زادة قراءة واختيار وتكتيك.
الحمد لله، طلعنا نفهموا كورة! 😎❤️🤍
كونوا ديما متابعين الصفحة، والقادم خير بإذن الله.
✍️ معتز
🔴⚪ التشكيلة المثالية المقترحة للنادي الإفريقي أمام تي بي مازمبي
مع اقتراب المواجهة الإفريقية المنتظرة، قد يكون الإطار الفني بقيادة ماهر الكنزاري أمام خيار إراحة صادق قديدة، حتى يكون في أفضل جاهزية لمباراة الإياب. وفي صورة اعتماد هذا الخيار، نتصوّروا أنّ التشكيلة التالية تنجّم تكون الأنسب لمواجهة تي بي مازمبي.
🧤 في حراسة المرمى: مهيب الشامخ، الحارس الأول للنادي الإفريقي.
🛡️ في الدفاع: غيث الزعلوني في مركزه المعتاد على الجهة اليسرى، إسماعيل سامبارا ودياتا في محور الدفاع، وعمار عبد الحق على الجهة اليمنى، مع إمكانية التعويل على المنتدب الجديد في المحور، خاصة بعد المؤشرات الإيجابية في التمارين، وهو ما قد يمنح الإطار الفني حلولًا إضافية على مستوى الخط الخلفي.
⚙️ في وسط الميدان: سيدو خان، سامي الشريمي وألان كانتي، ثلاثي نتصوّروا أنّه قادر على توفير التوازن والصلابة، خاصة بعد ما شفناه من انسجام في مواجهة جوليبا.
⚡ في الهجوم: فيليب كيزونبي على الجهة اليسرى، ريان تاتوغو على الجهة اليمنى، وتادوس نكانغ كرأس حربة في غياب صادق قديدة. ريان يستحقّ فرصة أساسية، خاصة بعد المؤشرات الإيجابية اللي قدّمها، وينجّم يعطي الإضافة بالسرعة والتحرّك وجرأة اللعب.
ومن جهة أخرى، النادي الإفريقي عنده حلول مهمّة على بنك البدلاء، من بينها بوغرة، حسام الحاج علي، معتز زدام وأيمن الحرزي، وهو ما يعطي للكنزاري خيارات إضافية حسب مجريات المباراة.
بطبيعة الحال، هاذي مجرّد قراءة واقتراح للتشكيلة، والقرار الأخير يبقى للإطار الفني حسب جاهزية اللاعبين والاختيارات التكتيكية.
🔴⚪ شنوّة رأيكم يا جماعة ؟ هل هاذي التشكيلة المثالية لمواجهة تي بي مازمبي؟ وشكون اللاعب اللي تحبّوه يكون أساسي وما ذكرناهش؟
✍️ معتز
