20/09/2026
توا لي صار صار ..
مناش باش نكون سلبيين و نكونو عقلانيين و واقعيين أكثر ..
صحيح فما برشة ملاعبية حضرين غايبين في المباريات الأخيرة ..و فما برشة ديشي ..
البطولة مازالت في بدايتها و الرزنامة كاسحة برشة !! تلعب ضد صفاقس في صفاقس و تلعب في الأفريك في صفاقس و تتنقل للسينيڤال و تلعب ضد المستير و تتنقل لرادس تلعب ضد النادي الإفريقي !!
ماراتون و ريتم قوي برشة .. ماهوش تبرير أما واقع !!
صحيح كيف ما ڤلت ملاعبية تحسهم غايبين و فما فترة فراغة ڤاعدة تمر بيها الجمعية من جميع النواحي !! أما يا تو ندزو مع جمعيتنا في الفترة الصعيبة هذي يا نزيدو نهزاها لمأخيب من هكا !!!
الجمعية في حاجة لجمهورها في حاجة لرجالها في حاجة لينا الناس الكل !! يا تو يا مش لازم !!
لازمنا نخدمو عالإعداد البدني و الذهني أكثر هذا رأي شخصي ..
الإطار الفني لازم يراجع روحا و يشوف شنما الأخطاء و شنوا لي ممكن ڤاعد يصير خارج الملعب من حاجات ممكن تضيع التركيز ..
الملاعبية مازال عندنا فيكم الثقة و الراحة لي شفتاها في جرجيس صعيب تلڤاها في جمعية أخرى و بشهادة الجميع !! كون راجل في الميدان و خارج الميدان و تشوف الرجال كيفاش تدز معاك .. غير هكا ما توڤفش عليك !!
نعاود نڤول توا لي يحب الجمعية و يغير عالجمعية يخلي السلبيات على شيرة !!!
عاش الترجي الرياضي الجرجيسي ♥️💛
