DiwanClub Interculturel

Bon week-end à toutes et à tous

سمعت الي الفنان محمد الجبالي مستاء من عدم برمجتو في مهرجان قرطاج ومن عدم الرد علي الملف الي اقترحو عليهم... نحب نقول الي محمد عندو الحق واكيد الفنانين الكل عندهم الحق بش يطالبو بتغيير سياسة التعامل مع الفنان التونسي... جيب ملف فيه الف حكاية و امبعد ملف يعدم... لا حد يبعث يقلك سبب عدم بىمجتك والا حد يقترح عليك لقاء ويقلك انجمو نحورو في المقترح و نعملو حاجة أخرى.. شخصيا كل عام نفس المعبوكة ولا حد يعبر الفنان ولا يكبر بيه ولا يعطيه طرف من وقتو... إدارات فيها برشا بيروقراطية و بالحق تقتل حاجة في داخل الفنان.... والفنان التونسي مهما كان النمط الي يقدم فيه عندو الحق بش يطلع يغني علي قرطاج... فقط اعلمو للفنانين بالتواريخ قبل باشهر توة تشوفو الخدمة.. هذا من ناحية ومن ناحية أخرى اما نشوف الي محمد الجبالي العام هذا تحرك برشا موجود في تظاهرات وحفلات خارج تونس وحضور ناجح ومطلوب وزيد مجم الجبالي من أكثر الفنانين المجتهدين بمعني انو مش عايش، علي تاريخ لخرين.. محمد يغني الأنماط الكل ونجح فيهم.. محمد ينتج ويسجل و يقدم في إنتاج... ماهوش بجمر في البايت وومحمد عندو طابع خاص بيه .. وبرمجة مجمد الجبالي في مهرجانات دولية إضافة واختيار ما ينجم كان يكون ناجح... شخصيا كنت نتمني نشوف محمد الجبالي علي ركح قرطاج...