FCRB 皇家布里斯托足球俱樂部

首先同咁多位FCRB師兄講聲新年快樂 🎉
又一次係出完季回顧 post. 希望黎緊25SS唔再係咁樣😂
追得貼既師兄都應該知道，其實25SS仲有幾日就開始，所以想趁開新一季前都講講2425AW既少少分享。
適逢Playstation 30周年，FCRB 2425AW 就同佢地黎個collaboration 。亦好似之前同MLB, Coca Cola 咁，直接融合係季內product 咁推出。呢季無太多好花巧誇張既顏色同pattern，只係有少量單品用上Nike 年代玩過既銀色，整體感覺相對容易配搭。而另一亮點就推出近年大熱既複古波衫款式，值得入手！接下來就分享幾件小編既心水：

1. Dot AIR S/S PISTE
呢款短袖上衣採用左闊身cutting. 有袋，而最受推崇就係用左stretch dot air物料，有彈性之餘係極度透氣！夏天著真係無得輸！胸前亦印左playstation logo，手臂有刺繡章，波衫元素都有埋，誇張啲講如果呢季只買一件衫，一定係呢件🤣
2. L/S OVERSIZED GAME SHIRT
第二件都係同Playstation collab 既複古波衫款！同樣係oversize cutting ，完全係向祖記當年年波衫致敬。阿根廷配色亦相唔錯👍🏻
3. TRAINING TRACK CLASSIC PANTS
比較闊身既褲款，可以配搭唔同款式既上衣。玩到多啲唔同style。而且係100% polyester，更挺身更耐用！
4. BORDER L/S BAGGU TOP
非常透氣，baggy cutting 加上橫間，相當有city boy style 味道，有別於FCRB 只係sporty look 既感覺。

各位師兄呢季又入手左咩款？ 有無邊款覺得正或中伏都可以分享下😄
各位小編會努力早啲分享25SS 既product / 資料
希望同大家有多啲互動😉

各位師兄小心 呢條褲係假

Check out '$500 sell fcrb-240049 錄色短褲', available at HK$500 on https://carousell.app.link/Cn7eDo0mIMb

又有人搵食 睇路呀咁多位師兄🙏🏻
見佢post 左係幾個group
https://www.facebook.com/share/p/eQ5tn2MEV6hDioXX/?mibextid=79PoIi

有師兄發現疑似騙子，又改咗名出post！
我而家真係要時刻保持警覺
多謝Patrick Wong提供資訊🙏🏻
呢個都係我哋呢個page成立嘅目的同功用之一，希望各位FCRB 嘅fans除咗可以交流衣服嘅資訊之外 都避免買到假嘢！
香港應該都有唔少FCRB fans ，希望大家可以share我哋個page出去 支持下我地，亦都可以令更多師兄受惠😉😉

咁多位師兄，希望大家留意下！
又有搵食黨出沒
第一張圖已證實係呃錢，果個account 已經無左
而第二張個人係岩岩出現 相信都好大機會係呃錢黨
奉勸大家網上購物如果唔係交收開既人或者唔係啲活躍於群既師兄，就千祈唔好咁輕易SF.
唔好比佢既低價吸引左. 大家可以留意下呢啲人通常啲相都係無name tag，比較濛(應該因為偷圖)，而且背景不一致，仲有個account 好大機會係新開
希望呢個post 幫到大家唔好中招🙏🏻🙏🏻🙏🏻

23:08更新
已經有師兄( photo no.3)告知比第一張圖果條pk 呃左錢
大家真係要小心！

原本想係24S/S開季既時候出Post. 結果又去到完季先有時間出. 變左review post.😂
回歸正題, 唔知大家有無留意, 其實FCRB每一季都有唔同主題, 而今季既主題就係Berlin to Paris. 回到最初既起點. Berlin 就係因為進行緊既2024歐洲國杯決賽將會係柏林舉行, 跟住黎緊8月就係2024巴黎奧運既男子足球決賽. 同一年既2大國際性足球盛事. 因此就用左黎做主題. 如果有睇我地呢個page第2個post -介紹品牌背景就會知道, 清永浩文先生就係因為1998法國世界杯係巴黎呢個時裝之都開始產生推出FCRB呢個足球運動時裝品牌既念頭. 所以有回到最初既起點既意味.
講返今季24SS 既產品, 總體感覺都清清地, 無太多pattern, 顏色亦相對沉實低調 簡單易襯. 小編相當喜歡, 今季都買左唔少😆😆
接下來介紹幾款24SS 既小編心水
1. TECH WAFFLE TEAM CREWNECK TOP & RELAX SHORTS
有d資深既FCRB師兄可能會記得. 其實係NIKE年代曾經有過WAFFLE 款既薄HOODIE. 但如果計後NIKE年代, 就真係第一次出. 而且今次係用左POLYESTER物料, 比較耐用襟著. 今次件CREWNECK TOP CUTTING 比較LOOSE FIT, 幾有型.絕對值得入手. 3隻色當中小編就覺得灰色最有型. 唔知大家又點睇呢?
2. L/S TRAINING TOP - FLORAL PATTERN
今季唯一PATTERN! 用數碼圖案形式展示黑白/彩花. 相當有FASHION 味. 完美演繹足球運動與時裝既結合
3. PDK SHIRRING HEM PANTS
新推出褲款, 較以往大部分FCRB褲款闊身, 岩曬一眾小腿比較粗壯既師兄. 而且PDK 物料一如以往視覺上無咁滑身. 但其實都係POLYESTER, 係視覺上配襯上有多一個選擇但又不失耐用性
4. POLARTEC POWER DRY S/S AUTHENTIC TEE
極度通爽透氣, 非常舒服, 絕對係夏天必備! 加上米白色同今季新色淡綠色都好靚. 唔買對唔住自己🤣🤣
5. TECH SWEAT S/S TEAM CREWNECK BAGGY TOP
小編近年都比較少買純COTTON/COTTON為主既衫. 不過呢件BAGGY TOP 真係令人難以抗拒! 闊身OVERSIZED CUTTING, 可以配襯唔同風格既穿搭.而且佢混合總共26%POLYESTER & POKYURETHANE, 都唔容易變殘.支持入手

大家今季又買左d咩野? 一齊分享下丫! 又或者有無d 尺碼/款式/CUTTING想了解下都歡迎留言傾下交流下😉😉

祝大家龍年行大運 身體健康 心想事成 萬事如意FCRB 長買長有🧧🎉

Hello 咁多位FCRB fans. 原來足足半年無出post.由當初目標起碼出月post 變咗季post😂😂😂要再勤力啲出post 先得🙈
其實仲有大概兩星期就會推出新一季2024SS，趁推出之前，同大家回顧一下23/24AW 幾樣小編推介既items! 都希望大家可以留言分享你地23/24AW買左咩items 覺得好正，又或者係買左覺得中伏/瀨野都可以講下😉

其實23/24AW係FCRB第50季，幾位小編都有一定程度嘅期待會有啲比較特別或者突破，結果出嚟有些少失望🤦🏻‍♂️ 不過都有幾樣唔錯既items 想同大家講下：

1. L/S Oversized Game Shirt
復古設計，加上闊身cutting，值得入手！物料一如既往用上耐用polyester ， 帶點‘令身’感覺。不過留意佢的確如佢個名一樣係oversized 。如果師兄係比較鍾意合身style 的話，可以考慮揀比平時細一個碼會比較合適。

2. Big Logo Wide Tee
小編呢季最喜愛item！ 闊身cutting，配合近年興起之city boy style ，非常好襯！物料亦係polyester ，耐用/通爽而且極快乾！不過L/S Oversized Game Shirt同一樣，如果師兄係比較鍾意合身style 的話，可以考慮揀比平時細一個碼會比較合適。

3. No Sleeve Training Top
小有背心，加上呢季特別色啡色，價格低，相當抵玩！行山/做運動/出街一樣得！夏天必備item🤟🏻

4. Varsity Jacket
全黑棒球外套，非常有型！靚料靚cutting，仲有50季冠軍刺繡，有紀念性 。唯獨定價較高，令人卻步😂

5. All Weather Jacket
小編認為係Rain jacket 既輕量版。功能性強之餘有好靚而又唔係成日出嘅紫色，值得入手！

咁多位呢季又買左咩items ? 留言分享下😉

原來足足三個月無出post🙈
23SS 都差唔多完結。
如無意外2324AW 8月尾就會正式推出，而新一季既catalog 據估計最快應該聽日就有！

小編趁新一季正式開始前，回顧一下23SS 入左手而又最鍾意既三件product:

1. POLARTEC POWER DRY RIP STOP HOODIE

應該係第一次呢種ripstop 物料，亦係全新既款式。雖然有不錯既防水效能，但依然薄身柔軟。而且亦有衫袋，姆指扣，舒適功能性兼備！

2. DOT AIR S/S PISTE

闊身cutting. 岩曬近年city boy style. 好好襯！非常薄身透氣而且防潑水，夏天著真係fit 曬. 仲有個袋仔裝啲8達通，cash呢啲濕碎野。好方便！

3. TRAINING S/S TOP & SHORTS

每次既set 裝都會係設計/物料上有啲唔同，今季最欣賞係呢個配色！依舊舒適好著之餘，少有既米白色短褲好好襯！

大家又分享下你FCRB 23SS 最鍾意既product 丫！ 又或買左邊樣唔鍾意/瀨咗嘢都可以分享下嫁😉😉😉

真假實物直接對比分享 - 2016 S/S FCRB x NIKE WOVEN PRACTICE JACKET & SHORTS

承接上一個介紹post，小編有朋友曾經不幸中招買咗套假既藍色2016 S/S FCRB x NIKE WOVEN PRACTICE JACKET & SHORTS。知道好多FCRB FANS 都有興趣搵返呢套經典靚野，為免大家都咁唔好彩中招，幾位小編決定做一個實物直接對比分享比大家睇！我地唔敢講係全世界第一個直接實物對比分享呢一套JACKET & SHORTS ，但至少幾肯定係香港第一個。希望大家都支持一下幾位小編既努力同心機！

正式開始之前，再講多少少背景資料。根據小編經驗，發現呢套既假貨只有藍色同黑色，軍綠色暫時都未發現過有假貨，特此用軍綠色同藍色假貨作一個對比！

在仔細對比之前，兩件外套其實驟眼望睇落分別不大，真係幾易中招！而摸落真假外套既手感，假貨感覺稍微薄一啲，但如果唔係有件真貨係手咁樣對比，其實都唔會憑呢樣野知道係假🤦🏼‍♂️

經過一輪對比檢查後，得出以下幾個位可以分得出真假貨：

1. 胸口Bristol 章、星星和FC Real Bristol 字：

真貨星星造工精美，五隻角都明顯較尖銳
Bristol 章字體較厚而且立體
FC Real Bristol 字非常清晰工整

假貨星星粗糙，五隻角亦不尖銳
Bristol 章字體較薄而粗糙
FC Real Bristol 字亦粗糙模糊

2. Size tag:

真貨中間位只有最左字母顯示尺碼，而nike 網址窄長而緊密

假貨中間位三個字都顯示尺碼，而nike 網址較細隻而且間距較大，整個size tag 亦比真貨闊少許

3. 35季字連星圖案

真貨字體非常清晰工整而且立體

假貨字體粗糙亦薄，只係就咁印上去

4. 手袖魔術貼

假貨魔術貼背係粗大粒粒，同真貨幼細貼不同

5. 褲內車線

假貨褲內車線方式同真貨有別

6. 褲頭扣

假貨沒有褲頭扣

以上細節都可以睇相見得到，亦係較容易分出真假既地方。所以大家日後見到二手市場有呢套衫褲，必定要賣家提供足夠相片或面交時檢查清楚先好購買！千祈唔好貪平貪快就買左！

希望今個post 可以幫到大家🤟🏻
亦希望大家比個like 留個言支持一下
Thanks 😊