Clwb Mynydda Cymru

Mercher 17 Mehefin
Mynydd Rhiw, Llŷn
10.15 10.30
Cyfarfod ar waelod y Rhiw. Cyf.grid SH 241285. Troi i’r chwith i’r hen lôn wrth arwydd Treheli.

Taith o ryw chwe milltir a 300 m o ddringo graddol. Cyfle i weld Ffynnon Saint ac adfail hen Gapel Galltraeth.
Gradd 1
Anet Thomas 07775 671319 [email protected]

Sul 14 Mehefin
Moel Penamnen a’r Graig Ddu
09.15 09.30
Canol tref Blaenau Ffestiniog, ger y pistyll, o flaen Gwesty’r Queens. Maes Parcio Cyngor Gwynedd - codir tâl - canol y dref, neu digon o lefydd cyfagos.

Gan gychwyn o ganol y dref, cerdded i fyny’r chwarel drwy ddilyn llwybr 104 ac anelu am gwt inclen Rhiwbach rhif 3, yna troi tua’r gorllewin dros dir di-lwybr a chorsiog, ac esgyn i gopa Moel Penamnen.

O’r copa, i lawr dros ysgwydd ogleddol Penamnen tuag at Moel Fras ac ymlaen at Chwarel Cwt y Bugail. O’r chwarel, dilyn llwybr sy’n canlyn y ffens i gopa’r Graig Ddu. I lawr heibio llynnoed Dubach a chwarel Diffwys.

16 km/10 milltir ac esgyniad o 762 m/2,500 o droedfeddi.
Gradd 3
Erwyn Jones 07717 287915 [email protected]

Sadwrn 13 Mehefin
Taith Bryniau a Choedwigoedd Afan
09.15
Maes parcio gwledig Afan Argoed, Dyffryn Afan, Port Talbot - SS 820 950. Mae parcio’n costio £3.90, mae’r peiriant yn derbyn cerdyn ac mae tai bach yno.

Tua 14 km/9 milltir a 560 m/1,837 o droedfeddi o esgyniad.
Gradd 2
Rhun Jones 07976 599607 [email protected]