Liverpool Pump's II

ياريت حد يوصل الكلام دا للكابتن جوهر نبيل والأستاذ هاني ابو ريدة لان في ايديهم يدخلوا تاريخ مصر الكروي والسياسي ..

ليه منعلنش من دلوقتي ان لو ظهر أي علم من اللي هما عايزين يرفعوه هننسحب ودا شيئ منافي لمبادئنا كمصريين بكل معتقداتنا وتوجهاتنا السياسية والدينية ..

إعلنوا القرار من دلوقتي ولو محصلش ومرفعوش أعلام هيبقى قدام العالم الضغط المصري هو اللي خلاهم يتراجعوا ، ولو اترفعت وانسحبنا فاحنا عملنا حاجة متعملتش في تاريخ العالم بنقول بيها ان مبادءنا وديننا فوق كل شيئ وفوق كاس العالم ..

قرار مهما كانت عواقبه الشعب المصري مفيهوش بني آدم هيعارض

كلنا متفقين ان منتخب مصر البطولة دي مختلف تماماً عن اي بطولة قبل كده في كل حاجه و ده ظاهر في نتائج و معنويات الفرقه .. اللي محتاجين كلنا نتفق عليه هو كمان ان حتى الجمهور اللي ورا الفرقه مختلف برضو و ده عامل مهم اوي و حسام حسن و كذا لاعب ذكروا تأثير الجمهور هناك في قوتهم و تركيزهم و مستواهم ، جمهور منظم و اعداده كبيرة بشكل مش طبيعي و مش رايح يتفسح لا ده رايح يشجع و يضغط و يلعب بأعصاب اي حد قدام منتخبنا و مهمتهم بتبدأ من الشوارع لحد ما يدخلوا الاستاد و لحد دلوقتي ماشوفتش جمهور بالقوة دي في البطولة بدون انحياز .. اقرب منافس هو جمهور الارجنتين وبفرق كبير كمان

كل العوامل مهيأه لمونديال مصري تاريخي 🇪🇬

🚨🚨 تقرير من شبكة "ESPN" ..

محمد صلاح أثبت أنه أقرب إلى ميسي منه إلى رونالدو في قدرته على استعادة البريق رغم تقدم العمر .

إيزاك أكثر اللاعبين صناعة للأهداف بعد جولتين 🔝

للتذكير ..
قبل ما محمد صلاح يرفض في ٢٠١٧ انه يستلم جائزة شركة الخمور في لاعب الشهر في ليفربول ..
وبعده محمد الشناوي بعد رفضه استلام لاعب المباراة ضد أوروجواي في ٢٠١٨ ..
مكانش فيه أي إستثناء للاعب مسلم انه يستلم جايزة فيها اسم شركة خمور ومحدش فكر انه يرفض أصلاً ، لكن بعدهم بدأت الأندية والبطولات تعمل استثناء احتراماً لمعتقداتنا ..

ربنا يجعله في ميزان حسناتهم ويجازيهم خير عن موقفهم

شعور لاعيبة الارجنتين تجاه ميسي و محاولة مساعدته كنت دايما عايز احس بيها كمشجع لمنتخب مصر من اللاعيبة مع صلاح و طبعا الموضوع ده مش بيحصل الا لو اللاعيبة فعلا شايفة أنه قائد حقيقي خارج و داخل الملعب و نجم الفريق اللي يقدروا يعتمدوا عليه في أصعب الظروف و ده حصل بسبب مدرب اسمه حسام حسن قدر يجمع اللاعيبة و يقنع صلاح بأدوار مناسبة لامكانياته و سنه و قدر يرجع الروح في المنتخب و الحماس لينا بعد فترة ركود كبيرة ولأول مرة اشوف الناس واثقة في المنتخب لدرجة فيه ناس متفائلة نصعد ربع النهائي و مع المجموعه دي ممكن اصدق عادي كل ده بسبب مدرب وطني حاسس بينا اسمه حسام حسن ♥️

المجموعه دي لو طلع منها احسن تالت واحنا طلعنا اول هنلاعب حد منهم

تقدير وعلاقه لاعيبه منتخب مصر لصلاح هي اقرب حاجه لميسي و الارجنتين وده اللى كان رونالدو بيحاول يعملوا ومعرفش
معتقدش فعلا فى لاعيب فى العالم غير ميسي مع الارجنتين لاعيبه منتخبه بتحبه وبتقدره وبتاخده قدوه وبتحاول تبرزه بالشكل ده
ده حتى مرموش نفسه بجد اللى هو فى اعلى ليفيل فى كل فيديوهات الاحتفالات بيجري يرقصوا ويقف جمبه

اسطوره والله العظيم