HKers Run UK / 跑馬去英國

HKers Run UK / 跑馬去英國 在英國不同地方落腳的香港跑友，分享跑步相關的訊息，希望連繫移民英國? 【歡迎讀者投稿】

投稿方法簡單，Click入去下面Google form，分享內容長短隨意，最好有豐富嘅圖像或相片:
https://forms.gle/w8tok2dP51iTccHu8

【Ealing半馬】小編近期都無乜比賽，所以好耐無更新，又無乜重要賽事玩，就報咗一場倫敦較小規模嘅賽事- Ealing半馬。呢場比賽唔及倫敦市中心嘅比賽咁熱鬧，但口碑都唔錯，而且報名費比較平，氣氛亦都好好，吸引唔少附近地區甚至國外跑手參加，...
27/09/2026

【Ealing半馬】

小編近期都無乜比賽，所以好耐無更新，又無乜重要賽事玩，就報咗一場倫敦較小規模嘅賽事- Ealing半馬。

呢場比賽唔及倫敦市中心嘅比賽咁熱鬧，但口碑都唔錯，而且報名費比較平，氣氛亦都好好，吸引唔少附近地區甚至國外跑手參加，共有4000多人參與半馬組別。

Ealing社區環境幾靚，沿途都有唔少街坊打氣同送上補給，雖然賽道有唔少上落，不過天氣理想，所以跑得舒服成績都幾理想。

另外，今年完賽牌都幾有特色，因為賽事由Wizz航空贊助，所以設計成登記證，將比賽資料放到登記證上面。

小編Tamago




___________________________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。
投稿方法簡單，Click入我哋專頁介紹內嘅連結去Google form，分享內容長短隨意，最好有豐富嘅圖像或相片。
___________________________

【半馬新世界紀錄】今年係長跑紀錄嘅一年，繼四月份倫馬前3名一齊打破世界紀錄，剛剛倫馬亞軍Kejelcha又破咗半馬世界紀錄，成績係56:51呢個成績，比Kiplimo三月份响Lisbon半馬嘅時間快咗29秒，不過兩項成績都尚未正式寫入世界紀...
23/08/2026

【半馬新世界紀錄】

今年係長跑紀錄嘅一年，繼四月份倫馬前3名一齊打破世界紀錄，剛剛倫馬亞軍Kejelcha又破咗半馬世界紀錄，成績係56:51

呢個成績，比Kiplimo三月份响Lisbon半馬嘅時間快咗29秒，不過兩項成績都尚未正式寫入世界紀錄，仍有待世界田聯認證。

其實更早之前Kiplimo去年都跑出56:42嘅半馬最快成績，不過之後田聯認為佢當時跑得太接近領航車，得到不當嘅外來幫助，所以成績不被承認。

未來幾年Sawe, Kejelcha同Kiplimo，以及今年波馬破紀錄嘅Korir，相信仲會繼續衝擊各項世界紀錄，大家拭目以待。

【朝聖之路英國段--St. James Way】又到一年一度超長日照嘅好日子, 最適合長距離練習, 以應付嚟緊嘅比賽, 今次小編試玩St. James Way, 又稱為朝聖之路英國段, 起點位於Reading市中心嘅St. James Ch...
08/06/2026

【朝聖之路英國段--St. James Way】

又到一年一度超長日照嘅好日子, 最適合長距離練習, 以應付嚟緊嘅比賽, 今次小編試玩St. James Way, 又稱為朝聖之路英國段, 起點位於Reading市中心嘅St. James Church, 途經多個城鎮包括Basingstoke, Alresford, Winchester至終點Southampton古城牆, 全長約108km。

跟朝聖之路一樣, 沿路會途徑唔少教堂, 亦會經過一啲古羅馬帝國嘅遺跡, 全路段攀升約1000米, 以英式典型越野路為主, 難度不高, 不過要留意部份路段大雨過後會變得頗泥濘, 而後段亦有唔少路嘅植物橫生而且係有刺嘅, 如果唔想有損傷就記得要着長袖衫褲。

小編晨早5點出發, 原本預計用18個鐘完成, 以趕及尾班火車返屋企, 但跑咗70k停低休息check火車時間, 竟然發現尾班車唔見咗！弱弱嘅我要趕上一班已經唔可能, 最後只有喺附近搵住宿, 一炮過嘅長課意外地變成B2B...

有驚無險總算完成, 第二日休腳最好做乜？梗係去捐埋血啦, 順便食返一兩包薯片補鹽喔~😆

小編 Reindeer



____________________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。

投稿方法簡單，Click入去下面Google form，分享內容長短隨意，最好有豐富嘅圖像或相片:
https://forms.gle/w8tok2dP51iTccHu8
____________________

【一千次Parkrun里程碑】Parkrun 自2004年由Bushy Park開始，至今已經舉行咗1091場今個星期六（30/5），就會出現第一位達到1000場Parkrun 里程碑嘅跑手Darren Wood自第二場Parkrun就開始...
28/05/2026

【一千次Parkrun里程碑】

Parkrun 自2004年由Bushy Park開始，至今已經舉行咗1091場

今個星期六（30/5），就會出現第一位達到1000場Parkrun 里程碑嘅跑手

Darren Wood自第二場Parkrun就開始參加，連續22年去咗120個地方，跑咗999場，嚟緊嘅週末將會迎接佢第1000場Parkrun，即係總共跑咗5000km，換算做馬拉松距離都超過118場，佢嘅堅持，認真誇張




___________________________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。
投稿方法簡單，Click入我哋專頁介紹內嘅連結去Google form，分享內容長短隨意，最好有豐富嘅圖像或相片。
___________________________

Run for Rob Burrow ～列斯馬拉松今日係香港母親節，亦同時係2026年度列斯馬拉松嘅日子。起點同終點係 Headingley Rugby Stadium ～ 欖球手 Rob Burrow 不幸患上 MND ，佢嘅隊友兼死黨 ...
10/05/2026

Run for Rob Burrow ～列斯馬拉松

今日係香港母親節，亦同時係2026年度列斯馬拉松嘅日子。
起點同終點係 Headingley Rugby Stadium ～ 欖球手 Rob Burrow 不幸患上 MND ，佢嘅隊友兼死黨 Kevin Shinfield 就開始為佢同患上MND 嘅人籌款，希望多啲人對呢個（暫時係）不治之症關注多啲，同籌款為研究MND成因同找出醫治方法。佢試過七日跑七隻馬，連續跑好多日超馬，年年都為研究MND經費籌款。
因此，列斯馬拉松就稱為「run for Ron Burrow Leeds Marathon 」亦有好多跑手會同時為 MND Research 籌募經費。
而列斯半程馬拉松都係同時舉行，所以響某個位（約32公里咁上下）全馬半馬就會合，又令人想到「揸兜鹿拉蟲」塞人嘅場面。幸好列斯馬唔算太多參賽者，而且路闊，唔會塞入（又或者我跑太慢，避咗塞人時間）。
路線其實唔會開入市中心，反而「一路向北」，入咗啲細鎮同村，有一段路直頭渺無人煙，但一到有人住嘅地方，就有好多居民打氣，所以氣氛非常之好，尤其最後幾公里，響Headingley 熱鬧到爆，可以媲美倫敦馬嘅氣氛。
之不過路線幾多上落，頭半多落斜，後半就上斜，更有一段「長命斜」～真係跑極都好似行咁慢。不過呢，沿途風光明媚，啲村鎮又好靚，加上熱情村民打氣，真係唔好意思做步兵。
最後終點響 Stadium 衝線，別有一番風味，啲親友可以響大看台睇衝線添～另外完賽後有「goody bag 」，有咖啡包薯片軟糖能量飲品沖粉energy gel同有個counter 派無酒精啤酒🍻，呢方面贏咗倫敦馬九條街。
所以各位如果跑厭咗曼城馬又想挑戰吓斜坡嘅話，列斯馬絕對可以考慮（同埋唔使抽籤吖嘛）。

小編 老奔信



____________________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。

投稿方法簡單，Click入去下面Google form，分享內容長短隨意，最好有豐富嘅圖像或相片:
https://forms.gle/w8tok2dP51iTccHu8
____________________

【用腳去投票，記住用埋手！】老是常出現 ：兩隻🐎同一日，報邊隻好呢？真唔係細路仔先要做選擇，有啲嘢就真係無辦法Why not both嘅！今日又係年度地區選舉，本編同好多人一樣，覺得個個候選人都係「吹就天下無敵，當選後就無心無力。」再加呢幾...
07/05/2026

【用腳去投票，記住用埋手！】

老是常出現 ：兩隻🐎同一日，報邊隻好呢？

真唔係細路仔先要做選擇，有啲嘢就真係無辦法Why not both嘅！

今日又係年度地區選舉，本編同好多人一樣，覺得個個候選人都係「吹就天下無敵，當選後就無心無力。」再加呢幾年全世界風雲變色，一個地區選乜嘢人真係咁緊要咩？
蝴蝶效應係有科學根據架，雖然有得揀都未必真係老闆。
總之今日投邊個都好，去投票就一定無錯！

#跑友去投票喇

#今晚10點截止


小編

我區票站正門居然集合左三個黨嘅人馬，都唔好意思影，來張遠Shot充數。

【備戰 MK Marathon和我的AI教練 – 最終回】終於嚟到最終回，感謝有份睇小編我呢幾篇拙作嘅跑友，估唔到「佛系跑手」嘅分享都喚起你哋唔少共鳴。跟返我嘅「AI教練」習慣，結論先行，講左我呢次MK馬嘅最終派彩：完賽時間：4小時4分12...
06/05/2026

【備戰 MK Marathon和我的AI教練 – 最終回】
終於嚟到最終回，感謝有份睇小編我呢幾篇拙作嘅跑友，估唔到「佛系跑手」嘅分享都喚起你哋唔少共鳴。跟返我嘅「AI教練」習慣，結論先行，講左我呢次MK馬嘅最終派彩：

完賽時間：4小時4分12秒，新PB達成！🎉
(舊PB係2009年上海馬拉松嘅成績 - 4小時16分，之後嘅17年就「佛系」上身 😂)

正如我上一篇分享提到，有咗「AI教練」嘅6星期訓練計劃同賽前提醒，比賽當日上線時嘅心情比以往少咗幾分緊張，又多咗幾分自信，唯一不斷提醒自己要確切執行「AI教練」建議嘅配速計劃，避免過度興奮，有前冇後。原本目標配速係約6分至6分24秒左右，我嘅前半馬配速就保持平均5分50秒，21-30公里再提升到平均5分45秒，32-36公里甚至加速到平均5分30秒，最終全場平均配速保持於5分45秒，略比「AI教練」建議快左少少。我嘅個人感覺係賽前加強咗嘅信心促使沿途表現有非常大嘅幫助。

「AI教練」嘅評價係：「先講一句實話：呢場你跑得非常高質，而且係「教科書級負分段」。由你過去 6 星期嘅訓練去到今次 Milton Keynes Marathon 成績（4:04:12），其實係一次超額完成。」

呢個評價係咪好有正能量呢？😏

係咪「教科書級」、「高質」就真係唔敢當啦，但係個人整體感受係非常難忘同覺得到咗另一個層次咁，例如今次實踐到「配速負分段」後，最尾嘅10公里做到「冇爆偈」同「見人過人，不斷爬頭」，呢點係我從未試過嘅。咁如果我因應今次馬拉松而要比「AI教練」嘅評價係 – 的確有幫到我成為「識得跑馬拉松嘅跑手」。

「AI教練」總結就講咗呢一句：「由4:50 → 4:04，唔係進步，係蛻變。等你下一步，我幫你衝 Sub 4 💥」哈哈！好，我會「聽話」嘅！🫡

希望我嘅分享能夠帶比大家有一點點嘅啟發。對於高端跑手嚟講，「AI教練」講嘅內容就好似「太陽由東邊升起」嘅level，但對於仍在探索「如何跑好馬拉松101」嘅跑友，「AI教練」好大可能係你嘅伴跑好partner啊！

最後嘅最後，要comment MK馬的話，呢一場馬唔容易跑，過左頭6公里嘅馬路之後，就係延綿不斷嘅社區跑，有唔少急彎同短促爬升，直頭似一場「賽前超長課」，沒有太多特別風景，但沿途有不少當地居民為跑手支持打氣，為賽事補回分數。

小編 高雲鹿


__________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。
投稿方法簡單，Click入去下面Google form，分享內容長短隨意，最好有豐富嘅圖像或相片:
https://forms.gle/w8tok2dP51iTccHu8
__________

【備戰 MK Marathon和我的AI教練 - 2】上一回講到我偶然認真起來，係ChatGPT問左點樣去準備5月4日嘅MK Marathon，今次就分享一下我同AI教練嘅互動。我比ChatGPT 嘅指示如下：1. 6星期後要跑MK全馬；2...
03/05/2026

【備戰 MK Marathon和我的AI教練 - 2】

上一回講到我偶然認真起來，係ChatGPT問左點樣去準備5月4日嘅MK Marathon，今次就分享一下我同AI教練嘅互動。

我比ChatGPT 嘅指示如下：
1. 6星期後要跑MK全馬；
2. 完賽目標：4小時15分至4小時30分
3. 最近紀錄為6個月前用4小時50分完成阿姆斯特丹馬
4. 全馬完賽經驗有15次

ChatGPT好快就比左一個簡單嘅分析，認為我嘅目標「幾實際」，然後就比左我一個「精簡但高效」嘅訓練計劃，核心策略係「提升「馬拉松配速耐力」、「加入少量速度訓練（唔需要太多）」、同埋「長課質量 > 次數」。而6星期訓練都未開始，AI已經比滿「情緒價值」比我，現實評估：「你目前能力 + 訓練頻率：👉 4:30 = 高機率達成、👉 4:15 = 有機會（視乎長課完成質量）」。😄

（以上嘅文字係由ChatGPT直接copy & paste，廣東話對答，好親切❤。）

ChatGPT嘅6星期訓練計劃，循序漸進咁分成「建立節奏」＞「加少少強度」＞「關鍵刺激」＞「強化馬拉松能力」＞「高峰週」＞「Taper減量」嘅6個階段。一星期3日訓練亦針對定位在「提速」、「恢復」同「長課」等3個重點。睇到呢到，我已經好滿意「AI私人教練」的規劃，因為係我未曾嘗試過，咁完整咁認真，亦睇黎好合理嘅訓練計劃。

AI生出咗訓練計劃，之後就好睇我自己肯唔肯認真練習啦！因為無論用幾勁嘅AI都好，要跑得到又跑得好，都係靠跑手自己去練習。出去跑啦！🏃🏻‍♂️🏃‍♂️🏃‍♂️

每當完成一星期嘅訓練後，我就會將該星期嘅訓練成果跟AI教練匯報。我把每次練習嘅逐K時間和心率列出比AI分析。AI教練嘅分析都好仔細，睇得出我嘅表現優劣之處，亦比到我跟著下星期訓練階段嘅建議。例如第一個星期嘅訓練中，我嘅長課明顯未跟到訓練所要求嘅速度，因為我跑快左唔少！😆 AI教練就立即評語：「🧠 總結你目前狀態，👉 一句講晒：你唔係唔夠快，而係「太快」」最後仲「鬧」左我一句：「Long Run節奏錯誤，應該：慢 → 穩 → MP，但你變成：快 → 更快 → 爆」，贈多句：「你而家缺嘅唔係速度，而係「控制速度」」

🤯 一言驚醒夢中人，AI教練似乎點醒左我嘅馬拉松缺點，就係操之過急，往往係42K嘅前半段因誤判充裕嘅體力而比多咗力，而忽略左預留後半段需要嘅耐力。於是，第二個星期嘅訓練，我就嚴謹要求自己跟足AI教練嘅計劃，控制自己嘅速度和心率，務求做到AI教練嘅標準：「跑完感覺：攰，但可控」。最後，我竟然得到AI教練嘅肯定，「你已經由「跑手」升級到「懂得跑馬拉松嘅跑手」」🎉 Yeah！我得咗啦！我終於知道點樣去跑馬拉松啦！對於以往「佛系到底」嘅我，AI教練真係啟發左我好多好多。

如今，6星期訓練已經結束，聽日5月4日就係MK馬嘅日子。整個訓練後嘅感受係，AI訓練計劃令我嘅體能和體感上嘅信心都有明顯嘅提升，使我由以往「既來之則安之」嘅心態，變成我會期待自己有更快嘅目標、更好嘅表現。呢個轉變，係我報名前完全意料之外嘅。又或者，因為我本來就係「佛系」跑手，AI訓練計劃對我嚟講已經相當足夠和完備，期望聽日會有滿意嘅表現。

（最終回：我嘅MK馬最終有冇進步？有冇突破「骨灰級」17年前嘅PB呢？）

小編 高雲鹿


__________
【歡迎讀者投稿】
我哋希望連繫更多英國唔同地方跑友，分享更多跑步資訊，歡迎讀者投稿同大家分享下各類資訊。
投稿方法簡單，Click入去下面Google form，分享內容長短隨意，最好有豐富嘅圖像或相片:
https://forms.gle/w8tok2dP51iTccHu8
__________

Address

Camden Town

Website

Alerts

Be the first to know and let us send you an email when HKers Run UK / 跑馬去英國 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category