22/10/2026
ဘိုင်ယန်မြူးနစ်နဲ့ အာဆင်နယ်တို့ တစ်ဖက်၂ဂိုးစီနဲ့ သရေကျခဲ့တဲ့ ချန်ပီယံလိဂ်ပွဲစဉ်မှာ အကောင်းဆုံးကစားသမား Player of the match ဖြစ်ခဲ့သူက ဘိုင်ယန်တိုက်စစ်မှူး Harry Kane ပါပဲ။ ဒီပွဲမှာ ဟယ်ရီကိန်းဟာ သူ့ကြောင့်ရခဲ့တဲ့ ပင်နယ်တီကို သူကိုယ်တိုင်အကောင်းဆုံးသွင်းယူခဲ့သလို လှပလွန်းတဲ့ ဂိုးဖန်တီးမှု assist တစ်ကြိမ်ကိုလည်း ပြုလုပ်နိုင်ခဲ့တယ်။
အခုဆို သူဟာ ချန်ပီယံလိဂ်ပွဲစဉ်၁၀ပွဲဆက် ဂိုးသွင်းနိုင်ခဲ့ပြီး ဗန်နစ္စတယ်ရွိုင်း၊ ရော်ဘတ်လီ၀န်ဒေါစကီးတို့ရဲ့ စံချိန်ကို ကျော်ဖြတ်နိုင်ခဲ့ပါပြီ။ ပြိုင်ပွဲသမိုင်းမှာ ပွဲဆက်အများဆုံး ဂိုးသွင်းယူထားတာက ခရစ္စတီယာနိုရော်နယ်လ်ဒိုဖြစ်ပြီး ၁၁ပွဲဆက်တိုက် ဂိုးသွင်းယူခဲ့တာပါ။
ဒါ့ကြောင့် ကိန်းဟာ ရော်နယ်လ်ဒိုကို လိုက်မီဖို့ နောက်ထပ် ချန်ပီယံလိဂ်ပွဲစဉ်၁ပွဲသာ ဂိုးသွင်းဖို့လိုပါတော့တယ်။ တကယ်လို့ နောက်ထပ်ချန်ပီယံလိဂ်ပွဲစဉ်၂ပွဲဆက်တိုက် ဂိုးသွင်းနိုင်ခဲ့ရင် သူဟာ ရော်နယ်လ်ဒိုရဲ့စံချိန်ကို ကျော်တက်နိုင်တော့မှာပါ။
အခုဆို ကိန်းက နိုင်ငံနဲ့ကလပ်အတွက် ၁၁ပွဲဆက် သွင်းဂိုးပါ၀င်ပတ်သက်မှုပြုလုပ်ထားပြီး ဒီ၁၁ပွဲမှာ ၁၃ဂိုးသွင်း၊ ၈ဂိုးဖန်တီးထားပါပြီ။ ၂၀၂၆ ဘလွန်းဒေါဆုအတွက် ကိန်းဘာလို့ရေပန်းစားနေလဲဆိုတာ အံ့အားသင့်စရာတော့ မရှိပါဘူး။
