Media Fever 9

ပြီးပြည့်စုံဖို့ အာဆင်နယ်ပဲ လိုတော့တယ်

ဒီရာသီ ယူရိုပါလိဂ်ဖိုင်နယ်နဲ့ ကွန်းဖရန့်လိဂ်ဖိုင်နယ်တွေမှာတော့ ပရီးမီးယားလိဂ်ကလပ်တွေဖြစ်တဲ့ အက်စ်တွန်ဗီလာနဲ့ ခရစ္စတယ်ပဲလေ့စ်တို့ အနိုင်ရဗိုလ်စွဲခဲ့ပါတယ်။ ဒါ့ကြောင့် ဒီရာသီဥရောပမှာ All England Champions ဖြစ်ဖို့ဆိုရင် ချန်ပီယံလိဂ်ဖိုင်နယ်မှာ အာဆင်နယ်ဗိုလ်စွဲဖို့ပဲ လိုပါတော့တယ်။

ပြီးခဲ့တဲ့ရာသီမှာလည်း ယူရိုပါလိဂ်မှာ တော့တင်ဟမ်၊ ကွန်းဖရန့်လိဂ်မှာ ချဲလ်ဆီးတို့ ဗိုလ်စွဲခဲ့ပြီး ချန်ပီယံလိဂ်မှာတော့ အာဆင်နယ်က ဆီမီးဖိုင်နယ်အဆင့်ထိ တက်ရောက်နိုင်ခဲ့ပါတယ်။ ဆီမီးဖိုင်နယ်မှာ အာဆင်နယ်ဟာ ပီအက်စ်ဂျီကို မကျော်ဖြတ်နိုင်ခဲ့တာကြောင့် ဗိုလ်လုပွဲနဲ့ လွဲခဲ့ရတာပါ။

ဒီရာသီ UCL Final မှာတော့ အာဆင်နယ်ဟာ ပီအက်စ်ဂျီနဲ့ တဖန်တွေ့ဆုံနေပါပြီ။ ဥရောပပြိုင်ပွဲ၃ရပ်လုံးမှာ အင်္ဂလန်ကလပ်တွေ မင်းမူနိုင်တဲ့ သမိုင်းစံချိန်သစ်ကို ရေးထိုးနိုင်ဖို့ အာဆင်နယ်ပဲ တာဝန်ကျေဖို့ လိုပါတော့မယ်။

၂၂နှစ်ကြာဝေးကွာနေတဲ့ ပရီးမီးယားလိဂ်ချန်ပီယံဆုကို သိမ်းပိုက်ခဲ့ပြီးနောက် မြောက်လန်ဒန်သားတွေဟာ အသင်းရဲ့သမိုင်းမှာ ပထမဆုံးချန်ပီယံလိဂ်ဆုဖလားအောင်မြင်မှုကို သိမ်းပိုက်သွားနိုင်မလားဆိုတာတော့....

၂၂နှစ်အကြာမှာတော့ အာဆင်နယ်ဟာ အင်္ဂလန်ရဲ့ချန်ပီယံအဖြစ် ပရီးမီးယားလိဂ်ချန်ပီယံဆုကြီးကို ကိုင်မြှောက်နိုင်ခဲ့ပါပြီ။ ၃နှစ်ဆက်တိုက် ဒုတိယလူတွေအနေနဲ့ အလှောင်ပြောင်ခံခဲ့ရတဲ့ ကစားသမားတွေဟာလည်း အခုဆို ချန်ပီယံဆုဖလားကြီးကို ထိုက်ထိုက်တန်တန် ပိုင်ဆိုင်ခဲ့ပြီဖြစ်ပါတယ်။

ဒီအောင်မြင်မှုအတွက် ၀မ်းအသာဆုံး၊ အပျော်ရွှင်ဆုံးဖြစ်နေမှာကတော့ မျက်ရည်တွေကျတဲ့အထိ ၀မ်းသာနေခဲ့တဲ့ မီခေးလ်အာတေတာပဲ ဖြစ်မှာပါ။ အာတေတာဟာ သူကစားခဲ့တဲ့ကလပ်အတွက် လိဂ်ချန်ပီယံဆု ယူပေးခဲ့တဲ့ ပထမဆုံးမန်နေဂျာအဖြစ် သမိုင်းမှတ်တမ်း၀င်ခဲ့ပြီဖြစ်ပါတယ်။

အာစင်၀င်းဂါးအလွန်မှာ ဥရောပ၀င်ခွင့်မရတဲ့အထိ နိမ့်ကျသွားတဲ့ အသင်းကို၊ အစစအရာရာ အနှုတ်ပြနေတဲ့အသင်းကို မီခေးလ်အာတေတာဟာ အောက်ခြေကနေ အကောင်းဆုံးပြန်တည်ဆောက်ပေးခဲ့တာပါ။ ဝေဖန်မှုတွေ၊ လှောင်ပြောင်မှုတွေ၊ သံသယတွေကြားကနေ အာဆင်နယ်ကို ပရီးမီးယားလိဂ်တင်သာမက ဥရောပမှာပါ အကောင်းဆုံး အသင်းတစ်သင်းဖြစ်လာအောင် ပဲ့ကိုင်ပေးခဲ့ပါတယ်။

ခက်ခဲတဲ့ သက္ကရာဇ်တွေအပြီး၊ ခံရခက်တဲ့ လှောင်ပြောင်သရော်သံတွေရဲ့အလွန်၊ အချိန်အကြာကြီးနေမှ မြောက်လန်ဒန်ဆီ ပရီးမီးယားလိဂ်ဖလားကြီးရောက်လာတာဟာ အသင်းရဲ့သမိုင်းတစ်လျှောက် အမှတ်ရချင်စရာအကောင်းဆုံး အောင်မြင်မှုတွေထဲကတစ်ခုပါပဲ။

တော့တင်ဟမ်ကစားသမားဘ၀မှာ ဆုဖလားသုညဖြစ်ခဲ့တဲ့ Harry Kane ကတော့ ဘိုင်ယန်မြူးနစ်မှာ စံချိန်သစ်တွေ တစ်ခုပြီးတစ်ခုရေးထိုးပြနေသလို ဆုဖလားတွေလည်း တစ်လုံးပြီးတစ်လုံး သိမ်းပိုက်ပြနေပါတယ်။

မနေ့ညက ယှဉ်ပြိုင်ခဲ့တဲ့ DFB Cup Final မှာ Bayern Munich ဟာ စတုဂတ်ကို ဟယ်ရီကိန်းရဲ့ဟက်ထရစ်နဲ့အတူ ၃ဂိုးဂိုးမရှိဆိုတဲ့ရလဒ်နဲ့ အနိုင်ယူဗိုလ်စွဲခဲ့ပါတယ်။ ဒီနိုင်ပွဲနဲ့အတူ ဘိုင်ယန်ဟာ ဒီရာသီမှာ Bundesliga, Super Cup နဲ့ DFB Pokal Cup ဆိုပြီး Domestic Treble Winner အဖြစ် အောင်ပွဲခံနိုင်ခဲ့ပါပြီ။

နောက်ထပ်ဆုဖလားတစ်ခု ထပ်ပိုင်ဆိုင်ထားတဲ့ ကိန်းဟာ လိဂ်ဂိုးသွင်းဘုရင်ဆုကိုလည်း ၃ရာသီဆက် သိမ်းပိုက်ထားပြီး မကြာခင်မှာ ဥရောပရွှေဖိနပ်ကို သိမ်းပိုက်နိုင်တော့မှာပါ။ ဂျာမန်မြေမှာ ဆုဖလား၅လုံးအထိ သိမ်းပိုက်ထားခဲ့တဲ့ ကိန်းဟာ ဒီရာသီမှာတော့ ကစားသမားဘ၀ စံချိန်တင် သွင်းဂိုးပါ၀င်ပတ်သက်မှုတွေကို ပြသခဲ့ပါပြီ။ ဒီရာသီမှာ ဘိုင်ယန်နဲ့အတူ ကိန်းဟာ

👕 ၅၆ပွဲကစား
⚽ ၆၄ဂိုးသွင်း
👟 ၇ဂိုးဖန်တီးဆိုတဲ့ မယုံနိုင်စရာ စွမ်းဆောင်ရည်ကိန်းဂဏန်းတွေကို ပြသနိုင်ခဲ့ပါတယ်။

၂၀၂၆ ကမ္ဘာ့ဖလားမှာသာ အင်္ဂလန်နဲ့အတူ ဟယ်ရီကိန်းဟာ ထူးခြားတာတွေ လုပ်ပြနိုင်ခဲ့ရင်၊ ကမ္ဘာ့ချန်ပီယံဖြစ်ခဲ့ရင် ဘလွန်းဒေါကိုပါ ကိုင်မြှောက်သွားနိုင်တော့မလားဆိုတာတော့...

ကျ၊ားတွေပြန်လာပြီ

ကမ္ဘာ့တန်ကြေးအကြီးဆုံး ဗိုလ်လုပွဲလို့ခေါ်နိုင်တဲ့ ချန်ပီယံ play offs final မှာ‌တော့ ဟူးစီးတီးဟာ ဆောက်သမ်တန်ကို ၁ဂိုးဂိုးမရှိနဲ့ အနိုင်ယူပြီး ပရီးမီးယားလိဂ်ဆီ ပြန်တန်းတက်လာပါပြီ။ ၂၀၁၇နောက်ပိုင်း၊ ‌၉နှစ်အကြာမှာတော့ ပရီးမီးယားလိဂ်စင်မြင်ထက် ဟူးစီးတီးကို ပြန်မြင်ရပါတော့မယ်။

ပြီးခဲ့တဲ့ရာသီ၊ ချန်ပီယံရှစ်မှာ ဟူးစီးတီးဟာ လိဂ်၀မ်းဆီ တန်းမဆင်းရဖို့ လူတန်တောင်းနဲ့ ပြိုင်ဆိုင်ခဲ့ရပြီး Goal Difference ကြောင့် ချန်ပီယံရှစ်မှာ ကျန်ရစ်ခဲ့တာပါ။ ဒီရာသီကုန်ချန်ပီယံရှစ်မှာလည်း တန်းတက်ခွင့်အတွက် play offs ကစားဖို့ နောက်ဆုံးနေရာဖြစ်တဲ့ အဆင့်၆ကို ခက်ခက်ခဲခဲနဲ့ သိမ်းပိုက်ခဲ့တာပါ။

တစ်ဖက်မှာတော့ မစ်ဒယ်ဘရော့ခ်ျဟာ play offs semi final မှာ ဆောက်သမ်တန်ကို ရှူံးခဲ့ပေမယ့် ပြိုင်ဘက်တွေကို လျှို့ဝှက်ထောက်လှမ်းခဲ့တဲ့ ဆောက်သမ်တန်အသင်း ပြိုင်ပွဲကနေ ထုတ်ပယ်ခံရတာကြောင့် ဗိုလ်လုပွဲဆီ တက်ရောက်နိုင်ခဲ့ပါတယ်။

ဗိုလ်လုပွဲမှာ ဟူးစီးတီးကို ဒူးထောက်ခဲ့ရတဲ့နောက် မစ်ဒယ်ဘရော့ခ်ျဟာ Championship Play offs ဆီမီးဖိုင်နယ်နဲ့ ဖိုင်နယ်၂ခုလုံးမှာ ရှူံးနိမ့်ဖူးတဲ့ ပထမဆုံးအသင်း အဖြစ် မှတ်တမ်း၀င်ခဲ့ပါပြီ။

လာမယ့်ရာသီ ပရီးမီးယားလိဂ်မှာ ကိုဗင်ထရီ၊ အစ်စ်၀စ်ခ်ျတောင်းနဲ့အတူ ဟူးစီးတီးကို ပြန်မြင်ရပါမယ်။ Congratulations ပါ Hull City...

ကမ္ဘာ့ဖလားမှာ ပါ၀င်မယ့် နော်ယာ

၂၀၂၆ကမ္ဘာ့ဖလားပြိုင်ပွဲ၀င်မယ့် ဂျာမနီလက်ရွေးစင်အသင်းရဲ့လူစာရင်း ထွက်ပေါ်လာပါပြီ။ ဂျူလီယံနာဂယ်စ်မန်းထုတ်ပြန်လိုက်တဲ့ ဒီလူစာရင်းမှာ အသင်းရဲ့ဝါရင့်ဂိုးသမားကြီးနဲ့ ကပ္ပတိန်ဟောင်းကြီး မန်နွယ်နော်ယာဟာ ပြန်လည်ပါ၀င်လာပါတယ်။

မန်နွယ်နော်ယာဟာ ၂၀၂၄ ယူရိုပြိုင်ပွဲပြီးတဲ့နောက် လက်ရွေးစင်ကစားသမားဘ၀ကနေ အနားယူခဲ့ပြီး နိုင်ငံအသင်းအတွက် မကစားခဲ့တာ ၂နှစ်ရှိပါပြီ။ ဒါပေမယ့် ဂျာမနီလက်ရွေးစင်အသင်းနည်းပြ ဂျူလီယံနာဂယ်စ်မန်းကတော့ နော်ယာကို ပြန်ခေါ်ယူဖို့ ဆုံးဖြတ်ခဲ့ပါတယ်။

မကြာသေးခင်ပဲ ဂျာမန်သားကြီးဟာ ကလပ်နဲ့အတူ ဘွန်ဒက်စ်လီဂါချန်ပီယံဆုကို ကိုင်မြှောက်နိုင်ခဲ့ပြီး ဘိုင်ယန်မြူးနစ်မှာ နောက်တစ်ရာသီဆက်ရှိနေဖို့ စာချုပ်သစ်မှာ လက်မှတ်ရေးထိုးခဲ့ပါတယ်။ ကြီးကျယ်ခမ်းနားတဲ့ ကစားသမားဘ၀ကို ပိုင်ဆိုင်ခဲ့ပြီးပြီဆိုပေမယ့် သူ့ရဲ့စိတ်အားထက်သန်မှုတွေက အားကောင်းနေဆဲပါပဲ။

၂၀၂၆ကမ္ဘာ့ဖလားကတော့ နော်ယာအတွက် ဂျာမနီလက်ရွေးစင်ကစားသမားဘ၀ The last dance ဖြစ်လာမှာပါ။ သူ့ကို ဂျာမနီဂျာစီနဲ့ ပြန်မြင်ရမယ့်အပေါ် ပရိသတ်တွေလည်း ၀မ်းသာနေကြပါလိမ့်မယ်။

၂၂နှစ်ကြာပြီးတဲ့နောက်

အာဆင်နယ် ပရီးမီးယားလိဂ်ချန်ပီယံဖြစ်လာခဲ့ပြီးနောက် ရစ်ချတ်ဆိုတဲ့ အာဆင်နယ်ပရိသတ်တစ်ယောက်ရဲ့ ဆိုရှယ်မီဒီယာပေါ်တင်ထားတဲ့ ဓာတ်ပုံလေးက အတော်လေး လူမှုကွန်ရက်သုံးစွဲသူတွေကြား အတော်လေး popular ဖြစ်ခဲ့ပါတယ်။

သူဟာ အာဆင်နယ် ပရီးမီးယားလိဂ်ချန်ပီယံဖြစ်ခဲ့တဲ့ ၂၀၀၄ခုနစ်မှာ အာဆင်နယ်ဂျာစီ၀တ်ပြီး အဘွားနဲ့အတူ ရိုက်ကူးထားတဲ့ပုံနဲ့ ၂၂နှစ်အကြာ ၂၀၂၆မှာ အဘွားနဲ့အတူ အာဆင်နယ်ဂျာစီ၀တ်ပြီး ရိုက်ကူးထားတဲ့ ဓာတ်ပုံ၂ပုံကို ယှဉ်တွဲတင်ထားခဲ့ဝာာပါ။

"၂၂နှစ်အကြာမှာ ကျွန်တော်တို့ ထပ်ပြီးလုပ်နိုင်ခဲ့ပြီ အဘွား " ဆိုတဲ့ caption လေးက အာဆင်နယ်ပရိသတ်တွေရဲ့နှလုံးသားကို ထိခဲ့တယ်ဆိုရမယ်။ အာဆင်နယ်အပေါ် ထားတဲ့ချစ်ခြင်းမေတ္တာတွေကို အဘွားကနေ မြေးအထိ လက်ဆင့်ကမ်းသယ်ဆောင်ထားဆဲပါပဲ။

မြောက်လန်ဒန်တစ်မိုးအောက်တည်းမှာဆိုပေမယ့် မြို့ခံပြိုင်ဘက်၂သင်းဟာ မတူညီတဲ့ကြမ္မာကိုယ်စီနဲ့ပါပဲ။ အာဆင်နယ်က ပရီးမီးယားလိဂ်ချန်ပီယံအဖြစ် အောင်ပွဲခံနေချိန်၊ ချဲလ်ဆီးကို လန်ဒန်ဒါဘီမှာ ရှူံးခဲ့တဲ့ အာဆင်နယ်ရဲ့ မြို့ခံပြိုင်ဘက် တော့တင်ဟမ်ကတော့ ရာသီနောက်ဆုံးနေ့အထိ တန်းမဆင်းရဖို့ ကြိုးစားရပါတော့မယ်။

တကယ်ဆို ချဲလ်ဆီးနဲ့ပွဲမှာ တော့တင်ဟမ်ဟာ သရေတစ်မှတ်ရခဲ့ရင် နောက်ရာသီပရီးမီးယားလိဂ်မှာ ဆက်ရှိဖို့ ရာနှုန်းသေချာသွားမှာပါ။ ဒါပေမယ့်လည်း ရမှတ်ဗလာနဲ့ အိမ်ပြန်ခဲ့ရတဲ့နောက် တော့တင်ဟမ်ဟာ ရာသီနောက်ဆုံးပွဲစဉ်မှာ အဲဗာတန်ဆီကနေ အနည်းဆုံး သရေတစ်မှတ်ခွဲယူဖို့ ကြိုးစားရတော့မှာပါ။

တစ်ဖက်မှာတော့ ၀က်စ်ဟမ်းဟာ အိမ်ကွင်းမှာ တန်းဆင်းဇုန်ဖိအားမရှိတဲ့၊ အမှတ်မလိုတော့တဲ့ လိဒ်စ်ယူနိုက်တက်ကို အိမ်ကွင်းမှာ ဧည့်ခံရမှာပါ။ ဒီတော့ လာမ်ယ့ပွဲစဥ်၃၈မှာ ၀က်စ်ဟမ်းသာ အနိုင်ရခဲ့ရင်၊ တော့တင်ဟမ်သာ အဲဗာတန်ကို ရှူံးခဲ့ရင်ဆိုပြီး ရင်ခုန်စိတ်လှုပ်ရှားစရာတွေကို စောင့်ကြည့်ရဖို့တော့ ရှိနေပါပြီ။

၂၀၂၅/၂၆ ဘောလုံးရာသီအတွက် ပရီးမီးယားလိဂ်ရဲ့ ချန်ပီယံဟာ အာဆင်နယ်ပါပဲ။ ဒုတိယနေရာနဲ့ ၃နှစ်ဆက်ကျေနပ်ခဲ့ရတဲ့ အနီရောင်မြောက်လန်ဒန်သားတွေဟာ နှစ်ပေါင်း၂၀ကျော်ကြာခဲ့ပြီးနောက် ၊ ဒီတစ်ခါတော့ ပရီးမီးယားလိဂ်ချန်ပီယံဆုနဲ့ ထပ်မဝေးတော့ပါဘူး။ အင်္ဂလန်ရဲ့ချန်ပီယံဆိုတဲ့ဂုဏ်ပုဒ်ကို မြောက်လန်ဒန်ဆီ ပြန်သယ်ဆောင်လာခဲ့ပါပြီ။

ခက်ခဲတဲ့ရက်စွဲတွေ၊ အဝေဖန်အလှောင်ပြောင်ခံရတဲ့ သက္ကရာဇ်များစွာကို ဖြတ်သန်းခဲ့ပြီးနောက် အာဆင်နယ်ဟာ ချန်ပီယံတွေရဲ့ စင်မြင့်ထက်ဆီ ဂုဏ်ယူ၀င့်ကြွားစွာနဲ့ ပြန်တက်လှမ်းလာနိုင်ခဲ့ပါပြီ။ ဒီအတွက် အဓိကအသိအမှတ်ပြုရမှာကတော့ အာဆင်နယ်ကို အကောင်းဆုံးပဲ့ကိုင်ပေးခဲ့တဲ့ မီခေးအာတေတာပါပဲ။

ကြီးကျယ်ခမ်းနားတဲ့သမိုင်းကြောင်းတွေရှိခဲ့ပေမယ့် အများကြီးနိမ့်ကျသွားခဲ့တဲ့ အာဆင်နယ်ကို အာတေတာဟာ အခက်အခဲတွေ စိန်ခေါ်မှုတွေများစွာကြားကနေ ပြန်အဖက်ဆည်ခဲ့ပြီး ဥရောပရဲ့‌အကောင်းဆုံးအသင်းတစ်သင်းအဖြစ် ပြန်တည်ဆောက်ပေးခဲ့တယ်။

အာဆင်နယ်ဟာ အာစင်၀င်းဂါးလက်ထက်မှာတုန်းကလည်း ၁၉၉၉၊ ၂၀၀၀နဲ့ ၂၀၀၁ခုနစ်တွေမှာ ၃နှစ်ဆက်တိုက် အမှတ်ပေးဇယားရဲ့ဒုတိယ‌နေရာနဲ့ ကျေနပ်ခဲ့ရပြီး ၂၀၀၂မှာတော့ လိဂ်ချန်ပီယံအဖြစ် အောင်ပွဲခံနိုင်ခဲ့ပါတယ်။

အာတေတာရဲ့အာဆင်နယ်ဟာလည်း ၂၀၂၃၊ ၂၀၂၄နဲ့ ၂၀၂၅ခုနစ်တွေမှာ ၃နှစ်ဆက်တိုက် အမှတ်ပေးဇယားရဲ့ဒုတိယ‌နေရာနဲ့ ကျေနပ်ခဲ့ရပြီး ၂၀၂၆မှာတော့ လိဂ်ချန်ပီယံအဖြစ် အောင်ပွဲခံနိုင်ခဲ့ပြီဖြစ်ပါတယ်။ ကံကြမ္မာရဟတ်ဟာ တစ်ပတ်လည်ခဲ့ပြီလို့ ဆိုရပါမယ်။

Congratulations Arsenal

ချန်ပီယံဆုနဲ့ ခြေတစ်လှမ်းအလို

ဘန်လေကို အမ်းမရိတ်မှာ ၁ဂိုးဂိုးမရှိဆိုတဲ့ရလဒ်နဲ့ ခက်ခက်ခဲခဲ အနိုင်ယူခဲ့ပြီးနောက် အာဆင်နယ်ဟာ မန်စီးတီးထက် တစ်ပွဲပိုကစား၅မှတ်ဖြတ်ပြီး အမှတ်ပေးဇယားကို ဦးဆောင်ထားပါပြီ။ နောက်ဆုံးပွဲမှာ ပဲလေ့စ်ကို အနိုင်ရခဲ့ရင် သေချာပေါက်အာဆင်နယ် ချန်ပီယံဖြစ်ပါပြီ။

တကယ်လို့ ဒီညမှာ မန်စီးတီးဟာ ဘုန်းမောက်ကို အနိုင်မယူနိုင်ခဲ့ဘူးဆို‌ရင်တော့ အာဆင်နယ်ဟာ နောက်ဆုံးပွဲကို မကစားခင်မှာပဲ ပရီးမီးယားလိဂ်ချန်ပီယံအဖြစ် အောင်ပွဲခံနိုင်ပါလိမ့်မယ်။ လိဂ်ပွဲ၁၆ပွဲဆက် ရှူံးပွဲမရှိတဲ့ ဘုန်းမောက်ဟာ အာဆင်နယ်ရဲ့ ချန်ပီယံအိပ်မက်အတွက် ပါရမီဖြည့်ပေးသွားမလားဆိုတာ စိတ်၀င်စားစရာပါပဲ။

အာဆင်နယ်ဟာ ပရီးမီးယားလိဂ်ချန်ပီယံဆုနဲ့ ဝေးကွာနေခဲ့တာ ၂၁နှစ်ကျော်ခဲ့ပါပြီ။ ဒုတိယလူအဖြစ်နဲ့ ၃နှစ်ဆက် ကျေနပ်ခဲ့ရပြီးနောက် ဒီရာသီမှာတော့ လိဂ်ချန်ပီယံဆုဟာ သူတို့လက်ထဲရောက်လာဖို့ အတော်လေူအခြေအနေကောင်းနေပါပြီ။ နောက်ဆုံးခြေတစ်လှမ်းကို အာဆင်နယ် မမှားဖို့ပဲ လိုပါတော့တယ်။

မန်စီးတီးကနေ ပက်ထွက်သွားတော့မယ်ဆိုတဲ နမိတ်တွေက ကြိုပြခဲ့ပြီးသားပါ။ သူနဲ့ကာလရှည်တွဲလာတဲ့ ကြံ့ခိုင်ရေးနည်းပြဟာ ရာသီကုန်မှာ အသင်းကနေ ထွက်ခွာမယ်၊ ပြီးတော့ ဂိုးနည်းပြကလည်း အီးတီဟတ်ကနေ ထွက်မယ်လို့ သတင်းထပ်ထွက်လာတယ်။

အခုနောက်ဆုံးမှာတော့ ရာသီကုန်ကျရင် မန်စီးတီးကနေ ပက်ဂွာဒီယိုလာ တကယ် ထွက်ခွာတော့မယ်လို့ သိရပါတယ်။ အသင်းနဲ့ သူ့ဘက်ကနေ တရား၀င်အတည်မပြုသေးပေမယ့် ဒီသတင်းဟာ လုံး၀အမှန်ပါပဲ။

မန်စီးတီးဆီရောက်မလာခင် ၊ ပက်က ဘာကာမှာ ၄နှစ်၊ ဘိုင်ယန်မြူးနစ်မှာ ၃နှစ် နည်းပြခဲ့ပြီး အသင်းတစ်သင်းမှာ အကြာကြီး မနေတတ်ခဲ့ဘူး။ မန်စီးတီးမှာလည်း သူ သိပ်အကြာကြီးမနေလောက်ဘူးလို့ ထင်ခဲ့ကြပေမယ့် အီးတီဟတ်မှာ သူဟာ ဆယ်စုနှစ်တစ်ခုကြာအောင် ရှိခဲ့တယ်။ မန်ချက်စတာမှာ သူ‌အတော်လေး အခြေ‌ကျပျော်ရွှင်ခဲ့ပုံပါပဲ။

မန်စီးတီးအတွက် သူ ဘာမှ လုပ်ပြစရာမလိုတော့ဘူး၊ အသင်းရဲ့သမိုင်းမှာ သူဟာ အကြီးကျယ်အခမ်းနားဆုံးနည်းပြအဖြစ် မှတ်တမ်း၀င်ခဲ့ပြီဆိုပေမယ့် ပရိသတ်တွေကတော့ ဒီလမ်းခွဲဇာတ်သိမ်းအတွက် အသင့်မဖြစ်လောက်သေးပါဘူး။

ဒါဟာ ခေတ်တစ်ခုရဲ့ အဆုံးသတ်ပါပဲ။

End of an era 💙