CricUrdu

https://www.youtube.com/watch?v=XAzljrttksM
| | | | |

Indian Cricket Team will not travel to Pakistan |Daily Cricket News BCCI Secretary Jay Shah has categorically told Najam Sethi that Indian Cricket Team can not travel to Pakistan for AsiaCup 2023 due t...

سرفراز احمد کے لئے ایک جملہ ؟
| | | |

شاداب خان نیوزی لینڈ کیخلاف ون ڈے سیریز کیلئے پاکستان روانہ

قومی کرکٹ ٹیم کے آل راؤنڈر شاداب خان نیوزی لینڈ کے خلاف ون ڈے سیریز کے لیے آسٹریلیا سے پاکستان کے لیے روانہ ہو گئے۔

شاداب خان بگ بیش لیگ کے لیے آسٹریلیا میں موجود تھے، انہوں نے لیگ میں ہوبارٹ ہوریکینز کی نمائندگی کی۔

آسٹریلوی لیگ میں شاداب خان ہاتھ کی انگلی کی انجری کا بھی شکار ہوئے تھے، انجری کی وجہ سے وہ ایڈیلیڈ اسٹرائیکرز کے خلاف میچ نہیں کھیل سکے تھے۔

واضح رہے کہ شاداب خان نے آسٹریلوی لیگ بگ بیش میں ہوبارٹ ہوریکینز کی 5 میچز میں نمائندگی کی۔

آفریدی اور بابر ’ایک پیج‘ پر: ’یہ جملہ سن کر لگتا ہے ضرور کوئی گڑبڑ ہے‘

آفریدی اور بابر ’ایک پیج‘ پر: ’یہ جملہ سن کر لگتا ہے ضرور کوئی گڑبڑ ہے‘

آپ نے کئی بار سیاست میں سنا ہوگا کہ ’ہم ایک پیج پر ہیں۔‘ مگر اب اس اصطلاح کا استعمال کھیلوں کے میدان کے حوالے سے بھی ہونے لگا ہے۔

پاکستان میں سیاستدان اچھے سول ملٹری تعلقات کے لیے اکثر یہ کہتے نظر آتے ہیں کہ ’ہم ایک پیج پر ہیں۔‘ مگر گذشتہ روز پاکستانی کرکٹ ٹیم کے عبوری چیف سلیکٹر شاہد آفریدی نے کہا کہ ان کی قیادت میں سلیکشن کمیٹی اور ٹیم مینجمنٹ دونوں ’تقریباً ایک ہی پیج پر ہیں۔‘

شاہد آفریدی نے اس حوالے سے بھی زور دیا ہے کہ ان کے آنے سے مقامی پچز میں کوئی ’بہت بڑا فرق نہیں ہوگا‘ مگر بولرز کے لیے انھیں سازگار بنانے کی کوشش کی جائے گی۔

دریں اثنا کراچی میں آج نیوزی لینڈ اور پاکستان کے درمیان دوسرا ٹیسٹ میچ کھیلا جا رہا ہے جس میں شائقین کی دلچسپی بڑھانے کے لیے پی سی بی نے داخلہ مفت کر رکھا ہے۔

فخر زمان پاکستان کیلئے ایکشن دکھانے کو تیار ہوگئے

فخر زمان پاکستان کیلئے ایکشن دکھانے کو تیار ہوگئے

پاکستان کرکٹ ٹیم کے اوپننگ بیٹر فخر زمان ایک بار پھر پاکستان کے لیے ایکشن دکھانے کے لیے تیار ہوگئے۔

کراچی میں جیو نیوز سے گفتگو میں فخر زمان نے کہا کہ انجری کے بعد کم بیک مشکل ہوتا ہے، ایک بار پھر پاکستان کی جانب سے ایکشن کے لیے تیار ہوں۔

انہوں نے کہا کہ نیوزی لینڈ سے ون ڈے سیریز سے قبل پاکستان کپ میں ردھم بحال کیا، میچ فٹنس واپس آچکی ہے، کافی اچھا محسوس کر رہا ہوں۔

اوپننگ بیٹر نے مزید کہا کہ دو تین ماہ بعد کرکٹ سے دوری کے بعد واپس آنے میں چیلنج ہوتا ہے، انجری کے بعد پہلا میچ کھیلا ذہن میں تھا کہ کہیں دوبارہ انجرڈ نہ ہوجاؤں۔

فخر زمان نے یہ بھی کہا کہ ون ڈے ٹیم کا اچھا کمبی نیشن ہے، نیوزی لینڈ سے سیریز کے لیے حوصلے بلند ہیں، مجھے اچھی پرفارمنس کی اُمید ہے۔

اُن کا کہنا تھا کہ پاکستان کے لیے ہر میچ کھیلنا ہمارے لیے اہم ہوتا ہے، ہم نیوزی لینڈ سے 3 میچز کی سیریز بھی جیتیں گے۔

مجھے لگتا تھا رمیز راجا پڑھے لکھے آدمی ہیں، محمد عامر

مجھے لگتا تھا رمیز راجا پڑھے لکھے آدمی ہیں، محمد عامر
لیفٹ آرم فاسٹ بولر محمد عامر نے کہا ہے کہ اللّٰہ نے مجھے موقع دیا تو قومی ٹیم میں دوبارہ کھیلوں گا، میں پہلے پی ایس ایل میں پرفارم کرنا چاہتا ہوں۔

نیشنل ہائی پرفارمنس سینٹر لاہور میں میڈیا سے گفتگو کرنے ہوئے محمد عامر نے کہا کہ نجم سیٹھی صاحب کا مشکور ہوں جنہوں نے مجھے یہاں پریکٹس کا موقع دیا۔

لیفٹ آرم فاسٹ بولر نے کہا کہ مجھے لگتا تھا کہ رمیز راجا پڑھے لکھے آدمی ہیں، مجھے ان سے کسی پر الزام لگانے کی امید نہیں تھی۔

محمد عامر نے کہا کہ نجم سیٹھی حمایت کر رہے ہیں لیکن پہلے میں اپنی پرفارمنس پر توجہ دوں گا۔