蒲宵曼聯

蒲宵曼聯 小弟會喺度分享關於曼聯嘅消息、賽後分析、即場討論區等，歡迎大家暢所欲言，但請互相尊重！

【即場討論區】23:30 富咸 vs 曼聯正選陣容已出，Sesko因傷缺陣，前線繼續Cunha假9，Shaw傷愈重返正選，Baleba 暫列後備候命。GGMU!Image credit: Manchester United
20/09/2026

【即場討論區】23:30 富咸 vs 曼聯

正選陣容已出，Sesko因傷缺陣，前線繼續Cunha假9，Shaw傷愈重返正選，Baleba 暫列後備候命。

GGMU!

Image credit: Manchester United

【賽前短打】23:30 富咸 vs 曼聯曼聯喺週中聯賽盃係領先兩球下以 2:3 反敗予白禮頓，無論比數同場面都好難令曼聯球迷接受，賽後以卡域克為首既教練團理所當然成為眾矢之的。有報導指曼聯正為潛在新帥選項進行評估，以預防卡帥情況繼續惡化，雖...
20/09/2026

【賽前短打】23:30 富咸 vs 曼聯

曼聯喺週中聯賽盃係領先兩球下以 2:3 反敗予白禮頓，無論比數同場面都好難令曼聯球迷接受，賽後以卡域克為首既教練團理所當然成為眾矢之的。

有報導指曼聯正為潛在新帥選項進行評估，以預防卡帥情況繼續惡化，雖然未有消息指今晚有咩冬瓜豆腐會即炒，但國際賽期素來都係換帥嘅最好時機，相信佢自己都聞到魷魚香，即管睇吓佢能否及時自救。

喺度都再特別讚吓 Lacey仔，除咗開紀錄嗰腳入波之外，多次憑自己技術搏到對手犯規，希望嚟緊可以畀多啲機會佢落場。

球隊今晚將會返到英超賽場，作客富咸。

主隊富咸今季有主帥馬高斯華離隊，改由上季臨時頂替沙比阿朗素接任皇家馬德里主帥嘅艾比路亞，買嘅人都係喺西甲嗰邊搵為主，包括分別花咗 40M 及 10M 歐元從皇家馬德里買入嘅22歲中鋒干沙路加西亞及21歲攻擊中場柏拉斯奧斯、效力艾切爾兩季嘅奧地利中堅 David Affengruber 等，亦以總值 30M 英鎊從英冠修咸頓簽入北愛爾蘭中場舒希查理斯。

雖然富咸簽入咗唔少新兵，加上兩名年輕攻擊手京治與及博比今季有明顯進步，但佢哋陣中幾位具經驗嘅球員包括哈利威爾遜、盧傑與及伊沙迪奧普都離隊他投，多少都影響到球隊嘅穩定性，今季對住車路士同水晶宮兩場波都係入得又失得，佢哋頭三場三連敗唔係冇原因。

上仗作客利物浦雖然攞到1分，但佢哋條防線仍然唔算好穩陣，即管睇吓今晚返到主場面對勢弱嘅曼聯能否有所改善。

至於曼聯方面，幾位傷兵 de Ligt、Baleba 及 Shaw 均有隨隊南下，但 Sesko 唔見人，相信今晚好大機會缺陣。

如果 Sesko 真係踢唔到，個人希望今晚試吓 Mbeumo 打返最前，Lacey仔踢右邊，睇吓卡帥夠唔夠「吉士」變。

傷病名單：Ugarte、Heaton、Amad、Sesko

上陣成疑：Shaw、de Ligt、Baleba

停賽名單：/

#蒲宵曼聯
#賽前短打

【混沌中的一點光】恭喜Shea Lacey 為曼聯一隊攻入其首個正式比賽入球✨隊波仲有好多問題，上上下下都要加倍努力！Photo credit: OLI SCARFF / Gettyimages
17/09/2026

【混沌中的一點光】

恭喜Shea Lacey 為曼聯一隊攻入其首個正式比賽入球✨

隊波仲有好多問題，上上下下都要加倍努力！

Photo credit: OLI SCARFF / Gettyimages

【賽前短打 / 即場討論區】03:00 曼聯 vs 白禮頓經歷過上週末曼布打吡失利後，曼聯今晚會轉戰聯賽盃，於第三圈主場迎戰白禮頓。客隊白禮頓縱使今夏有後防大將雲希格及經驗老將韋碧克離隊他投，亦有不少主力包括三笘薰、凱達及耶古巴文迪仍在...
16/09/2026

【賽前短打 / 即場討論區】03:00 曼聯 vs 白禮頓

經歷過上週末曼布打吡失利後，曼聯今晚會轉戰聯賽盃，於第三圈主場迎戰白禮頓。

客隊白禮頓縱使今夏有後防大將雲希格及經驗老將韋碧克離隊他投，亦有不少主力包括三笘薰、凱達及耶古巴文迪仍在養傷，但佢哋開季成績唔錯，四場比賽取得二勝一和，20歲新人中場也古耶表現不俗，舊將迪卡柏及軒素活亦有出色演出，但由於佢哋週末要硬碰阿仙奴，相信今晚會作出一定輪換。

至於曼聯方面，卡域克喺賽前記者會表示 Shaw 有機會趕及今晚復出，但個人認為唔需要操之過急，不如抖多陣週末對富咸先落場仲好。

都係果句，希望 Lacey仔今晚有得踢，佢值得有更多機會。

傷病名單：Ugarte、de Ligt、Heaton、Baleba、Amad

上陣成疑：Shaw

停賽名單：/

#蒲宵曼聯
#賽前短打

【人各有志】JJ Gabriel 要求離隊多方消息報導，曼聯新星 JJ Gabriel 團隊及其家人己向曼聯要求取消其註冊並準備離隊他投，據悉當中始作俑者係 JJ 父親、曾經兩次代表愛爾蘭國家隊嘅前球員 Joe O’Cearuill。有報導...
16/09/2026

【人各有志】JJ Gabriel 要求離隊

多方消息報導，曼聯新星 JJ Gabriel 團隊及其家人己向曼聯要求取消其註冊並準備離隊他投，據悉當中始作俑者係 JJ 父親、曾經兩次代表愛爾蘭國家隊嘅前球員 Joe O’Cearuill。

有報導提及現時15歲、下個月初就生日嘅JJ只要年滿16歲就可以就可以加盟英倫以外嘅球會，球員團隊選擇喺呢個時候攤牌相信都係計好晒數，幾支歐洲勁旅包括皇家馬德里、巴塞隆拿、拜仁慕尼黑及巴黎聖日耳門正密切注視事態發展及球員去向。

聽聞曼聯方面仲努力留緊人，之前亦睇過唔少報導都有講曼聯教練團有幾欣賞 JJ 呢位後生仔，亦為佢嘅成長度身訂造咁做咗好多功夫，但球員團隊選擇唔領情，大家再合作落去都冇意思，個人認為球隊盡咗力就可以。

「良禽擇木而棲」本來就係平常事，父母經理人想 JJ 加入佢哋認為比曼聯更好嘅球會亦無可厚非，但筆者作為曼聯支持者，自問呢刻實在講唔出半句同情甚至祝福 JJ 團隊嘅說話（每個人接受能力不同，我純粹講自己啫），只希望筆 Youth development compensation（如果有）唔好太低。

Photo credit: John Walton - PA Images / Gettyimages

【Sorry囉】聽講 PGMOL又出嚟道歉，哦，noted with thanks。2026-09-1326/27 Premier League week 4Manchester United vs Manchester CityVideo...
14/09/2026

【Sorry囉】

聽講 PGMOL又出嚟道歉，哦，noted with thanks。

2026-09-13
26/27 Premier League week 4
Manchester United vs Manchester City

Video Assistant Referee (VAR): Matt Donohue
Assistant VAR (AVAR): Blake Antrobus
Referee: Michael Oliver

呢班咁出色嘅球證們，值得被記住。

【曼市打吡】曼聯 0:1 曼城曼聯今日嘅表現絕對係抵鬧。雖然有兩腳中柱，臨尾 Mbeumo 亦有黃金機會扳平，入唔到波算係幾唔好彩，但長時間打多個，後防仍犯錯不斷，進攻最後一傳/射大部份都強差人意，兩邊出波冇準、中間想地波做入去又好快斷，作...
13/09/2026

【曼市打吡】曼聯 0:1 曼城

曼聯今日嘅表現絕對係抵鬧。

雖然有兩腳中柱，臨尾 Mbeumo 亦有黃金機會扳平，入唔到波算係幾唔好彩，但長時間打多個，後防仍犯錯不斷，進攻最後一傳/射大部份都強差人意，兩邊出波冇準、中間想地波做入去又好快斷，作為支持者睇到呢啲畫面都只有無奈搖頭。

又講吓今日教練團嘅調動安排。

曼聯今日只係做咗兩個調動，分別係67分鐘換走 Tielemans 換入 Sesko、與及83分鐘換走福仔換入 Zirkzee。

先講第一個調動，換走 Tielemans 加個前鋒，Bruno 就要拉返後做更多中路駁腳同防守功夫，浪費咗佢助攻強項；
反而 Cunha 係一個好需要空間推進嘅攻擊球員，曼城入完波之後明顯加強防守，當曼聯預計嚟緊廿幾分鐘需要踢陣地戰，為咗留 Cunha 而犧牲 Bruno 係咪真係值得？

再嚟第二個調動，福仔體力原因要換走佢冇問題，但Dorgu 今日進攻明顯唔得，當你換兩個高佬出嚟諗住可以用吓高空轟炸，但兩邊斬波完全唔到位，既然臨尾都係大亂鬥，係咪可以唔好咁保守、嘗試換走 Dougu 或者 Cunha 而用個斬到波嘅 Lacey仔出嚟試吓？

以上拋出呢兩個問題都想聽吓大家意見，希望大家都留言講吓點睇。

之不過曼聯自己差還自己差，奧利華都真係離譜。

曼城入波後幾乎所有五五波都吹曬畀晒曼城；
同一款犯規唔吹罰曼城但吹曼聯；
曼城開龍門球數秒懶懶閒，曼聯啲球員過去催，佢真係做得出應完曼聯球員之後繼續慢慢由頭數過⋯⋯真係無語。

最後同大家再研究吓曼城球入波，如果我冇記錯球例好似係寫有參與進攻球員越位都算有越位（有錯的話請大家指正），中間明顯有越位嘅安素有曬迎頂動作，係咪真係可以唔計有參與進攻？

聽日仲要返工，講住咁多先，有咩留言區再傾。

Photo credit: Manchester United

【即場討論區】23:30 曼聯 vs 曼城正選陣容已出，Shaw繼續後備都冇，由Dorgu 頂替。GGMU!Image credit: Manchester United
13/09/2026

【即場討論區】23:30 曼聯 vs 曼城

正選陣容已出，Shaw繼續後備都冇，由Dorgu 頂替。

GGMU!

Image credit: Manchester United

【賽前短打】23:30 曼聯 vs 曼城曼聯喺週中重返歐聯第一戰主場以 4:0 擊敗來自阿塞拜疆嘅沙巴FC。雖然佢喺比數上係大勝一場，但如果有睇返場波嘅各位應該都心中有數我哋係可以踢得更加好，尤其是控制球賽節奏及處理最後一傳嘅質素上，希望可...
13/09/2026

【賽前短打】23:30 曼聯 vs 曼城

曼聯喺週中重返歐聯第一戰主場以 4:0 擊敗來自阿塞拜疆嘅沙巴FC。

雖然佢喺比數上係大勝一場，但如果有睇返場波嘅各位應該都心中有數我哋係可以踢得更加好，尤其是控制球賽節奏及處理最後一傳嘅質素上，希望可以見到曼聯繼續進步。

球隊今晚將會返到主場面對同市宿敵曼城。

曼城今季雖然有哥迪奧拿離隊，但球隊花重金買入安達臣、安素費南迪斯、與及世界盃表現非常出色嘅摩洛哥年輕中場 Bouaddi 成功重建中場線，加上科頓回勇，配合夏蘭特及施曼尤等星級攻擊手，曾任球隊助教嘅新帥馬利斯卡回巢「坐正」後明顯順風順水，協助曼城喺季初輸咗社區盾後於各項賽事四戰四勝兼只失兩球，證明球隊攻守狀態都相當好。

雖然有傳快翼杜古今晚會缺陣，但相信今晚作客曼城仍會被睇高一線。

至於曼聯方面，Shaw 未有進入週中歐聯最後嘅大軍名單，相信要喺今天比賽前再觀察其情況才能決定佢能否進入今晚大軍名單。

另外，曼聯官方發佈消息，喺世界盃受傷嘅 Ugarte 已經重返健身室作訓練，希望佢嘅復康之路順利。

傷病名單：Ugarte、de Ligt、Heaton、Baleba、Amad

上陣成疑：Shaw

停賽名單：/

#蒲宵曼聯
#賽前短打

【賽前短打 / 即場討論區】03:00 曼聯 vs 沙巴FC今晚係曼聯重返歐聯第一戰，對手係來自阿塞拜疆嘅沙巴FC。沙巴FC喺九年前 2017年9月先成立，去屆取得創會後首次阿塞拜疆超級聯賽冠軍，從而拎到今屆歐聯附加賽入場券。佢哋喺附加賽過...
10/09/2026

【賽前短打 / 即場討論區】03:00 曼聯 vs 沙巴FC

今晚係曼聯重返歐聯第一戰，對手係來自阿塞拜疆嘅沙巴FC。

沙巴FC喺九年前 2017年9月先成立，去屆取得創會後首次阿塞拜疆超級聯賽冠軍，從而拎到今屆歐聯附加賽入場券。

佢哋喺附加賽過咗四關，分別淘汰來自威爾斯、芬蘭（兩隊）、與及以色列嘅球隊而取得首次參與歐聯正賽資格，小弟睇返佢哋上輪嘅精華片段，見到佢哋後防都幾多甩漏甚至可以講係低級錯誤，不過對手都唔係啲咩高質素球隊，可以話係海軍鬥水兵。

睇返佢哋嘅球員陣容，全部都係名不見經傳，根據轉會網站transfermarkt資料顯示，佢哋陣中最高身價嘅球員係曾經15次代表波蘭國家隊嘅27歲左閘 Tymoteusz Puchacz，首席射手係32歲盧旺達左翼 Joy-Lance Mickels，前者職業生涯分別去過六個國家搵食、幾乎冇一支球隊留得長，至於後者主要都係喺德國低組別聯賽搵食，球員質素似乎非常一般。

雖然照牌面睇今場比賽都幾懸殊，但沙巴FC嚟到呢度都冇咩好驚，若然佢哋今晚能夠放低壓力，決心死守打反擊，對住不擅踢陣地戰嘅曼聯或許會有驚喜。

至於曼聯方面，卡域克喺賽前記者會回應記者問及 Shaw 缺席操練，佢表示額外俾咗一天時間 Shaw 作恢復，要再睇睇佢嘅情況，但強調球員並不是出現任何長期問題或隱患。

球隊週末會喺聯賽對陣曼城。 小弟相信今仗有機會讓部份球員會休息，希望Lacey仔今日有機會落場。

傷病名單：Ugarte、de Ligt、Heaton、Baleba

上陣成疑：Amad、Shaw

停賽名單：/

#蒲宵曼聯
#賽前短打

Address

Manchester

Website

Alerts

Be the first to know and let us send you an email when 蒲宵曼聯 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category