香港紐卡素官方球迷會 Hong Kong NUOSC

香港紐卡素官方球迷會 Hong Kong NUOSC 不願承先只想啟後，做個全心為紐嘅紐迷會

超過2萬7千名紐迷投票，最終新會徽攞到65%嘅支持率，紐卡素新會徽正式確定！會徽對紐卡素呢個地方黎講係一個城市嘅象徵，對於黎自世界各地嘅紐迷黎講，係一個極具標誌性，一份信仰，一種精神，令我哋更團結！新會徽同之前嗰個好似，但線條較現代化，將會...
01/10/2026

超過2萬7千名紐迷投票，最終新會徽攞到65%嘅支持率，紐卡素新會徽正式確定！會徽對紐卡素呢個地方黎講係一個城市嘅象徵，對於黎自世界各地嘅紐迷黎講，係一個極具標誌性，一份信仰，一種精神，令我哋更團結！新會徽同之前嗰個好似，但線條較現代化，將會於2027/28球季開始使用！


#紐卡素
#香港紐卡素官方球迷會

陣間捷克對英格蘭嘅賽事，賀爾將會為英格蘭正選上陣；至於漢尼錫今場就擺咗喺後備。希望今場賀爾keep住有好表現，但最最最重要就係身體健康⚫️⚪️ #香港紐卡素官方球迷會
29/09/2026

陣間捷克對英格蘭嘅賽事，賀爾將會為英格蘭正選上陣；至於漢尼錫今場就擺咗喺後備。希望今場賀爾keep住有好表現，但最最最重要就係身體健康⚫️⚪️

#香港紐卡素官方球迷會

29/09/2026

近日國際賽期，無入選嘅球員起紐個邊慣常操練，今次睇到Chronicle 嘅報導見到佢地邊操練邊玩摔角，的確踢英超需要嘅身體素質真係同其他聯賽唔同，而紐班新球員需要練大隻啲同埋夠撞去應付餘下嘅挑戰，只係希望佢哋打完唔好傷和氣，笑住一齊去面對前面嘅挑戰！



#紐卡素

漢尼錫喺UEFA Nations League嘅賽事，首次為捷克國家隊喺正式比賽中正選上陣；雖然喺五月對住科索沃已經正選上陣，不過當時只係友誼賽。賽後訪問漢尼錫透露，比賽前兩個鐘先知自己係正選，當然佢都有好好把握機會；雖然對住克羅地亞失咗兩...
27/09/2026

漢尼錫喺UEFA Nations League嘅賽事，首次為捷克國家隊喺正式比賽中正選上陣；雖然喺五月對住科索沃已經正選上陣，不過當時只係友誼賽。賽後訪問漢尼錫透露，比賽前兩個鐘先知自己係正選，當然佢都有好好把握機會；雖然對住克羅地亞失咗兩球，但整體表現算唔錯，佢亦希望嚟緊會有更多機會為捷克國家隊上陣。

少少題外話，捷克國家隊用咗Puma 33年，不過剛剛就轉咗adidas，而漢泥錫件龍門衫，同紐卡素今年第四件綠色龍門同一款template。

#香港紐卡素官方球迷會

哈班對般茅嘅入球入選為9月份最佳金球之一🖤🤍呢球除左靚之外，亦非常重要，因為主場輸到2球之下個勢已經好頹，哈班轉個頭射個轉彎嘅楣底波笠死柏杜域亦即時令紐重燃希望亦增強番大家嘅信心。哈班起今次紐卡素2.0擔當一個好重要嘅角色，原本諗住佢會起新...
24/09/2026

哈班對般茅嘅入球入選為9月份最佳金球之一🖤🤍

呢球除左靚之外，亦非常重要，因為主場輸到2球之下個勢已經好頹，哈班轉個頭射個轉彎嘅楣底波笠死柏杜域亦即時令紐重燃希望亦增強番大家嘅信心。哈班起今次紐卡素2.0擔當一個好重要嘅角色，原本諗住佢會起新帥執教之下失去正選，點知佢越踢越有，擔當一個大佬起左邊推進與及創造攻勢，協助紐5場攞到8分算係一個不錯嘅開季成績。除左哈班之外，其他入圍者好多都係憑遠射取得入球，係紐迷嘅快啲登入以下連結支持哈班攞獎喇！

https://www.premierleague.com/en/awards/goal-of-the-month/2026-27/september




#紐卡素
#紐卡素官方球迷會

紐卡素宣布與可口可樂達成協議，成為球會官方合作夥伴。呢次合作，可口可樂將會冠名贊助St. James’ STACK，亦會成為主打嘅飲品供應。曾經紐卡素同可口可樂扯上關係，2009-2010係英冠作賽時，球隊嘅左右贊助都係用上可口可樂臂章，當...
24/09/2026

紐卡素宣布與可口可樂達成協議，成為球會官方合作夥伴。呢次合作，可口可樂將會冠名贊助St. James’ STACK，亦會成為主打嘅飲品供應。

曾經紐卡素同可口可樂扯上關係，2009-2010係英冠作賽時，球隊嘅左右贊助都係用上可口可樂臂章，當然唔係贊助紐卡素而係贊助英冠。唔知嚟緊嘅合作會唔會出多啲紐卡素同可樂嘅聯成產品？

#香港紐卡素官方球迷會

之前搵過香港係完全冇KnoxHydrate買，上佢哋官網見可以買嘅地方只有英國，澳洲同南非，經輾轉之下，發現澳洲有超市有得賣，再經集運寄返嚟香港，前後大約10日已經收到。喺官網見到有好多唔同嘅味道，但可以喺澳洲超市買到嘅只有藍莓，檸檬青檸，...
21/09/2026

之前搵過香港係完全冇KnoxHydrate買，上佢哋官網見可以買嘅地方只有英國，澳洲同南非，經輾轉之下，發現澳洲有超市有得賣，再經集運寄返嚟香港，前後大約10日已經收到。喺官網見到有好多唔同嘅味道，但可以喺澳洲超市買到嘅只有藍莓，檸檬青檸，士多啤梨西瓜同埋紅提子味。官網話最受歡迎就係藍莓同士多啤梨西瓜，但小編覺得檸檬青檸應該最穩陣，所以率先試咗先；檸檬青檸好味，相信其他味應該都穩陣，稍後試埋其他味道再同大家分享吓。

膽粗粗同KNOX Hydrate分享試後感，話香港冇得買要代購有啲困難，佢哋都話希望遲啲可以打入亞洲市場，而香港亦都係佢哋主攻嘅城市，所以嚟緊可能或者有機會喺香港嘅超市見到。雖然暫時未知香港幾時有，但想試吓KNOX Hydrate係咩味道，想體驗吓一班紐卡素球員訓練時飲緊啲咩，可以留言/pm要咩味，小編會幫大家入啲返嚟試吓⚫️⚪️



#香港紐卡素官方球迷會

紐卡素主場 2:1 小勝候城雖然傷兵滿營以及上場不敗走勢告終，紐卡素仍然早早趁住對手未企穩陣腳，契仔韋洛克先係3分鐘禁區內接應哈班短傳左腳勁射近柱打開紀錄，係大家仲沉醉於慶祝啱啱個入波既時候，轉個頭再次由哈班中路發難交俾左邊空晒啱啱簽左新合...
19/09/2026

紐卡素主場 2:1 小勝候城

雖然傷兵滿營以及上場不敗走勢告終，紐卡素仍然早早趁住對手未企穩陣腳，契仔韋洛克先係3分鐘禁區內接應哈班短傳左腳勁射近柱打開紀錄，係大家仲沉醉於慶祝啱啱個入波既時候，轉個頭再次由哈班中路發難交俾左邊空晒啱啱簽左新合約既賀爾，接應簡簡單單直接左腳射遠柱破網，係短短7分鐘內2個攻勢領先2球，去到補時階段，梅菲博到12碼，可惜韋沙主射宴客被對方門將撲出，半場帶住2球入更衣室，諗住下半場可以食住個勢輕鬆啦，點知差啲仲俾候城反咬，半場中段被追番1球較接近紀錄，去到最後15分鐘中後防更加係風聲鶴唳，可幸最終成功守到完場，主場以1球小勝候城，不過下半場既表現真係唔係咁合格，領隊耶斯利真係要諗諗辦法搞搞佢，希望接住國際賽可以俾啲球員休息下，以更好既狀態迎接漫長既賽季，HWTL ⚫️⚪️




#紐卡素
#香港紐卡素官方球迷會

紐卡素主場迎戰侯城嘅正選出場名單：賽前收到消息文圖受傷，迪迪亦倦勤，預計米尼會填補佢地右閘嘅位置；中堅仍然係博文拍周隊，賀爾左閘；中場就有韋洛克同史度爾；10號位置起用費南迪斯柏度；同韋沙對調位置；左邊哈班右邊梅菲。但係今仗後備兵力較弱，藍...
19/09/2026

紐卡素主場迎戰侯城嘅正選出場名單：

賽前收到消息文圖受傷，迪迪亦倦勤，預計米尼會填補佢地右閘嘅位置；中堅仍然係博文拍周隊，賀爾左閘；中場就有韋洛克同史度爾；10號位置起用費南迪斯柏度；同韋沙對調位置；左邊哈班右邊梅菲。但係今仗後備兵力較弱，藍斯，力高唔出得，變相後備要起用青年軍，除左上仗有米尼細佬起後備席之外，今仗加埋後衛派佛斯，前鋒湯臣，米斯同沙利亞；一隊嘅球員淨番舒亞，班巴同托尼，預計今仗會有後生仔攞到地標。今仗主場希望可以擊破侯城嘅十指關同聯賽不敗嘅紀錄！




#紐卡素
#香港紐卡素官方球迷會

英超第五輪⚫️⚪️紐卡素(12) vs 侯城(4)今晚香港時間10點紐卡素將會主場迎戰升班馬侯城，雖則話升班馬但踢完幾場英超完全唔失禮，上場作客車路士令主隊失分，暫時四場英超保持不敗。至於紐卡素剛剛上咗寶貴一課，不敗走勢告終；趁早知道球隊問...
19/09/2026

英超第五輪⚫️⚪️

紐卡素(12) vs 侯城(4)

今晚香港時間10點紐卡素將會主場迎戰升班馬侯城，雖則話升班馬但踢完幾場英超完全唔失禮，上場作客車路士令主隊失分，暫時四場英超保持不敗。至於紐卡素剛剛上咗寶貴一課，不敗走勢告終；趁早知道球隊問題所在，英超漫漫長路仲有大把時間補救，希望呢幾日重整旗鼓後今晚喺主場贏波。雙方對上一次喺正式比賽對碰已經係2016年聯賽杯；睇返近五次紀錄都相當均勢，紐卡素錄得兩勝一和兩負。

紐卡素嘅傷兵一籮籮，啱啱攞完KNOX Hydrate八月份最佳球員嘅迪迪，Nico同積及藍斯無緣上陣；艾蘭加估計要六星期左右，另外J7，丹般同奧舒拿依然缺陣。提到J7，紐卡素中場現時就係缺乏佢呢一類球員，始終幾位用波能力唔錯但就偏柔，希望佢快啲好返鎮返住個中場。祖雲已經復操，但漢尼錫嘅表現正選位置唔會被動搖；啱啱有份入選英格蘭國家隊嘅利華文圖同賀爾左右閘別無他選。中堅呢幾場有少少不穩，會唔會呢場試吓周仔拍舒亞？本身中場都幾多選擇，依家咁多傷兵可能係時候出班巴做一個純防中，前面兩個米尼拍韋洛克；梅菲近排好似心事重重，狀態同心情好似差啲，今場試吓擺托里喺右路，哈班繼續左邊，又或者兩個臨場換邊都得，韋沙就喺最前捕捉機會搵入球。費蘭迪斯柏度上場正選表現未如理想，似乎未同班球員夾到，下半場先放佢出嚟搏一段效果可能仲好。

蜜月期過後就要面對現實，球隊有咩不足就要快啲調整返，希望今晚主場贏波，稍後要出戰國際賽嘅球員就健健康康回家，冇份出席嘅球員好好休息⚫️⚪️

#香港紐卡素官方球迷會

Address

Strawberry Place
Newcastle Upon Tyne
NE1 4ST

Website

Alerts

Be the first to know and let us send you an email when 香港紐卡素官方球迷會 Hong Kong NUOSC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 香港紐卡素官方球迷會 Hong Kong NUOSC:

Shortcuts

Share

Category