Hong Kong Newcastle United Supporters Club 香港紐卡素球迷會

呢八位小朋友剛剛透過獎學金計劃，成為紐卡素u18成員。呢份合約為期兩年，能夠升上u21定解約就要視乎期間表現；就好似米尼咁，因為喺u18表現非常突出，所以直接升上一隊。加埋呢八位新成員，u18現時有21位球員，當中包括米尼細佬Mason Miley，Sam Alabi等等。

左起 ： George Mair(GK)，Roman Dowell(GK)，Les Yeutembip(CB)，Alfie Seldon(LW)，Chukwudi Afumuzor(CM)，Theo Benjamin(AM)，Leon Mukumbira(AM)，Jayden Kouossu(CM)

#香港紐卡素球迷會

近個幾月實在太多關於東仔離隊嘅傳聞，其實早幾星期已經聞到陣味，例如官方社交媒體出新衫影宣傳片，一啲主場作客回顧嘅相都比較少見到佢蹤影，唔少紐迷都揣測東仔喺紐卡素嘅時間已經開始倒數。2023年夏天加盟，主場地標戰對維拉用咗6分鐘已經有波入，成件事對於紐迷都好夢幻，點知因為賭博要停賽10個月。睇過一篇報道講東仔喺停賽期間身價跌至谷底，加上停咁長時間，球員要恢復復比賽狀態，信心同價值難以預料，相信呢段時間球會同球迷俾咗好多支持同鼓勵佢。東仔復出後亦不負所托，用表現去答謝一班紐迷，每場比賽都出盡力踢跑足全場，仲協助球隊攞到聯賽盃冠軍。喺呢三年為紐卡素上陣110場，貢獻10個入球兼10個助攻，波底同質素真係近年紐卡素少見。東仔離隊紐迷一定唔捨得，只係去到一億轉會費真係好難抗拒。

要走嘅點都留唔住，種種因素又同迪沙比同聲同氣，東仔唔揀其他球隊都合理嘅。一間球會總有人事變動，總之大家好嚟好去紐迷一定會送上祝福。呢個轉會窗已經走咗兩位核心球員，希望繼尋日官宣托尼後，球會繼續好好利用呢兩筆錢去買人重整球隊，總之所有傳聞都唔理亦唔會報道，一律等官方宣佈先會信係真⚫️⚪️

Thank you Tonali⚫️⚪️

#香港紐卡素球迷會

唔知般隊係咪上半場射失12碼，今場表現冇前幾場咁搶眼，結果踢到78分鐘換出。換走般隊後巴西立即失波，隨後夏蘭特梅開二度拉開比數，就算巴西係補時街段入十二碼都為時已晚，最終1-2落敗十六強止步。唔少球迷質疑點解會係般隊主射，安查洛堤賽後表示當到刻球場上佢係最好嗰一位，所以由佢操刀。最重要呢球十二碼唔好影響到般隊心情同信心，好好收拾心情有足夠休息準備下一季。

另一場墨西哥對英格蘭，有睇應該感受到場波有幾緊張。英格蘭喺下半場早段打小個，驚濤駭浪情況下以3-2擊敗墨西哥晉身八強，對手將會係挪威。丹般終於喺75分鐘入替，第一次為英格蘭喺世界盃上陣；喺補時最後階段佢都頂咗好多下，仲要瞓身刪走對手非有威脅嘅射門。丹般嘅勵志故事又再多一章節，相信之後會一路延續落去⚫️⚪️

#香港紐卡素球迷會

官宣了⚫️⚪️

紐卡素以£42m由賀芬咸簽入巴蘇曼那托尼(Bazoumana Touré)，成為英超史上第二貴嘅科特迪瓦球員。

現年20歲嘅托尼喺科特迪瓦班霸ASEC Mimosas青訓出身，16歲上一隊兩年後加盟瑞超球隊哈馬比，表現出眾上年以£12m加盟賀芬咸。喺呢一年半為球隊上陣45場攻入5球同15次助攻；年初非洲杯三場後備上陣，合共38分鐘已經為國家隊攻入兩球，而今屆世界盃亦有一場正選兩場後備。托尼喺前場幾個位置都可以勝任，但最殺食一定係左翼。睇返上季賀芬咸啲精華片段，佢經常以高速喺左路走上走落，一對一情況下都幾夠膽爆人侵略性幾高，踢法都幾簡單直接同好鍾意空人坑渠；左邊出波都有啲質素，決定性以20歲後生仔算幾成熟。以賀維性格一定唔會咁快放托里打正選，但起碼同哈菲班尼斯有良性競爭，若然plan A唔得咪plan B放托里喺左路，直接出波比禾仔同韋沙搶點仲好。簽入年青球員就當然係為未來發展，佢嘅實力亦唔多懷疑，最重要係有機會上陣時發揮得好，唔好唔用結果一年半載後黯然地借走就得。

早排簽入法國龍門後嚟到第二簽，傳得好勁嘅仲有瑞士超新星，中場嘅Johan Manzambi，只係世界盃踢得咁好，肯定好多大球會吼住佢。另外都仲有傳好幾位球員，不過官方一日未出都唔好除褲住，只希望睇啱嘅人選就靜靜哋唔好又俾人騎劫，快手搞掂早啲為來季做好準備⚫️⚪️

#香港紐卡素球迷會

英格蘭反勝剛果民主共和國晉身十六強！

大家未必預計上半場先開紀錄係剛果民主共和國，領先一球後韋沙有機會拉開紀錄，可惜近距離中柱，英格蘭都有好幾次黃金機會，但都比對面龍門救出。下半場換入前紐卡素球員哥頓，兩次助攻比哈利簡尼反勝剛果民主共和國，十六強將會對住主辦國之一，仲要係主場嘅墨西哥。

另一條線巴西喺十六強對住挪威，若然晉身八強將會對住英格蘭或者墨西哥，睇下般隊有冇機會同丹般喺世界盃相遇⚫️⚪️

圖片來源 : England football team IG

#香港紐卡素球迷會

介紹返，2026/27 training將會印上Knox Hydrate，亦係球會首次喺training衫上印有贊助。睇返啲圖見到短袖training，贊助印喺左邊袖口好正路，反而長袖咁樣打直印比較少見。

呢一系列將會喺7/21正式發售⚫️⚪️

#香港紐卡素球迷會

紐卡素就UEFA財務規則事宜達成和解。

球會確認因在歐洲足協（UEFA）足球收益規範方面出現超支，已與球會財務控制機構（CFCB）積極及建設性合作，迅速處理有關事宜。球會已接受一項為期三年的和解協議，當中包括300萬歐元罰款，另有700萬歐元罰款屬暫緩執行，須視乎日後是否持續符合相關要求而定。此外，UEFA亦裁定球會因於2025曆年違反UEFA 70%球員成本比例（Squad Cost Ratio, SCR）目標，須另行支付300萬歐元。

紐卡素感謝UEFA在處理此事時所作出的審慎考慮，並重申球會致力於持續全面遵守所有適用規定。

德國喺互射12碼不敵巴拉圭，處子登場嘅禾仔喺尾段入替未能幫德國扭轉局勢。無奈上陣時間太少未在狀態，今次當係吸收下經驗，好好收拾心情有足夠休息，下季重新出發再嚟過⚫️⚪️

#香港紐卡素球迷會

般隊喺補時尾段接應隊友傳送，禁區頂推橫一步諗住直接射門，點知超冷靜左腳"質"個靚波俾馬天尼利反勝日本2-1，十六強對手將會係挪威或者象牙海岸。

般隊係今屆世界盃已經交出四次助攻領先其他對手，睇返以往巴西喺世界盃嘅助攻紀錄，般隊助攻次數同一眾名宿睇齊，當中包括尼馬，李華度，大哨等等。當然神級嘅比利同迪廸9次難啲超越，睇下巴西今屆世界盃走得幾遠，般隊仲有冇機會貢獻多啲助攻俾隊友⚫️⚪️

#香港紐卡素球迷會