23/02/2020
ორი დღე, 22 - 23 თებერვალს საინტერესოდ და დაძაბულად მიმდინარეობდა სამცხე-ჯავახეთის რეგიონის პირადი პირველობები ჭადრაკში 8 წლამდე ასაკის გოგონათა და ჭაბუკთა შორის, ასევე 12 წლამდე ასაკის გოგონათა შორის. ტურნირი ჩატარდა " სამცხე-ჯავახეთის ჭადრაკის ფედერაციის" თაოსნობით და ქალაქ ახალციხის მერიის მხარდაჭერით. ტურნირში მონაწილეობდნენ ახალციხის, ადიგენის, ბორჯომის, ნინოწმინდისა და ახალქალაქის მოჭადრაკეები. გოგონათა სიმცირის გამო 8 წლამდე ასაკის ჟაბუკთა და გოგონათა ტურნირი ჩატარდა გაერთიანებულად, შვეიცარული სისტემით 7 ტურად. რაც შეეხება გამარჯვებულებს გამოვლინდნენ ცალ-ცალკე, როგორც ჭაბუკთა ისე გოგონათა შორის. 8 წლამდე გოგონებში ჩემპიონის ტიტული მოიპოვა ახალციხელმა ვიკა ვეშაგურმა, მწვრთნელი შაქრო დიდიმამიშვილი, მე- ll ადგილი წილად ხვდა ბორჯომელ ბარბარე შონიას, მწვრთმელი უშანგი ჯანგირაშვილი, ხოლო lll ადგილი ერგო ასევე ახალციხელ მოჭადრაკე ბარბარე ჭოჭუას, მწვრთნელი შაქრო დიდიმამიშვილი. რაც შეეხება 8 წლამდე ასაკის ჭაბუკებს 6 ქულით l ადგილი დაიკავა ახალქალაქელმა მოჭადრაკემ ტიგრან ჩახალიანმა, მწვრთნელი ვაჰან საღოიანი, მე-ll ადგილი 5 ქულით დაიკავა ახალციხელმა თორნიკე დიაკონაშვილმა, მწვრთნელი დავით სამსონიძე, აღსანიშნავია ასევე, რომ როგორც 8 წლამდე ისე 10 წლამდე ორივე ტურნირის ჩემპიონი ჭაბუკთა შორის დაამარცხა 7 წლის თორნიკე დიაკონაშვილმა. რაც შეეხება მე-lll ადგილს 8 წლამდე ჭაბუკებში 5 ქულით წილად ხვდა ასევე ახალციხელ მოჭადრაკე გიორგი ოქრომელიძეს, მწვრთნელი შაქრო დიდიმამიშვილი.
განსაკუთრებით დაძაბულად მიმდინარეობდა პირველoბა 12 წლამდე ასაკის გოგონათა შორის, სადაც დაუმარცხებლად განვლეს ტურნირი და თანაბარი 6.5 - 6.5 ქულა მოაგროვეს 7 შესაძლებლობიდან ბორჯომელმა თამარ შონიამ და ნინოწმინდელმა თამარ არზუმანიანმა, საბოლოოდ უკეთესი კოეფიციენტის გამო l ადგილი და ჩემპიონის ტიტული ერგო თამარ შონიას, მწვრთნელი უშანგი ჯანგირაშვილი, შესაბამისად მე-ll ადგილზე გავიდა ნინოწმინდელი მოჭადრაკი თამარ არზუმანიანი, მწვრთნელი იური კუიუმჩიანი, მე-lll ადგილზე 5 ქულით გავიდა ასევე ბორჯომელი მოჭადრაკე მარიამ შონია, მწვრთნელი უშანგი ჯანგირაშვილი. ასევე აღსანიშნავია ისიც, რომ ყველა ასაკში გამარჯვებულმა ჭაბუკებმა და გოგონებმა მოიპოვეს უმაღლესი ლიგის საგზური, რომელიც გაიმართება მაისში და შესაბამისად ქალაქისა და რეგიონის სახელით წარდგებიან ჭადრაკის სასახლეში გამართულ საქართველოს ჩემპიონატზე 8, 10 და 12 წლამდე ასაკი.
