Handball Club - Black Sea Boys

ქვიშის ხელბურთის ფესტივალი-"ურეკი 2026,, ბათუმის გოგონათა(BSG) და ვაჟთა(BSB) გუნდების გამარჯვებით დასრულდა 💙💪

ქვიშის ხელბურთის ფესტივალი ურეკი 26 Enjoy the videos and music you love, upload original content, and share it all with friends, family, and the world on YouTube.

ჩვენი კლუბის სახელით გამოვხატავთ, ღრმა მწუხარებას მერაბ მეტრეველის გარდაცვალების გამო. ბატონი მერაბი მრავალი წლის განმავლობაში ემსახურა ქართულ სპორტს,განათლებასა და მომავალი თაობების აღზრდას. წლების განმავლობაში მოღვაწეობდა მრავალ წამყვან თანამდებობაზე,მისი ღვაწლი შეუფასებელია ქართული ხელბურთისა და სპორტის წინაშე.
ვუსამძიმრებთ ქართული ხელბურთის დიდ ოჯახსა და საქართველოს სპორტულ საზოგადოებას ბატონი მერაბის გარდაცვალების გამო.

საქართველოს ხელბურთის ფედერაცია მწუხარებით იუწყება, რომ გარდაიცვალა მერაბ მეტრეველი.

ბატონმა მერაბმა თავისი პროფესიული საქმიანობის მრავალი წელი ქართული სპორტის, განათლებისა და საუნივერსიტეტო სივრცის განვითარებას მიუძღვნა.

მისი პროფესიული გზა ხელბურთს უკავშირდება - სხვადასხვა წლებში მუშაობდა საქართველოს ეროვნული ნაკრების უფროს მწვრთნელად, ედგა სათავეში საქართველოს მრავალგზის ჩემპიონ შევარდენი-სტუს, სხვადასხვა ასაკობრივ ნაკრებ გუნდებს, აგრეთვე ირიცხებოდა სამწვრთნელო შტაბში როდესაც ეროვნულმა ნაკრებმა ორჯერ მოიპოვა ევროპის ჩემპიონატზე ასპარეზობის უფლება. იყო საქართველოს ხელბურთის ფედერაციის ვიცე-პრეზიდენტი და საქართველოს პარლამენტის სპორტისა და ტურიზმის კომისიის სპეციალისტი. იგი ხელმძღვანელობდა ოლიმპიური რეზერვების სასწავლებელს, მუშაობდა საქართველოს სპორტის სახელმწიფო დეპარტამენტის ხელმძღვანელ თანამდებობებზე და იყო ოლიმპიური მზადების შტაბის უფროსი.
მერაბ მეტრეველი ასევე იყო საქართველოს საუნივერსიტეტო სპორტის ფედერაციის პრეზიდენტი, ხელმძღვანელობდა საგანმანათლებლო დაწესებულებებს და წლების განმავლობაში ემსახურებოდა სპორტული განათლებისა და პროფესიული კვალიფიკაციის განვითარების საქმეს.

2015 წლიდან მისი საქმიანობა მჭიდროდ დაუკავშირდა საქართველოს ფიზიკური აღზრდისა და სპორტის სახელმწიფო სასწავლო უნივერსიტეტს. 2017 - 2023 წლებში ხელმძღვანელობდა კვალიფიკაციის ამაღლებისა და გადამზადების ცენტრს, ხოლო 2023 წლიდან იყო საქართველოს სპორტის სახელმწიფო უნივერსიტეტის ადმინისტრაციის ხელმძღვანელი.

ბატონი მერაბი გამოირჩეოდა მაღალი პროფესიონალიზმით, პასუხისმგებლობითა და საქმისადმი ერთგულებით. მან მნიშვნელოვანი წვლილი შეიტანა მრავალი ხელბურთელის აღზრდაში. ბატონი მერაბის ნათელი ხსოვნა სამუდამოდ დარჩება სახელბურთო ოჯახის ყველა წარმომადგენლის გულებში.

პანაშვიდი:
სამშაბათი და ოთხშაბათი
17:00 - 20:00
გასვენება:
ხუთშაბათი, 14:00
სარიტუალო დარბაზი, II სართული
მისამართი: უნივერსიტეტის ქუჩა №6ა

ისტორიაში პირველად საქართველოში „ბარსელონას" აკადემიის ხელბურთის ბანაკი მოეწყო

საქართველოს სპორტის სამინისტროს მხარდაჭერით, ხელბურთის ეროვნული ფედერაციისა და „ბარსელონას" აკადემიის თანამშრომლობით საქართველომ ხელბურთის ბანაკს - Barça Academy Handball Camp Georgia 2026 ისტორიაში პირველად უმასპინძლა. ბანაკში მონაწილეობა 100-მა სპორტსმენმა მიიღო. ხელბურთელები საქართველოს ახალგაზრდულ ჩემპიონატებსა და სასკოლო ხელბურთის ფესტივალებზე შეირჩნენ.

ბანაკის დახურვის ცერემონიას საქართველოს სპორტის მინისტრის პირველი მოადგილე ირაკლი მეძმარიაშვილი და ხელბურთის ეროვნული ფედერაციის პრეზიდენტი ვახტანგ მეიფარიანი ესწრებოდნენ. ბანაკის მონაწილე ხელბურთელებს სპეციალური სერტიფიკატები გადაეცათ.

„ბარსელონას" აკადემიის ხელბურთის ბანაკის ფარგლებში აკადემიის ხელბურთის სპეციალისტებმა მონაწილეებთან ინტენსიური პრაქტიკული და თეორიული ვარჯიშები ჩაატარეს. „ბარსელონას" აკადემიის მწვრთნელებმა გადაამზადეს ახალგაზრდული ნაკრებების მწვრთნელებიც, გაუზიარეს მათ თანამედროვე ხელბურთის მეთოდოლოგია, ინდივიდუალური ტექნიკა და გუნდური ტაქტიკის პრაქტიკა.

ბანაკის მთავარი მიზანი იყო ახალგაზრდა სპორტსმენების განვითარების ხელშეწყობა, ევროპული სტანდარტების დანერგვა, საერთაშორისო გამოცდილების გაზიარება, რაც ქართველი ხელბურთელების პროფესიულ ზრდასა და საერთაშორისო ასპარეზისთვის მომზადებას შეუწყობს ხელს.

„ბარსელონას" აკადემიის ხელბურთის ბანაკს საქართველოში 26 ივლისიდან 31 ივლისის ჩათვლით თბილისის ოლიმპიური სასახლე მასპინძლობდა.

💥 2 აგვისტოს თელავში 18-წლამდე ხელბურთელ ჭაბუკთა ევროპის ჩემპიონატი იწყება! 🤾‍♀

👉 გათამაშებაში მონაწილეობს 6 ნაკრები:
ბელგია, ბულგარეთი, დიდი ბრიტანეთი, კოსოვო, კვიპროსი, საქართველო.

🔥 საქართველოს ნაკრები პირველ მატჩს გამართავს 2 აგვისტოს, 18:15 საათზე, დიდი ბრიტანეთის წინააღმდეგ.

📝 გუნდის მთავარი მწვრთნელი - შოთა თევზაძე
მწვრთნელი - გიორგი ქობელაშვილი

ჩვენი გუნდის შემადგენლობა იხილეთ👇

ნაკრების სპონსორია
SKYLOG
Modern City • მოდერნ სითი

ნაკრების პარტნიორია
კომპავა • Kompava
Silk Sport
Macron Sports Hub Tbilisi
Abaula • აბაულა