დიჩინი - ქართული საბრძოლო ხელოვნება -Dichini Georgian Martial Art

ას უთმობდნენ. მათი უმთავრესი მოვალეობა სამშობლოს დაცვა იყო.

ჩვენი ორგანიზაციის მიზანია, ქართული საბრძოლო ხელოვნების სისტემატიზაცია, განვითარება და საზოგადოებაში ჯანსაღი ცხოვრების წესის დამკვიდრება.
ვარჯიშების მეთოდი ეფუძნება ძველი ქართული აღზრდის სისტემას, რომელიც უპირველესად გულისხმობს ღვთისა და სამშობლოს სიყვარულს, დისციპლინას, ადამიანის პატივისცემას, სიბრძნეს, სიმართლესა და ძალას. დღევანდელობაში, ძალაში იგულისხმება სპორტული სახეობების შესწავლით სხეულის გაჯანსაღება, რაც მეტად მნიშვნელოვანია თანამედროვე საზოგადოებისთვის.
ძველად საქართველოში, ყველა კუთხეს თავისი დამახასიათებელი, კრივისა და ჭიდაობის სახეობები ჰქონდა, ამ სახეობებს თავისი სახელი ერქვა. ერთ-ერთი ასეთი სახეობა იყო „შერეული კრივი“.

,,შერეული კრივი" წარმოადგენს უნიკალურ სახეობას, რომელშიც თავმოყრილია ქართული კრივისა და ჭიდაობის სახეობები და ქვესახეობები.
,,შერეული კრივი"-ს ტექნიკური მახასიათებელია: მყარი დგომები, შეტევისა და თავდაცვის ხერხები, დარტყმითი ტექნიკა, კომბინაციები ხელითა და ფეხით, მახრჩობელა და მტკივნეული ილეთები, როგორც დგომში, ასევე დაბლა ,,პარტერში“, ასევე ჭიდაობის ყველა ილეთიბი შეუზღუდავად: კისრული, მოგვერდი, შუაკაური, ბოჭვები, გარე და შიდა სარმები და ა.შ.

მეორე მიმართულება - საბრძოლო საჩვენებელი. საჩვენებელ სანახაობაში წარმოდგენილია ცივი იარაღებით რკენა და ძველი ქართული ფარიკაობის სახეობები.
ცივი იარაღით რკენის მიმართულებას, ჰყავს ერთი კონკრეტული საჩვენებელი ჯგუფი, განსაზღვრული შემადგენლობით. ჯგუფში მიღება შეზღუდულია თავისი შესრულების სირთულის სპეციფიკიდან გამომდინარე.
ამ ჯგუფის არსებობა მეტად მნიშვნელოვანია. ჯგუფის წევრები ინარჩუნებენ ქვეყნისთვის მეტად მნიშვნელოვან, ქართული ფარიკაობების მივიწყებულ უძველეს სახეობებს. საჩვენებელი ნომრებით მონაწილეობას ღებულობენ სხვადასხვა ღონისძიებებში, სახალხო დღესასწაულებში, ფესტივალებზე, საქველმოქმედო კონცერტებში და ამ მხრივ ხელს უწყობენ ქართული საბრძოლო ხელოვნების პოპულარიზაციას,საზოგადოებას აცნობენ, ქართული საბრძოლო ხელოვნებას, როგორც ქართული კულტურის განუყოფელ ნაწილს.