Sport

„ზენიტის“ თავკაცმა, ანდრე ვიაშ-ბოაშმა, ჟურნალისტებთან საუბრისას Laureus Award-ის ფავორიტი დაასახელა.

„კრიშტიანუ რონადუ და ლიონელ მესი მსოფლიო ფეხბურთის საუკეთესო ფეხბურთელები არიან. არგენტინელის პატივიცემის მიუხედავად, რონალდუმ გასაოცარი სეზონი ჩაატარა და ვფიქრობ, რომ პორტუგალელმა ეს პრიზი დაიმსახურა თავისი თავგანწირულობისა და მუშაობის გამო“

შეგახსენებთ, Laureus Award ყოველწლიურად წლის საუკეთესო სპორტმენს ასახელებს.

"ბარსელონას" მთავარმა მწვრთნელმა, ლუის ენრიკემ, დღეს გამართულ პრესკონფერენციაზე, ლიონელ მესისთან კონფლიქტის არსებობა უარყო.

"დაიწყო იანვარი, რომელიც, ჩვენთვის, მიმზიდველი და საინტერესო მატჩებით სავსე იქნება.

ყველა მწვრთნელმა თავისი გუნდი უნდა მართოს. ჩემი მიზანი შორსმიმავალ გეგმებზე მუშაობა და ტიტულების მოგებაა. თავს ისევე მოტივირებულად და თავდაჯერებულად ვგრძნობ, როგორც სეზონის დასაწყისში.

"სოსიედადთან" გამართულ შეხვედრაში გვქონდა შანსი, რომელიც ვერ გამოვიყენეთ. რა თქმა უნდა, ეს, გუნდისთვის, დარტყმა იყო. ეს აშკარაა. მესმის, რომ გულშემატკივრები უკმაყოფილონი არიან, მაგრამ მე მაინც ოპტიმისტად ვრჩები.

ლიონელ მესი გუნდისა და მსოფლიოს საუკეთესო ფეხბურთელია. მეტის დამატება საჭირო არაა, ყველაფერი ნათქვამია. ის, რაც გასახდელში ხდება, იქვე რჩება. ჩემი მიზანი გუნდის კარგად თამაშია. ყველა ფეხბურთელს ერთნაირად ვეპყრობი. ხომ არ შეიძლება ჩემს შვილებს სხვადასხვაგვარად მოვექცე?

ფეხბურთელებთან ისეთივე ურთიერთობა მაქვს, როგორც სეზონის დასაწყისში. ჩვენ ერთმანეთის კიდევ უფრო უკეთ გავიცანით.

ბოლო დღეებში პრესაში გავრცელებულ ინფორმაციაზე კომენტარს ვერ გავაკეთებ. ჭორების გაკონტროლება არ შემიძლია. ულტიმატუმი პრეზიდენტისგან? ასეთი რამ არ მომხდარა.

სუბისარეტას წასვლა სამწუხაროა. კლუბში მან მომიყვანა და ის ჩემს მიმართ ყოველთვის კარგად იყო განწყობილი. მან და მისმა გუნდმა დიდი სამუშაო გასწიეს.

ბოლო დროს არაერთი ჭორი გავრცელდა და ყველა მათგანი ნეგატიურია. ჩვენ უფრო პოზიტიური ატმოსფერო გვსურს. ისეთივე, როგორიც გასახდელშია.

აშკაარაა, რომ თუ ტიტულების მოგება გვინდა, უნდა მოვუმატოთ, მაგრამ ვფიქრობ, რომ პროგრესს ისედაც განვიცდით.

პრესაში გავრცელებული ჭორები ჩემზე არ მოქმედებს. მათი უმეტესობა სიმართლეს არ შეესაბამება, ან არასწორი ინტერპრეტაციითაა დაწერილი."

სპეციალურად მოწვეულ პრესკონფერენციაზე, საპრეზიდენტო არჩვენების დანიშვნის გარდა, ხოსეპ მარია ბართომეუმ სპორტული დირექტორის თნამდებობაზეც ისაუბრა. პრეზიდენტის თქმით, კანდიდატების შერჩევა კვლავ მიმდინარეობს და გადაწყვეტილება ცნობილი უახლოეს დღეებში გახდება.

არაოფიციალური ინფორმაციით, ანდონი სუბისარეტას ადგილის დაკავების ყველაზე დიდი შანსი "ბარსელონას" ყოფილ ფეხბურთელს, 41 წლის ოსკარ გარსიას აქვს. სუბისარეტა მას დღეს შეხვდა და იყო მოლოდინი, რომ გარსია სპორტულ დირექტორად დღესვე დასახელდებოდა. ოსკარ გარსიას შესახებ დასმულ შეკითხვაზე ბართომეუმ უპასუხა, რომ ის მასთან შეხვედრას არც უარყოფს და არც ადასტურებს.

"ბარსელონას" პრეზიდენტმა ხოსეპ მარია ბართომეუმ, რამდენიმე წუთის წინ, დაადასტურა, რომ მიმდინარე სეზონის ბოლოს ვადამდელი საპრეზიდენტო არჩევნები დაინიშნება.

ბოლო დროს, კლუბში სიტუაცია არეულია. თანამდებობები დატოვეს სპორტულმა დირექტორმა და მისმა თანაშემწეებმა. გავრცელებული ინფორმაციით, კონფლიქტია გუნდის მთავარ მწვრთნელსა და ლიონელ მესის შორის. ასევე ვრცელდება ინფორმაცია, რომ მესის კარგი ურთიერთობა არც ბართომეუსთან აქვს.

მოქმედი პრეზიდენტის თქმით, კლუბის ხელმძღვანელებმა ვადამდელი საპრეზიდენტო არჩევნების დანიშვნა ამჟამინდელი ზეწოლის შესამცირებლად გადაწყვიტეს. მან ასევე განაცხადა, რომ არჩევნებში მონაწილეობას თავადაც მიიღებს.

"ბორუსია დორტმუნდი" მზად არის გუნდოგანი იანვარში გაყიდოს, რადგან შემდეგ ზაფხულში ის უფასოდ არ დაკარგოს, იუწყება Daily Express.

ფეხბურთელი არ მალავს, რომ მას სურს პრემიერ ლიგაში თამაში. გაალი კი ამ უკანასკნელით დაინტერესებულია, რათა გააძლიეროს მისი ნახევარდაცვა.

ადრე გუნდოგანით "არსენალი", "ლივერპული" და "ჩელსი" ინტერესდებოდნენ. შესაძლოა, გუნდებმა ინტერესი განაახლონ და "წითელ ეშმაკებს" კონკურენცია გაუწიონ.

გუნდოგანი მადლიერია დორტმუნდის, რადგან ისინი გვერდში ედგნენ მას, როცა ის ტრავმირებული იყო. მაგრამ საეჭვოა, რომ ის გააგრძელებს გუნდთან კონტრაქტს, რომელიც 2016 წელს იწურება.

კოლუმბიელი ფორვარდს, რადამელ ფალკაოს დრო მხოლოდ და მხოლოდ აპრილამდე აქვს-მან უნდა დაამტკიცოს, რომ ”ოლდ ტრაფორდზე” წარმატების მიღწევა შეუძლია და სცადოს სასურველი სათამაშო კონდიციების დაბრუნება, რადგან ფაქტია, რომ მისი სტატისტიკა გადაწყვეტს, დარჩება თუ არა იგი ”ოცნებათა თეატრში”. ფაქტი ისაა, რომ ციფრები არ იტყუებიან, ეს ციფრები კი გაცილებით შთამბეჭდავი მაშინ გახლდათ, როცა ფალკაო ევროპის სხვადასხვა კლუბებში ასპარეზობდა. მან უკვე ოთხი თვე გაატარა მანჩესტერში და მხოლოდ სამი გოლის გატანა მოახერხა.

სიმართლე რომ ითქვას, რადამელი ტრავმების გამოც დაიჩაგრა, რადგან პრემიერლიგაში 12 მატჩი ჩაატარა, ასოციაციის თასზე კი ერთი, მაგრამ ამის მიუხედავად, მას არ მოუტანია კლუბისათვის იმხელა სარგებელი, რომ სეზონის ბოლოს £43 მილიონად გამოისყიდონ.

გასულ ზაფხულს ”ეშმაკებმა” ტრანსფერებში £150 მილიონი დახარჯეს, კოლუმბიელი ფორვარდი კი ”მონაკოდან” აიყვანეს ერთწლიანი იჯარით და ამის სანაცვლოდ ფრანგულ გრანდს £6 მილიონი გადაუხადეს. თავად ფეხბურთელის ხელფასიც შთამბეჭდავია-£285 000 კვირაში! ამ ყველაფრის ფონზე, რა საკვირველია, რადამელმა მოლოდინი ვერ გაამართლა, რადგან სამი გოლი მხოლოდ და მხოლოდ სამი გოლია და თან, როდესაც შენს უკან ისეთი მოთამაშეები მოქმედებენ, როგორებიც ანხელ დი მარია და ხუან მატა არიან, მეტი მოგეთხოვება! ფალკაომ ვერ შეძლო და ვერ გახდა ძირითადი შემადგენლობის უცვლელი წევრი, თუმცა სამართლიანობა მოითხოვს აღინიშნოს, რომ ამაში ხელი კოჭის ტრავმამაც შეუშალა, რომლის გამოც ერთი თვე გამოტოვა.

"ბარსელონას" ურუგვაელი ვარსკვლავის, ლუის სუარესის თქმით, ის ლიონელ მესის გუნდიდან წასვლას არ გამორიცხავს.

"ვფიქრობ, მესი "ბარსელონაში" კვლავ ბედნიერია, რადგან აქ მას ყველა მხარს უჭერს ჯერ კიდევ იმ დროიდან, როდესაც ის ბავშვი იყო. თუმცა, შესაძლოა, ის ეჭვობდეს, ღირს თუ არა გუნდში დარჩენა, თუ ასტრონომიულ შეთავაზებას მიიღებს. ხოლო როდესაც არსებობს ეჭვი, სიფრთხილეა საჭირო. ასე რომ, შესაძლოა, "ბარსელონაში" მესის ერა დასასრულს უახლოვდებოდეს."

მადრიდული ჯახის სავარაუდო შემადგენლობები.

„კოპა დელ რეის“ 1/8 ფინალური დაპირისპირება
სტადიონი: „ვისენტე კალდერონი“ (მადრიდი)
მსაჯი: კლოს გომესი
პირდაპირი ტრანსლიაცია: Setanta Sport Plius, НТВ-ПЛЮС Футбол 1 & LiveTv.Ru

„ატლეტიკოს“ სავარაუდო შემადგენლობა: ობლაკი, ხუანფრანი, ხიმენესი, გოდინი, სიკერა, გაბი, სუარესი, რ.გარსია, გრიზმანი, კოკე და ტორესი.
სათადარიგო: მოია, გამესი, ლუკასი, ტიაგო, საული, ა.თურანი, მანძუკიჩი და ხიმენესი.
მწვრთნელი: დ.სიმეონე

„რეალის“ სავარაუდო შემადგენლობა: ნავასი, კარვახალი, ვარანი, პეპე, კოენტრაუ, ისკო, კროოსი, ხამესი, ბეილი, ბენზემა და რონალდუ.
სათადარიგო: კასილასი, რამოსი, ნაჩო, არბელოა, მარსელო, ხედირა, ილიარა, მედრანი, ხესე და ჩიჩარიტო.
მწვრთნელი: კ.ანჩელოტი