ფესვები/Georgian Phesvebi-ჭიათურა

დიდი სიხარულით და მადლიერებით გვინდა აღვნიშნოთ ის გამორჩეული დღეები, რომელიც ჭიათურაში შედგა და მრავალი ღირსეული სტუმრითა და შთამბეჭდავი შესრულებით გამოირჩეოდა.
მოგეხსენებათ ანსამბლმა გამართა ორ დღიანი სოლო-კონცერტი.

ანსამბლის შესრულებამ მაყურებელს კიდევ ერთხელ დაანახა ჩვენი ფესვების სიღრმე, ქართული ცეკვის,სილამაზე და იმ უნიკალური კულტურული მემკვიდრეობის ძალა, რომელსაც თაობიდან თაობას ვუზიარებთ.

განსაკუთრებით აღსანიშნავია ის ფაქტი, რომ კონცერტს ესწრებოდა საქართველოში ინდოეთის ელჩი, ამიტ კუმარ მიშრა,რომელიც სპეციალურად ჩამოვიდა ანსამბლ „მთა ფესვების“ ამ მნიშვნელოვანი ღონისძიებისთვის. მისი მონაწილეობა და ინტერესის გამოხატვა კიდევ ერთხელ ადასტურებს კულტურათაშორისი დიალოგის მნიშვნელობასა და იმ მეგობრულ ურთიერთობებს, რომლებიც საქართველოსა და ინდოეთს შორის ვითარდება. ასეთი მაღალი დონის სტუმრობა არა მხოლოდ პატივია ანსამბლისა და ორგანიზატორებისთვის, არამედ მთელი ქართული კულტურისთვისაც.

ანსამბლის სახელით დიდ მადლობას ვუხდით ყველა ქორეოგრაფს,ვინც ესწრებოდა საღამოს🎞️🤍

ღონისძიებას ასევე ესწრებოდა Prasher, რაც დამატებით მნიშვნელობას სძენს ამ საღამოს და კიდევ ერთხელ უსვამს ხაზს საერთაშორისო კულტურულ კავშირებსა და თანამშრომლობის პერსპექტივებს.

დიდი მადლობა ანსამბლ „მთა ფესვების“ თითოეულ წევრს, კულტურის სახლის ყველა თანამშრომელს,ჭიათურის მერს, ყველა მშობელსა და ბავშვს❤️ტექნიკურ გუნდს და ყველა იმ ადამიანს, ვინც თავისი შრომითა და თავდადებით შექმნა ეს დაუვიწყარი საღამო. ასეთი ღონისძიებები არა მხოლოდ გვახარებს, არამედ გვაერთიანებს, გვახსენებს ჩვენს ფესვებს და გვაძლევს სტიმულს, რომ ქართული კულტურა კიდევ უფრო ფართოდ და ღირსეულად იყოს წარმოჩენილი საერთაშორისო სივრცეში.
დიდი მადლობა ქალბატონ Jananidze-ს ულამაზესი ფოტოებისთვის, ყოველთვის ვგრძნობთ თქვენს გვერდით ყოფნას❤️

✅შევხვდებით მომავალ სეზონზე,ახალი ძალებითა და ბევრი სიახლით✅