დედოფლისწყაროს ჭადრაკის კლუბი

დღეს ქ. თელავში ჩატარდა ნონა გაფრინდაშვილის სახელობის სასკოლო ოლიმპიადის რეგიონალური ტურნირი ჭადრაკში. მუნიციპალურ დონეზე გამარჯვებული 8 გუნდი იბრძოდა რესპუბლიკური ტურნირის დასკვნით ეტაპზე მონაწილეობის საგზურისათვის.
დედოფლისწყაროს ღირსებას იცავდნენ წმ. ვახტან გორგასლის სახელობის საჯარო სკოლის მე-2- კლასის მოჭადრაკეები: პირველ დაფაზე- დაჩი ბუზარიშვილი, #2- მელანია ლობჯანიძე, #3- დაჩი პოპიაშვილი, #4- მარიამ ბაიდოშვილი. ეს ,,ოთხი მუშკეტერი“ ამავროულად თითქმის, ერთი წელია ჩემი შეგირდებიც არიან. მათმა ჭადრაკისადმი სიყვარულმა და შრომამ არ დააყოვნა:- ჩატარდა მე-4-ედ ფინალი, ნახევარ ინალი, ფინალი და ყველა მათგანში დედოფლისწყაროელებმა გაიმარჯვეს 4:0 ანგარიშით.
ვულოცავ ჩემს 4 ,,მუშკეტერს“, სკოლის დირექტორს- თეა სხირტლაძეს, ჭადრაკის პედაგოგს- თეა უჩავას, მოჭადრაკეთა მშობლებს ამ წარმატებას და ვუსურვებ, რომ ქ. თბილისიდანაც (6 ივნისი) ასეთივე ხელდამშვენებულნი დაგვიბრუნდნენ.

2026 წლის 17-18 თებერვალი, კახეთის რეგიონალური ტურნირი ჭადრაკში 8 და 16 წლამდე ასაკის გოგონათა და ვაჟთა შორის; შვეიცარული სისტემით; 7 ტურად (17 თებერვალს -4 ტური, 18 თებერვალს- 3 ტური). ორგანიზატორები: დედოფლისწყაროს კულტურის, სპორტისა და ახალგაზრდულ საქმეთა ცენტრი და კახეთის ჭადრაკის ფედერაცია. მთავარი მსაჯი: გოგი (გიორგი} კიკილაშვილი, მსაჯები: ანდრეი ლიმარი, აკაკი ზარდიაშვილი, ტურნირის კენჭისყრის პროგრამული უზრუნველყოფა- მანანა იაკობიშვილი.
მსგავსი მაშტაბის ტურნირი ჭადრაკში ჩვენს მუნიციპალიტში და ყოფილ წითელწყაროს რაიონში არ ჩატარებული, ამიტომ ბუნებრივია, ჭადრაკის მოყვარულთა დიდი ინტერესი გამოიწვია. ღონისძიებას მეტი ელფერი შესძინა საერთაშორისო დიდოსტატის, ხუთგზის ოლიმპიური ჩემპიონის ნანა იოსელიანის ტურნირზე დასწრებამ.
დედოფლიწყაროელმა მოჭადრაკეებმა ისახელეს თავი და აი, შედეგი:
1, 8 წლამდე ასაკის გოგონათა ჯგუფი: ა) პირველი ადგილი-- მელანია ლობჯანიძე. ბ) მესამე ადგილი-- მარიამ ბაიდოშვილი.
2. 8 წლამდე ასაკის ვაჟების ჯგუფში- მეორე ადგილი-- პოპიაშვილი დაჩი.
ვულოცავთ დედოფლიწყაროს ჭადრაკის მოყვარულთ ამგვარი ტურნის მაღალ დონეზე ჩატარებას. ვულოცავთ გამარჯვებულებს გონივრულ ბრძოლაში მიღწეულ წარმატებას და ვუსურვებთ შემდგომ წინსვლას.

სერბეთში დამთავრდა სასკოლო მსოფლიო ჩემპიონატი 7-9-11-13-15 და 17 წლის გოგონათა და ვაჟთა შორის. ტურნირში მონაწილეობას იღებდა 43 ქვეყნის წარმომადგენელი. ძალიან საინტერესოა შედეგები: 7 წლიანი გოგონები- პირველი ადგილი-ინდოელი გოგონა, მეორე- ინდოელი, მესამე- თურქი; 9 წლიანები: პირველი- ყაზახი, მეორე- მონღოლი, მესამე- უზბეკი, 11 წლიანები: პირველი- მონღოლი, მეორე- ინდოელი, მესამე- მონღოლი; 13 წლიანები- უზბეკი, მეორე -უზბეკი, მესამე- ფიდეს სახელით, 15 წლიანები: პირველი-უზბეკი, მეორე- ყაზახი, მესამე- კუბა, 17 წლიანი გოგონები: პირველი- მომღოლი, მეორე- ქართველი (ანასტასია კირთაძე), მესამე- სირიის წარმომადგენელი.
სტატისტიკით თავი რომ არ შეგაწყინოთ- ვაჟთა ჩემპიონატში მსგავსი სურათია და საქართველოს წარმომადგენელმა-ტაბატაძე ერეკლემ 15 წლიან ვაჟებში დაიკავა მეორე ადგილი.
დამეთანხმებით, საქართველოს ჭადრაკის ფედერაციას, განათლების სამინისტროს, სპორტის სამინისტროს და ზოგადად ხელისუფლებას მართებს რეალურად მიუდგეს ბავშვის, მოზარდის და მთლიანად მოსახლეობის გონებრივად განვითარების პრობლემას!
ჭადრაკის განვითარების დონე (სხვა ინდიკატორებთან ერთად) სრულად წარმოაჩენს შესაბამისი საზოგადოების დამოკიდებულებას პროდუქტიული ფიქრის, ჯანსაღი ანალიზის და გონივრული გადაწყვეტილების მიღების უნართან!
და ბოლოს-- სულმნათი ილია ამბობდა: კარგი საქმეა ბავშვის ფიზიკური წვრთნა, მაგრამ მისი გონერივი აღზრდა ერის ვალდებულებაა-ო!

15-16 თებერვალს ქ. გურჯაანში ჩატარდა რეგიონალური ტურნირი 14-18 წლამდე ასაკის გოგონათა და ვაჟთა შორის. ვირუსული ეპიდემიის გამო დედოფლისწყაროს ჭადრაკის კლუბიდან დაგეგმილი 7 მოჭადრაკიდან ტურნირში მონაწილეობა მიიღო მხოლოდ სამმა მოჭადრაკემ... 11 წლის სალომე კვიწინაშვილმა მაინც გვასახელა და 18 წლამდე (!) ასაკის გოგონათა შორის ვერცხლის მედალს დაეუფლა. მივულოცოთ...

2025 წლის პირველი წარმატებები: 25-26 იანვარს ქ. საგარეჯოში ჩატარდა რეგიონალური ტურნირი 8-12 წლამდე ასაკის ვაჟთა და გოგონათა შორის. ჩვენი კლუბის წარმომადგენლებმა წარმატებულად იასპარეზეს. შედეგები ასეთია: 12 წლამდე ასაკის გოგონები- ვერცხლი- სალომე კვიწინაშვილი. 12 წლამდე ასაკის ვაჟები:- 1. ვერცხლი- ნიკოლოზ ბერიძე 2. ოქრო- მათე მარტყოფლიშვილი.
როგორც იტყვიან- ეს ერთი და სხვა მრავალი....

26 დეკემბერს ქ. გურჯაანის საჭადრაკო კლუბში ტარდება წინა საახალწლო, რეგიონალური გონიერთა ტურნირი. კახეთის ჭადრაკის ფედერაცია მიმართავს მოქალაქეებს: ვინც გონიერად თვლის თავს და შეუძლია საჭადრაკო ტურნირში მონაწილეობის მიღება, მობრძანდით 26 დეკემბერს, დილის 10 საათზე. ვითამაშოთ ჭადრაკი და ერთად, გონივრულად ავღნიშნოთ ახალი წლის მოახლოვება...

ქ. ლაგოდეხში ( 7-8 დეკემბერი) ჩატარდა ბ-ნ სოსო კიკილაშვილის ხსოვნისადმი მიძღვნილი საჭადრაკო ტურნირი. ცნობისთვის- ბატონი სოსო იყო ჭადრაკის თეორიის ცოდნის მაღალპროფესიონალი, საკმაოდ საინტერესო პოეტური ნიჭით შემკული (მისი ლექსების ორი წიგნია გამოიცემული), გულღია, მოსიყვარულე და შეუდარებელი თამადა!...
ტურნირი ჩატარდა შვეიცარული სისტემით 7 ტურად. 10 და 14 წლამდე ასაკის მოჭადრაკეები თამაშის ხარისხით ტოლს არ უდებდნენ ღია ტურნირში მოთამასეებს. დებულების შესაბამისად, ყოველ ჯგუფში 1-3 ადგილოსანი დაჯილდოვდა პრიზებით, ხოლო ორი ოქროს მფლობელ მუნიციპალიტეტის საჭადრაკო კლუბს (ლაგოდეხი) გადაეცა სოსო კიკილაშვილის სახელობის გარდამავალი თასი.
ვითამაშოთ ჭადრაკი, დავაინტერესოთ ბავშვები ჭადრაკის თამაშით, თუ გვინდა, რომ მივიღოთ გონიერი (!) მომავალი თაობა.