თბილისის უშუს ქალთა ფედერაცია / Tbilisi Womens Wushu Federation

2025 წლის 5-7 დეკემბერს, ქალაქ თბილისში, ოლიმპიურ სასახლეში (მისამართი: ქ. თბილისი, უნივერსიტეტის ქუჩა #15ა) ჩატარდა საქართველოს უშუს ეროვნული ჩემპიონატი.

ჩემპიონატში მონაწილეობა მიიღეს საქართველოს სხვადასხვა რეგიონის სპორტულმა გუნდებმა, მათ შორის ჩვენი კლუბის პატარა სპორტსმენებმაც.

ჩვენი კლუბის სამმა სპორტსმენმა, სპორტული ტაოლუს ორ საჩვენებელ დისციპლინასა და ორ ასაკობრივ კატეგორიაში დაიკავა შემდეგი საპრიზო ადგილი:
1. ბარბარე აფაქიძე - მეორე ადგილი (ვერცხლის მედალი 🥈), სტილი: ჩანცუანი, ფორმა 32 (ასაკობრივი კატეგორია: ბავშვები - 9-11 წ.);
2. სოფო ხარებავა - მესამე ადგილი (ბრინჯაოს მედალი 🥉), სტილი: ჩანცუანი, ფორმა 32 (ასაკობრივი კატეგორია: ბავშვები - 9-11 წ.);
3. მარიამ ცხოვრებაძე - მესამე ადგილი (ბრინჯაოს მედალი 🥉), სტილი: თაიძიჩუანი, ფორმა იან 24 (ასაკობრივი კატეგორია: კადეტები: 12-14 წ.).

ვულოცავთ სპორტსმენებს წარმატებებს და ვუსურვებთ სპორტულ წინსვლას მომავალში.

მადლობას ვუხდით, სპორტსმენებს, მათ მშობლებსა და გულშემატკივრებს თანადგომისთვის.

განსაკუთრებულ მადლობას ვუხდით Georgian National Wushu Federation / საქართველოს უშუს ეროვნული ფედერაცია -ს და საქართველოს უშუს 22-ე ეროვნული ჩემპიონატის მსაჯთა კოლეგიას გაწეული შრომის, თანადგომისა და ხელშეწყობისთვის.

2025 წლის 5-7 დეკემბერს, ქალაქ თბილისში, ოლიმპიურ სასახლეში (უნივერსიტეტის ქ. #15ა), საქართველოს უშუს ეროვნული ფედერაციის ეგიდითა და საქართველოს სპორტის სამინისტროს თანადგომით, წარმატებით ჩატარდა საქართველოს უშუს 22-ე ეროვნული ჩემპიონატი.
ჩემპიონატში მონაწილეობა მიიღეს საქართველოს სხვადასხვა რეგიონის სპორტულმა გუნდებმა.
ჩემპიონატი ჩატარდა შემდეგ ასაკობრივ კატეგორიაში – ბავშვები (6-11 წ.წ.), კადეტები (12-14 წ.წ.), ახალგაზრდები (15-17 წ.წ.) და ზრდასრულები (18-40 წ.წ.) – ორ ძირითად დისციპლინაში: უშუ-სანდა (კონტაქტური ორთაბრძოლა) და უშუ ტაოლუ (საჩვენებელი კომპლექსები).
5 დეკემბერს: ჩემპიონატი დაიწყო გუნდებისა და სპორტსმენების რეგისტრაციით; ჩატარდა სანდას სპორტსმენთა წონითი კატეგორიების ჩაბარების პროცედურა.
6 დეკემბერს: გაიმართა სანდას წინა საფინალო ბრძოლები; ჩატარდა ტაოლუს სპორტული სახეობების შეჯიბრებები იარაღიან და უიარაღო სტილებში.
ასევე, 6 დეკემბერს შედგა გახსნის ოფიციალური ცერემონია, სადაც დამსწრე საზოგადოებას სიტყვით მიმართეს საქართველოს უშუს ეროვნული ფედერაციის პრეზიდენტმა, ბატონმა გიორგი მუსხელიშვილმა, და გენერალურმა მდივანმა, ბატონმა გიორგი ვერულიძემ.
გახსნის ცერემონიისას მოხდა დამსახურებული მწვრთნელების ოფიციალური აღიარება. დასახელდნენ და დაჯილდოვდნენ დამსახურებული მწვრთნელები: გიორგი ვერულიძე (თბილისი), ლაშა სუმბულაშვილი (თბილისი), დავით კუჭავა (თბილისი), დათა წულაია (მარტვილი) და ვასილ დუნდუა (ფოთი).
დღის ბოლოს დაჯილდოვდნენ ტაოლუს შეჯიბრებებში გამარჯვებული სპორტსმენები.
7 დეკემბერს: გაიმართა სანდას ფინალური ბრძოლები, სადაც გამოვლინდნენ საქართველოს ჩემპიონები კონტაქტურ ორთაბრძოლაში; ჩატარდა საჩვენებელი გამოსვლები ტრადიციულ ტაოლუს უიარაღო და იარაღიან სტილებში.
ჩემპიონატის დასასრულს დაჯილდოვდნენ სანდას და ტრადიციული ტაოლუს როგორც უიარაღო, ასევე იარაღიან სტილებში გამარჯვებული სპორტსმენები.
საქართველოს უშუს ეროვნული ფედერაციის წესდებისა და 22-ე ეროვნული ჩემპიონატის დებულების შესაბამისად, მთავარი მწვრთნელების შეფასებით,გამარჯვებული სპორტსმენებისგან, დაკომპლექტდება საქართველოს ეროვნული ნაკრები ტაოლუსა და სანდაში.
საქართველოს უშუს ეროვნული ფედერაცია მადლობას უხდის ყველა მონაწილეს, მწვრთნელს, გულშემატკივარს და საქართველოს სპორტის სამინისტროს გაწეული მხარდაჭერისთვის.

გიწვევთ საქართველოს უშუს 22-ე ეროვნულ ჩემპიონატზე. შეჯიბრი ჩატარდება თბილისში, 6-7 დეკემბერს უნივერსიტეტის ქუჩა #15ა. 5 დეკემბერს 12:00 საათზე აწონვები და რეგისტრაცია. ჩემპიონატი მთლიანად დაფინანსებულია საქართველოს სპორტის სამინისტროს მიერ.

ქობულეთში მიმდინარეობა უშუ-სანდას ნაკრების სპორტული შეკრება, ჩვენი სპორტსმენები ემზადებიან ბათუმის უშუს ღია საერთაშორისო ტურნირზე ასპარეზობისთვის, რომელიც გაიმართება 1-6 აგვისტოს.

გელოდებით ბათუმის უშუს ღია საერთაშორისო ტურნირზე
1-6 აგვისტო.

გელოდებით ბათუმის უშუს ღია საერთაშორისო ტურნირზე, რომელიც გაიმართება 1-6 აგვისტოს. ტურნირს იმსაჯებს გამოცდილი IWUF მსაჯები ალექსანდრე რადუნცევი და ჰაოჯუნ ჯუო.
We are waiting for you at the Batumi Wushu Open International Tournament, which will be held on August 1-6. The tournament will be judged by experienced IWUF referees ALEXANDR RADUNTSEV and HAOJUN ZHUO

2025 წლის წლის 15-17 აპრილს, ქ. თბილისში, ტანვარჯიშის არენაზე ჩატარდა საქართველოს უშუს სუიენ ჭაო შანის სახელობის საქართველოს მე-9 თასის გათამაშება სანდასა და ტაოლუში სრული პროგრამით (6-11 წელი - ბავშვები, 12-14 წელი - მოზარდები, 15-17 წელი - ახალგაზრდები,18 წლის ზევით - უფროსები).
16 აპრილს, შეჯიბრება ჩატარდა უშუ-ტაოლუს სპორტულ ფორმებში, ხოლო 17 აპრილს - უშუ-ტაულუს ტრადიციულ ფორმებში.
შეჯიბრებას ჩინეთის უშუს ასოციაციის ინსტრუქტორებიც დაესწრნენ.
გუნდურ ჩათვლაში პირველი ადგილი თბილისის, მეორე ადგილი ფოთის, ხოლო მესამე ადგილი ქუთაისის უშუ-ტაოლუს გუნდებმა დაიკავეს.
თბილისის გუნდს უშუ-ტაოლუში სუიენ ჭაო შანის სახელობის საქართველოს მე-9 თასი გადაეცა.

2025 წლის წლის 15-17 აპრილს, ქ. თბილისში, ტანვარჯიშის არენაზე ჩატარდა საქართველოს უშუს სუიენ ჭაო შანის სახელობის საქართველოს მე-9 თასის გათამაშება სანდასა და ტაოლუ.ში სრული პროგრამით (6-11 წელი - ბავშვები, 12-14 წელი - მოზარდები, 15-17 წელი - ახალგაზრდები,18 წლის ზევით - უფროსები).
17 აპრილს, გაიმართა ფინალური ბრძოლები უშუ-სანდაში, რომელსაც ჩინეთის უშუს ასოციაციის ინსტრუქტორებიც დაესწრნენ.
გუნდურ ჩათვლაში პირველი ადგილი დედოფლისწყაროს, მეორე ადგილი თბილისის, ხოლო მესამე ადგილი ქუთაისის უშუ-სანდას გუნდებმა დაიკავეს.

დედოფლისწყაროს გუნდს უშუ-სანდაში სუიენ ჭაო შანის სახელობის თასი მეოთხეჯერ გადაეცა