Georgian Sports Medicine Association

საქართველოს სპორტული მედიცინის ასოციაციის განცხადება BPC-157-ის გამოყენებასთან დაკავშირებით

საქართველოს სპორტული მედიცინის ასოციაცია გამოხატავს სერიოზულ შეშფოთებას ექსპერიმენტული პეპტიდის BPC-157-ის საქართველოში თავისუფალი ხელმისაწვდომობისა და მისი გამოყენების პოპულარიზაციის გამო.

ბოლო პერიოდში BPC-157 აქტიურად იყიდება სხვადასხვა ინტერნეტპლატფორმაზე, სადაც იგი მომხმარებლებს წარედგინება როგორც ანთების საწინააღმდეგო, ტრავმების შეხორცების, ქსოვილების რეგენერაციისა და აღდგენის ხელშემწყობი საშუალება. მსგავსი მარკეტინგული განცხადებები ქმნის შთაბეჭდილებას, თითქოს აღნიშნული ნივთიერების უსაფრთხოება და ეფექტიანობა დადასტურებულია, რაც არ შეესაბამება საერთაშორისო მარეგულირებელი ორგანოების პოზიციას.

⚠️ BPC-157 არ არის დამტკიცებული ადამიანებში კლინიკური გამოყენებისთვის არცერთი ავტორიტეტული საერთაშორისო მარეგულირებელი ორგანოს მიერ, მათ შორის არც აშშ-ის სურსათისა და წამლების ადმინისტრაციის (FDA) და არც ევროპის წამლების სააგენტოს (EMA). ადამიანებში მისი უსაფრთხოება, ეფექტიანობა და სხვადასხვა სამედიცინო ჩვენებით გამოყენება არ არის დადასტურებული მაღალი ხარისხის კლინიკური კვლევებით.

⚠️ ამასთანავე, მსოფლიო ანტიდოპინგური სააგენტოს (WADA) 2026 წლის აკრძალული სიის მიხედვით, BPC-157 შეტანილია S0 - „დაუმტკიცებელი ნივთიერებების“ კატეგორიაში, რაც ნიშნავს, რომ მისი გამოყენება აკრძალულია ნებისმიერ დროს - როგორც შეჯიბრების პერიოდში, ისე მის ფარგლებს გარეთ.

განსაკუთრებით მნიშვნელოვანია, რომ პროდუქტის თავისუფალი რეალიზაცია ან ინტერნეტპლატფორმებზე განთავსებული აღწერილობები არ ნიშნავს, რომ იგი არის უსაფრთხო, რეგისტრირებული ან სამედიცინო გამოყენებისთვის დამტკიცებული. მომხმარებლებს განსაკუთრებული სიფრთხილე მართებთ ისეთი ნივთიერებების გამოყენებისას, რომელთა ეფექტიანობა და უსაფრთხოება სათანადოდ არ არის დადასტურებული.
სპორტსმენებისთვის დამატებითი რისკია ისიც, რომ ანტიდოპინგური წესების მიხედვით, თითოეული სპორტსმენი თავად არის პასუხისმგებელი საკუთარ ორგანიზმში აღმოჩენილ აკრძალულ ნივთიერებაზე, მიუხედავად იმისა, როგორ ან რა მიზნით იყო პროდუქტი რეკლამირებული ან შეძენილი.

საქართველოს სპორტული მედიცინის ასოციაცია მოუწოდებს:

⚠️ სპორტსმენებს - თავი შეიკავონ BPC-157-ისა და სხვა დაუმტკიცებელი ნივთიერებების გამოყენებისგან, რათა დაიცვან როგორც საკუთარი ჯანმრთელობა, ისე სპორტული კარიერა;

⚠️ ექიმებსა და სპორტსმენის დამხმარე პერსონალს - კლინიკურ პრაქტიკაში იხელმძღვანელონ მტკიცებულებებზე დაფუძნებული მედიცინის პრინციპებით და არ გაუწიონ რეკომენდაცია იმ ნივთიერებებს, რომელთა უსაფრთხოება და ეფექტიანობა არ არის სათანადოდ დადასტურებული;

⚠️მოქალაქეებს - ნუ მიიღებენ ექსპერიმენტულ ნივთიერებებს მხოლოდ ინტერნეტრეკლამის, სოციალური ქსელების ან არასამედიცინო წყაროების საფუძველზე. ნებისმიერი პრეპარატის გამოყენებამდე აუცილებელია კვალიფიციურ ექიმთან კონსულტაცია.

საქართველოს სპორტული მედიცინის ასოციაციამ აღნიშნულ საკითხზე უკვე მიმართა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, რათა შესაბამისმა უწყებებმა შეისწავლონ BPC-157-ის საქართველოში რეალიზაციის კანონიერება და, საჭიროების შემთხვევაში, მიიღონ კანონმდებლობით გათვალისწინებული შესაბამისი ზომები.

ჩვენი მთავარი მიზანია საზოგადოების ჯანმრთელობის დაცვა, სპორტში უსაფრთხო გარემოს უზრუნველყოფა და მტკიცებულებებზე დაფუძნებული მედიცინის პრინციპების მხარდაჭერა.

⚠️ არ გამოიყენოთ დაუმტკიცებელი ნივთიერებები ჯანმრთელობისა და სპორტული შედეგების გაუმჯობესების მიზნით!

✅ინფორმირებული გადაწყვეტილება საუკეთესო დაცვაა როგორც ჯანმრთელობისთვის, ისე სპორტული კარიერისთვის!

საქართველოს სპორტული მედიცინის ასოციაციამ, საქართველოს სპორტის სამინისტროს დახმარებითა და დაფინანსებით, სპორტსმენებისთვის თანამედროვე ფუნქციური შეფასებისა და რეაბილიტაციის ტექნოლოგიები შეიძინა

საქართველოს სპორტული მედიცინის ასოციაციამ, საქართველოს სპორტის სამინისტროს მხარდაჭერით, სპორტული მედიცინისა და სპორტული მეცნიერების მიმართულებით ტექნოლოგიური ბაზა კიდევ უფრო გააფართოვა.

სამინისტროს მხარდაჭერითა და დაფინანსებით, ასოციაციამ VO₂Max სისტემა, Digital Wall და Homing System შეიძინა, რომლებიც სპორტსმენების ფუნქციური შეფასების, ფიზიოლოგიური ტესტირების, რეაბილიტაციისა და სპორტში უსაფრთხო დაბრუნების პროცესში იქნება გამოყენებული.

ახალი ტექნოლოგიები სპეციალისტებს საშუალებას აძლევს სპორტსმენების შეფასება ობიექტურ მონაცემებზე დაყრდნობით განახორციელონ და ინდივიდუალური საჭიროებების შესაბამისად დაგეგმონ როგორც სავარჯიშო, ისე რეაბილიტაციის პროცესი.

VO₂Max სისტემა გამოიყენება ფიზიკური დატვირთვის დროს სპორტსმენის კარდიორესპირატორული და მეტაბოლური ფუნქციის შესაფასებლად. ტესტირების საშუალებით განისაზღვრება მაქსიმალური ჟანგბადის მოხმარება (VO₂Max), აერობული და ანაერობული ზღვრები, ინდივიდუალური სავარჯიშო ინტენსივობის ზონები და სხვა ფიზიოლოგიური მაჩვენებლები, რომლებიც აუცილებელია ეფექტური სავარჯიშო პროცესის დაგეგმვისა და სპორტსმენის ფუნქციური მდგომარეობის შეფასებისთვის.

TecnoBody Digital Wall წარმოადგენს მოძრაობის ანალიზისა და ფუნქციური შეფასების ციფრულ სისტემას, რომელიც 3D ტექნოლოგიებისა და ხელოვნური ინტელექტის გამოყენებით აფასებს სპორტსმენის მოძრაობის ხარისხს, ბალანსს, კოორდინაციას, სხეულის სიმეტრიასა და მოტორულ კონტროლს. სისტემა გამოიყენება როგორც ფუნქციური შეფასების, ასევე ტრავმის პრევენციის, რეაბილიტაციისა და სპორტში დაბრუნების პროცესში.

შეძენილი კომპლექტაციის ნაწილია TecnoBody Homing System, რომელიც რეაბილიტაციის დისტანციურად გაგრძელების შესაძლებლობას უზრუნველყოფს. სისტემა სპეციალისტს საშუალებას აძლევს სპორტსმენს ინდივიდუალური სავარჯიშო პროგრამა დისტანციურად მიაწოდოს, აკონტროლოს მისი შესრულება, შეაფასოს პროგრესი და საჭიროების შემთხვევაში პროგრამა რეალურ დროში შეცვალოს. აღნიშნული მიდგომა განსაკუთრებით მნიშვნელოვანია იმ სპორტსმენებისთვის, რომლებიც საწვრთნელ შეკრებებზე, რეგიონებში ან საზღვარგარეთ იმყოფებიან.

სამივე ტექნოლოგიის ერთობლივი გამოყენება უზრუნველყოფს სპორტსმენის შეფასების, დატვირთვის დაგეგმვის, რეაბილიტაციისა და სპორტში დაბრუნების პროცესის სხვადასხვა ეტაპის ერთმანეთთან დაკავშირებას. მიღებული მონაცემები სპორტულ ექიმებს, ფიზიოთერაპევტებს, მწვრთნელებსა და ფიზიკური მომზადების სპეციალისტებს საშუალებას აძლევს გადაწყვეტილებები ობიექტურ მონაცემებზე დაყრდნობით მიიღონ.

ახალი ტექნოლოგიები ხელმისაწვდომი იქნება ეროვნული ნაკრებების, სპორტული ფედერაციების, პროფესიული კლუბებისა და სხვადასხვა ასაკობრივი კატეგორიის სპორტსმენებისთვის. მათი გამოყენება ხელს შეუწყობს სპორტსმენების ფუნქციური შესაძლებლობების შეფასების, ტრავმების პრევენციის, რეაბილიტაციისა და სპორტში უსაფრთხო დაბრუნების პროცესის კიდევ უფრო ეფექტიანად წარმართვას.

საქართველოს სპორტული მედიცინის ასოციაცია აგრძელებს თანამედროვე სპორტული მედიცინისა და სპორტული მეცნიერების პრაქტიკაში საერთაშორისო სტანდარტების შესაბამისი ტექნოლოგიების დანერგვას, რათა ქართველ სპორტსმენებსა და სპეციალისტებს ხელმისაწვდომი ჰქონდეთ შეფასებისა და რეაბილიტაციის თანამედროვე მეთოდები.

ახალი ტექნოლოგიები საქართველოში აგვისტოს ბოლოს ჩამოვა და ქართველი ათლეტებისთვის, სექტემბრიდან, აღნიშნული სერვისები უკვე ხელმისაწვდომი იქნება.

საქართველოს სპორტის სამინისტრო

📌სპორტული ტეიპირების პრაქტიკულ ტრენინგზე რეგისტრაცია სრულდება 15 აგვისტოს!

საქართველოს სპორტული მედიცინის ასოციაცია გიწვევთ ერთდღიან პრაქტიკულ ტრენინგზე, რომელიც სრულად დაეთმობა სპორტული ტეიპირების თანამედროვე პრინციპებსა და პრაქტიკულ გამოყენებას.

ტრენინგის ფარგლებში მონაწილეები შეისწავლიან:
✔ სპორტული და ფუნქციური ტეიპირების ძირითად პრინციპებს;
✔ ზედა და ქვედა კიდურების ყველაზე ხშირად გამოყენებულ აპლიკაციებს;
✔ ტეიპირების სწორ ტექნიკას სხვადასხვა დაზიანებისა და კლინიკური მდგომარეობის დროს;
✔ პრაქტიკულ მუშაობას რეალურ შემთხვევებზე.

ტრენინგს გაუძღვება საქართველოს სპორტული მედიცინის ასოციაციის პრეზიდენტი, პროფესორი ზურაბ კახაბრიშვილი.

📅 თარიღი: 29 აგვისტო
📍 ადგილმდებარეობა: ტანვარჯიშის არენა, ბობ უოლშის 23
💰 საფასური: 400 ლარი
🎓 სტუდენტებისთვის: 300 ლარი

ტრენინგი განკუთვნილია:

ფიზიოთერაპევტებისთვის;
რეაბილიტოლოგებისთვის;
სპორტული მედიცინის ექიმებისთვის;
სამედიცინო სფეროს სტუდენტებისთვის;
მწვრთნელებისა და სპორტის სფეროში მომუშავე სპეციალისტებისთვის.

📞 რეგისტრაციისთვის დაგვიკავშირდით:
+995555136713

საქართველოს წყალბურთელთა ეროვნულმა ნაკრებმა მსოფლიო თასის ფინალში იასპარეზა.

ავსტრალიის ქალაქ სიდნეიში ასპარეზობის უფლება, ეროვნულმა ნაკრებმა მსოფლიო თასის 2026 წლის II დივიზიონის ნახევარფინალში გერმანიის დამარცხების შემდეგ ისტორიაში პირველად მოიპოვა.

მსოფლიო თასის ფინალური ეტაპი 22 ივლისიდან მიმდინარეობდა და დღეს დასრულდა.

საქართველოს წყალბურთის ეროვნულ ნაკრებთან სიდნეიში პროფ. ზურაბ კახაბრიშვილი, ნაკრების ექიმ-რეაბილიტოლოგი, გიორგი კუჭაძე და ფიზიოთერაპევტი, ომარ გურჯიძე მუშაობდნენ.

სპორტში მყესი ძალის გადაცემის, ენერგიის დაგროვებისა და სწრაფი მოძრაობების ერთ-ერთი მთავარი სტრუქტურაა. სწორედ ამიტომ, წარმატებული რეაბილიტაციის მიზანი მხოლოდ სიმპტომების გაქრობა კი არა, მყესის სრული ფუნქციური მზადყოფნის აღდგენაა.

დღეს თანამედროვე სპორტულ მედიცინაში რეაბილიტაცია სულ უფრო მეტად ეფუძნება ობიექტურ მონაცემებს და არა მხოლოდ სუბიექტურ შეფასებას.

VALD-ის ForceFrame, ForceDecks და NordBord სპეციალისტებს საშუალებას აძლევს:
✔️ ზუსტად გაზომონ გამომუშავებული ძალა;
✔️ აკონტროლონ იზომეტრიული დატვირთვის ინტენსივობა რეალურ დროში;
✔️ შეაფასონ მყესისა და კუნთ-მყესოვანი სისტემის ფუნქციური მზადყოფნა;
✔️ ინდივიდუალურად დაგეგმონ დატვირთვის პროგრესია;
✔️ მიიღონ გადაწყვეტილებები გაზომვადი მონაცემების საფუძველზე და არა ვარაუდით.

კვლევები აჩვენებს, რომ მყესში ცვლილებები ხშირად ტკივილის გამოვლენამდე იწყება. სწორედ ამიტომ, დროული შეფასება, დატვირთვის სწორი დოზირება და პროგრესის მუდმივი მონიტორინგი თანამედროვე რეაბილიტაციის აუცილებელი ნაწილია.

VALD-ის ტექნოლოგიები სპორტული მედიცინის სპეციალისტებს ეხმარება რეაბილიტაცია გახადონ უფრო ზუსტი, კონტროლირებადი და უსაფრთხო - სპორტსმენის მოედანზე სრულფასოვანი დაბრუნებისთვის.

Vald-ტესტირების დასაჯავშნად, დაგვიკავშირდით:
📞 555136713

📌 ცხადდება რეგისტრაცია სპორტული ტეიპირების პრაქტიკულ ტრენინგზე!

საქართველოს სპორტული მედიცინის ასოციაცია გიწვევთ ერთდღიან პრაქტიკულ ტრენინგზე, რომელიც სრულად დაეთმობა სპორტული ტეიპირების თანამედროვე პრინციპებსა და პრაქტიკულ გამოყენებას.

ტრენინგის ფარგლებში მონაწილეები შეისწავლიან:
✔ სპორტული და ფუნქციური ტეიპირების ძირითად პრინციპებს;
✔ ზედა და ქვედა კიდურების ყველაზე ხშირად გამოყენებულ აპლიკაციებს;
✔ ტეიპირების სწორ ტექნიკას სხვადასხვა დაზიანებისა და კლინიკური მდგომარეობის დროს;
✔ პრაქტიკულ მუშაობას რეალურ შემთხვევებზე.

ტრენინგს გაუძღვება საქართველოს სპორტული მედიცინის ასოციაციის პრეზიდენტი, პროფესორი ზურაბ კახაბრიშვილი.

📅 თარიღი: 29 აგვისტო
📍 ადგილმდებარეობა: ტანვარჯიშის არენა, ბობ უოლშის 23
💰 საფასური: 400 ლარი
🎓 სტუდენტებისთვის: 300 ლარი

ტრენინგი განკუთვნილია:

ფიზიოთერაპევტებისთვის;
რეაბილიტოლოგებისთვის;
სპორტული მედიცინის ექიმებისთვის;
სამედიცინო სფეროს სტუდენტებისთვის;
მწვრთნელებისა და სპორტის სფეროში მომუშავე სპეციალისტებისთვის.

📞 რეგისტრაციისთვის დაგვიკავშირდით:
+995555136713

საქართველოს კადეტ ძიუდოისტთა ნაკრებმა, ესპანეთის ევროპის ჩემპიონატი 4 ბრინჯაოს, 1 ვერცხლისა და გუნდური მესამე ადგილით დაასრულა.

კონტინენტის პირველობაზე, მთავარი ექიმის რანგში პროფ. ზურაბ კახაბრიშვილმა იმუშავა, ხოლო ეროვნულ ნაკრებთან - იმედა გოგოლაძემ და ლოლიტა გაბუნიამ. 🥰🇬🇪

3 ბრინჯაოს მედალი კადეტთა ევროპის ჩემპიონატიდან

ესპანეთში მიმდინარე კადეტთა ევროპის ჩემპიონატზე, რომლის მთავარი ექიმის რანგშიც, პროფ. ზურაბ კახაბრიშვილი მუშაობს, საქართველოს ნაკრებმა სამი ბრინჯაოს მედალი მოიპოვა.

ბრინჯაოს მედლები ნიკა ნიგურიანის, მაია ღვალაძისა და ილია ზაკუტაშვილის ანგარიშზეა.

პირველი მედლები კანარებიდან 🇬🇪

საქართველოს კადეტ ძიუდოისტთა ნაკრებმა გრან კანარიაზე მიმდინარე ევროპირველობაზე პირველი მედლები მოიპოვა.

-73 კგ წონით კატეგორიაში ბრინჯაოს მედალი მოიპოვა. გოგონათა შორის კი, თინათინ გულბანმა (-63) ოქროს ფინალი დათმო და ვერცხლს დასჯერდა.

კადეტთა ევროპირველობის მთავარი ექიმი პროფ. ზურაბ კახაბრიშვილია. ეროვნულ ნაკრებთან იმედა გოგოლაძე და ლოლიტა გაბუნია მუშაობენ.