11/08/2026
21 წელი, 8 თვე და 10 დღე, მოლოდინი დასრულებულია!
11 აგვისტო, 2026 წელი, თარიღი, რომელიც ქართული სპორტის ისტორიაში ოქროს ასოებით შევა.
21 წელი, 8 თვე და 10 დღე გავიდა მას შემდეგ, რაც ქართული კლუბი ბოლოს ევროტურნირის ჯგუფურ ეტაპზე ვიხილეთ. ამ ხნის განმავლობაში იყო უამრავი მცდელობა, იმედგაცრუება, ბოლო წუთებზე დაკარგული შანსები და გულშემატკივრის არაერთხელ გაცრუებული იმედი.
დღეს კი ეს ლოდინი დასრულდა.
„იბერია 1999“-მა ისტორია დაწერა!
გუნდმა ამ წარმატებამდე მარტივი გზით ვერ მიაღწია. იყო მძიმე საკვალიფიკაციო ეტაპები, ვიზასთან დაკავშირებული პრობლემები, მეტოქესთან დროულად ჩაუსვლელობა და საზოგადოებაში გაჩენილი პესიმისტური განწყობა. თუმცა „იბერიამ“ ყველა დაბრკოლებას გაუძლო და გადამწყვეტ მომენტში თავისი სიტყვა თქვა.
„ლარნესთან“ დაძაბულ ბრძოლაში თბილისურმა კლუბმა 2:1 გაიმარჯვა და ევროპის ტურნირის ძირითად ეტაპზე თამაშის უფლება მოიპოვა.
21 წლის შემდეგ ქართული კლუბი ისევ ევროპულ სცენაზეა!
ეს მხოლოდ „იბერიას“ გამარჯვება არ არის, ეს არის ქართული საკლუბო ფეხბურთისთვის ახალი ისტორიის დასაწყისი.
საქართველო კვლავ ევროპაშია!
