ოქროს თაობა

ჩემი საყვარელი სტატისტიკა ევროპის ჩემპიონატიდან:

გიორგი მიქაუტაძეს იმდენივე გოლი აქვს გატანილი ევროპის ჩემპიონატზე რამდენიც: სლოვენიას, ინგლისს, საფრანგეთს, დანიას, უნგრეთს, შოტლანდიას, ბელგიას, სლოვაკეთს, უკრაინას და ჩეხეთს.

ადრე ვამბობდი კიდევ კარგი მიქაუტაძემ საქართველო აირჩია, თორემ საფრანგეთში გამოიძახებდნენ ადრე თუ გვიან - მეთქი. ამაზე ხშირად გასცინებიათ, მაგრამ დღეს ევროპის ჩემპიონატის თანაბომბარდირია ჟორჟი, საფრანგეთს კი თამაშის გადასარჩენად მოედანზე შემოყავს კოლო მუანი, რომელიც გაცილებით უკეთეს გუნდში თამაშობს, გაცილებით მეტი თამაში ითამაშა, მაგრამ 2,5-ჯერ ნაკლები გოლი გაიტანა ვიდრე მიქაუტაძემ იმავე ჩემპიონატში.

3 წლის წინ ამ გვერდს ოქროს თაობა დავარქვი, რადგან მჯეროდა ამ ბიჭების და დარწმუნებული ვიყავი რომ დიდი წარმატების გემოს გაგვახსენებდნენ. დღეს ისე ვარ დარწმუნებული ამაში, როგორც აქამდე არასდროს. დროა მთელმა საქართველომ ერთად გავიხაროთ!

დღეს საბერძნეთს აქამდე არნახული მარცხი ელის, ისეთი მარცხი, რომელსაც ჰეროდოტეც კი ვერ შეფუთავდა ლამაზად.

1 წლის წინ საქართველოს ფეხბურთის ფედერაციამ ეროვნულ ნაკრებს რებრენდინგი გაუკეთა, სლოგანად კი “მე ვარ საქართველო” აარჩია. ამ სიტყვების უკან იყო ის მარტივი ჭეშმარიტება, რომ კოლექტიური წარმატებისთვის აუცილებელია ყველა ინდივიდმა საკუთარი პასუხისმგებლობა გაიაზროს. ქვემოთ მოცემული ციტატები არის რებრენდინგის პრეზენტაციის ვიდეოდან.

ლევან კობიაშვილი: “სულ ყოველთვის იყო ეს პრობლემა, პასუხისმგებლობის თავის თავზე აღების გვეშინოდა და სულ ყოველთვის ველოდებოდით ალბათ რომ სხვა გააკეთებს ჩემს გასაკეთებელს. დინებით მივყვებოდით ყველაფერს, არასდროს ვეძებდით გამოსავალს. ადვილი არის ის, რასაც აქამდე ვაკეთებდით, როცა საკუთარ პრობლემებს ვაბრალებდით სხვას.
მე უნდა ვიყო იმ ლიმიტზე, მე უნდა ვაკეთო მაქსიმუმი და თუ ამ ფილოსოფიით იქნება თითოეული ჩვენგანი, ეს იქნება წარმატების გასაღები, ეს არის რაც ყველაზე ძალიან გვჭირდება. მე ვარ საქართველო, ეს არის ზუსტად რაც ძალიან გვჭირდება და გვაკლია. ამით თითოეული ჩვენთაგანი გამოხატავს რომ ჩვენ ვიღებთ პირველ რიგში პასუხისმგებლობას ჩვენ თავზე, იმაზე რომ ჩვენი ნაკრები იყოს წარმატებული.”

ალექსანდრე იაშვილი: “ძალიან მნიშვნელოვანია ყველას გვესმოდეს და ვიცოდეთ რომ წარმატებას სჭირდება ყველა ჩვენგანის პასუხისმგებლობის აღება. ფეხბურთი რომ იყოს წარმატებული ყველა ჩვენგანმა ჩვენი საუკეთესო უნდა მივცეთ. მე არ შემიძლია რომ სხვას მოვთხოვო თუ მე არ მივეცი იმის მაგალითი რომ მე ჩემ საუკეთესოს გავაკეთებ წარმატების მიღწევისთვის. ხანდახან გვესმის რომ გუნდურ თამაშში შეგვიძლია სხვას დავეყრდნოთ და სხვის იმედზე ვიყოთ, სხვა გააკეთებს და მე უბრალოდ მივყვები დინებას, რაც წარმოუდგენელია. მხოლოდ ჩვენი პირადი საუკეთესოს გაკეთებით შეგვიძლია წარმატების მიღწევა.”

ამ ვიდეოში ნათქვამი სიტყვების და 2015 წელს გაკეთებული განცხადების შემდეგ არანაირი მორალური უფლება აღარ გაქვთ ფედერაციაში დარჩენის. ვაფასებთ თქვენს საფეხბურთო კარიერას, გვიყვარს ის მოგონებები, რომლებიც გვაჩუქეთ, მაგრამ დროა გულშემატკივარს ბოდიში მოუხადოთ და ჩამოშორდეთ იმ საქმეს რომლის არც კომპეტენცია და არც პროფესიონალიზმი არ გაგაჩნიათ! ბოლო წინადადება თუ გეცნოთ, გაიხსენეთ 2015 წელი.

სრულიად გამოაგნებელი სიგიჟე მოხდა, უკვე მეორეჯერ ვრჩებით ერთა ლიგის გადამწყვეტ მატჩში ხვიჩა კვარაცხელიას გარეშე. ასეთი სისულელე, უსუსურობა არსად გაგონილა. არაფერს პოზიტიურს აღარ ქმნის ფედერაცია, მხოლოდ საქმეს აფუჭებენ! 30 კაციანი დელეგაციით დაყვებიან ყველა ნაკრების თამაშს, ამ დროს კი მსაჯებს 3-4 თვის ხელფასს არ უხდიან. სამაგიეროდ სხედან პარლამენტში და იქ მოაქვთ სარგებელი ქვეყნისთვის-თქო ვიტყოდი, მაგრამ ვერც მაგას ვიტყვი სამწუხაროდ. ეგ კი არა, საკითხავი ისაა სად უფრო აფუჭებენ საქმეს.

ამ სიტუაციაში ხვიჩა ნაკლებადაა გასაკრიტიკებელი, მაგრამ ისიც ფაქტია რომ ძალიან მოუხშირა მსაჯებთან კამათს და ამას არც იტალიაში აპატიებენ, არც ჩემპიონთა ლიგაზე. მესმის ბევრს ურტყავენ და რთულია ამის მოთმენა, მაგრამ მაგისთვის არის კაპიტანი რომ მივიდეს და დაელაპარაკოს მსაჯს. “წუწუნა” ფეხბურთელის რეპუტაცია თუ შეიქმნა, ეს პირველ რიგში მის კარიერას დააზიანებს.

პ.ს სასაცილოა სატირალი რომ არ იყოს, ფედერაცია არცერთ სოციალურ ქსელში არ ავრცელებს ინფორმაციას ხვიჩას დისკვალიფიკაციაზე. კრიტიკაზე აცრილი ერი ვართ და ამას არაფერი კარგი არ მოაქვს ჩვენთვის. მე ვარ საქართველოო, ყველამ ერთად უნდა ავიღოთ პასუხისმგებლობაო, ბრტყელ-ბრტყელი პოპულისტური ლოზუნგები… არაფერი არ იცვლება ამ ქვეყანაში!

სასწაულია ეს ბიჭი! ❤️

ბუდუ ზივზივაძე ბოლო 6 თამაშში:

257 წუთი
6 გოლი
გოლი ყოველ 43 წუთში 🤯

კიდევ კარგი ჭადრაკს არ გაყვა მართლა 😀

ამ გრძელ სიაში თქვენ ხედავთ უეფას არსებობის ისტორიაში 100 ყველაზე წარმატებულ კლუბს. 70 წლიან ისტორიაში დინამო თბილისი 74 ადგილს იკავებს და უსწრებს ისეთ გუნდებს როგორებიცაა: ლაციო, ატლეტიკ ბილბაო, ფრანკფურტის აინტრახტი, ვილეარეალი, ბრემენის ვერდერი და ა.შ.

ეს რეიტინგი შედგენილია ევროთასებზე დაგროვილი უეფას კოეფიციენტებით. წარმოიდგინეთ, ბოლო 20 წელზე მეტია თბილისის დინამო თავის საერთაშორისო რეპუტაციას ცვეთს, 5 წლის წინ დაარსებულ და სამოყვარულო გუნდებთან აგებს ევროთასებზე, მაგრამ მაინც 74 ადგილზეა ამ მონაცემით. საცოდაობაა ამ ბრენდის განადგურება, უპატიებელი ცოდვაა იმ ლეგენდების წინაშე ვინც ამ გუნდს სახელი მთელი მსოფლიოს მასშტაბით გაუთქვეს.

პ.ს ბოლო 10 წლის საუკეთესო აკადემიების სიას თუ შეადგენს ვინმე, არც იქ იქნება დინამო ასეულს მიღმა. სავარჯიშო პირობებით და ბაზითაც იქვეა. საოცრებაა ამ ყველაფრის მიუხედავად ამ დღეში რომაა ეს გუნდი.

თბილისის ლოკომოტივმა დაიმატა ორი ლეგიონერი. სომალელი ფეხბურთელი, რომელმაც ბოლოს 1 წლის წინ ითამაშა ფეხბურთი და მოზამბიკელი ფორვარდი რომელსაც კარიერა დასრულებული ჰქონდა და 3 წელია პროფესიონალურ დონეზე არ უთამაშია. გუნდი, რომელსაც საკმაოდ წარმატებული აკადემია ყავს, მათი ქართველი აღსაზრდელების მაგივრად, სათამაშო დროს ნაგავ ლეგიონერებს მისცემს. ქართული სტანდარტებისთვისაც კი წარმოუდგენელი სისულელეა!

📷 FC Locomotive Tbilisi

ქართული გუნდების სტატისტიკა წლევანდელ ევროტურნირებზე:

12 თამაში
3 მოგება
4 ფრე
5 წაგება
გაშვებული 20 გოლი

მხოლოდ ერთმა გუნდმა გადალახა ერთი ეტაპი

ამ ყველაფრის პარალელურად ევროთასების ფინალურ ეტაპზე თამაში გაინაღდეს სომხურმა, ლიტვურმა, მოლდოვურმა და აზერბაიჯანულმა კლუბებმა. ყოფილი საბჭოთა კავშირის ყველა ევროპულმა ქვეყანამ ჩვენზე უკეთესი შედეგი აჩვენა წელს.

რაღაც უნდა შევცვალოთ!

© ეროვნული ლიგა

განტევების ვაცი - როგორც ჩანს ბათუმის დინამოს ხელმძღვანელებმა საკუთარი არაკომპეტენტურობის გადაბრალება ლაზარე კუპატაძეზე სცადეს. კრისტალსპორტის მიხედვით, საქართველოს ჩემპიონატის ერთ-ერთი საუკეთესო მეკარე, ეროვნული ნაკრების წევრი და ბრატისლავაში გმირული სეივების ავტორი ყველა დამსახურების და მიუხედავად გუნდიდან სამარცხვინოდ გააძევეს.

მრავალჯერ ნაქები (მათ შორის ჩემს მიერაც) ბათუმის დინამოს მენეჯმენტი საოცრებებს აკეთებს. გუნდმა ევროთასებამდე 7 ფეხბურთელი დაკარგა, შევსება თითქმის არ მიიღო და სამატჩო განაცხადისთვის 18 ფეხბურთელიც კი ვერ მოაგრავა. ჯოხი კი გადატყდა ფეხბურთელზე, რომელიც სლოვანთან პირველი მატჩის უპირობო გმირი იყო. კი ბატონო, ძალიან ცუდი შეცდომები დაუშვა კუპატაძემ ბოლო ორ თამაშში, მაგრამ სხვა თუ არაფერი ევროთასები ფორმალურად არც კი დასრულებულა ჯერ ბათუმელთათვის.

იცით რას მაგონებს ეს ყველაფერი ერთი ერთში? რომან ფიფიას და მის პირველ წლებს თბილისის დინამოში. ძალები მოიკრიბეთ ბათუმელებო, ეს ყველაფერი, როგორც წესი, ძალიან ცუდად სრულდება ხოლმე!

ძალიან სასიამოვნოდ გამაკვირვა საბურთალომ. ევროთასების დაწყებამდე ამ გუნდის მიმართ მოლოდინი ყველაზე ნაკლები იყო, მაგრამ ფაქტია - საბურთალომ ქართულ საკლუბო ფეხბურთს სახე შეუნარჩუნა!

ვაღიარებ სკეპტიკოსთა სიაში მეც ვიყავი და ძალიან მიხარია რომ ვცდებოდი. ამ გუნდმა თავისი აკადემიით მიაღწია ყველაფერს, გუნდის თითქმის ყველა ლიდერი მათივე აღზრდილია და ფეხბურთელებს ეტყობათ, რომ გუნდისთვის თამაშობენ. პირველ რიგში აპლოდისმენტები ლაშა ნოზაძეს, ურთულეს მომენტში ჩაიბარა გუნდი და მოასწრო თავისი ფეხბურთელების სწორად მომზადება. ბევრად უფრო გამოცდილმა მწვრთნელმა ვერ მოახერხა ეს უკეთესი რესურსით.

არ შემიძლია ცალკე არ გამოვყო გიორგი გოჩოლეიშვილი. ფანტასტიური ფეხბურთელია, ყველაფერი აქვს იმისთვის, რომ ბევრად მაღალ დონეზე ითამაშოს ძალიან მალე.

📷 FC Saburtalo

სამწუხაროდ დინამო ბათუმმა გამანადგურებელი ანგარიშით წააგო ლეხთან პოზნანში და შემდეგ ეტაპზე გასვლის შანსი ფაქტობრივად არ დაიტოვა.

ამ საევროთასო სეზონში იყო ბევრი უიღბლობა, უსამართლობაც კი, მაგრამ საბოლოო ჯამში შედეგი კანონზომიერია. სლოვანი საგრძნობლად გაძლიერდა ევროსეზონამდე, სოლიდური შევსება მიიღო ლეხმაც, ამ დროს კი დინამო ბათუმი ძალიან დასუსტდა გამოკვეთილი ლიდერის წასვლით, საპირწონედ კი ვეტერანი ვაწაძის შევსება მიიღო, რაც საკმარისი რა თქმა უნდა არ აღმოჩნდა. რაზე უნდა ვილაპარაკოთ, ლეხმაც და სლოვანმაც ბევრად მაღალი დონის ქართველი ფეხბურთელები დაიმატეს, ვიდრე საქართველოს ჩემპიონმა...

ძალიან მწარედ ჩაგვახედეს სარკეში პოლონელებმა და იმედია ბათუმის დინამოს ხელმძღვანელობა ისწავლის ამ შეცდომებზე და გააძლიერებს ამ გუნდს ისე, როგორც ამას ბათუმელი გულშემატკივარი იმსახურებს. დღეს თამამად შეიძლება ითქვას რომ ბათუმური გუნდის მესვეურებმა ძალიან დააგვიანეს ტრანსფერების გაკეთება და ევროსეზონს გუნდი აშკარად მოუმზადებელი შეხვდა. ამაზე ისიც მეტყველებს, რომ სლოვანთან მატჩში დასაშვებზე 4 ფეხბურთელით ნაკლები ყავდა დინამოს სათადარიგოთა სკამზე.

📷 FC Dinamo Batumi