Sport Sphere

გთავაზობთ ვაჟთა წონების ხუთეულებს და 20-ეულში მყოფი ქართველი ძიუდოისტების რეიტინგს. ასევე - ქალთა რეიტინგს იმ ორ წონაში, სადაც ლიცენზიის მოპოვებას ვეშურებით.

ნაპოლისა" და "ბარსელონას" შორის გასამართი მატჩების თარიღები ცნობილია

როგორც გუშინ გაცნობეთ, ჩემპიონთა ლიგის მერვედფინალში "ნაპოლი" "ბარსელონას" დაუპირისპირდება.

გუნდებს შორის გასამართი მატჩების თარიღი კი მოგვიანებით გახდა ცნობილი.

პირველ დაპირისპირებაში "ბარსა" "ნაპოლის" 21 თებერვალს ესტუმრება, საპასუხო მატჩი კი 12 მარტს ესპანეთში გაიმართება.

შენგელიას "ვირტუსმა" "ოლიმპიაკოსს" თამაში შემოუტრიალა და ევროლიგაზე მეორე ადგილზე დამკვიდრდა 🔥

ევროლიგის მე-15 ტურში თორნიკე შენგელიას „ვირტუსმა“ საკუთარ მოედანზე „ოლიმპიაკოსი“ 69:67 დაამარცხა.

აღსანიშნავია, რომ მასპინძლები მთელი მატჩის განმავლობაში მდევრის როლში იყვნენ და საბოლოოდ მაინც შეძლეს გამარჯვების მოპოვება.

შენგელიამ 29:39 წუთში 6 ქულა (5-დან 1 ორქულიანი, 2-დან 0 სამქულიამი, 4-დან 4 საჯარიმო), 9 მოხსნა და 3 პასი მიითვალა.

ბოლონიური გუნდი 11 მოგებით მეორე ადგილზეა და 21 დეკემბერს გასვლაზე „ვალენსიას“ დაუპირისპირდება.

ივანიშვილმა და აფრასიძემ "ევროპა გაანათეს"

ცნობილმა სარაგბო ვებგვერდმა Planetrugby-მ, ჩემპიონთა თასისა და ჩელენჯ თასის მეორე ტურის გამორჩეული მოთამაშეები შეარჩია.

"ეს იყო გამორჩეული უიქენდი განვითარებადი ერებისთვის, განსაკუთრებით, "შავი ლომისთვის", რომელმაც მორიგი ისტორიული გამარჯვება მოიპოვა, ამჯერად ჩელენჯ თასის სადებიუტო სეზონში“ – წერს გამოცემა, რომლის საუკეთესო ხუთეულში ლუკა ივანიშვილთან და გელა აფრასიძესთან სამი კუნძულელი მოხვდა.

ლუკა ივანიშვილი "სქარლეთსთან":

"როგორც ჩანს, ქართველებისთვის ტრადიციად იქცა უელსელებისთვის გულის დაწყვეტა. 2022 წელს "ბორჯღალოსნებმა" უელსი დაამარცხეს, ამ უქმეებზე კი "შავმა ლომმა" ჩელენჯ თასზე უელსური მეტოქე გაანადგურა.

მაღალი სტანდარტი და მომაკვდინებელი დაცვის ხაზი გაუვალი

აღმოჩნდა "სქარლეთსისთვის" და მას შემდეგ, რაც მოედანზე მტვერი დაჯდა, გამარჯვება ქართულ გუნდს დარჩა. ლუკა მატკავა მატჩის საუკეთესო მოთამაშედ აღიარეს, თუმცა ჩვენი აზრით, შექებას "შავი ლომის" 8 ნომერი ლუკა ივანიშვილი არანაკლებად იმსახურებს.

საქართველოს ნაკრების ახალგაზრდა მოთამაშემ ჰლანეჰლიში შესანიშნავი პერფორმანსი შემოგვთავაზა, შეასრულა 15 ბოჭვა, ბურთით ხელში 8-ჯერ შეუტია და ორჯერ გაახერხა თერნოვერი, რითაც "სქარლეთსი" საკუთარ ნახევარზე დააბრუნა. ფიზიკურად ძლიერი ფორვარდი შეუდარებელი იყო და არცთუ კარგი სტარტის შემდეგ თანაგუნდელებს ხასიათი გამოუკეთა. მისი აგრესია და სიკაშკაშე ერთ-ერთი ფაქტორი იყო, რამაც "შავ ლომს" მეორე ტაიმში კომფორტული უპირატესობა მოუტანა".

ოსიმენი აფრიკის საუკეთესო ფეხბურთელი გახდა.

აფრიკის 2022/23-ის სეზონის საუკეთესო ფეხბურთელად "ნაპოლისა" და ნიგერიის ნაკრების თავდამსხმელი ვიქტორ ოსიმენი დაასახელეს.

ოსიმენის კონკურენტები მოჰამედ სალაჰი და აშრაფ ჰაკიმი იყვნენ.

გასულ სეზონში ოსიმენი 26 გატანილი გოლით სერია A-ს ბომბარდირი გახდა, ხოლო ნიგერიის ნაკრების შემადგენლობაში აფრიკის თასის საკვალიფიკაციო ეტაპზე 10-ჯერ დალაშქრა მეტოქეთა კარი და შესარჩევი ტურნირის ბომბარდირი გახდა.

აფრიკის საუკეთესო მეკარედ იასინ ბუნუ ("ალ ჰილალი" - მაროკო) დაასახელეს, საუკეთესო მწვრთნელად კი - ვალიდ რეგრაგი, რომლის ხელმძღვანელობით, მაროკოს ნაკრები კატარში ჩატარებულ მსოფლიო ჩემპიონატზე ნახევარფინალში გავიდა.