Tidani ფიტნეს ცენტრი

ღამის ცვლაში მუშაობა

ღამეების გათენება( ნაწილი 2)


ეს ძალიან მნიშვნელოვანი თემაა, რადგან ღამის ცვლაში მომუშავე ადამიანები ხშირად საკუთარ თავს ადანაშაულებენ:
“რატომ ვერ ვიკლებ?”
“რატომ მაქვს მუდმივად შემოტევები?”
“რატომ ვარ შეშუპებული/გაღიზიანებული/დაქანცული?”

და სინამდვილეში ორგანიზმი უბრალოდ ბუნებრივ ბიორითმს ებრძვის .

ჩვენი სხეული მუშაობს ცირკადული რიტმით —
ანუ შიდა “საათით”, რომელიც სინათლესა და სიბნელეზეა აწყობილი.

დღისით სხეული ელოდება:
მოძრაობას
საჭმლის მონელებას
ენერგიას

ღამით კი:
აღდგენას
ჰორმონალურ “რემონტს”
უჯრედების განახლებას
ნერვული სისტემის დამშვიდებას

და აქ მთავარი კითხვა :

დღის ძილი სრულად ცვლის ღამის ძილს?
— სამწუხაროდ, არა ბოლომდე .

დიახ, დღის ძილი გარკვეულ აღდგენას აკეთებს.
თუ საერთოდ არ დაიძინე — ბევრად უარესია.
მაგრამ ორგანიზმის ნაწილი მაინც “იბნევა”.

აი რატომ:

მელატონინი

ეს არის “ღამის ჰორმონი”.

სიბნელეში მატულობს და ტვინს ეუბნება:
“აღდგენის დროა .”

ღამის განათება, ეკრანი, სამსახურის სინათლე —
მელატონინს თრგუნავს.

შედეგად:
ძილის ხარისხი ეცემა
აღდგენა სუსტდება
ანტიოქსიდანტური დაცვა მცირდება.

ინსულინი და მეტაბოლიზმი

ღამით სხეული ბუნებრივად უფრო ცუდად ამუშავებს:

* შაქარს
* სწრაფ ნახშირწყლებს
* მძიმე საკვებს

ანუ იგივე სენდვიჩი:
დღისით → შედარებით ნორმალური რეაქცია
ღამით → უფრო მაღალი შაქარი და ინსულინი

სწორედ ამიტომ ღამის ცვლაში ხშირია:
მუცლის ცხიმი
ინსულინრეზისტენტობა
მუდმივი შიმშილი
ენერგიის ვარდნა

კორტიზოლი

ნორმაში კორტიზოლი დილით უნდა იმატებდეს, რომ გაგვაღვიძოს.

როცა დღე-ღამე არეულია:
დილით ვერ “ირთვება” ნორმალურად
ღამე ზედმეტად აქტიურობს

და ადამიანი ხდება:

* “გადაღლილი”
* ვერგამოძინებული
* ემოციურად გადაძაბული

ფსიქოლოგიურად რა ხდება?

ქრონიკული ღამის თევა ხშირად ზრდის:

* შფოთვას
* გაღიზიანებას
* ემოციურ ჭამას
* დოფამინურ დამოკიდებულებებს

რატომ?

ტვინი დაღლილია და სწრაფ “კომფორტს” ეძებს:
ტკბილი
სქროლი
სერიალები
კოფეინი

ამიტომ ღამის რეჟიმში ადამიანი ხშირად ამბობს:
“თითქოს საკუთარი თავი აღარ მემორჩილება.”

დღის ძილი რას აკეთებს?

დღის ძილი:
✔ ნაწილობრივ აღადგენს ენერგიას
✔ ამცირებს ტვინის გადაღლას
✔ აუცილებელია ღამის მუშაკებისთვის

მაგრამ:
სრულად ვერ იმეორებს ღამის ღრმა ძილის ჰორმონალურ ეფექტს
განსაკუთრებით თუ:

* ოთახი ნათელია
* ძილი წყვეტილია
* ხმაურია
* მოკლეა

ამიტომ ღამის ცვლაში მომუშავე ადამიანებისთვის ყველაზე მნიშვნელოვანია:

🌸მაქსიმალურად ბნელი ოთახი
🌸ერთსა და იმავე დროს დაძინება
🌸ღამის განმავლობაში მძიმე ჭამის შემცირება
🌸კოფეინის შეწყვეტა ცვლის ბოლოსკენ
🌸ცილის და ბოჭკოს დამატება
🌸დასვენების დღეებში რეჟიმის სრული “გადატრიალების” არგაკეთება

და მთავარი !
ღამის ცვლაში მყოფი ადამიანის ორგანიზმი “ზარმაცი” არ არის.
ის უბრალოდ მუდმივად ცდილობს გადარჩეს რეჟიმში, რომელიც ბიოლოგიურად მისთვის ბუნებრივი არ არის 🥹ღამის ცვლაში მომუშავეებისთვის მთავარი მიზანი ხშირად არა “იდეალური რეჟიმი”, არამედ
❤️ ორგანიზმისთვის ზიანის მაქსიმალურად შემცირებაა.

რადგან ბიოლოგიურად სხეული მაინც დაიბნევა,
მაგრამ სწორი ჩვევებით შეიძლება:
✔ წონის კონტროლი
✔ ინსულინის დაცვა
✔ დამოკიდებულებების შემცირება
✔ ენერგიის შენარჩუნება

P.S.რეკომენდაციები , თუ როგორ დავიცვათ თავი ღამის მუშაკებმა
იხ. მომდევნო პოსტში.
“ თიდანი” მუდამ თქვენს გვერდით❤️

პერსონალური სავარჯიშო სისტემა
“ თიდანის” ხელმძღვანელი

Tinatin Aladashvili

ღამის თენება და წონაში მატება
( ნაწილი 1)

სერიალს შეყევი?
სქროლავ?
მეგობარს ჩათში ეჭორავები?
ისე გათენდა ვერც გაიგე?

ეს კომბინაცია- ღამის თენება + სერიალი + ღამით ჭამა
ორგანიზმისთვის მართლა ერთ-ერთი ყველაზე დიდი მახეა, იმიტომ რომ ტვინს ჰგონია:
„ვერთობი, ვისვენებ, არაფერს ვაშავებ“
და ამ დროს სხეული ჩუმად გადადის სრული ქაოსის რეჟიმში 🥹
მეგობარმა მთხოვა:
-“თინი მოდი რა ჩემს შვილს აუხსენი რამე, ღამეებს ათენებსო❤️”

რა ხდება რეალურად:

ღამე 2-3-ის მერე ორგანიზმი უკვე აღარ არის შექმნილი საჭმლის გადასამუშავებლად.
ინსულინის მგრძნობელობა ეცემა და იგივე საკვები, რომელსაც დღისით შედარებით ნორმალურად გაუმკლავდებოდა, ღამით უფრო ადვილად გადადის:ცხიმის დაგროვებაში განსაკუთრებით მუცელზე და გვერდებზე

უძილობა პირდაპირ ზრდის:
• გრელინს — “მშიერი ვარ” ჰორმონს
• და ამცირებს ლეპტინს — “მეყოფა” ჰორმონს

ანუ მეორე დღეს შენ რეალურად უფრო მშიერი ხარ.
არა იმიტომ, რომ “ხასიათი გაქვს გაფუჭებული”,
არამედ ჰორმონალურად ტვინი
ითხოვს სწრაფ ენერგიას.

4-5 საათის მერე კორტიზოლი იწყებს არასწორ თამაშს.
ღამის თენება სხეულისთვის პატარა სტრესია.
და კორტიზოლი განსაკუთრებით ხელს უწყობს:
მუცლის ცხიმს
შეშუპებას
წყლის შეკავებას
შაქრის რყევებს
აკვიატებულ კვებას

და ყველაზე მეტად რაში ვტყუვდებით?

ღამე ადამიანს ხშირად ჰგონია:
„დღეს ბევრი არც მიჭამია“
მაგრამ ტვინი უძილობაზე ითხოვს:
ტკბილს
მარილიანს
მარტივ ნახშირწყალს
ნებისმიერ გემრიელობას
აბა მჟავე, აბა ტკბილი, აბა ძეხვი, მერე შოკოლადი, ორცხობილა , იოგურტმა რა დააშავა?…

რადგან დაღლილ ტვინს სწრაფი დოფამინი უნდა.

შედეგად მივიღეთ კომბო:
ცუდი ძილი
მეტი შიმშილი
მეტი ინსულინი
მეტი აკვიატება
მეტი შეშუპება
უფრო რთული გახდომა

და კიდევ ერთი მნიშვნელოვანი რამ :
ღამის 3-4 საათზე ჭამა ხშირად უკვე “ფიზიოლოგიური შიმშილი” აღარ არის.
აქ უფრო ხდება:
დაღლილი ნერვული სისტემის დამშვიდება
დოფამინის ძებნა
“დღე არ დამთავრდეს” ეფექტი
მარტოობის/გადაღლის კომპენსაცია

სერიალი აქ ძალიან დიდი ფარული მახეა🥹
რადგან ყოველ სერიაზე ტვინი იღებს პატარა დოფამინის “დარტყმას” და ძილს კიდევ უფრო აჭიანურებს.

და ბოლოს ყველაზე უსამართლო ნაწილი 🤦‍♀️
ერთსა და იმავე კალორიაზე:

* ადრე იკლებდი
* ახლა კი აღარ იკლებ!

რატომ?
რადგან ძილის ქრონიკული დარღვევა პირდაპირ ანელებს მეტაბოლურ პროცესებს და ართულებს ცხიმის წვას.

მაგრამ “ თიდანი” რისი “ თიდანია” კარგი ამბავით, რომ არ დაგამშვიდოთ❤️
და გირჩიოთ:
ჯერ “იდეალური დიეტით ” კი არა,
უბრალოდ ასე დავიწყოთ:
12-1 საათამდე დაძინება
ღამის ჭამის შემცირება
ეკრანის ცოტა ადრე გამორთვა

და უკვე:
✔ შიმშილი მცირდება
✔ შეშუპება კლებულობს
✔ მუცელი პატარავდება
✔ წონა ისევ გემორჩილებაა

ანუ შენ “გაფუჭებული მეტაბოლიზმი” კი არ გაქვს,
უბრალოდ ორგანიზმი ახლა ღამის რეჟიმშია ჩარჩენილი …
ეს ეტაპი ძალიან ბევრს ემართება, განსაკუთრებით როცა ადამიანი გადაღლილია ან ტვინს დღის ბოლოს “თავის გამორთვა” უნდა 🥹

ხშირად პრობლემა მარტო კვება კი არაა,
არამედ ეს შეგრძნება:
“დღე ჩემთვის ჯერ არ დასრულებულა…”
დღეს დღე მოსდევს, ღამეს ღამე
მთელი ცხოვრება წინ გვაქვს და გვახსოვდეს :
“ გვიან არასოდეს არაა” ❤️
“თიდანი “ მუდამ თქვენს გვერდით❤️

პერსონალური სავარჯიშო სისტემა “ თიდანის” ხელმძღვანელი

Tinatin Aladashvili

რძის პროდუქტები

რძის პროდუქტებზე იმდენი ურთიერთსაწინააღმდეგო ინფორმაცია ტრიალებს, ადამიანს ბოლოს ჰგონია ან “სუპერპროდუქტია” ან “შხამი” 🥹
სიმართლე შუაშია — ბევრისთვის ძალიან სასარგებლოა, მაგრამ მნიშვნელობა აქვს:

* ფორმას (რძე ,მაწონი ,იოგურტი,ყველი)
* რაოდენობას
* დროს
* ორგანიზმის მდგომარეობას (ინსულინრეზისტენტობა, ლაქტოზის აუტანლობა, აკნე, შებერილობა და ა.შ.)

რძის პროდუქტების მთავარი პლიუსებია- კარგი წყაროა:

* ცილის
* კალციუმის
* B ჯგუფის ვიტამინების
* პრობიოტიკების (მაწონი, კეფირი, იოგურტი)
* კუნთისა და ძვლის მხარდაჭერის

განსაკუთრებით:

* მენოპაუზაში
* ასაკთან ერთად სარკოპენიის პრევენციისთვის
* წონის კლებისას კუნთის შესანარჩუნებლად
* ვარჯიშის ფონზე

განვუხილოთ ყველაზე საინტერესო — ინსულინი და რძის პროდუქტები .

აქ არის ნიუანსი:

ზოგი რძის პროდუქტი დაბალ გლიკემიურია, მაგრამ მაინც შეუძლია ინსულინის შედარებით ძლიერი პასუხი გამოიწვიოს.

რატომ?
რადგან:

* ლაქტოზა = რძის შაქარი
* შრატის ცილა საკმაოდ ინსულინოგენურია

ანუ:
შაქარი ცოტაა, მაგრამ ინსულინი მაინც შეიძლება “გააქტიურდეს”.

ეს განსაკუთრებით ეხება:

* რძეს
* ტკბილ იოგურტებს
* დასალევ იოგურტებს
* whey-ით გამდიდრებულ პროდუქტებს

მაგრამ ფერმენტირებული პროდუქტები (მაწონი, კეფირი, ბერძნული იოგურტი) ხშირად უკეთ გადაიტანება .

მიდი განვიხილოთ თითოეული პროდუქტი ცალ-ცალკე პლიუსები:

* ცილა
* კალციუმი
* სწრაფი ენერგია

მინუსები:

* ზოგს შებერილობას აძლევს
* ლაქტოზა ყველას არ უხდება
* შეიძლება აკნე გაამწვავოს
* ინსულინზე შედარებით აქტიურად მოქმედებს

როდის ჯობს?

* დილით
* ვარჯიშის შემდეგ
* მცირე რაოდენობით ღამით

რაოდენობა:

150–250 მლ საკმარისია.

ვის არ უხდება ხშირად:

* ინსულინრეზისტენტობისას დიდი დოზებით
* PCOS-ის ნაწილში
* აკნესკენ მიდრეკილებში
* შებერილობისას

იოგურტი - საუკეთესო არჩევანი:

* უშაქრო
* ბერძნული
* მაღალი ცილით

რატომაა კარგი:

* უფრო ნელა მოქმედებს შაქარზე
* დანაყრებას ზრდის
* ნაწლავს ეხმარება

იდეალური კომბინაციები:

* კენკრა
* ჩია
* დარიჩინი
* თხილი

რას არ უხდება:

* ტკბილ გრანოლებთან და თაფლის დიდ დოზებთან ერთად ხშირად უკვე “დესერტი” გამოდის .

კეფირი ძალიან კარგი ვარიანტია თუ:

* შებერილობა გაქვს
* ანტიბიოტიკების შემდეგ ხარ
* ნაწლავის მიკრობიომზე მუშაობ

პლიუსი:

ხშირად რძეზე უკეთ იტანენ.

დრო:

* დღის პირველ ნახევარში
* ან მოსაღამოვებისას

ხაჭო ცხიმის კლების დროს ერთ-ერთი საუკეთესო პროდუქტია ❤️

რატომ?

* მაღალი ცილა
* კარგად ანაყრებს
* კუნთს იცავს

მაგრამ:

ზოგს შეკრულობას ან შებერილობას აძლევს.

როდის?

* საუზმე
* ვარჯიშის შემდეგ
* საღამოსაც შეიძლება მცირე რაოდენობით.

რაოდენობა:

100–200 გრამი.

ყველი -კარგი მხარე:

* ძალიან ანაყრებს
* ცხიმი + ცილა
* შაქარს სწრაფად არ წევს

სიფრთხილე:

* კალორიულია
* მარილი ბევრია
* “ცოტა” ხშირად “ბევრი” ხდება

კარგი დოზა:

30–60 გრამი.

საუკეთესო კომბინაცია:

* ბოსტნეულთან
* კვერცხთან
* არა პურთან + მაკარონთან ერთად ერთ ჭამაზე

ნადუღი - ძალიან კარგი ვარიანტია:

* მსუბუქია
* ადვილად მოსანელებელი
* ცილაც აქვს

მაგრამ:

თუ ძალიან უცხიმოა, სწრაფად შეიძლება მოგშივდეს.

კარგია:

* მწვანილთან
* კიტრთან
* ცოტა ზეთისხილით

მაწონი ერთ-ერთი ყველაზე დაბალანსებული ვარიანტია ❤️

რატომ?

* ფერმენტირებულია
* ნაწლავს ეხმარება
* შედარებით რბილია ინსულინზე

კარგი დრო:

* ლანჩთან
* ვახშამთან
* ცხელ დღეებში

ძალიან კარგი კომბო:

მაწონი + კიტრი + მწვანილი + ცოტა ნიგოზი

რძის პროდუქტები ღამე შეიძლება?

კი, მაგრამ გააჩნია რასთან.

ღამით უკეთესი არჩევანია:

* ხაჭო
* მაწონი
* კეფირი
* ნადუღი

ნაკლებად კარგი:

* ტკბილი იოგურტები
* დიდი ჭიქა რძე
* ყველის დიდი რაოდენობა

დროებით თავის შეკავება ჯობს

თუ გაქვს:

* მუდმივი შებერილობა
* აკნე
* ძლიერი ინსულინრეზისტენტობა
* PCOS
* ლაქტოზის აუტანლობა
* კუჭ-ნაწლავის გაღიზიანება

ზოგჯერ 2–3 კვირიანი დაკვირვებითი შემცირება ძალიან ინფორმაციულია.

📌” თიდანი” გირჩევთ:

ყველაზე კარგი ყოველდღიური ვარიანტებია:

1. მაწონი
2. კეფირი
3. უშაქრო ბერძნული იოგურტი
4. ხაჭო
5. ნადუღი

უფრო ფრთხილად:

* რძე
* ტკბილი იოგურტები
* გადამუშავებული “ფიტნეს” რძის დესერტები
* ძალიან ბევრი ყველი

და მთავარი:
რძის პროდუქტი მარტო არ “ასუქებს” ❤️
კონტექსტი წყვეტს ყველაფერს:

* რაოდენობა
* კომბინაცია
* საერთო კალორიები
* აქტივობა
* ძილი
* ინსულინის მდგომარეობა
პერსონალური სავარჯიშო სისტემა “ თიდანის” ხელმძღვანელი
Tinatin Aladashvili

სულ ტკბილზე რომ ვსაუბრობთ, მჟავემ რა დაგვიშავა?

ვაგრძელებთ ორგანიზმში პროდუქტების “ ქცევებზე”
დაკვირვებას.
რატომ უნდა მოუნდეს ადამიანს უცებ მაგალითად მწნილი?

შეიძლება იყოს:

* დაღლა
* დეჰიდრატაცია
* მარილის მოთხოვნა
* მადა და “ აკვიატება”
* PMS
* დაბალი ენერგია

ზოგჯერ ქალი ამბობს:

“ტკბილი აღარ მინდა, ეხლა მჟავე მიზიდავს!”

და ეს რეალურია 😄

როდის გვაწყენს?

თუ გვაქვს:

* გასტრიტი
* რეფლუქსი
* კუჭის მაღალი მჟავიანობა
* წყლული
* გაღიზიანებული კუჭი

მაშინ:

* ლიმონი უზმოზე
* ძმარი დიდი რაოდენობით
* ძალიან ცხარემ+მჟავე შეიძლება კუჭი გაგიღიზიანოთ.


რას უხდება მჟავე?

ძალიან კარგი კომბინაციებია:

* ხორცთან -მონელების მხრივ
* ცხიმიან საკვებთან -„ ამსუბუქებს“
* ნახშირწყლებთან- გლუკოზის მკვეთრი ნახტომის შესასუსტებლად
* სალათებთან
* ცილასთან

მაგრამ…

თუ ადამიანი მთელი დღე:

* ყავაზეა
* სტრესშია
* კუჭი გაღიზიანებული აქვს
* არაფერს ჭამს და მერე ლიმონიან წყალს სვამს

ეს „ფიტნესური“ რიტუალი ზოგჯერ კუჭს უფრო აღიზიანებს, ვიდრე ეხმარება.

კარგი იდეებია:

✔ სალათაში ცოტა ძმარი
✔ ლიმონი თევზთან/ხორცთან
✔ მაწონი მძიმე კვებასთან
✔ ტყემალი ზომიერად
✔ ფერმენტირებული პროდუქტი ნაწლავებისთვის

განვიხილოთ ქართველებისთვის საყვარელი სადილის
ლობიო + მჟავეს კომბინაცია.
მწნილი ქართულად ისეთი „ინტუიციურად ჭკვიანი“ კომბინაციაა, რომ ხალხურმა სამზარეულომ ბევრად ადრე მოიფიქრა, ვიდრე დიეტოლოგიები მოიფიქრებდნენ.

ლობიო:

* შედარებით მძიმეა მონელებისთვის
* ბევრ ბოჭკოს შეიცავს
* ნაწლავში ფერმენტაციას იწვევს

მჟავე/ფერმენტირებული დანამატი კი:

* გემოს „ჭრის“
* ცხიმიანობას და სიმძიმეს აბალანსებს
* მონელების შეგრძნებას ამსუბუქებს
* ნერწყვისა და კუჭის წვენის გამოყოფას ააქტიურებს

ამიტომ ლობიოსთან:

* მწნილი
* ტყემალი
* “კვაშენნაია კაპუსტა”
* ხახვი+ძმარი
ძალიან ბუნებრივი დანამატია.

კომბოსტოს მწნილი — რეალურად კარგი პროდუქტია?
საკმაოდ საინტერესო პროდუქტია.

თუ ნამდვილი ფერმენტირებულია (და არა უბრალოდ ძმარში „დამარინადებული“):

* შეიცავს სასარგებლო ბაქტერიებს
* ნაწლავის მიკრობიომს ეხმარება
* მონელებას უწყობს ხელს
* შეიძლება შებერილობაც კი შეამციროს ზოგ ადამიანში

ასევე:

* დაბალკალორიულია
* საკმაოდ განაყრებს
* აკვიატებულ კვებაზე ზოგჯერ კარგად მოქმედებს

„ცოცხალი“ ფერმენტირებული და უბრალოდ დამარინადებული — განსხვავებაა

1. ფერმენტირებული:

(კვაშენნაია კაპუსტა, ბუნებრივი მწნილი)

აქ ბაქტერიები რეალურად მუშაობენ.

ეს უფრო „პრობიოტიკურ“ ეფექტს იძლევა

2. უბრალოდ ძმრიანი მარინადი:

* კიტრი
* პომიდორი
* კომერციული მწნილები

აქ შეიძლება :

* გემო
* მჟავიანობა
* მარილი
იყოს მთავარი და არა პრობიოტიკური ეფექტი.

მწნილების პლიუსები

✔ მადის კონტროლი

ზოგ ადამიანს:

* ტკბილზე სურვილს უმცირებს
* „რამე მინდა“-ს ამშვიდებს

✔ მონელების მხარდაჭერა

განსაკუთრებით:

* მძიმე
* ცხიმიან
* პარკოსან
საკვებთან.

✔ ნაწლავის მიკრობიომი

ნამდვილი ფერმენტირებული პროდუქტი აქ საინტერესოა.

✔ დაბალკალორიული „სატკაცუნო“

ხშირად ადამიანს საღამოს:

* ჩიფსი უნდა
* პური უნდა
* ტკბილი უნდა

და 2-3 ცალი მწნილი რეალურად „გადაატანინებს“.

მინუსები და სიფრთხილე

მარილი

ეს მთავარი თემაა.

ბევრი მწნილი ნიშნავს:

* წყლის შეკავება
* შეშუპება
* წნევის მატება
* დილით შეშუპებული სახე

განსაკუთრებით:

* PMS
* ინსულინრეზისტენტობა
* მაღალი კორტიზოლი
* ცუდი ძილი
ამ დროს მარილი უფრო იგრძნობა.

კუჭი

თუ გაქვს:

* გასტრიტი
* რეფლუქსი
* კუჭის გაღიზიანება

ძალიან მჟავე და მარილიანი მწნილი შეიძლება ცუდად წავიდეს.

„ჯანმრთელი“ არ ნიშნავს ულიმიტოს

📌” თიდანი” გირჩევთ:
მხოლოდ პროდუქტების კალორიები არაა ყოველთვის მთავარი.
დააკვირდით ორგანიზმის “ ქცევებს” და მიღებული პროდუქტების “ ქცევებსაც”.
და შევეცადოთ ყოველთვის ზომიერების დაცვას.
“ თიდანი” მუდამ თქვენს გვერდით
პერსონალური სავარჯიშო სისტემა “ თიდანის” ხელმძღვანელი
Tinatin Aladashvili

რით ვუშველოთ ღვიძლის გაცხიმოვნებას?

ღვიძლის გაცხიმოვნება (ე.წ. ცხიმოვანი ღვიძლი უმეტეს შემთხვევაში შექცევადია ❤️
ყველაზე კარგი ამბავი ზუსტად ესაა ღვიძლს აღდგენის საოცარი უნარი აქვს, თუ მიზეზს მოვაშორებთ.

ძირითადი “სამკურნალო ბირთვი” ასეთია:

1. ყველაზე ეფექტური — წონის დაკლება (თუნდაც მცირე)

თუ ადამიანს ზედმეტი ცხიმი აქვს,
სხეულის წონის დაახლოებით 5–10% დაკლებამ შეიძლება უკვე მნიშვნელოვნად შეამციროს ღვიძლის ცხიმი.

მაგალითად:

* 80 კგ -4–8 კგ დაკლებაც კი უკვე მუშაობს ღვიძლზე.

ძალიან მკაცრი შიმშილი არ ვარგა — შეიძლება პირიქით გააუარესოს.

2. შაქრის და “ინსულინის პიკების” შემცირება

განსაკუთრებით აზიანებს:

* ტკბილი სასმელები
* ფრუქტოზიანი პროდუქტები
* ხშირი “სუსნაობა”
* დიდი რაოდენობით თეთრი ფქვილი
* ღამის გადაჭარბებული ჭამა

ყველაზე პრობლემურია:

* კოლა/წვენები
* ტკბილეული
* ფასტფუდი
* დიდი რაოდენობით თეთრი პური + ტკბილი ერთად

3. ცილა + ბოსტნეული + ბოჭკო

ღვიძლს ძალიან ეხმარება:

* კვერცხი
* თევზი
* ქათამი
* ხაჭო/იოგურტი
* პარკოსნები
* მწვანე ბოსტნეული
* ბროკოლი
* კიტრი
* სალათები
* შვრია
* წიწიბურა

4. მოძრაობა — ყველაზე უებარი “წამალი”

ძალიან ეფექტურია:

* სწრაფი სიარული
* პილატესი
* მსუბუქი ძალოვანი
* ყოველდღიური მოძრაობა

თუნდაც:

* დღეში 30–40 წუთი სიარული
უკვე ამცირებს ღვიძლის ცხიმს.

5. ალკოჰოლის შეზღუდვა

თუ ღვიძლი უკვე გაცხიმოვნებულია, ალკოჰოლი მნიშვნელოვნად ამძიმებს მდგომარეობას — მცირე დოზებიც კი ზოგჯერ.

6. ძილი და სტრესი

ქრონიკული:

* უძილობა
* კორტიზოლის მომატება
* მუდმივი სტრესი

ასოცირდება ინსულინრეზისტენტობასთან და ღვიძლის გაცხიმოვნებასთან.

7. რა პროდუქტები ითვლება განსაკუთრებით სასარგებლოდ

კვლევებში ხშირად ჩანს სარგებელი:

* ყავა (უშაქროდ)
* ომეგა-3 (თევზი)
* ზეითუნის ზეთი
* ხმელთაშუა ზღვის ტიპის კვება
* ბოჭკო

8. რას უნდა ერიდოს ადამიანი “სასწაულ მკურნალობებში”

ფრთხილად:

* “ე.წ.”დეტოქს” ჩაისთან
* დაუდასტურებელი საკვები დანამატები, რიმელთაც სუსტი კვლევითი მტკიცებულება აქვთ
* უკონტროლო ჰეპატოპროტექტორები
* ინტერნეტ “ღვიძლის წმენდა”

ზოგჯერ თავად აზიანებენ ღვიძლს.

მნიშვნელოვანია იცოდე !

გამხდარ ადამიანსაც შეიძლება ჰქონდეს ღვიძლის გაცხიმოვნება — განსაკუთრებით თუ:

* ინსულინრეზისტენტობა აქვს
* მუცლის ცხიმი აქვს
* გენეტიკური მიდრეკილებაა
* არასწორი კვებაა მიუხედავად დაბალი წონისა.

📌” თიდანი” გირჩევთ❤️
რარიგ კარგად მარკეტინგულად შეფუთულ რეკლამასაც არ უნდა მოუსმინოთ, რომელიც იწყება ასე:

“ გეზარებათ ვარჯიში?”

და თქვენც მეტი რა გინდათ არა?😍
ტელევიზორთან დივანზე კოტრიალს რა ჯობია😊

ნუ დაიზარებთ ვარჯიშს, მეტ სიკეთეს საკუთარ თავს ვერც გაუკეთებთ❤️

“ თიდანი” მუდამ თქვენს გვერდით❤️

პერსონალური სავარჯიშო სისტემა “ თიდანის” ხელმძღვანელი
Tinatin Aladashvili

საუზმეზე წიწიბურა ჯობია თუ შვრია და რა რაოდენობით?

ინსულინრეზისტენტობის, გახდომის და დანაყრების კუთხით — ორივე კარგია, მაგრამ სხვადასხვა სიტუაციაში სხვადასხვანაირად “მუშაობს”.

შევადაროთ ეს ორი პროდუქტი:

შვრია

უკეთესია როცა გინდა:

* ნაწლავის მუშაობის გაუმჯობესება
* ქოლესტერინის კონტროლი
* ხანგრძლივი დანაყრება
* ტკბილის სურვილის შემცირება

შვრიაში არის ბეტა-გლუკანი — ბოჭკო, რომელიც ნელა უშვებს გლუკოზას სისხლში.

მაგრამ:
ზოგ ადამიანს (განსაკუთრებით ინსულინრეზისტენტობისას) სწრაფად აშიებს, თუ:

* მარტო შვრიას ჭამს
* ცილა არ ახლავს
* ზედმეტ რაოდენობას იღებს

წიწიბურა

ხშირად უკეთესია როცა:

* ინსულინის კონტროლი გინდა
* მუცლის ცხიმისკენ ხარ მიდრეკილი
* შებერილობა გაწუხებს
* უფრო “სტაბილური” ენერგია გჭირდება

წიწიბურა:

* უფრო დაბალი გლიკემიური დატვირთვისაა
* ხშირად უკეთ ანაყრებს
* შაქარს არეგულირებს

რაოდენობა რამდენი?

გახდომის რეჟიმში საშუალოდ:

მშრალი პროდუქტის რაოდენობა:

* შვრია → 40–50 გ
* წიწიბურა → 50–60 გ

ეს დაახლოებით გამოდის:

* 1/2 ჭიქა შვრია
* 1/3–1/2 ჭიქა წიწიბურა

ყველაზე მნიშვნელოვანი:

ცალკე ნახშირწყალი ნაკლებად ეფექტურია.

იდეალური იქნება საუზმე, თუ კომბინაციაში მივიღებთ:

შვრია/წიწიბურა + ცილა+ ცოტა ცხიმი

მაგალითად:

* წიწიბურა + კვერცხი + ავოკადო
* შვრია + პროტეინი/იოგურტი + ჩია
* წიწიბურა + ხაჭო
* შვრია + თხილი + დარიჩინი

თუ მუცლის ცხიმი, ინსულინრეზისტენტობა და მადის კონტროლი პრიორიტეტია ხშირად წიწიბურა უფრო “მომგებიანია” ყოველდღიურობაში .

ხოლო შვრია კარგია მონაცვლეობით, განსაკუთრებით ვარჯიშის დღეებში.

რაც შეეხება ქოლესტერინის დასაწევად ,შვრია უფრო ეფექტურია, ვიდრე წიწიბურა.

ეს არ ნიშნავს, რომ წიწიბურა ცუდია ,უბრალოდ განსხვავებული როლი აქვთ.

რატომ არის შვრია განსაკუთრებული?

შვრიაში არის სპეციალური ბოჭკო ბეტა-გლუკანი

ეს არის მთავარი “საიდუმლო”

როგორ მუშაობს:

* ნაწლავში ქმნის გელისმაგვარ მასას
* “იჭერს” ქოლესტერინს და ნაღვლის მჟავებს
* ორგანიზმი იძულებულია ახალი ქოლესტერინი დახარჯოს მათ შესავსებად

შედეგი:
LDL ( ცუდი ქოლესტერინი) მცირდებაპირდაპირი მექანიზმით.

ეს ეფექტი კლინიკურად დადასტურებულია!

წიწიბურა რას აკეთებს?

წიწიბურაც ძალიან კარგი პროდუქტია, მაგრამ:

* არ შეიცავს ბეტა-გლუკანს იმ დონეზე
* აქვს ბოჭკო -ზოგადად სასარგებლოა
* ეხმარება შაქრის სტაბილიზაციას

ანუ:

* უფრო მეტაბოლური ჯანმრთელობისთვის კარგია
* მაგრამ ქოლესტერინზე პირდაპირი ძლიერი ეფექტი ნაკლები აქვს

📌” თიდანი” გირჩევთ:
თუ კვლევებს დავეყრდნობით, ქოლესტერინის დასარეგულირებლად უპირატესობა მივანიჭოთ შვრიას, თუ ინსულინის რეგულირება გვესაჭიროება წიწიბურას.
და გახსოვდეთ პირადი დაკვირვება და საკუთარი სხეულის შესწავლა უმთავრესია და დოგმები არ არსებობს.
“ თიდანი” მუდამ თქვენს გვერდით❤️
პერსონალური სავარჯიშო სისტემა “ თიდანის” ხელმძღვანელი
Tinatin Aladashvili

ვივახშმოთ, თუ ვახშამი ჩავაგდოთ, რომელი ჯობს ღამე ცხიმის წვისთვის?

“ორგანიზმი ცხიმის წვის რეჟიმშია”, “დაზოგვის რეჟიმში გადავიდა”, “ღამე ყველაფერი ცხიმში გარდაიქმნება” ნაწილობრივ მართალია, მაგრამ…

მოდი რეალურად გავშალოთ:

1. რას ეძახიან “ცხიმის წვის რეჟიმს”?

ორგანიზმი ცხიმს ყოველთვის წვავს — უბრალოდ სხვადასხვა პროპორციით.

მაგალითად:

* ჭამის შემდეგ მეტ ენერგიას იღებს გლუკოზიდან
* შიმშილის ინტერვალში უფრო მეტად იყენებს ცხიმს

მაგრამ მთავარი კითხვა არაა:

“ამ წუთში რას წვავს?”

არამედ:

“დღის/კვირის ბოლოს კალორიული ბალანსი როგორია?”

შეიძლება ღამე ცხიმს კარგად წვავდე, მაგრამ:

* დღის განმავლობაში ზედმეტი კალორია მიიღო
და მაინც არ გახდე!

2. “დაზოგვის რეჟიმი” მართლა არსებობს?

დიახ — მაგრამ TikTok-ის სტილში არა

როცა ადამიანი:

* ძალიან ცოტას ჭამს,
* დიდხანს შიმშილობს,
* ქრონიკულად დიეტაზეა,
* სტრესშია,
* ცუდად სძინავს,

ორგანიზმი იწყებს ადაპტაციას:

* მეტაბოლიზმი ოდნავ ნელდება
* მოძრაობის სურვილი მცირდება
* ენერგიის ხარჯვა იკლებს
* იზრდება შიმშილის ჰორმონები
* სხეული “უფრთხილდება რესურსს”

ესაა “დაზოგვის რეჟიმი”.

მაგრამ:
1 გამოტოვებული ვახშმით ორგანიზმი “ცხიმის დაგროვების რეჟიმში” არ გადავა.

3. “დაგროვების რეჟიმი” როდის ხდება?

უფრო ხშირად მაშინ, როცა:

* ადამიანი მუდმივად ზედმეტ კალორიას იღებს
* მაღალი ინსულინი ხშირად აქვს
* მოძრაობა დაბალია
* კუნთოვანი მასა ცოტაა
* ძილი ცუდია
* სტრესი მაღალია

ან პარადოქსულად:

* ძალიან მკაცრი დიეტების შემდეგ
-ვინაიდან,გადამეტებული ჭამა იწყება.

4. ყველაზე საინტერესო

ვახშამი ჩავაგდოთ თუ ვივახშმოთ?

აქ მთავარი შეცდომაა იდეა:

“თუ მშიერი დავიძინე, ღამე მეტი ცხიმი დაიწვება.”

რეალურად:

ცხიმის წვას ყველაზე მეტად ხელს უშლის:

* ღამის ძლიერი შიმშილი
* სტრესული კორტიზოლი
* ცუდი ძილი
* მეორე დღეს გადამეტებული მადა

თუ ადამიანი:

* მშვიდად ივახშმებს,
* ზომიერად,
* ცილით + ბოჭკოთი,
* და 2–3 საათში დაიძინებს ,
ეს ძალიან ხშირად უკეთესია,
ვიდრე:

* მშიერი დაწოლა,
* ღამის ჭამის შეტევები,
* ცუდი ძილი,
* დილით “მგელივით” გაღვიძება.

5. ანუ ძილის წინ ჭამა შეიძლება?

დიახ — გააჩნია რა და რამდენი.

ძილის წინ:

✅ მსუბუქი, დაბალანსებული ვახშამი ხშირად უკეთესია, ვიდრე სრული შიმშილი.

მაგალითად:

* ხაჭო/იოგურტი
* კვერცხი
* თევზი
* ბოსტნეული
* ცოტა რთული ნახშირწყალი

ხშირად ეს:

* ამშვიდებს ნერვულ სისტემას
* აუმჯობესებს ძილს
* ამცირებს ღამის კორტიზოლს
* ხელს უშლის ღამით გადაძღომას.

6. როდის შეიძლება გვაწყობდეს დიდი ინტერვალი?

ზოგ ადამიანს მართლა კარგად ეხმარება:

* 12–14 საათიანი ღამის პაუზა
* ადრე ვახშამი
* ინტერვალური კვება

განსაკუთრებით თუ:

* გვიან ღამით ჭამის ჩვევა აქვს
* ინსულინრეზისტენტობა აქვს
* ღამის “ სუსნაობის” პრობლემა აქვს

მაგრამ ეს:

ყველასთვის სავალდებულო არაა!

7. ყველაზე პრაქტიკული სიმართლე

ცხიმის კლებას ყველაზე მეტად ეხმარება:

* სტაბილური კვება
* საკმარისი ცილა
* კუნთოვანი აქტივობა
* ნორმალური ძილი
* ზომიერი კალორიული დეფიციტი
* ნაკლები სტრესი

და არა:
ღამის წამება
მშიერი დაძინება
“6-ის მერე არაფრის ჭამა”

ძალიან ბევრ ქალს განსაკუთრებით ინსულინრეზისტენტობის, კორტიზოლის, მენოპაუზის დროს
მშიერი დაძინება უფრო უზრდის:

* შაქრის რყევებს
* ღამის გაღვიძებებს
* მადას
* ტკბილის სურვილს.

ამიტომ:

📌” თიდანი” გირჩევთ❤️

“ადამიანურად ვივახშმოთ და მშვიდად დავიძინოთ”

მეტაბოლურად უფრო მომგებიანია 😊

“ თიდანი” მუდამ თქვენს გვერდით❤️

პერსონალური სავარჯიშო სისტემა
“ თიდანის” ხელმძღვანელი
Tinatin Aladashvili

ვვარჯიშობ და კანი მოშვებულია ,რაღაცას არასწორად ვაკეთებ?

კანის მოშვება მხოლოდ “რამდენი დაიკელი” მაგაზე არაა დამმოკიდებული.
ხშირად მთავარი არის - რამდენად სწრაფად, რა მდგომარეობაში იყო კანი მანამდე და რას ეყრდნობა კანი შიგნიდან.

კანი ელასტიურია, მაგრამ ამ ელასტიურობას თავისი ზღვარი აქვს.
როცა დიდი ხნით არის გაწელილი (წონა, ორსულობა, შეშუპება), კოლაგენისა და ელასტინის ბოჭკოები ნაწილობრივ ზიანდება. მერე კი სხეული ყოველთვის ვეღარ “აბრუნებს” კანს ძველ მდგომარეობაში.

აი ყველაზე ხშირი მიზეზები, რატომ ვერ “ეწევა” კანი გახდომას:

1) ძალიან სწრაფი გახდომა

თუ ცხიმი სწრაფად ქრება, კანს უბრალოდ დრო არ ჰყოფნის შეკუმშვისთვის.

განსაკუთრებით:

* მკაცრი დიეტები
* შიმშილი
* ძალიან დაბალკალორიული კვება
* სწრაფი 10-20+ კგ კლება
* ბარიატრიის შემდეგ

ასეთ დროს სხეული პირველ რიგში წონას კარგავს, მაგრამ კანის აღდგენა ბევრად ნელი პროცესია.

2) დიდი ხნის განმავლობაში გადაჭიმული კანი

რაც უფრო დიდხანს იყო:

* მუცელი გაწელილი
* ცხიმოვანი ქსოვილი მოცულობითი
* ძლიერი შეშუპება

მით მეტად ზიანდება ელასტიკური ბოჭკოები.

ამიტომ ზოგჯერ:

* 5 კგ დაკლებაზე კანი კარგად ჯდება
* და სხვა შემთხვევაში 20 კგ-ის შემდეგ რჩება “ცარიელი” ქსოვილი

3) ასაკი და კოლაგენის შემცირება

ასაკთან ერთად:

* კოლაგენი მცირდება
* ელასტინი სუსტდება
* კანის აღდგენის სიჩქარე ეცემა

განსაკუთრებით:

* 40+ ასაკში
* მენოპაუზის პერიოდში
* ჰორმონალური ცვლილებების დროს

კანი ნელა რეაგირებს, თუნდაც ვარჯიშობდე.

4) საჭიროა კუნთის მშენებლობაც❤️

თუ ადამიანი:

* ბევრს დადის/დარბის, ვარჯიშობს
* მაგრამ კუნთს არ აშენებს

შედეგად ცხიმი მცირდება, მაგრამ “შევსება” არ ხდება.

კუნთი კანს ქვემოდან რელიეფს აძლევს.
ამიტომ მსუბუქი ძალოვანი ვარჯიში მოდუნებულ კანს “ქაჩავს” .

5) ძალიან დაბალი ცილა კვებაში

კანის აღდგენას სჭირდება:

* ცილა
* ამინომჟავები
* კოლაგენის სინთეზისთვის მასალა

თუ კვება სუსტია, ორგანიზმს უბრალოდ არ აქვს რესურსი.

განსაკუთრებით პრობლემურია:

* “სალათის დიეტები”
* ცილის დეფიციტი
* სწრაფი გახდომა ცილოვანი მხარდაჭერის გარეშე

6) ჰორმონები და ინსულინი

ზოგჯერ ადამიანი ვარჯიშობს, მაგრამ:

* ინსულინრეზისტენტობა
* ქრონიკული სტრესი
* მაღალი კორტიზოლი
* ცუდი ძილი
* ესტროგენის ცვლილებები

აფერხებს:

* კოლაგენის აღდგენას
* ქსოვილის ხარისხს
* ლიმფოდრენაჟს

და კანი უფრო “დაღლილად” ჩანს.

7) საკეისრო კვეთა და ნაწიბურის ზონა

განსაკუთრებით მუცლის ქვედა ნაწილში.

ნაწიბურის მიდამოში შეიძლება:

* მუცელი იყოს დაჭიმული
* ლიმფის მოძრაობა გაუარესდეს
* ქსოვილი სხვადასხვანაირად “დაჯდეს”

ამიტომ ზოგჯერ ზედა მუცელი იკლებს, ქვედა ნაწილი კი უფრო მოშვებულად რჩება.

გენეტიკა

ზოგ ადამიანს ბუნებრივად:

* უფრო მკვრივი კანი აქვს
* მეტი კოლაგენი
* უკეთესი ელასტიურობა

სხვების კანი უფრო თხელი და ადვილად მოშვებულია.

რა ეხმარება რეალურად კანს:

* ნელი და სტაბილური გახდომა
* ვარჯიში( საჭირო დროს საჭირო დატვირთვით)
* საკმარისი ცილა
* წყალი
* ძილი
* კოლაგენის მხარდაჭერა კვებით
* ლიმფოდრენაჟის და სისხლის მიმოქცევის გაუმჯობესება
* დრო

📌” თიდანი გირჩევთ ❤️

ნუ ჩქარობთ წონის სწრაფ და მკვეთრ დაკლებას.
რეალურად კანი ცოცხალი ქსოვილია და მის გამკვრივებას თავისი დრო აქვს .
ხშირად კანი ვარჯიშის პროცესში არა, მაგრამ შემდეგ თვეებში იკუმშება.
ანუ სხეული ჯერ ცხიმს კარგავს, მერე იწყებს ქსოვილის “დალაგებას”.
ამიტომ ბევრს ვარჯიშიდან 6 თვეში უკეთესი “მოჭიმული” ეფექტი აქვს, ვიდრე უშუალოდ გახდომის პიკში.
შევიტანოთ პატარა ქორექტივი კვებასა და ვარჯიშში და დრო მივცეთ საკუთარ სხეულს.
გისურვებთ წარმატებებს❤️



პერსონალური სავარჯიშო სისტემა “ თიდანის” ხელნძღვანელი
Tinatin Aladashvili

რატომ ვერ იკლებს ადამიანი, როცა „ცოტას ჭამს“?

ხშირად მეკითხებიან გოგონები:
“ აი რომ იცოდეთ რა ცოტას ვჭამ, გაგიკვირდებათ, მაგრამ ვერ ვიკლებ🥺”

რაშია საქმე?

ხშირად სინამდვილეში “ცოტა” არ არის, “ცოტა”

ან ორგანიზმი უკვე „დაზოგვის რეჟიმშია“

1. „ცოტა“ ≠ რეალურად ცოტა

* სოუსები, თხილი, „ცოტა ტკბილი“ , მხოლოდ ნახშირწყლები , პასტები, სახამებლიანი პროდუქტი, სამსახურის კაფეები , კალორიები მარტივად გროვდება
* ულუფები თვალით ხშირად გვატყუებს

შედეგი: დეფიციტი არ იქმნება

2. მეტაბოლური ადაპტაცია

დიდხანს დაბალკალორიულზე ყოფნა:

* ამცირებს ენერგიის ხარჯვას
* აძლიერებს შიმშილის ჰორმონებს

ორგანიზმი გადადის „ეკონომ რეჟიმზე“

3. კუნთის დაბალი მასა

* ნაკლები კუნთი - ნაკლები ხარჯვა
* განსაკუთრებით თუ მხოლოდ დიეტაა და არა ვარჯიშიც

4. არასწორი კომბინაციები

* ნახშირწყალი მარტო ნიშნავს სწრაფ შიმშილს( სამწუხაროდ მარხვის დროსაც იგივე ხდება)
*დაბალი ცილის დროს ორგანიზმი ვერ ნაყრდება

რეალურად უფრო ხშირად იკვებები, უბრალოდ ვერ ამჩნევ

5. სითხის შეკავება არ ნიშნავს ცხიმის მომატებას

* მარილი, ჰორმონები, სტრესი
* ციკლის ფაზები

ადამიანი ფიქრობს „არ ვიკლებ“, მაგრამ ცხიმი შეიძლება მაინც იწვოდეს

6. ფარული ჰორმონული ფაქტორები

მაგალითად: ჰიპოთირეოზი

* ანელებს მეტაბოლიზმს
* ამცირებს ენერგიას

7. ძილი და სტრესი

* ცუდი ძილი ზრდის მადას
* სტრესი ხელს უწყობს ცხიმის შენახვას

ყველაზე მნიშვნელოვანი სიმართლე

წონის კლებას სჭირდება:

* ზომიერი კალორიული დეფიციტი
* სტაბილური ინსულინი
* კუნთის შენარჩუნება

თუ ამ სამიდან ერთი მაინც აკლია - შედეგი ნელდება ან ჩერდება

ჩემი,როგორც პრაქტიკოსის დაკვირვებით ,
ხშირად ეს ადამიანები:

* „სუფთად“ ჭამენ
* მაგრამ ან ძალიან ცოტას (და აჩერებენ მეტაბოლიზმს)
* ან სწორად არ ანაწილებენ საკვებს

📌” თიდანი” გირჩევთ:
სწორი კვება და წონის კლება არ ნიშნავს “ცოტას ჭამას”.
სწორი კვება ნიშნავს ზომიერ კალორიულ დეფიციტს, სწორ ბალანსს და კომბინაციებს.

“ თიდანი” მუდამ თქვენს გვერდით❤️

პერსონალური სავარჯიშო სისტემა “ თიდანის” ხელმძღვანელი

Tinatin Aladashvili

📢 📢 📢 აქცია მხოლოდ 3️⃣ დღით !

4️⃣მაისიდან 6️⃣ მაისის ჩათვლით გთავაზობთ ფასდაკლების აქციას :

✅ ულტრაბგერითი კავიტაცია - ლოკალური ცხიმის დაშლა

✅ იქ სადაც ცხიმი ყველაზე ჯიუტია

✅ ტანის RF ლიფტინგი - კანის გამკვრივება , რელიეფის გასწორება

✅ ვაკუუმ მასაჟი- ლიმფოდრენაჟი

✅ ლიპოლაზერი - ცხიმის შემცირება

6️⃣ სეანსი -1️⃣ 8️⃣ 0️⃣₾ ( 3️⃣0️⃣0️⃣₾ ნაცვლად )
(🕕 სესიის ხანგრძლივობა 45 წუთი)

8️⃣ სეანსი-2️⃣4️⃣0️⃣ ₾ (4️⃣0️⃣0️⃣₾ ნაცვლად )
( 🕕 სესიის ხანგრძლივობა -45 წუთი )

☑️ამცირებს ლოკალურ ცხიმს
☑️აუმჯობესებს სხეულის ფორმებს
☑️ეფექტურია ცელულიტთან ბრძოლაში
☑️უსაფრთხო და უმტკივნეულო პროცედურა

🔴 სიახლე ❗️❗️❗️

აპარატურული მასაჟის გარდა ესთეტიკ სტუდიოში გთავაზობთ სერტიფიცირებული, მაღალკვალიფიციური მანუალური მასაჟისტის მომსახურებას ;

☑️ლიმფოდრენაჟის
☑️ანტიცელულიტის
☑️სარელაქსაციო
☑️ სამკურნალო
☑️ლოკალური ზონების საკორექციო მასაჟები

ფასები:

30 ლარიდან- 70 ლარამდე

მაქსიმალური შედეგისთვის აუცილებელია რეკომენდაციების დაცვა !
გპირდებით სწორ მიდგომას და რეალურ შედეგს !

🎀 ბონუსად თქვენზე მორგებული კვების გეგმა.

სხეულის კავიტაცია- ფორმირების უსაზღვრო შესაძლებლობები და მეტი, რომ თავი კარგად იგრძნოთ.

🔅მოგვწერეთ ან დაგვიკავშირდით ნომერზე
🔅დღეები და დროები შეზღუდულია და აუცილებელია წინასწარ შეთანხმება

📞593 32 67 87

📍პეკინის 9( მეტრო ტექნიკურის ამოსასვლელთან)

ქოლესტერინი მტერი არ არის მთავარია ბალანსი💛

ქოლესტერინი ორგანიზმს სჭირდება: ჰორმონებისთვის, უჯრედებისთვის, ვიტამინებისთვის.
პრობლემა იწყება მაშინ, როცა ირღვევა ბალანსი:

LDL (“ცუდი”), ქოლესტერინი როცა მაღალია ,გროვდება სისხლძარღვებში

HDL (“კარგი”) , ქოლესტერინი კი ასუფთავებს და იცავს სისხლძარღვებს

მთავარი არ არის „ნულამდე დაყვანა“,
არამედ — LDL უნდა დავწიოთ და HDL ავწიოთ.

5 პროდუქტი, რომელიც ეხმარება “ცუდი” ქოლესტერინის (LDL) შემცირებას :

1. შვრია

მიზეზი: ბეტა-გლუკანი

* პირდაპირ ამცირებს LDL-ს
* “გამოაქვს” ქოლესტერინი ორგანიზმიდან

2. ცხიმიანი თევზი

(სალმონი, სკუმბრია, სარდინი, ორაგული)

შეიცავს: ომეგა-3 ცხიმოვანი მჟავები

* ამცირებს ანთებას
* აუმჯობესებს ლიპიდურ პროფილს
* ეხმარება HDL-ს ზრდაში

კვირაში 2–3-ჯერ — იდეალურია

3. სელის თესლი

ბუნებრივი “მინი-წამალი”

* ამცირებს LDL-ს
* ბოჭკო + ომეგა-3 ერთად
* ეხმარება ჰორმონულ ბალანსსაც

1 სუფრის კოვზი ყოველდღე

4. ზეითუნის ზეთი (Extra Virgin)

შეიცავს: მონოუჯერებელი ცხიმებს

* ამცირებს “ცუდ” ქოლესტერინს
* იცავს სისხლძარღვებს
* ანთების საწინააღმდეგოა

ყოველდღე, მაგრამ ზომიერად (1–2 ს.კ.)

5. პარკოსნები (ოსპი, ლობიო, წიწიბურაც ნაწილობრივ)

ძლიერი ბოჭკო

* ამცირებს ქოლესტერინის შეწოვას
* აჯერებს დიდხანს
* ინსულინსაც აბალანსებს

კვირაში 3–4-ჯერ

✔️ შვრია — შეიცავს ბოჭკოს, რომელიც ამცირებს LDL-ს

✔️ ცხიმიანი თევზი — ომეგა-3 იცავს სისხლძარღვებს

✔️ სელის თესლი — ბუნებრივი დამხმარე ლიპიდებისთვის

✔️ ზეითუნის ზეთი — კარგი ცხიმები -უკეთესი ბალანსი

✔️ პარკოსნები — ამცირებს ქოლესტერინის შეწოვას


მაქსიმალურად ამოიღეთ:

* მარგარინი
*მაიონეზი, კეტჩუპი
* შემწვარი
* ტრანსცხიმები
* ძეხვეული
* ცხიმიანი ხორცი

📌” თიდანი” გირჩევთ❤️

როცა მიგვაჩნია, რომ სწორად ვიკვებებით, ვვარჯიშობთ და შედეგი მაინც სათანადო ვერაა, მხოლოდ ინსულინის და ფარისებრის გამოკვლევა არასაკმარისია! გადაამოწმეთ ლიპიდური სპექტრიც და გახსოვდეთ, დაავადების დედა მაინც კვებაშია.
როგორც არ უნდა მიგაჩნდეთ, რომ სწორად იკვებებით და არაფერს არღვევთ, პატარა კორექტივებსაც კი კვებაში მნიშვნელოვნად შეუძლიათ შედეგის გაუმჯობესება.
და არა: “სავარჯიშო პროგრამა გამირთულეთ, ალბათ არასაკმარისად ვვარჯიშობ”😊
პატარა ცვლილებები = დიდი შედეგს❤️

პერსონალური სავარჯიშო სისტემა “ თიდანის” ხელმძღვანელი
Tinatin Aladashvili