31/08/2026
🤍 ვინ დგას ციცის ტანმოვარჯიშეების უკან?
მე ვარ ციცია და ჩემი ცხოვრების ყველაზე დიდი ნაწილი მხატვრულ ტანვარჯიშს უკავშირდება🤸🏻♀️
ჩემი სპორტული გზა 1997 წელს დაიწყო და 2012 წლამდე გაგრძელდა. ეს იყო წლები, რომლებმაც ძალიან ბევრი რამ მასწავლა — დისციპლინა, შრომა, მოთმინება, გამარჯვება, მარცხი და ყველაზე მთავარი — არასდროს არ დავნებდე რაც არ უნდა მოხდეს ❤️🔥
2005–2012 წლებში ვირიცხებოდი საქართველოს ეროვნული ნაკრებში. ვარ საქართველოს ვიცე-ჩემპიონი 🥈 და ცალკეულ საგნებში საქართველოს ჩემპიონი 🏆 ასევე საერთაშორისო ტურნირების პრიზიორი და ევროპისა და მსოფლიო ჩემპიონატების მონაწილე 🇬🇪🌍
2012 წელს სპორტული კარიერა დავასრულე, თუმცა ტანვარჯიშთან დამშვიდობება ვერ შევძელი … 🤍 ჩემი გზა მწვრთნელის რანგში გავაგრძელე.
ძირითადად დამწყებ ტანმოვარჯიშეებთან ვმუშაობ და ალბათ ყველაზე მეტად სწორედ ეს ეტაპი მიყვარს მათ სპორტულ კარიერაში 🥹🤍
მათი პირველი ნაბიჯები …
პირველი ვარჯიში …
პირველი შეჯიბრი …
პირველი გამარჯვება … 🏆
პირველი ცრემლი და პირველი იმედგაცრუება … 🥺
მიყვარს იმის ყურება, როგორ იცვლებიან წლების განმავლობაში — როგორ იზრდებიან ფიზიკურად, როგორ უყალიბდებათ ძლიერი ხასიათი, როგორ ხდებიან მეტად თავდაჯერებულები და საკუთარი თავის რწმენა სხვა განზომილებაში გადადის ✨
მსურს, ამ წლების განმავლობაში მიღებული გამოცდილება ცხოვრებაშიც გამოიყენონ — იყვნენ უფრო მოქნილები, დამოუკიდებლები, პრაქტიკულები და თავდაჯერებულები. არ შეეშინდეთ სირთულეების, შეცდომების და ახალი გამოწვევების 💪🏻
რადგან სპორტი ერთ ძალიან მნიშვნელოვან რამეს გასწავლის: შეიძლება დღეს დაეცე … მაგრამ ყოველთვის შეგიძლია წამოდგე და ხვალ უფრო ძლიერი გახდე ❤️🔥
თუ მკითხავენ, რატომ მიყვარს ჩემი საქმე, პასუხი მარტივია: იმიტომ, რომ მე მხოლოდ ტანმოვარჯიშეებს არ ვზრდი … მე მინდა, პატარა ადამიანებს დავეხმარო, გახდნენ ძლიერი ადამიანები 🤍
ეს არის ჩემი პატარა ისტორია …
ეს არის ჩემი უპირობო სიყვარული მხატვრული ტანვარჯიშის მიმართ …
და ეს არის ციცის ტანმოვარჯიშეები 🤸🏻♀️
