Lela & Bela cup- 2018, Telavi

Day 3 ✌️:)

The second day of the tournament 🥰

Opening Ceremony 👑

During the break☕ weather is on our side 🌞 🌻🍇

-Sometimes two bishops are equal to Queen👑
Girls: what? 🤔😄

1st Round ✌️

The view from the hotel dining room! Lela&Bela cup 2019 international rapid tournament will start today!

https://www.facebook.com/105674586171570/posts/2164857590253249/

Девять с половиной | chess-news.ru В колыбели грузинского виноделия - Телави - прошёл женский турнир по быстрым шахматам. Три дня и три ночи Евгений Суров не отходил от участниц, и вот что из этого выш....

დღეს, თელავის მუნიციპალიტეტის სოფელ წინანდალში, ალექსანდრე ჭავჭავაძის სახლ-მუზეუმში, თელაველი მოჭადრაკეების, საერთაშორისო დიდოსტატების - ბელა ხოტენაშვილისა და ლელა ჯავახიშვილის სახელობის ქალთა საერთაშორისო საჭადრაკო ტურნირი დაიწყო. ღონისძიება თელავის მუნიციპალიტეტის მერიის ა(ა)იპ სპორტულ კლუბთა გაერთიანების ორგანიზებით და კომპანია GWS-ის მხარდაჭერით უკვე მესამედ ტარდება და ყოველწლიურად უფრო დიდ მასშტაბებს იძენს. წლევანდელ ტურნირში მონაწილეობას იღებენ:

ლელა ჯავახიშვილი (საქართველო) - საქართველოს ეროვნული ნაკრების წევრი, საერთაშორისო დიდოსტატი, ოლიმპიური ჩემპიონი, მსოფლიო ჩემპიონი საქართველოს ეროვნულ ნაკრებთან ერთად;

ბელა ხოტენაშვილი -(საქართველო) - საქართველოს ეროვნული ნაკრების წევრი, საერთაშორისო დიდოსტატი ოლიმპიური პრიზიორი, მსოფლიო ჩემპიონი საქართველოს ეროვნულ ნაკრებთან ერთად;

ანა მათნაძე (ესპანეთი) - ესპანეთის ეროვნული ნაკრების წევრი, საერთაშორისო დიდოსტატი, ევროპის და მსოფლიოს მრავალგზის ჩემპიონი სხვადასხვა ასაკობრივ კატეგორიაში, ოლიმპიური პრიზიორი, ესპანეთის მრავალგზის ჩემპიონი;

ნატალია ჟუკოვა (უკრაინა) - საერთაშორისო დიდოსტატი, ევროპის ორგზის ჩემპიონი, ოლიმპიური ჩემპიონი, მსოფლიოს და ევროპის ჩემპიონი უკრაინის ეროვნულ ნაკრებთან ერთად;

ნინო ბაციაშვილი (საქართველო) - საქართველოს ეროვნული ნაკრების წევრი, საერთაშორისო დიდოსტატი, ევროპის ვიცე ჩემპიონი, მსოფლიო ჩემპიონი საქართველოს ეროვნულ ნაკრებთან ერთად;

სალომე მელია (საქართველო) - საქართველოს ეროვნული ნაკრების წევრი, საერთაშორისო დიდოსტატი, ევროპის ვიცე-ჩემპიონი, ოლიმპიური პრიზიორი, მსოფლიოს ჩემპიონი საქართველოს ეროვნულ ნაკრებთან ერთად;

სოფო ხუხაშვილი (საქართველო) - საქართველოს ეროვნული ნაკრების წევრი, საერთაშორისო დიდოსტატი, ევროპის გუნდური ჩემპიონატის ვერცხლის პრიზიორი, ოლიმპიური ჩემპიონი;

ნინო მაისურაძე (საფრანგეთი) - საერთაშორისო დიდოსტატი, წლების მანძილზე საფრანგეთის ეროვნული ნაკრების წევრი, საფრანგეთის მრავალგზის ჩემპიონი;

მერი არაბიძე (საქართველო) - საქართველოს ეროვნული ნაკრების წევრი, საერთაშორისო დიდოსტატი, მსოფლიო ჩემპიონი სხვადასხვა ასაკობრივ კატეგორიაში, მსოფლიო ჩემპიონი საქართველოს ეროვნულ ნაკრებთან ერთად;

ქეთი წაწალაშვილი (საქართველო) – საერთაშორისო დიდოსტატი, მსოფლიოს და ევროპის ჩემპიონი ასაკობრივ კატეგორიაში, აგრეთვე საერთაშორისო კომენტატორი.

მთავარი მსაჯი - სალომე სირაძე.

ქალთა საერთაშორისო ტურნირის გახსნას ესწრებოდნენ: თელავის მუნიციპალიტეტის მერი - შოთა ნარეკლიშვილი, მერის მოადგილე - გურამი გურაბანიძე, თელავის მუნიციპალიტეტის საკრებულოს თავმჯდომარის მოადგილე - გიგა ორკოდაშვილი, საქართველოს ჭადრაკის ფედერაციის პრეზიდენტი გია გიორგაძე, თელავის მუნიციპალიტეტის ადგილობრივი თვითმმართველობის წარმომადგენლები, გულშემატკივრები და მოწვეული სტუმრები.

ღონისძიება თელავის მუნიციპალიტეტის მერიასთან არსებული ფოლკლორული ანსამბლი - „პატარა კახი“-ს (ხელმძღვანელი - ბექა ბიძინაშვილი) მიერ შესრულებული „მრავალჟამიერით“ გაიხსნა, რის შემდეგაც, თელავის მუნიციპალიტეტის მერმა - შოთა ნარეკლიშვილმა სიტყვით მიმართა დამსწრე საზოგადოებას. მან მადლობა გადაუხადა მონაწილეებს, ორგანიზატორებსა და მხარდამჭერებს თელავში ჭადრაკის განვითარებაში შეტანილი წვლილისთვის და ტურნირის წარმატებით დასრულება უსურვა. თელავის ჭადრაკის სასახლის აღდგენის სურვილი გამოთქვა საქართველოს ჭადრაკის ფედერაციის პრეზიდენტმა - გია გიორგაძემ. მან, თელავის მუნიციპალიტეტის მერიას, შენობის რეაბილიტაციის შემთხვევაში, ინვენტარითა და ბეჭდური მასალით უზრუნველყოფა აღუთქვა.

ლელა ჯავახიშვილმა და ბელა ხოტენაშვილმა მადლობა გადაუხადეს ორგანიზატორებსა და მხარდამჭერებს ტურნირის დაარსებისთვის და აღნიშნეს, რომ მსგავსი შეჯიბრებები იშვიათად ტარდება, რის გამოც თელავი ერთ-ერთი მოწინავე მუნიციპალიტეტია და მნიშვნელოვანი წვლილი შეაქვს ქალთა ჭადრაკის განვითარებაში.

დასრულდა ლელა ჯავახიშვილისა და ბელა ხოტენაშვილის სახელობის საერთაშორისო ტურნირი ჭადრაკში, რომელიც თელავის მუნიციპალიტეტის სოფელ წინანდალში ალექსანდრე ჭავჭავაძის სახლ-მუზეუმში მიმდინარეობდა. ტურნირში მონაწილე ათი საერთაშორისო დიდოსტატიდან საპრიზო ადგილები სწორედ თელაველმა გოგონებმა გაინაწილეს - ლელა ჯავახიშვილი საკუთარი სახელობის ტურნირის გამარჯვებული გახდა, ხოლო მეორე და მესამე ადგილები ქეთი წაწალაშვილმა და ანა მათნაძემ დაიკავეს.
ტურნირი მეგობრულ გარემოში ურთულესი პარტიების გათამაშებით მიმდინარეობდა, რამაც კიდევ ერთხელ ხაზი გაუსვა ღონისძიების საერთაშორისო დონეს და თელავის საჭადრაკო პოტენციალს.

ტურნირის მონაწილეები თელავის მუნიციპალიტეტის მერმა შოთა ნარეკლიშვილმა, მერის მოადგილემ გურამი გურაბანიძემ, თელავის მუნიციპალიტეტის საკრებულოს თავმჯდომარის მოადგილემ - გიგა ორკოდაშვილმა, თელავის მუნიციპალიტეტის ადგილობრივი თვითმმართველობის წარმომადგენლებმა, კახეთის მხარეში სახელმწიფო რწმუნებულის - გუბერნატორის აპარატის თანამშრომლებმა და თელავის მუნიციპალიტეტის მერიის დაქვემდებარებაში მყოფი ა(ა)იპ-ების ხელმძღვანელებმა დააჯილდოვეს. ტურნირის საერთაშორისო მსაჯს - სალომე სირაძეს მადლობა გადაუხადა და თაიგული გადასცა ტურნირის დამაარსებლის, ჭადრაკის დიდი ქომაგის ჯიმშერ ჯავახიას ქალიშვილმა - ნატო ჯავახიამ. ღონისძიების მხარდამჭერი კომპანია GWS-ის წარმომადგენლებმა კი საკუთარი რჩეული დაასახელეს და სპეციალური პრიზით დააჯილდოვეს. GWS-ის რჩეული ნინო მაისურაძე გახდა (საერთაშორისო დიდოსტატი, წლების მანძილზე საფრანგეთის ეროვნული ნაკრების წევრი, საფრანგეთის მრავალგზის ჩემპიონი), რომელიც ტურნირში საფრანგეთის სახელით მონაწილეობდა.

სამი დღის განმავლობაში ტურნირის მონაწილეებს საშუალება ჰქონდათ დაეთვალიერებინათ თელავის ღირსშესანიშნაობები და გაცნობოდნენ მის კულტურასა და ისტორიას. ღონისძიების დასასრულს კი კომპანია GWS-მა მათ საკუთარ ტერიტორიაზე მცირე ექსკურსია და არაჩვეულებრივი გამოსამშვიდობებელი საღამო მოუწყო.

ტურნირის შედეგების შესახებ სრული ინფორმაცია იხილეთ ბმულზე:

http://chess-results.com/tnr375876.aspx?lan=1&art=4

Opening ceremony
Live games
https://www.chessbomb.com/arena/2018-lela-bela