06/01/2024
🇬🇱NUUMMI apummik sisoortoqarsinnaaneranik ilimasaarut
🇩🇰Sneskred varsel – NUUK
🇺🇸Snow avalanche forecast bulletin – NUUK
🇬🇱Navianassuseq:
Navianassusseq 3 – Annertuumik apummik sisoortoqarsinnaanera navianaateqarpoq
🛑Pingaarnertut paasititsiniut:
Manngertat nutaat eqqumaffigikkit. Apummi pisoqqami ataavartumik qajannartunik akunneqarput.
❗️Aputip sisoorsinnaaneranik naliliineq:
Pingasunngormamiit tallimanngorneq ilanngullugu anorlingaatsiarpoq annertuumillu apilluni. Anorrip aput manngertanngortippaa apummut pisoqqamut suli nippusimalluanngitsoq. Sila akunnerup naanerani pitsanngornissaa naatsorsuutaavoq, piffisamilu tassani manngertat kiaatsumik patajaannerulissallutik.
Apummi itinerusuni sialummit aput sikumik qalippersimasumik tarrisimasumik peqarpoq, qaammat ataatsip siorna pilersumit. Aputip nutaap pisoqqallu nippussinnaanerat ajornarpoq sukkutut ittunik apummik akunneqaramik.
🚩Apummik sisoortoqarsinnaaneranik peqqutaasinnaasut:
- Anorrimit aput katersaq (manngertaq sisoorsinnaasoq). Sivinganerusuni amerlasuuni aput ajornanngitsumik sisoortissinnaavat. Aput sisoortoq inummik matoorussisinnaavoq (angissuseq 2).
- Ataavartumik aput qajannartumik akunnilik (manngertaq sisoorsinnaasoq). Sivingasut ilaanni aput ajoranngitsumik sisoortissinnaavat. Piffinni aalajangersismasuni aputip sisoortut katersuuffiini ima annertutigisinnaapput ajunaarnermik kinguneqarsinnaallutik (annertussuseq 1).
❄️Apisarnerata ineriartornera:
Ukiup naanerani sapaatip akunnera kingulleq sila ajunngeriarluni, silap ajortinnerata aput qajannartoq pilersippaa. Manngertat aput pisoqaq arlaleriarluni aattarlunilu qereqqittarsimavoq, sikumik apummillu sukkutut ittumik akunneqarluni.
Tamaat isigissagaanni suli aput killilimmik nuna qallersimavaa, apummik aqitsumik, manngertanillu manngersunik nunamillu saqqumisunik akunneqarluni. Pukkinnerusumi aput taamaallaat sivingasuni ikitsuni nassaassaavoq, portunerusunili annertuniersumik aputeqarluni. Portunerusuni annertunersumik apummik sisoortoqarsinnaavoq.
⛅️Nunap timaani silassaq:
• Arfininngorneq 06.01.2024
Apissaaq
07/11/2023
29/05/2023
18/05/2023
17/05/2023
01/05/2023
16/04/2023
26/03/2023