20/09/2026
بسم الله والصلاة والسلام على رسول الله،
بعد البيان الصادر، تحبّ المجموعات الأربعة توضّح اللي الخلافات والإشكاليات اللي صارت في الفترة الأخيرة تمّ تجاوزها بالحوار والتفاهم بين جميع الأطراف، وبحضور الإخوة الكل.
اللي يجمعنا أكبر من أي اختلاف، والكل متّفق على حاجة وحدة: مصلحة النادي الإفريقي، ووحدة المنعرج الشمالي، والحفاظ على قيم ومبادئ الكورفا.
اليوم، الصفحة هاذي تسكّرت، والهدف متاعنا واضح: نرجعوا يد وحدة، صوت واحد، وراية وحدة، ونخليوا المدرجات ديما المكان اللي تتجسّد فيه روح الإفريقي، بعيد على كل ما ينجم يخلق التشنّج أو يهدّد استقرار المجموعة.
نوجّهوا رسالة لكل جماهير النادي الإفريقي: المنعرج الشمالي ملك للإفريقي ولجماهيرو، وقوّتنا ديما في وحدتنا.
من توا، نركّزوا على الأهم: النادي، المدرج، والألوان.
تحيا الإفريقي ❤️🤍
تحيا الكورفا نورد
والمجد لكل من يخدم على مصلحة النادي ووحدته.
