09/06/2026
板神鉄板燒日本料理 (信和廣場)
板神鐵板燒🔥六周年感謝祭套餐💰癲價❗️
👍🏻餐廳環境寬敞舒適，有睇到海景既包廂位置🌊
👍🏻6月19-21日期間，11:30 有得欣賞即場解魚，套餐仲可以升級做A5和牛薄燒
👍🏻哩個套餐原價要$1196，而家做緊癲價 $598，真係好抵❗️優惠係星期六、日同公眾假期午市限定❗️
🔥六周年感謝祭套餐💰癲價❗️$598
🔸沙律、吞拿魚刺身五點
沙律菜新鮮，醋汁酸甜開胃；吞拿魚刺身有赤身、中拖羅、大拖羅等部位，每一片都係厚切，肥美鮮嫩，充滿魚油香。
🔸南非鮑魚
超級新鮮，口感爽彈，只係簡單調味，就已經帶出鮑魚嘅鮮味。
🔸煎吞拿魚
吞拿魚經過香煎，表面焦脆香口，入面鎖住晒魚汁，質感嫩滑，魚油豐富。
🔸龍蝦（半隻）
龍蝦新鮮，肉質爽彈鮮甜，加上用龍蝦膏製作既醬汁，真係完美既配搭。
🔸鵝肝
鵝肝煎到外脆內軟，味道甘香，油香濃郁，配上多士，又能減少油膩感。
🥩日本A5和牛薄燒
A5和牛一咬落去，油花滿佈口腔，和牛包住好多蔥同菇，香氣十足。而唔食牛既，可以揀豚肉薄燒，非常貼心。
套餐仲有日式炒飯、漬物、湯同砂糖多士做甜品，成餐飯食完真係非常滿足。
💥套餐最吸引係可以無限次免費追加指定食物❗️❗️追加嘅款式仲要好有誠意，包括：南非鮑魚、吞拿魚刺身、美國牛肉薄燒、鵝肝、日本番薯、日本南瓜、同埋砂糖多士，性價比超高❗️非常推薦👍🏻
📍位置：銅鑼灣告士打道255-257號信和廣場1樓103號舖
#銅鑼灣美食 #鐵板燒 #慶祝
16/09/2025
安心購
馬來西亞 D197 貓山王榴槤冰皮月餅🥮🏮💕
🎑中秋節就黎到啦😍當然唔少得食月餅啦❗今次要介紹既就係 既馬來西亞 D197 貓山王榴槤冰皮月餅🥮用上100% 純正貓山王果肉，真係岩曬榴槤控啊💥🤤
🥮馬來西亞 D197 貓山王榴槤冰皮月餅
💰HKD368/盒，月餅一盒有六件，榴槤味相當濃厚，肉質細膩綿密，更帶有濃郁奶香，真係相當好食🤤
而家購買月餅仲會附送漆皮貓王保溫冰袋及精緻燈籠禮盒，附有燈飾及裝飾組件，可以DIY 組裝發光燈籠🏮(限量500套咋!) 食得又玩得，啱晒大人同小朋友😆💕💕
@安心購
📍售賣點
🔺太子花園街232號，F店，地下，安心購
🔺油麻地新填地街果欄路段4號地舖，安心購
01/07/2025
鉄人旨花
高質龍蝦鐵板燒🦞🔥10周年半價優惠💰❗️
👍🏻餐廳環境闊落舒適，有食廚師發辦既長吧檯位置，能夠睇到師傅烹調食物既半圓鐵板燒枱，仲有獨立包廂位置
👍🏻而家有10周年超抵半價優惠，以及各種加購優惠，非常抵食❗️
✨🦞澳洲龍蝦和牛 二人前 半價$1340 （原價$2680）
🦐手作前菜
前菜有櫻花蝦茶碗蒸，入面有蟹柳、櫻花蝦及銀杏，入口蛋味香濃，質感滑溜。
🥗蔬菜沙律
是日沙律係和風沙律，沙律菜新鮮爽脆，再淋上柚子酸汁，味道酸甜開胃。
🐟時令刺身或燒帶子
時令刺身有鯛魚、三文魚及赤蝦。鯛魚軟滑，帶有魚油香；三文魚肥美；赤蝦清甜彈牙。因為我懷孕嘅關係👶🏻餐廳好貼心幫我將刺身改做燒帶子，帶子新鮮，外帶焦香，肉質嫩滑，配上烤過嘅茄子，口感豐富。
🐠洋蔥汁煮深海白鱈魚
白鱈魚燒至焦香，用上和風洋蔥汁烹調，魚肉細緻嫩滑，洋蔥清甜，醬汁惹味，再加上煎到香脆既魚皮，配搭埋一齊非常好食👍🏻
🦞活原隻澳洲龍蝦
澳洲龍蝦大隻肉厚，入口味道鮮甜，肉質爽彈，配搭味道濃郁既配海膽龍蝦膏南瓜忌廉汁，真係忍唔住一啖接一啖，蝦膏香濃嘅味道，將蝦肉鮮味提升，好食推介👍🏻
🌟 #優惠情報🌟
而家加購南非鮑魚只係$88，所以我地都加左一隻❗️南非鮑魚夠晒大隻，而且新鮮生猛。師傅將鮑魚燒至半熟，再加上牛油及日式醬油烤香。鮑魚有三種食法：原味鮑魚帶有牛油香；配上檸檬汁後清新開胃；配上海苔忌廉汁 有少許奶油香。
🍄季節時疏
季節時疏係日本白花菇，非常厚肉，入口彈牙，味道香濃。
🔥🥩日本北海道產A5和牛薄燒或厚燒
薄燒嘅A5和牛，師傅將和牛包上炸蒜片及香蔥再燒製。和牛及炸蒜味道非常夾，食落有蒜香，帶出和牛香氣。
厚燒嘅A5和牛肉質軟腍，牛味突出，而且多肉汁，油脂豐富，非常好食👍🏻配菜仲有羽衣甘藍、蒜片同番薯仔～
建議大家第一嚿先食原味，亦可以點少少鹽，或者加上Wasabi、蒜片一齊食～
🍚鉄板炒飯
鉄板炒飯配料有煙肉、香蔥、雞蛋、洋蔥及蘿蔔粒。師傅將飯炒到粒粒分明，非常香口。
🥣自家豆乳鮮鷄湯
雞湯入面有椰菜及菇菌，充滿豆香，味道清甜。
🍈甜品
甜品我地揀左柚子雪葩及靜岡蜜瓜，柚子雪葩酸酸甜甜，質感幼滑，仲有粒粒柚子，增加口感；靜岡蜜瓜味道清甜，而且非常多汁，超級好食👍🏻
🌟 #優惠情報🌟
除左有優惠價嘆鐵板燒餐🔥
仲有其他加購優惠，包括👇🏻
鐵板燒活龍蝦$288蚊一隻
鐵板燒活鮑魚$88蚊一隻
同埋特價鐵板燒及廚師發辦套餐❗️
🔥 鉄人旨花
📍位置：銅鑼灣謝斐道477-481號肇明大廈2樓
17/04/2025
算甚麼人
流年運程測算分享💕
✨唔知大家平時有冇算開流年🤔今次就同大家分享一下我最近既算流年經歷。今年既流年，我搵左楊天命師傅嘅學生👉🏻馬師傅 幫忙測算，仲提供咗好多實用建議💕
💡算流年過程
喺約時間面見後，需要先提供出身年月日時比師傅，之後師傅會預先測定運程，到見面嗰日，就可以即時進行講解。
一坐低之後，師傅會先同你講解八字，分析性格特質，再就事業、感情、健康等等逐一講述，有問題可以即時發問。
之後仲會逐個月仔細講解需要留意嘅地方，以及相應嘅建議，相當完善。
而且師傅仲會有售後服務，之後如果有咩問題，都可以透過電話同師傅聯絡，師傅仲會提供一份完整嘅運程批文，所以唔使怕記唔住師傅講嘅嘢，真係好細心💕
如果大家有算流年既需要，都可以不妨一試～
店舖IG:
📍門市位置：觀塘鴻圖道55號幸運工業大廈13樓
（將會搬到土瓜灣）
18/01/2025
CARVER
悠閒半自助午餐🍴
👍🏻餐廳環境雅致，寬敞舒適，餐廳中間嘅位置放有半自助嘅沙律吧、甜品吧
✨週末半自助午餐
🥗沙律及冷盤
沙律有唔同嘅配料，包括鴨胸蜜桃、粟米大蝦、燒吞拿魚沙律、泰式牛肉、魷魚蘑菇，啦、薯仔沙律、蘆筍沙律等，個人推介泰式牛肉，味道酸酸辣辣，非常開胃。另外旁邊仲有煙肉、三文魚及芝士條。
🥣蘑菇湯及餐包
餐廳嘅蘑菇湯同餐包都係自助，蘑菇湯濃郁細滑；餐包可以配上黑醋及橄欖油。
🦪前菜
焗生蠔有兩款口味，分別係Rockefeller菠菜忌廉及Kilpatrick芝士煙肉。菠菜忌廉充滿淡淡奶香；芝士煙肉味道充滿咸香。
🐑Lamb Rump
其中一款主菜叫左香烤羊臀肉，配菜有田園蔬菜及薯蓉。羊肉鮮嫩，無羊臊味，配上法式芥末味道好夾，另外薯蓉非常細滑，充滿牛油香。
🐂Russian Striploin-Prime
另一款主菜叫左俄羅斯頂級西冷牛排，配菜有田園蔬菜。牛扒外脆內嫩，肉味濃郁，亦係非常好食。
🍮甜品
甜品種類都幾多，有焦糖燉蛋、意式奶凍、芝士餅、馬卡龍、蝴蝶酥、暖朱古力布甸及麵包布甸等，個人特別推介焦糖燉蛋，幼滑富蛋香，蝴蝶酥亦係香脆好味。
📍位置：銅鑼灣禮頓道8號香港銅鑼灣皇冠假日酒店1樓
30/11/2024